სიტის საქმე და ბანკის უქმე

კარს მომდგარი ტრანსფერი „მანჩესტერ სიტი“ „ვოლფსბურგის“ ვარსკვლავ ედინ ჯეკოში 27 მილიონი ფუნტის გადახდას დაყაბულდა. ცნობისთვის: 27 მილიონი ფუნტი 31,48 მილიონი ევროა. ისტლენდელები იმედოვნებენ, რომ 24 წლის ბოსნიელი კვირის ბოლოსთვის უკვე მათი ფეხბურთელი იქნება. როგორც ირკვევა „სიტის“ წარმომადგენლებმა ინგლისელი მწვრთნელის, სტივ მაკლარენის გერმანული გუნდის შეფებთან გასულ უქმეებზე დაწვრილებით განიხილეს ყველა წვრილმანი. ამბობენ, რომ ლაპარაკია ხუთწლიან ხელშეკრულებაზე რომელიც თავდამსხმელს კვირაში 100 ათას ფუნტს მოუტანს.თუმცა, ბრიტანული პრესა წერს, რომ ტრანსფერი ხორცს უფრო სწრაფადაც შეისხამდა ორშაბათს ქვეყანაში ეგრეთ წოდებული „ბანკის უქმე“ რომ არ გამოეცხადებინათ და „მანჩესტერ სიტი“ ოთხშაბათს „არსენალთან“ თამაშზე არ იყოს გულითა და სულით გადართული. ერთი სიტყვით, თუკი ჯეკო ისტლენდზე გადავა ეს „ლესტერთან“ სათასო დაპირისპირებამდე ვერ მოხდება - „სიტი“ ლესტერს უქმეებზე ხვდება.და თუ ტრანსფერი განხორციელდება, როდის შეძლებს ბოსნიელი პირველი შეხვედრის ჩატარებას პრემიერლიგაში? სავარაუდოდ, ეს 15 იანვარს, „სიტი ოფ მანჩესტერ სთედიუმზე“, „ვულვერჰემპტონის“ წინააღმდეგ მოხდება.შეგახსენებთ, რომ თავიდან „ვოლფსბურგსა“ და „მანჩესტერ სიტის“ შორის ვაჭრობა რთულად მიმდინარეობდა. გერმანული კლუბი თავდამსხმელში 38 მილიონ ფუნტს ითხოვდა, რასაც „სიტი“ ცოცხალი თავით არ იხდიდა. საბოლოოდ, 27 მილიონზე შეთანხმება მანჩესტერელთა კომერციულ წარმატებად შეიძლება ჩაითვალოს. ამასთან, უნდა დავძინოთ, რომ ჯეკოს შეძენა სხვა კლუბებსაც სურდათ, რომელთა შორის ყველაზე მეტად „იუვენტუსი“ აქტიურობდა. „ტეპლიცედან“ „ვოლფსბურგში“ გადასვლის შემდეგ ბოსნიელმა თავდამსხმელმა 111 შეხვედრაში 66 გოლი გაიტანა. მიმდინარე სეზონში მან 10 გოლი შეაგდო.ედინ ჯეკოს ისტლენდზე გადასვლა როკე სანტა კრუსისა და ემანუელ ადებაიორის გასხვისებას გაამართლებს. ბოსნიელის ყიდვას დიდი სიხარულით ეგებება გერმანიის ნაკრების მცველი ჯერომ ბოატენგი, რომელიც მას ბუნდესლიგიდან იცნობს და ასე ამბობს:„ჯეკო ძალიან ძლიერი თავდამსხმელია. გუნდში ასეთი ფეხბურთელის დამატება ყველას უხარია. ის „მანჩესტერ სიტის“ გააძლიერებს. მე ბუნდესლიგაში ჯეკოს წინააღმდეგ თამაში რამდენჯერმე მომიწია. თავად „ჰამბურგში“ გახლდით, ის „ვოლფსბურგში“ იყო და მისი ძალა და ოსტატობა საკუთარ თავზე მაქვს ნაწვნევი. ჯეკომ გაგვიტანა. სხვათა შორის, მის პერსონალურ მეურვეობას მე მავალებდნენ. ჩემი და მისი დაპირისპირება ყოველთვის საინტერესო ფიზიკურ ორთაბრძოლაში მიდიოდა. მას ბურთის ფლობის უბადლო უნარი აქვს და ჯან-ღონით აღსავსე სხეულსაც შესანიშნავად ფლობს. ვერ ვიტყვი, რომ ედინ ჯეკო სწრაფი ფორვარდია, მაგრამ მეტოქის კართან ძალიან სახიფათოა და პარტნიორებს შესანიშნავად უგებს“. .

ყოფილ მწვრთნელთან - გრანიტ ჯაკა კარიერას სავარაუდოდ, "ჩელსიში" განაგრძობს

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

ახალი რეკორდი პრემიერ ლიგაში - "სიტიმ" ელიოტ ანდერსონი შეიძინა

შამანი ჯადოს მოხსნით კეინს დაეხმარა და მსოფლიოს მომავალი ჩემპიონიც დაასახელა

მნიშვნელოვნად შეცვლილი შეტევითი ხაზი - მომდევნო სეზონისთვის პსჟ-ში დიდი ცვლილებებია

"ტორპედო" ევროთასებისთვის ძლიერდება - ლაცაბიძე საქართველოში დაბრუნდა

პრობლემები და უპირატესობები პლეი-ოფში - შესაძლო მეოთხედფინალები

მარინა შალამბერიძემ ნახევარფინალი და საჩემპიონო მატჩი იმსაჯა

უარი "ლივერპულს" - მუნდიალის ერთ-ერთმა აღმოჩენამ პსჟ აირჩია

როგორ ჰყვარებია ფული - სპერციანის ახალი კლუბი ცნობილია

"ბარსელონამ" კეინის შესაძენად პირველი ნაბიჯები გადადგა

"მათი დამარცხება მხოლოდ ერთ შემთხვევაშია შესაძლებელი" - იბრაჰიმოვიჩმა მუნდიალის ფავორიტი დაასახელა

კვლავ თურქეთში - მარკის რიდის ახალი კლუბი ცნობილია

ეუშტაკიუ: მაროკოს ან ნიდერლანდებს ყველაზე რთული მატჩი ელოდებათ

[VIDEO] პირველი მერვედფინალოსანი ცნობილია - კანადამ სამხრეთ აფრიკას სძლია

[VIDEO] გენერალური რეპეტიცია - საქართველოს ნაკრებმა დაძაბულ მატჩში სტუმრად ლატვია დაამარცხა

7-ქალა თასის ნახევარფინალშია

"ბორჯღალოსნები" | სამხრეთული ტურნესთვის 34 შეირჩა

პირველად ისტორიაში - აფრიკელების დიდი მიღწევა მსოფლიო ჩემპიონატზე

კვლავ ნიდერლანდებში, თუმცა სხვა კლუბში - ვეგჰორსტი "ტვენტეში" გადაბარგდა

ჯგუფიდან ვერგასვლა არ აპატიეს - შოტლანდიამ სტივ კლარკი დაითხოვა

ყოფილ მწვრთნელთან - გრანიტ ჯაკა კარიერას სავარაუდოდ, "ჩელსიში" განაგრძობს

სასჯელი სირცხვილისათვის - ურუგვაიმ ნაკრები უკან არ წაიყვანა