- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დავით ზირაქაშვილი: ქართულ რაგბის მსოფლიოში დიდი ავტორიტეტი აქვს
<p>საქართველოს 2010 წლის საუკეთესო სპორტსმენისთვის ეს აღიარება მოულოდნელი იყო</p><p><br> 2010 წლის სეზონი ქართული რაგბისთვის წარმატებული გამოდგა. ეროვნული და ასაკობრივი ნაკრებების შესანიშნავი გამოსვლის ლოგიკური დასასრული, სპორტისა და ახალგაზრდობის საქმეთა სამინისტროს მიერ, ქვეყნის საუკეთსო სპორტსმენად "ბორჯღალოსანთა" შერკინების ბურჯის, დავით ზირაქაშვილის აღიარება იყო.</p><p>"ზირაქა" მეექვსე სეზონია საფრანგეთის ელიტური, პირველი დივიზიონის "კლერმონში" ასპარეზობს და წლეულს, გუნდთან ერთად საფრანგეთის ჩემპიონის ტიტული მოიპოვა. ქართველი მორაგბე "ვულკანების" ერთ-ერთი წამყვანი მოთამაშეა. დასტურად მისი მსოფლიოს ნაკრებში მიწვევაც გამოდგება. ზირაქაშვილმა და კომპანიამ ჰონგ კონგში ახლი ზელანდიის ნაკრებთან ითამაშა.</p><p>დავით ზირაქაშვილი საქართველოს ნაკრების ერთ-ერთი საუკეთესო მოთამაშეა, ლიდერია. ჩვენი ეროვნული გუნდის წარმატებაში მას დიდ წვლილი მიუძღვის და პირიქით, ზირაქაშვილი რომ საქართველოს საუკეთესო სპორტსმენია, ეს მთელი გუნდის დამსახურებაცაა.</p><p>- საქართველოს საუკეთესო სპორტსმენად დასახელება ჩემთვის მოულოდნელი იყო, - გვითხრა დავით ზირაქაშვილმა. - ცხადია, ძალიან გამიხარდა. სასიამოვნოა, როცა შენ დამსახურებას ერთი ან ორი ადამიანი კი არა, მთლიანად ხალხი აფასებს.</p><p><strong>- თქვენ საფრანგეთის ჩემპიონი ხართ, საქართველოს საუკეთესო სპორტსმენადაც დაგასახელეს. რაღა დარჩა - მსოფლიოს ჩემპიონობა. ალბათ, ახლა ყველაზე კარგი მომენტია, ის ადამანები გაიხსენოთ, ვინც თქვენი, როგორც მორაგბის და პიროვნების ჩამოყალიბებაში წვლილი შეიტანა.</p><p></strong>- ასეთი ადამიანები ბევრნი არიან. არ მინდა ვინმე გამომრჩეს. გარწმუნებთ, ყველას, ვინც პირველად რაგბიში მიმიყვანა, მისი ანბანი მასწავლა, საფრანგეთში სათამაშოდ წამიყვანა, პირველად ეროვნულ ნაკრებში მიმიწვია და თავის გამოჩენის საშუალება მომცა, დიდ პატივს ვცემ, ვაფასებ. ყველას მინდა მადლობა გადავუხადო.</p><p><strong>- საყოველთაო აზრით, წლეულს ქართულ რაგბის წარმატებული, გამორჩეული სეზონი ჰქონდა.</p><p></strong>- დიახ, როგორც ეროვნულმა, ისე ასაკობრივმა ნაკრებებმა კარგად იასპარეზეს. ჩვენი ახალგაზრდული გუნდი ევროპის ჩემპიონი გახდა. ძალიან კარგი თაობა მოდის და ეს, ცხადია, სასიხარულოა.</p><p>ყველაზე მთავარი, იცით რა არის? ათი წლის წინათ რომ გენახათ, ქართული რაგბი პროფესიონალიზმში მოიკოჭლებდა. ეს მარტო მორაგბებს არ ეხება, არამედ მწვრთნელებსაც და რაგბის ხელმძღვანელებსაც. ამჟამად ვითარება რადიკალურადაა შეცვლილი. რაგბის კავშირში მაღალი დონის სპეციალისტები მუშაობენ, საქმეს უნარიანად უძღვებიან. ეს აბსოლუტურად ყველა მიმართულებით თვალშისაცემია. აგერ, ეროვნულ ნაკრებშიც შესანიშნავი მწვრთნელთა შტაბი შექმნეს. ეს ყოველივე წინსვლის საწინდარია და, ვფიქრობ, ნელ-ნელა განვვითარდებით.</p><p><strong>- საქართველოს ნაკრებმა წლეულს 2011 წლის მსოფლიოს</strong><strong> თასზე ასპარეზობის უფლება მოიპოვა. ისეთი შთაბეჭდილება იქმნება, რომ ამ ფაქტს დიდი რეზონანსი არ მოჰყოლია. რას შეიძლება ეს დავაბრალოთ?</p><p></strong>- ვერ ვიტყვი, რომ მსოფლიოს თასზე ჩვენ გასვლას რეზონანსი არ მოჰყოლია. ვფიქრობ, ხალხი მიეჩვია იმ აზრს, რომ საქართველოს ისეთი დონის რაგბის ნაკრები ჰყავს, რომელიც მსოფლიოს თასზე აუცილებლად უნდა გავიდეს. თუმცა, ეს სულაც არ აკნინებს ამ ფაქტის მნიშვნელობას. პირქით, ხალხს ძალიან უხარია და, როგორ უხარია, ეს ტრაბზონში რუსეთის ნაკრებთან მატჩისას კიდევ ერთხელ ვნახე. ცხადია, იმ დღეს საქართველოშიც დიდი ზეიმი იყო. ასე რომ, ახლა რაგბის, რომელიც ჩვენ ქვეყანაში შედარებით ჯერ კიდევ ნორჩი სახეობაა, კიდევ მეტი ყურადღება, მხარდაჭერა სჭირდება. ძალიან დიდი მნიშვნელობა ექნება იმას, მსოფლიოს თასზე როგორ ვიასპარზებთ.