სეზონი ეროვნული ჩემპიონატით იხსნება

ქართველ მოჭადრაკეთაგან საერთაშორისო სარბიელზე წელს პირველები მაია ჩიბურდანიძე და ნანა ძაგნიძე მოსინჯავენ ძალებს ქართველ მოჭადრაკეებს, ტრადიციულად, წლეულსაც დაძაბული სეზონი ექნებათ. საერთაშორისო სარბიელზე პირველები - ხუთგზის მსოფლიოს ჩემპიონი მაია ჩიბურდანიძე და ნანა ძაგნიძე მოსინჯავენ ძალებს: 20 თებერვლიდან 6 მარტამდე ისინი დოჰაში (ყატარი) ფიდეს ქალთა მსოფლიოს გრან-პრის გათამაშების ბოლო ეტაპზე გამოვლენ. ამ შეჯიბრებისთვის შარშან ნოემბერში ჩილეს უნდა ემასპინძლა, მაგრამ იქ მომხდარი სტიქიური უბედურების შემდეგ ტურნირი 2011 წლისთვის გადაიდო. როგორც ჩანს, ოკეანისგაღმელებმა ტრაგედიის შემდეგ ბოლომდე მაინც ვერ შეძლებს მატერიალური და მორალური რესურსების მოძიება და ფიდეც იძულებული გახდა, გრან-პრის ბოლო ეტაპისთვის მისამართი შეეცვალა.ეს შეჯიბრება გადაწყვეტს, პირველ გათამაშებაში ვინ გაიმარჯვებს. ოთხი ტურნირიდან 3 საუკეთესო შედეგის ჯამით 16 წლის ჩინელი მსოფლიოს ჩემპიონი ჰოუ იფანი ლიდერობს, თუმცა მან მონაწილეობის ლიმიტი ამოწურა. მთავარი პრიზის მოპოვების რეალური შანსი აქვს ნანა ძაგნიძეს, რომელმაც 3 ეტაპი მოილია პირველი, მეორე, მესამე ადგილებით და საერთო ჩათვლაში მეორე საფეხურზეა. გასამარჯვებლად მას ყატარში მეორე ადგილიც ეყოფა. ჩვენებურს კიდევ ერთი კონკურენტი ჰყავს - ინდოელი ჰამფი კონერუ (ქალთა მსოფლიოს რეიტინგში მხოლოდ უნგრელ იუდით პოლგარს ჩამორჩება) დოჰაში ისიც იასპარეზებს.უცხოეთში გასამართავი შეჯიბრებებიდან ასევე აღსანიშნავია ევროპის ინდივიდუალური (ქალები-თურქეთში, ვაჟები-საფრანგეთში), გუნდური (საბერძნეთი) და საკლუბო (სლოვენია) ჩემპიონატები, ქალთა გუნდური მსოფლიოს ჩემპიონატი (ანტალია), 8-18 წლის მოჭადრაკეთა ევროპის (ბულგარეთი) და მსოფლიოს (ბრაზილია) პირველობები.შინაური ასპარეზობებიდან აღსანიშნავია ნონა გაფრინდაშვილის, მაია ჩიბურდანიძის, ნანა ალექსანდრიას და ნინო გურიელის საერთაშორისო ტურნირები ასაკობრივ პირველობებთან ერთად. უმთავრესი კი საქართველოს ქალთა 68-ე და ვაჟთა 70-ე ეროვნული ჩემპიონატებია, რომლებითაც ჩვენი მოჭადრაკეები 2011 წლის სეზონს გახსნიან.ქალები ანაკლიაში შეიკრიბებიან. 