<p>ეს ყველაფერი დიდი დარტყმა იქნება პეტრიაშვილისთვის, თუმცა ერთი შეღავათი ისაა, რომ გაისად ევროპის ჩემპიონატი აღარ ტარდება <br> ჭიდაობის მსოფლიოს გაერთიანებულმა ფედერაციამ ოფიციალურად დაადასტურა თავისუფალ ჭიდაობაში ევროპისა და მსოფლიოს პრიზიორის, მძიმეწონოსან გენო პეტრიაშვილის დისკვალიფიკაცია.</p><p>როგორც ადრე "ლელო" წერდა, ის ექვსი თვით დასაჯეს და ჩამოართვეს ახალგაზრდებში მოპოვებული მსოფლიოს ჩემპიონის ოქროს მედალი. ამაში გასაკვირი არაფერია, რადგან ეს ანტიდოპინგური კანონმდებლობითაა გათვალისწინებული - დოპინგში მხილებულ ათლეტს აუცილებლად ჩამოართმევენ წამლის გამოყენების პერიოდში მიღებულ ჯილდოს. ამდენად, პეტრიაშვილისთვის ამ ოქროს ჩამორთმევა დროის ამბავი იყო.</p><p>შეგახსენებთ, რომ ჩვენებური სწორედ ახალგაზრდულ მსოფლიოზე ჩავარდა, რომელიც აგვისტოში ხორვატიაში გაიმართა.</p><p>თამამად შეიძლება ითქვას, ამის მიზეზი ის ბანალური გაუგებრობაა, რის გამოც გუნდს ხორვატიაში ექიმი <strong>გიორგი მურცხვალაძე</strong> ვერ გაჰყვა. მას ხუთდღიან ვიზას აძლევდნენ, ბილეთი კი ერთკვირიანი იყო, რადგან შეჯიბრება ამდენ ხანს გრძელდებოდა.</p><p>როგორც ამბობენ, საკონსულოც ამან დააეჭვა, თუმცა რაც უნდა ყოფილიყო ნამდვილი მიზეზი (როგორც წესი, დიპლომატიურ კორპუსს არ ევალება, უარის მიზეზი განმარტოს), ფაქტია - ის გუნდს ტურნირზე ვერ გაჰყვა, სპორტსმენმა კი პრედუქტალი მიიღო. ის რეგულარულად სვამს ამ წამალს, რომელიც მსუბუქი დოპინგის კატეგორიაში შედის.</p><p>მსოფლიოს ანტიდოპინგური სააგენტოც სწორედ ამიტომ არ კრძალავს მას კატეგორიულად, ოღონდ არ უნდა მიიღოს შეჯიბრების დღეს. თუმცა ერთი გამონაკლისი აქაცაა - ექიმი ამის შესახებ სპორტსმენის ანკეტაში თუ ჩაწერს და დაასაბუთებს, რომ აუცილებელი იყო მისი დალევა, საპატიოში ეთვლება, რადგან ის არაა იმდენად ძლიერი დოპინგი, სპორტულ შედეგზე იქონიოს გავლენა.</p><p>პეტრიაშვილის შემთხვევაშიც ეს აუცილებელი პროცედურა დაირღვა - წამალი კი დალია, მაგრამ რაკი ექიმი არ იყო, არც ანკეტა შეუვსია ვინმეს. არადა, როგორც ექიმები ამბობენ, ის შეჯიბრებებზე რეგულარულად სვამს პრედუქტალს, ოღონდ ამას დოკუმენტში აფიქსირებენ.</p><p>ჭიდაობის მსოფლიოს გაერთიანებული ფედერაციის მიერ გავრცელებულ ცნობაში წერია, რომ ქართველი სპორტსმენი ტრიმეტაზიდინის მიღებისთვის დაისაჯა - როგორც ექიმებმა განგვიმარტეს, ესაა ნივთიერება, რომელსაც შეიცავს პრედუქტალი და რის გამოც შედის იგი დოპინგის სიაში.</p><p>თავის დროზე ჩვენმა ანტიდოპინგურმა სამსახურმა პრედუქტალის მიღების აუცილებლობა მსოფლიოს ფედერაციას იმით აუხსნა, რომ წლების წინ გორის რაიონიდან, მშობლიური სოფლიდან ოსი ბოროტმოქმედების გატაცების ნიადაგზე განვითარებული ნერვული სტრესის შემდეგ პეტრიაშვილს მუდმივად სჭირდება ეს წამალი, როგორც დამამშვიდებელი.</p><p>მათ ლოზანაში გატაცების დამადასტურებელი საბუთებიც გააგზავნეს შსს-დან და მსოფლიოს ფედერაციამაც ძირითადად ეს ფაქტორი გაითვალისწინა, თორემ ჩვენებურს ორწლიანი დისკვალიფიკაცია ემუქრებოდა.