<p><p>ველოსპორტი. ტურ დე ფრანსი 2010</p> <br> <p>მართალია, ტურ დე ფრანსის მორიგი სამთო ეტაპი მთაში ფინიშს არ ითვალისწინებდა, მაგრამ გუშინ მაინც ძალიან საინტერესო ბრძოლა ვიხილეთ. რაც მთავარია, საბოლოოდ გავერკვიეთ წლევანდელი ტურის ფავორიტებში - თუ რაიმე სასწაული არ მოხდა, გამარჯვებას ესპანელი ალბერტო კონტადორი ან შვეიცარიელი ანდი შლეკი დაისაკუთრებს.</p><p>მთავარი მოვლენები ლა მადლენის მთაზე განვითარდა. ეს იყო 30-კილომეტორიანი აღმართი, რომელიც ბევრი ფავორიტისთვის გადაულახავი ბარიერი აღმოჩნდა. აღმართზე ახალი ასულები იყვნენ, როცა პელოტონს გამოეთიშნენ ყვითელი მაისურის მფლობელი კეიდელ ევანსი და 2008 წლის ტურის ჩემპიონი, ესპანელი კარლოს სასტრე. ავსტრალიელი ევანსი პრაქტიკულად დადგა ტრასაზე და საბოლოოდ დაკარგა კონტროლი ძირითად ჯგუფთან, ფინიშზე კი ლიდერებთან რვა წუთზე მეტი დაკარგა.</p><p>მანამდე იყო 12 ველომრბოლის გაქცევა, რომელთაგანაც მხოლოდ ხუთმა გაძლო, თუმცა მათგან გენერალურ კლასიფიკაციაში ლიდერობაზე პრეტენზიას არავინ აცხადებდა.</p><p>თავდაპირველად, პირველ როლებზე "საქსობანკი" გამოვიდა, შემდეგ კი ინიციატივა "ასტანამ" ჩაიგდო ხელში, რომელიც საკადრო ცვლილებების მიუხედავად, ტურში უძლიერესი გუნდად უნდა ჩავთვალოთ. ბრწყინვალე გარღვევა განახორციელა დანიელ ნავარომ, რომელიც სხვა გუნდში კაპიტნობაზე განაცხადებდა პრეტენზიას. როცა ხიხონელმა უკან მიიხედა, მას მხოლოდ თანაგუნდელი კონტადორი და შლეკი მისდევდნენ. ვალმოხდილი ნავარო გვერდზე გადგა და ორ უძლიერეს ველომრბოლს ერთმანეთში ურთიერთობის გარკვევის საშუალება მისცა. ამ დუეტთან ბრძოლაში ჩართვა სცადა ოლიმპიურმა ჩემპიონმა სამუელ სანჩესმა.</p><p>ნავაროს შემდეგ ყველა გააკვირვა შლეკმა. მისი რამდენიმე აჩქარების შემდეგ სანჩესი ჩამორჩა, თუმცა კონტადორი მაინც არ მოშორდა შვეიცარიელს. უნდა აღინიშნოს, რომ ჯერჯერობით მოქმედი ჩემპიონი არც ისე მხნედ გამოიყურება, მაგრამ წინ პირენეის მთები და დროზე განცალკევებით რბოლაა, სადაც კონტადორი განსაკუთრებით ძლიერია.</p><p>მანამდე კი ლიდერებმა ფინიშამდე ერთად იარეს და შემდეგი ეტაპებისთვის გადადეს ურთიერთობის გარკვევა. როგორც ჩანს, უახლოეს წლებში ჩვენ ახალი დიადი დაპირსპირება გველის - კონტადორი შლეკის წინააღმდეგ. არც ერთს 30 წლამდე არ მიუღწევია და ორივე ძალიან ძლიერია.</p><p>გენერალურმა კლასიფიკაციამ კი სავსებით ლოგიკური სახე მიიღო. შლეკი ყვითელი მაისურის ახალი მფლობელი შეიქმნა და კონტადორს ჯერჯერობით 41 წამს უგებს. დანარჩენ ველომრბოლებს, რომლებიც თითქმის სამ წუთს აგებენ ამ დუეტთან, მხოლოდ მესამე ადგილისთვის მოუწევთ ბრძოლა.</p><p><strong>IX ეტაპი</p><p></strong>მორზინი-სენტ ჟან დე მორიენი (204 კმ)</p><p>1. სანდი კასარი (საფ, Franceise des Jeux) - 5.38,10; 2. ლუის ლეონ სანჩესი (ესპ, Caisse d'Epargne) - იგივე დრო; 3. დამიანო კუნეგო (იტა, Lampre) - იგივე დრო; 4. კრისტოფ მორო (საფ, Caisse d'Epargne) - +0,02; 5. ანტონი შარტო (საფ, Bbox Telecom) - იგივე დრო; 6. ალბერტო კონტადორი (ესპ, Astana) - იგივე დრო; 7. ანდი შლეკი (შვეიც, Team SaxoBank) - იგივე დრო; 8. სამუელ სანჩესი (ესპ, Euskaltel) - 0,52... 10. ლევი ლაიპჰაიმერი (აშშ, Radioshack) - +02,07; 11. რობერტ გესინკი (ლუქს, Rabobank) - იგივე დრო... 13. დენის მენშოვი (რუს, Rabobank) - +02,10... 15. ივან ბასო (იტა, Liquigas) - +02,50... 18. ლენს არმსტრონგი (აშშ, RadioShack) - იგივე დრო; 19. რომან კროიციგერი (ჩეხ, Liquigas-Doimo) - +03,48; 20. ალექსანდრ ვინოკუროვი (ყაზ, Astana) - იგივე დრო... 27. კარლოს სასტრე (ესპ, Cervelo TestTeam) - +04,55... 42. კეიდელ ევანსი (ავსტრა, BMC) - +08,09...</p><p><strong>საერთო ჩათვლა</strong></p><p>1. ანდი შლეკი (შვეიც, Team SaxoBank) - 43.35,41; 2. ალბერტო კონტადორი (ესპ, Astana) - +0,41; 3. სამუელ სანჩესი (ესპ, Euskaltel) - +2,45; 4. დენის მენშოვი (რუს, Rabobank) - +2,58; 5. იურგენ ვან დენ ბრეკი (ბელ, Omega Pharma-Lotto) - +3,31; 6. ლევი ლაიპჰაიმერი (აშშ, RadioShack) - +3,59; 7. რობერტ გესინკი (ლუქს, Rabobank) - +4,22... 10 . ივან ბასო (იტა, Liquigas) - +5,09; 11. რომან კროიციგერი (ჩეხ, Liquigas-Doimo) - +5,11... 13. ალექსანდრ ვინოკუროვი (ყაზ, Astana) - +6,31; 14. მაიკლ როჯერსი (ავსტრა, HTC – Columbia) - +7,04; 15. კარლოს სასტრე (ესპ, Cervelo TestTeam) - +7,13; 16. ბრედლი ვიგინსი (ბრიტ, Sky) - +7,18... 18. კეიდელ ევანსი (ავსტრა, BMC) - +7,47...</p> <p> </p></p>
საერთაშორისო აღიარება - საქართველოს ხმა მსოფლიო ველოსპორტის არჩევნებში
ინგლისში ტრანსგენდერები ქალთა ტურნირებიდან მოკვეთეს
ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"