ავდიჩი ახალი ალმეიდაა!

ვერდერმა შვედი გოლეადორი 2.5 მილიონად იყიდა ბრემენის „ვერდერმა“ პორტუგალიელი თავდამსხმელი უგო ალმეიდა „ბეშიქთაშს“ რომ მიჰყიდა, მაშინვე ცხადი გახდა, რომ „მუსიკოსები“ იანვარში მის შემცვლელს აუცილებლად შეიძენდნენ და აი ისიც: ბრემენულმა კლუბმა „ელფსბორგიდან“ 22 წლის შვედი ფორვადი დენი ავდიჩი 2.5 მილიონ ევროდ იყიდა. „ვერდერს“ შვედი თავდამსხმელი ოფიციალურად ჯერ არ წარუდგენია, რადგან გუშინ საღამომდე უკანასკნელი დეტალები იყო შესათანხმებელი, მაგრამ ტრანსფერს ვერაფერი ჩაშლის, რაზეც თუნდაც ის ფაქტი მეტყველებს, რომ ავდიჩმა სამედიცინო შემოწმებაც გაიარა და ბრემენულ კლუბს მოსამზადებელ შეკრებაზე გაჰყვა. დენი ავდიჩი შვედეთში უნიჭიერეს თავდამსხმელად მიიჩნევა - მან წინა სეზონში 37 მატჩში 22 გოლის გატანა შეძლო. ბოსნიაში დაბადებულმა თავდამსხმელმა, რომელიც შვედეთის მოქალაქეა, „ვერდერში“ უგო ალმეიდა უნდა შეცვალოს. ავდიჩი ტანმაღალი (1.93 მეტრი) გოლეადორია ძლიერი დარტყმითა და შესანიშნავი საგოლე ალღოთი. „ვერდერთან“ ერთად, ავდიჩის ხელში ჩასაგდებად „შალკე“, „ბლექბერნი“, „უდინეზე“ და „რენი“ იბრძოდნენ.„დენი ავდიჩი კლასიკური ტიპის ცენტრალური თავდამსხმელია. შესანიშნავად თამაშობს თავით და აქვს ჩინებული საგოლე ალღო. მას თავისი შესაძლებლობები შვედეთში უკვე დამტკიცებული აქვს და იმედია, გერმანიაშიც ბევრ გოლს გაიტანს. მან კლაუდიო პისაროსთან წესით იდეალური ტანდემი უნდა შექმნას“, - ეს „ვერდერის“ სპორტული დირექტორის, კლაუს ალოფსის სიტყვებია. „ვერდერი“ შეკრებას თურქეთში, კერძოდ, ბელეკში გაივლის. მუსიკოსები სამ ამხანაგურ მატჩს გამართავენ: 5 იანვარს „ტრაბზონსპორს“ დაუპირისპირდებიან, 8 იანვარს მეორე ბუნდესლიგის წარმომადგენელ „დუისბურგს“, ხოლო ათში კი თურქულ „ესქიშეჰირს“ შეხვდებიან. ბრემენელთა მთავარმა მწვრთნელმა თომას შააფმა პირველ ვარჯიშზე რამდენიმე ფეხბურთელი მოისაკლისა: სათადარიგო მეკარე კრისტიან ფანდერი, მცველი სებასტიან ბიონიში, ნახევარმცველი ვესლი და მცველი ნალდო, რომელიც დიდი ხანია, ლაზარეთშია. მერტეზაკერი ლივერპულში?ამასობაში, ინგლისურმა გაზეთმა „სანდი მირორმა“ გაავრცელა ინფორმაცია იმის შესახებ, რომ „ლივერპულს“ „ვერდერისა“ და გერმანიის ნაკრების მცველის, პერ მერტეზაკერის (კონტრაქტი 2012 წლამდე) ყიდვა უნდა. ხსენებული გამოცემის ცნობით, „ლივერპულის“ ერთ-ერთი მენეჯერი დამიენ კომოლი მერტეზაკერს „კაიზერსლაუტერნთან“ მატჩის (1:2) დროს აკვირდებოდა. „სანდი მირორის“ ცნობით, „ლივერპული“ მზადაა, მერტეში 10 მილიონი ფუნტი (11.6 მილიონი ევრო) გადაიხადოს. გაგახსენებთ, რომ ზაფხულში პერის ყიდვა ლონდონის „არსენალს“ უნდოდა და მერტეზაკერმაც სწორედ მაშინ თქვა, ოდესმე პრემიერლიგაში გადასვლა მინდაო. .

"გერმანია არასაკმარისად თეთრი" და "არასაკმარისად გერმანულია"? - კლოპმა კრიტიკოსებს უპასუხა

ახალი კონტრაქტი ოლისეს - ფრანგი "ბაიერნში" შესაძლოა, ყველაზე მაღალანაზღაურებადი ფეხბურთელი გახდეს

გადაიხდის "ბაიერნი" ჰოლანში 220 მილიონს?

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

მატჩის დღე! ლოგიკის დროით, საქართველოს გამარჯვების დროა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო