<p>"პარი სენ-ჟერმენმა" მნიშვნელოვანი მატჩი მოიგო <br> დიდი ნერვების წყვეტა გადაიტანა "პარი სენ-ჟერმენმა", მაგრამ საბოლოოდ მაინც მოიგო. "მეცს" ქების მეტი არაფერი ეკუთვნის და ეს გუნდი ქულასთან ძალიან ახლოს იყო, მაგრამ ქარიზმატული ესეკიელ ლავეცის გვიანმა გოლმა ლორან ბლანის გუნდს 3 ქულა მოუტანა.</p><p>ბლანი მატჩის მერე იმაზე საუბრობდა, რომ მისმა გუნდმა ბევრი შეცდომა დაუშვა, მაგრამ მოგება მაინც ეკუთვნოდა და საკუთარ შანსებს მომავალში უფრო ყურადღებით უნდა მოვეკიდოთო. საინტერესოა, რომ მეცელებმა 5-დან სამი გოლი გაიტანეს, მაგრამ მაინც დამარცხდნენ, რადგან აქედან ერთი ავტოგოლი გახლდათ, ხოლო მოდიბო მაიგას ორი პენალტი საკმარისი არ გამოდგა.</p><p>"მეცისა" და პსჟ-ის მატჩისგან განსხვავებით, გოლების ნაკლებობა იყო ზოგადად, ტურში. მათ შორის, "ნანტისა" და "სენტ ეტიენის" ძალიან პრინციპულ შეხვედრაში, რომელიც უგოლოდ დასრულდა.</p><p>არადა, მომენტები ორივე გუნდს საკმარისად ჰქონდა და ბოლო წუთებზე ორივეს შეეძლო გამარჯვების გამოდნობა, მაგრამ ფრე მაინც მეტ-ნაკლებად სამართლიანი შედეგი გახლდათ. "იადონების" წაუგებელი სერია გაგრძელდა, ხოლო "მწვანეები" ისევ სამეულის მოშორებით რჩებიან. თუმცა კრისტოფ გალტიეს თქმით, ქულა სულ არაფერს ჯობდა, სამი კიდევ უკეთესი იქნებოდა და შეგვეძლო მოგება, მაგრამ რაც არის, ეს არისო.</p><p>უგოლო გამოდგა კორსიკული მატჩიც "ბასტიასა" და "ლიონს" შორის. სტუმრების წაუგებელი სერია 10-მატჩიანი კი გახდა, მაგრამ მათ გამარჯვების იმედი ჰქონდათ და უბერ ფურნიე გულდაწყვეტილი დარჩა. "ბასტია" კი ახალი და დროებითი მწვრთნელების ხელში ბევრად უკეთ გამოიყურება და ასე თუ გაგრძელდა, სიტყვა დროებითს მალე გავაქრობთ.</p><p>პოლ-ჟორჟ ნტეპის ერთადერთმა გოლმა გადაწყვიტა ყველაფერი ბრეტანულ დერბიში. ახალგაზრდა თავდამსხმელმა "რენს" მოაგებინა, ფილიპ მონტანიეს გუნდმა მთელი ბოლო წლების წარუმატებლობებზე ერთბაშად იძია შური და "გენგამი" გასავარდნ ზონაში დატოვა. ჟოსელინ გურვენეკი კი მოხსნის პირასაა.</p><p>კიდევ ერთმა ბრეტანულმა გუნდმა "ლორიანმა" პირველივე ტაიმში მოუმთავრა ყველაფერი "ლანსს". რაფაელ გერეირომ პორტუგალიისა და არგენტინის ამხანაგურ მატჩში ერთადერთი გოლი რომ გაიტანა ბოლო წუთზე, ალბათ, გემახსოვრებათ და კარგი ხასიათი 21 წლის თავდამსხმელს ლიგა 1-შიც გადმოჰყვა და ამ თამაშშიც ერთადერთი ბურთი შეაგდო. იმ დროისთვის "ლანსი" უკვე ათი კაცით იყო, სტუმრები დებიუტშივე გაიწირნენ.</p><p>კვლავაც სიურპრიზებს გვთავაზობს "მონაკო", რომელმაც ისევ ვერ მოიგო, თანაც საკუთარ "ლუი მეორეზე". ეს კი არა, მონეგასკები წაგებას ძლივს გადაურჩნენ, სტუმართა ავტოგოლი და შეცვლაზე სულ ცოტა ხნის შემოსული ჟოაო მოუტინიოს გოლი რომ არა... ლეონარდო ჟარდიმი უფრო და უფრო შორდება ევროზონას.</p><p>ტურის დასკვნით შეხვედრაში კი "მარსელმა" "ბორდოსთან" დაძაბულ ომში იმარჯვა და პირველ ადგილს დაუბრუნდა. არადა, მარსელო ბიელსას ბიჭები მარცხდებოდნენ, მაგრამ თამაში მოაბრუნეს. მატჩის მიწურულს "ველოდრომი" სიხარულისგან გუნდის მთავარმეგოლემ, ანდრე-პიერ ჟინიაკმა ააფეთქა და მერე მასპინძლებმა ვილი სანიოლის წინგაქცეული კლუბის კარში გატანა კიდევ მოასწრეს. დიმიტრი პაიემ ორი საგოლე პასი მიითვალა.