<p>"აქ 10 კაცის მოტყუებას არც ითხოვენ, მაგრამ თუ ყველა კომპონენტში ნორმალური ხარ და პატარა შემოქმედებაც გაქვს, შეიძლება ვარსკვლავიც გახდე" <br> ზაფხულში საფრანგეთის ლიგა 1-ის (უმაღლესი დივიზიონი) "ბასტიამ" <strong>ლუკა კიკაბიძეს</strong> სამწლინახევრიანი კონტრაქტი გაუფორმა.</p><p>მას შემდეგ 19 წლის ფლანგის შემტევის დებიუტს ველოდით, მაგრამ ეს მხოლოდ წლეულს, იანვარში მოხდა: საფრანგეთის თასის გათამაშების მეთექვსმეტედფინალში "ბასტიამ" რანგით მეოთხე ლიგის "კევილთან" ძირითად დროში 0:0 ითამაშა, დამატებითში კი, როცა მეტოქეებმა გოლები გაცვალეს, 106-ე წუთზე მოედანზე კიკაბიძეც გამოჩნდა (კორსიკელებმა პენალტების სერიაში წააგეს და ტურნირს გამოეთიშნენ).</p><p>ქართველს მატჩისშემდგომი პენალტების სერიაში 11-მეტრიანი არ დაურტყამს.</p><p>"ბასტიაში" გადასვლის შემდეგ ლუკა კიკაბიძე ინტერვიუებს ერიდებოდა - მიიჩნევდა, რომ ჯერ მისთვის ეს ნაადრევი იყო. ახალგაზრდა კაცის ასეთი მორიდება გასაგები და მოსაწონია. მეორე მხრივ, გულშემატკივარი დაინტერესებულია, როგორ მიდის ტოპ-ლიგებში მოხვედრილი ერთ-ერთი, აწ უკვე იშვიათი ქართველი ფეხბურთელის საქმეები.</p><p><strong>- "ბასტიაში" თქვენს დებიუტს ზაფხულიდან ველოდით და მოვესწარით კიდეც... </strong></p><p>- სულ 15 წუთი ვითამაშე. ძირითადი დრო 0:0 მორჩა და დამატებითში შემიყვანეს. მაგრამ პენალტების სერიაში წავაგეთ. ამის მიუხედავად, მაინც გახარებული ვიყავი - როგორც იქნა, ვითამაშე.</p><p>ისე, რა დასამალია და, ცოტა დაძაბული ვიყავი, ამ დღეს ხომ მეც დიდი ხანია ველოდი. ოფიციალურ განაცხადში რამდენჯერმე კი მოვხვდი, მაგრამ მოედანზე გასვლა არ მეღირსა. თუმცა, მას მერე, რაც მინდორზე გავედი, ყველაფერი დამავიწყდა.</p><p>იმედია, ძირითადში თამაშსაც მალე დავიმსახურებ. მწვრთნელმა ჩემთვის ჩვეულ პოზიციაზე, მარცხენა ნახევარმცველად მათამაშა. მაკელელესთანაც ასე იყო - გუნდსაც ვეჩვეოდი და მის მოთხოვნებსაც და... ამ დროს მოხსნეს.</p><p><strong>- რადგან გათამაშათ, ეტყობა, ახალი მწვრთნელი ჟისლან პრენტანიც გენდობათ. ისე არა, მაგრამ მაინც...</strong></p><p>- ყველა ქვეყანაში ასეა: ადგილობრივს უფრო ენდობიან. მაგრამ იმედი მაინც მაქვს. პრენტანი "ბასტიას" 19-წლამდელებს ავარჯიშებდა და, სხვათა შორის, მაკელელეზე ბევრად გამოცდილი სპეციალისტია. ეს მისი პლუსია, მაგრამ ის დროებით დაინიშნა.</p><p><strong>- საფრანგეთში კარგი ფიზიკური მომზადება მოგეთხოვებათ. ამ ყველაფერს თუ შეეჩვიეთ?</strong></p><p>- ფიზიკურად კარგად მომამზადეს და აქაურ ტემპსაც შევეჩვიე. ერთი ესაა, რომ საფრანგეთის ჩემპიონატის დონეზე სათამაშოდ მეტი ჯანი მჭირდება. სუსტი და არაათლეტური არ მეთქმის, უბრალოდ, აქ მაღალი მოთხოვნებია.</p><p><strong><img src="pictures/artimages/image16/2fc2a4dbf6100932ae8be7e29880e25e.jpg" border="0" alt="Sportall.Ge" title="ლუკა კიკაბიძე: საფრანგეთი სხვა პლანეტა მეგონა, მაგრამ მთლად ასეც არ ყოფილა" style="border: 0px none; float: left; margin: 5px;" />- საქართველოს შემდეგ საფრანგეთში მოხვედრაც ძნელია და მათ მოთხოვნებზე გადართვაც... </strong></p><p>- რა თქმა უნდა, ძნელია. აქ სულ სხვა დონის ფეხბურთია. თანაც, საქართველოში უფრო თავდამსხმელებს ვეხმარებოდი და დაცვას ნაკლებ ყურადღებას ვაქცევდი. "ბასტიაში" კი ითხოვენ, რომ უკანა ხაზსაც დავეხმარო.