</p><p><strong>- ეროვნული ნაკრების მწვრთნელთა შტაბი ახსენეთ. ერთი შეხედვით, რაც შეიძლება დაინახო ისაა, რომ მათ ნაკრებში დისციპლინა დაამყარეს.</p><p></strong>- ასეა. დისციპლინას და საქმისადმი პროფესიულ მიდგომას, ჩვენ ყველანი, საფრანგეთში მიჩვეულნი ვართ, მაგრამ ნაკრებში რომ ჩამოვდიოდით, ცოტა თავისუფლებას ვგრძნობდით. ახლა ნოემბრის ტესტებისას, ახალმა მწვრთნელებმა საქმისადმი მაქსიმალურად პროფესიული მიდგომა მოითხოვეს.</p><p>ამაში განსაკუთრებული არაფერია. რა არის პროფესიონალიზმი? ეს არის სწორი ვარჯიში, დროული და კარგი ძილი, სწორი კვება. ერთი სიტყვით, თუკი კლუბებში ასე ვცხოვრობთ, ნაკრებში რატომ არ უნდა გავაკეთოთ იგივე? რიჩი დიქსონი ამბობდა, 11 საათზე ყველა საწოლში უნდა იყოთო. ცოტა კი გამიკვირდა, მაგრამ, რატომაც არა.</p><p><strong>- როგორ ფიქრობთ, რამდენად მაღალი დონის პროფესიონალები არიან თავად ნაკრების მწვრთნელები?</p><p></strong>- ის რომ ჩვენი ნაკრების მწვრთნელთა შტაბი უმაღლესი დონის სპეციალისტებითაა დაკომპლექტებული, სადავო არ არის. სხვა საქმეა, რამდენად კარგად შეძლებენ თავისი ცოდნის ჩვენამდე მოტანას. მათთან ჯერ მხოლოდ ორი კვირა ვიმუშავეთ და გამიჭირდება, ამ მხრივ შეფასება გავაკეთო.</p><p><strong>- ქართულ რაგბიში საკმაოდ მნიშვნელოვანი ძვრებია. ახლახან თბილისს IRB-ის პრეზიდენტი ბერნარ ლაპასე სტუმრობდა. გაიხსნა სარაგბო აკადემია, გადაწყდა მსოფლიოს</strong><strong> ალაფას თბილისში გამართვა.</p><p></strong>- ხაზგასმით მინდა ვისაუბრო მსოფლიოს ალაფას თბილისში გამართვის შესახებ. ის რომ ამ ტურნირის საქართველოში ჩატარების უფლება მოგვცეს, თვალნათლივ მეტყველებს იმაზე, რა დიდი ნდობა და ავტორიტეტი აქვს ქართულ რაგბის მსოფლიოში. ამ შეჯიბრების ჩატარება, დარწმუნებული ვარ, დიდ ბიძგს მისცემს ჩვენ ქვეყანაში რაგბის კიდევ უფრო განვითარებას.</p><p>მსოფლიოს ალაფას სხვა სარგებლობის მოტანაც შეუძლია. მაგალითად, ტურიზმის კუთხით. სტუმარ გუნდებს ჩამოჰყვებიან გულშემატკივრები. ის ადამიანები, რომლებიც საქართველოში არასდროს ყოფილან, არაფერი სმენიათ და საქართველოზე არსად არაფერი ულაპარაკიათ. თბილისში სტუმრობის შემდეგ კი, თუ ყველაფერი კარგად იქნება ორგანიზებული, წარუშლელი შთაბეჭდილებებით დატვირთულნი წავლენ. ჩვენ ქვეყანას რეკლამას გაუკეთებენ და ტურისტების ნაკადიც მოიმატებს.</p><p>იმედი მაქვს, ჩვენი ახალგაზრდული ნაკრები წარმატებით იასპარეზებს და მსოფლიოს ჩემპიონატზე, ელიტარული ქვეყნების გვერდით დაიკავებს ადგილს.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
შტორმის მოლოდინში და სრული დომინაციით - საქართველოს ნაკრებმა ერთა თასზე ჩილესაც მოუგო
დავით ნინიაშვილი: მიზანი სამი მოგებაა
"ბორჯღალოსნები" | 21 წლის შემდეგ ჩილესთან - თითქმის უცვლელი შემადგენლობით
კიტეიშვილმა ვერ ითამაშა - "შტურმი" ჩემპიონთა ლიგაზე "ფენერბაჰჩესთან" დამარცხდა
18-წლამდელები სამხრეთ აფრიკაში ჩავიდნენ
ტყვიის სროლა. დიდი წარმატება ვროცლავში
"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა
კვლავ აფრიკაში - ერვე რენარი ნაცნობ ადგილას დასაქმდა
კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო
ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა
Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე
20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა
ქართველი მსაჯები ევროპა ლიგის მატჩს განსჯიან
[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს
"ლარნესთან" მატჩში "იბერია 1999"-ის შემადგენლობა ცნობილია
ნორვეგიის ნაკრების მეკარე "ლაიფციგში" დაბრუნდა
ოფიციალურად: საბა საზონოვი “ხეტაფეს” ფეხბურთელია
ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა
ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა
ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე
გადადის თუ არა ფერან ტორესი პსჟ-ში?
მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?
"ბარსელონამ" ტერ შტეგენი "აიაქსში" გაუშვა