</p><p>პეტრიაშვილს სასჯელის ვადა გაისად, 28 აპრილს ეწურება, მანამდე კი ეკრძალება ყოველგვარი ვარჯიში როგორც ნაკრებთან, ასევე - კლუბთან და თქვენ წარმოიდგინეთ, გორის დარბაზშიც კი, როცა იქ ოფიციალური ვარჯიში ტარდება. მოეხსნება ხელფასიც ფედერაციიდანაც და კლუბ "საგარეჯოდანაც".</p><p>ეგ კი არა, წესით, ექვსთვიან პერიოდში ამ კლუბის რეკლამიდანაც უნდა ამოიღონ, რომელიც ახლაც გადის სატელევიზიო ეთერში - რომელიმე ამ პუნქტის უგულებელყოფა გაცილებით უფრო ძვირი დაუჯდება თავად სპორტსმენსაც, ჩვენს ფედერაციასაც და კლუბსაც.</p><p>ცხადია, ეს ყველაფერი დიდი დარტყმა იქნება პეტრიაშვილისთვის, თუმცა ერთი შეღავათი ისაა, რომ გაისად ევროპის ჩემპიონატი აღარ ტარდება, რომელიც ადრე მუდმივად აპრილში იმართებოდა.</p><p>მოგეხსენებათ, გაისად ივნისში ბაქოში ევროპის პირველი თამაშებია დაგეგმილი და ევროპირველობის ალტერნატივაც ისაა. პეტრიაშვილს შანსი ექნება, იმ თამაშებისთვის მომზადება მოასწროს.</p><p>პეტრიაშვილი უკვე ამოიღეს მსოფლიოს ახალგაზრდული პირველობის მედალოსანთა სიიდანაც. მისთვის ჩამორთმეული ოქროს მედალი უკვე გადასცეს კანადელ <strong>ამარ დესის</strong>, ბრინჯაოსმედალოსნებიდან ვერცხლამდე ირანელმა <strong>ამინ ტაჰერიმ</strong> ამოინაცვლა, მეორე ბრინჯაომდე კი მეხუთეადგილოსნებიდან პოლონელი <strong>კამილ კოსციოლეკი</strong> ავიდა, რადგან ესენი დამარცხდნენ ჩვენებურთან.</p><p>დასასრულ, კიდევ ერთი დოპინგის შესახებ. ჩვენ უკვე ვწერდით თურქთა ნატურალიზებული დაღესტნელის - <strong>შამილ ერდოღანის (ახმედოვის)</strong> შესახებ, ვინც სექტემბერში, ტაშკენტში, უფროსთა მსოფლიოს პირველობაზე თავისუფალ ჭიდაობაში 97 კილოგრამში ბრინჯაო მოიპოვა, მაგრამ ტესტმა აკრძალული სტანოზოლოლი აღმოაჩინა და ორწლიანი დისკვალიფიკაცია მისცეს. ბრინჯაოს მედალი მასაც ჩამოართვეს და კუბელ <strong>ხავიერ კორტინა ლაკერას</strong> გადასცეს, როგორც ერდოღანთან წაგებულს.</p><p><strong>ყოველდღიური სპორტული გაზეთი "ლელო"</strong></p>
archil
მთავარია ბეჭებზე დადო. მახინაცია ყველგან და ყველაფერშია. მაგარი ხარ გენო.
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]
[VIDEO] დებიუტიც ასეთი უნდა - გენო პეტრიაშვილმა მეტოქე 10:0 დაამარცხა!
ლაშა ტალახაძე და გენო პეტრიაშვილი "ქართული ოცნების" საარჩევნო სიაში არიან
ხინჩეგაშვილის შემდეგ პეტრიაშვილიც - გენო ჭიდაობას უბრუნდება
როგორი იქნება ევრო 2016-ის ფორმატი, თუ რუსეთის ნაკრებს მოხსნიან
[VIDEO] ამერიკელი მებრძოლი, რომელმაც ოლიმპიური თამაშების ფინალში გენო პეტრიაშვილი დაამარცხა, მეტოქე 13 წამში დაანოკაუტა
დისკვალიფიცირებულმა მწვრთნელმა გამოსავალი მაინც იპოვა [VIDEO]
"ამ ძვირფას ქართველზე შეურაცხყოფას მიზანმიმართულად ახდენენ, არ ვიცი მათ ადამიანები თუ უნდა ვუწოდო..." - პეტრიაშვილმა და ლიპარტელიანმა კვარაცხელიაზე ისაუბრეს