</p><p><strong><span style="color: #3366ff;">ლიგა I. XIV ტური</p><p></span><em>მეცი-პსჟ 2:3</p><p></em></strong>გოლები: 0:1 პასტორე (9), 0:2 ბუსმანი (16-ს.კ-ში), 1:2 მაიგა (49-პენ.), 2:2 მაიგა (53-პენ.), 2:3 ლავეცი (83)</p><p>პსჟ (4-3-3): სირიგუ - ვან დერ ვილი, მარკინიოსი, ტიაგო სილვა, მაქსველი - კაბაი (21. შანტომი), ტიაგო მოტა (46. მატუიდი), რაბიო (74. კავანი) - ლავეცი, პასტორე, იბრაჰიმოვიჩი</p><p><strong><em>ბასტია-ლიონი 0:0</p><p>გენგამი-რენი 0:1</p><p></em></strong>გოლი: 0:1 ნტეპი (36)</p><p><strong><em>ლორიანი-ლანსი 1:0</p><p></em></strong>გოლი: 1:0 გერეირო (21)</p><p>გაძევება: ლანდრე (15)</p><p><strong><em>მონაკო-კაენი 2:2</p><p></em></strong>გოლები: 1:0 იმურუ (5-ს.კ-ში), 1:1 კოიტა (50), 1:2 კონდოგბია (59-ს.კ-ში), 2:2 მოუტინიო (75)</p><p>მონაკო (4-3-3): სუბაშიჩი - ფაბინიო, რ, კარვალიო, აბდენური, ეჩიეჯილე - კონდოგბია (71. მოუტინიო), ტულალანი, ბერნანდო სილვა (89. მარტიალი) - ფერეირა კარასკო, ჟერმენი (62. ი. ტრაორე), ბერბატოვი</p><p><strong><em>ნიცა-რენი 0:0</p><p>ნანტი-სტ. ეტიენი 0:0</p><p></em></strong></p><p><strong><em>მონპელიე-ტულუზი 2:0</p><p></em></strong>გოლები: 1:0 მუნიე (37), 2:0 კამარა (87)</p><p><strong><em>მარსელი-ბორდო 3:1</p><p></em></strong>გოლები: 1:0 ტ. ტურე (55), 1:1 ლემინა (60), 2:1 ჟინიაკი (85), 3:1 ბატშუაი (90)</p><p><strong>ბომბარდირები:</strong> 11 - ალექსანდრ ლაკაზეტი (ლიონი), ანდრე-პიერ ჟინიაკი (მარსელი); 7 - ვისამ ბენ იედირი (ტულუზი)</p><p><strong><span style="color: #3366ff;">მომდევნო ტური</p><p></span></strong><span style="text-decoration: underline;">28 ნოემბერი:</p><p></span>მარსელი-ნანტი</p><p><span style="text-decoration: underline;">29 ნოემბერი:</p><p></span>პსჟ-ნიცა, კაენი-მონპელიე, ლანსი-მეცი, რეიმსი-ბასტია, რენი-მონაკო, ტულუზი-ლორიანი</p><p><span style="text-decoration: underline;">30 ნოემბერი:</p><p></span>ბორდო-ლილი, ევიანი-გენგამი, სტ, ეტიენი-ლიონი</p><p><strong>ყოველდღიური სპორტული გაზეთი "ლელო"</strong></p>
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ლუის ენრიკე სასწრაფოდ საოპერაციოა
მძიმე ამბავი - "ლიონის" აკადემიის 13 წლის ფეხბურთელი 16 წლის მოზარდის მკვლელობაშია ეჭვმიტანილი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ლავეცი ფსიქიატრიულ საავადმყოფოში გადაიყვანეს
"ნაპოლის" ყოფილი ვარსკვლავი ოჯახის წევრებმა კინაღამ მოკლეს
"კვარა" ტიფოზების კერპი იყო, მაგრამ მათგან ლავეცის მსგავს სიყვარულს ვერ გრძნობდა" - "ნაპოლის" ყოფილი ნახევარმცველი
"ბარსელონა" ბლანის მწვრთნელად დანიშვნას არ განიხილავს
ლავეციმ განმარტა, რატომ იმყოფება ფსიქიატრიულ საავადმყოფოში
ლორან ბლანმა კვლავ ფრანგული გუნდი ჩაიბარა
“ბარსელონა” მწვრთნელზე შეჯერდა, ხავი თამაშგარე დარჩა?
"ჩელსი" ახლოსაა, ლორან ბლანთან შეთანხმებას მიაღწიოს
"ჩელსის" სამი არჩევანი - ბლანი, სარი და ახლა უკვე ზიდანიც?
2016/17 წლების სეზონის ყველაზე მდიდარი ფეხბურთელები და მწვრთნელები
ახალი ჩინური ისტორიები: ლავეციმ ჩინელი ხალხი შეურაცხყო
ლორან ბლანი: საფრანგეთი - ბელგიის ნახევარფინალში გამარჯვებული მსოფლიოს ჩემპიონატს მოიგებს