10-დან 23 იანვრამდე (16 იანვარი დასვენების დღეა) წრიული სისტემით მედლებისთვის იბრძოლებენ: ნაზი პაიკიძე (2455), სალომე მელია (2449), ბელა ხოტენაშვილი (2440), ლელა ჯავახიშვილი (2438), სოფიკო ხუხაშვილი (2437), ნინო ხურციძე (2436), ნინო ბაციაშვილი (2396), მირანდა მიქაძე (2362), მაია ლომინეიშვილი (2345), მაკა ფურცელაძე (2323), მერი არაბიძე (2315), სოფიო ნიკოლაძე (2245) და მარიამ დანელია (2248). ტურნირის საპრიზო ფონდია 13500 ლარი (I ადგილი-4000, II-3500, III-3000, IV-2000, V-1000 ლარი). ჩემპიონი ავტომატურად საქართველოს ქალთა ნაკრების წევრი გახდება.ვაჟთა ეროვნული ჩემპიონატი თბილისში გაიმართება 12-27 იანვრს ნოკაუტსისტემით. შეჯიბრებაში 16 დიდოსტატი და საერთაშორისო ოსტატი ჩაებმება: მიხეილ მჭედლიშვილი (2641), მერაბ გაგუნაშვილი (2619), ლევან ფანცულაია (2610), თამაზ გელაშვილი (2608), დავით არუთინიანი (2578), კონსტანტინე შანავა (2560), თორნიკე სანიკიძე (2559), გიორგი მარგველაშვილი (2544), დავით ბენიძე (2522), დავით ჯოჯუა (2515), მალხაზ სულაშვილი (2497), ლუკა პაიჭაძე (2483), შოთა აზალაძე (2456), ბაჩანა მორჩიაშვილი (2400), გიგა ყუფარაძე (2395) და დავით ზარქუა (2356).პირველ რაუნდში მეტოქეები ასე დაწყვილდნენ: მჭედლიშვილი-ზარქუა, ყუფარაძე-გაგუნაშვილი, ფანცულაია-მორჩიაშვილი, აზალაძე-გელაშვილი, არუთინიანი-პაიჭაძე, სულაშვილი-შანავა, სანიკიძე-ჯოჯუა, ბენიძე-მარგველაშვილი. პირველ და მეორე რაუნდში ისინი ორ-ორ კლასიკურ პარტიას (თითოეულს 40 სვლაზე 90 წუთი ეძლევა, შემდეგ პარტის ბოლომდე - 30 წუთი, ყოველ სვლაზე 30 წამის დამატებით) ითამაშებენ. ნახევარფინალსა და ფინალში კი ოთხ-ოთხჯერ დაუპირისპირდებიან ერთმანეთს. შეხვედრების ფრედ (1:1, 2:2) დამთავრების შემთხვევაში გამარჯვებულებს ტაიბრეიკები (ორი 25-წუთიანი პარტია, საჭირო თუ გახდა - ორიც 5-წუთიანი და ''არმაგედონი'') გამოავლენს. ჩემპიონატის საპრიზო ფონდია 14500 ლარი (I-4000, II-3500, III-3000, IV-2000, V-VIII-500-500 ლარი). ოქრო-ვერცხლის მფლობელნი ნაკრებში ადგილს დაიბევებენ.ორივე შეჯიბრების 3-3 პრიზიორს საქართველოს ჭადრაკის ფედერაცია ევროპის ინდივიდუალურ ჩემპიონატებზე გასამგზავრებლად დააფინანსებს..

kopala

ასე შეიძლებაა?ქალებში მეცამეტე "...."ვარიანტია,კაცებში კი ვიღაცის ამბიციებს ტურნირი ეწირება.

კლოპმა განმარტა, რატომ უგულშემატკივრებს ელ კლასიკოში "ბარსელონას"

იქნება თუ არა როდრი "ელ კლასიკოში" - ფლიკმა ესპანელ ფეხბურთელზე ისაუბრა

[VIDEO] ჯერ საუცხოო გოლი გაიტანა, მერე თანაგუნდელის გამო იჩხუბა - იამალის ბენეფისი და "ბარსელონას" მორიგი გამარჯვება

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

ნიკა ამაშუკელი - ტოკიო, ლონდონი და გენუა