</p><p>თავიდან ამის პრობლემა მქონდა, რადგან ასეთ დროს ფლანგის ფეხბურთელზე ძალიან დიდი დატვირთვა მოდის - სერიოზულ სამუშაოს ასრულებ და შეგუებაა საჭირო. ახლა ნელ-ნელა ყველაფერს ვსწავლობ და ვეჩვევი.</p><p><strong>- ნახევარი წელიწადი გავიდა, რაც საფრანგეთის მთავარი ლიგის გუნდში ვარჯიშობთ და საკუთარ შესაძლებლობებს უკვე შეაფასებდით. ასეთ დონეზე თამაშს შეძლებთ?</strong></p><p>- თავიდან მეგონა, რომ სხვა პლანეტაზე მოვხვდი, მაგრამ ნელ-ნელა შევეჩვიე და გადაუჭარბებლად ვამბობ - აქ თამაში მიუღწეველი ოცნება არ არის. მაგალითად, "ბასტია" რომ ავიღოთ, ეს საშუალოევროპული დონის კლუბია - არც მეტი, არც ნაკლები.</p><p>გეტყვით, ფეხბურთელების ნაწილი როგორია - ზედმეტს არაფერს გააკეთებს, მაგრამ არც დააშავებს. ეს ის კატეგორიაა, "მუშა" ფეხბურთელებს რომ ეძახიან. ასე რომ ითამაშო და სულ მცირე შემოქმედება დაამატო, საკმაოდ კარგი ფეხბურთელის სახელი გექნება.</p><p>თითქოს, ადვილია, მაგრამ დიდი შრომა სჭირდება. გარდა ამისა, აქ 10 კაცის მოტყუებას არც ითხოვენ. დღევანდელ ფეხბურთში ასეთი ტენდენციაა. მაგრამ, თუ ყველა კომპონენტში ნორმალური ხარ და პატარა შემოქმედებაც გაქვს, შეიძლება ვარსკვლავიც გახდე.</p><p><strong>- გუნდთან შესაგუებლად ენის ცოდნა მნიშვნელოვანია. ფრანგული თუ აითვისეთ?</strong></p><p>- უკვე ნორმალურად მესმის, მაგრამ ლაპარაკი ჯერ კიდევ მიჭირს. სხვათა შორის, ესენი თავს ფრანგებად არც მიიჩნევენ. კორსიკაზე თავისებური ხალხი ცხოვრობს.</p><p><strong>- ქართულ ფეხბურთს თუ იცნობენ?</strong></p><p>- სხვათა შორის, რამდენიმე ასაკოვანმა ადამიანმა ახსენა - წლების წინათ, ევროტურნირში "ბასტიამ" ახალკაცის დროინდელ "დინამოსთან" რომ წააგო, მაშინ ძლიერი გუნდი გყავდათო. ახალგაზრდა თაობას კი ჩვენს ფეხბურთზე და ზოგადად, საქართველოზე წარმოდგენაც არ აქვს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
zura
ამას ცხადაძე გამოიძახებს და ნაკრების დონეზე,რომ გამოჩნდება და კარგადაც ითამაშებს ბასტიის მწვრთნელიც მალე სასტარტოშიც ჩასვავს და მალე პსჟ-შიც ვნახავთ! როგორც ჩანს მშრომელი ბიჭია და თავში არ უვარდება ზოგიერთებივით... წარმატებას ვუსურვებ!!!
mamuka09ze
კარგი ბიჭი ჩანხარ. გმერთმა ხელი მოგიმართოს.
ჯიჯი ალფაიძე
ჭკვიანი ბიჭი ჩანს,ეტყობა გონიერი ადამიანია,იქნება გვეშველოს რამე
AC
ისე მარტივად აღწერა იმედია გახდება ვარსკლავი
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დავითაშვილის "სენტ-ეტიენის" ცხრამატჩიანი წაუგებელი სერია კორსიკაში შეწყდა
ეროვნული ლიგა. XXV ტური: "ლოკომოტივმა" "დილას" მოუგო
"ბორდომ" წააგო და გასავარდნ ზონაში აღმოჩნდა
[VIDEO] ზურიკო დავითაშვილმა "ბასტიას" გაუტანა
დავითაშვილმა ისევ გაიტანა - ზედიზედ მესამე მატჩში გამოიჩინა თავი [VIDEO]
ეროვნული ლიგის XII ტურის სიმბოლური ნაკრები Sportall.ge-ს ვერსიით (+გამოკითხვა)
[VIDEO] დავითაშვილის დუბლი "სენტ-ეტიენისთვის" გამარჯვების მოსაპოვებლად საკმარისი არ აღმოჩნდა
დავითაშვილის მორიგი გოლი - "ბორდომ" "ბასტიასთან" არწასაგები მატჩი წააგო [VIDEO]
ლოკომოტივი-დილა 4:2 - ზედიზედ მეოთხე და ორი ავტოგოლი [VIDEO]
"ლოკომოტივის" ფეხბურთელებმა აგვისტოს გმირები გაიხსენეს...
თბილისის "ლოკომოტივი" 5-მა ფეხბურთელმა დატოვა
ლოკომოტივი-დილა 3:1 - ოთხი გასროლა საგურამოში