ტორპედო ლეგიონერებზე უარს ამბობს

ქუთაისური კლუბი უცხოელებით გაძლიერებამდე ჯერ ბაზისა და ინფრასტრუქტურის მოწესრიგებას აპირებს ჩვენი ჩემპიონატის პირველი ეტაპი დასრულებული არ იყო, როდესაც ქუთაისის "ტორპედოს" მმართველებმა პირველი შენაძენით მოიწონეს თავი. გია მეგრელაძისა და რეზო გოცირიძის გადაბირების ამბავი უკვე ცნობილია. მიმდინარეობს მოლაპარაკება შოთა კაშიასთან და კლუბის მენეჯერი დავით ყენია ამბობს, რომ თბილისის "დინამოს" ყოფილი კაპიტანი ქუთაისელებს მნიშვნელოვნად გააძლიერებს. ჩვენი ინფორმაციით კი, კაშიას მეორე საინტერესო წინადადებაც გააჩნია - მას რუსთავის "ოლიმპში" გადასვლასაც სთავაზობენ.ყენია ადასტურებს, რომ ჯაბა ლიპარტიასთან მოლაპარაკება ჰქონდათ, მაგრამ 23 წლის ფლეიმეიკერით აზერბაიჯანის ერთ-ერთი უმდიდრესი კლუბი "ყარაბახი" დაინტერესდა და ლიპარტიამ გასინჯვაზე წასვლა ამჯობინა. "ვიტ ჯორჯიას" ფეხბურთელებით დაინტერესებას კი ყენია უარყოფს:"დაიწერა, თითქოს არაერთ ვიტელს ვიწვევდით, რაც სიმართლეს არ შეეფერება. კლიმიაშვილის ამბავი უკვე იცით და აღარ გავიმეორებ. რეალურად, ლიპარტიასა და კლიმიაშვილის გარდა, სხვა ფეხბურთელებთან მოლაპარაკება არც გვქონია".როგორც დავადგინეთ, "ტორპედო" ზამთრის სატრანსფერო პერიოდში უცხოელების ჩამოყვანას აღარ აპირებს."უცხოელების ჩამოყვანას მართლაც ვფიქრობდით, აფრიკელი მოთამაშეებიც შევარჩიეთ და მათი გასასინჯად მოწვევაც გვსურდა, მაგრამ საბოლოოდ ჩანაფიქრზე ხელი ავიღეთ. რატომ? ზაფხულამდე "ტორპედოს" ინფრასტრუქტურა მოეწყობა, ბაზა შერემონტდება და ფინანსური ნაკადი ამ საჭიროებას მოხმარდება. მშენებლობები მაისისთვის დასრულდება და უცხოელებით გაძლიერებას ამ დროისთვის ვაპირებთ. ახლა კი ქართველ ფეხბურთელებს დავჯერდებით. ვფიქრობ, წლეულს დასახული მიზნების მიღწევას ქართველი ფეხბურთელებითაც შევძლებთ", - გვითხრა ყენიამ.შევიტყვეთ ისიც, რომ გელა სანაიას, რომელმაც უცხოეთში სასწავლებლად წასვლის მოტივით თქვა"ტორპედოში" მუშაობაზე უარი, მთავარ მწვრთნელობას არ სთავაზობდნენ. ინფორმაცია სანაიასთან გადავამოწმეთ."ჩემთვის გასახარი იყო "ტორპედოს" ხელმძღვანელთა ყურადღება, მაგრამ ქუთაისში მთავარ მწვრთნელობას არ მთავაზობდნენ. ლაპარაკი იყო ტექნიკურ საკითხებში და კლუბის საფეხბურთო აკადემიასთან თანამშრომლობაზე. მე კი სწავლის გაგრძელებას ვაპირებ. ახლა ფედერაციიდან რეკომენდაციას ველოდები და, თუ რაიმე სერიოზული წინადადება არ გამოჩნდა, კიევში პროლიცენზიის ასაღებად გავემგზავრები. ახლა თუ ვერ შევძელი, ზაფხულში აუცილებლად წავალ. მწვრთნელს ყოველდღიური სწავლა სჭირდება, მე კი ერთ ადგილზე გაჩერება არ მსურს", - გვითხრა სანაიამ.

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

"დილამ" ნახევარმცველი დაიმატა, რომელსაც ისრაელის ნაკრებში უთამაშია

VIDEO | ეროვნული ლიგა | სპაერი 1-4 დილა. ფეხბურთი, რომელიც ერთ ტაიმს ეყო

ქართველი მსაჯები უეფას ერთა ლიგის მატჩს მოემსახურებიან

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ჩემთვის ყველაფერი ნათელია" - ლუნინმა "ოქროს ბურთის" ფავორიტი დაასახელა

"ალბათ რამე მეც მერგება" - კუკურელიამ "ოქროს ბურთზე" ისაუბრა

"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა