ჰოკეი

*ნაკრების შემადგენლობა მარტის ბოლოს გაირკვევაწლეულს სამი აპრილიდან თურქული იზმირი ყინულის ჰოკეიში მსოფლიოს ჩემპიონატის მესამე დივიზიონის პირველობას უმასპიძლებს. მეორე დივიზიონის ერთადერთი საგზურისთვის იბრძოლებენ თურქეთის, საქართველოს, ჩრდილოეთ კორეის, ჰონგკონგის, ლუქსემბურგის, არაბთა გაერთიანებული საამიროებისა და ბოსნია-ჰერცეგოვინას ეროვნული ნაკრები გუნდები.ამ შეჯიბრებისთვის მზადება ჩვენმა ჰოკეისტებმა შარშან ოქტომბერში დაიწყეს. ნოემბრის მიწურულიდან კი ოთხი გუნდი (ბაკურიანის "მიმინო", თბილისის "ყინულის რაინდები", "რუხი მგლები" და "ცეცხლოვანი ჯვაროსნები") საქართველოს ჩემპიონატში ჩაება. ბათუმსა და ბაკურიანში დღემდე ექვსი ტური გაიმართა: გაუწყებთ მათს შედეგებს: "მგლები" - "მიმინო" 3:5 (1:1, 1:3, 1:1), "რაინდები" - "ჯვაროსნები" 4:5 (1:2, 22, 1:0, 0:1), "მიმინო" - "რაინდები" 11:1 (5:1, 1:0, 5:0), "მგლები"- ჯვაროსნები" 3:1 (1:0, 1:0, 1:1), "მგლები" - "რაინდები" 3:0 (1:0, 1:0, 1:0), "მიმინო" - "ჯვაროსნები" 12:5 (3:0, 5:0, 4:5), "ჯვაროსნები" - "რაინდები" 1:2 (1:0, 0:1, 0:1), "მიმინო" - "მგლები" 6:3 (4:1, 1:0, 1:2), "ჯვაროსნები" - "მგლები" 1:0 (0:0, 1:0, 0:0), "რაინდები" - "მიმინო" 3:6 (1:1, 1:1, 1:4), "რაინდები" -"მგლები" 3:1 (1:0, 1:1, 1:0), "ჯვაროსნები" - "მიმინო" 1:7 (1:1, 0:1, 0:5).სატურნირო მდგომარეობა 6 ტურის შემდეგ: "მიმინო" - 18 ქულა (შაიბები - 47:16), "ყინულის რაინდები" - 7 (13:27), "რუხი მგლები" - 6 (13:16), "ცეცხლოვანი ჯვაროსნები" - 5 (14:28).- საქართველოს სპორტისა და ახალგაზრდობის საქმეთა სამინისტრომ წლეულს პირველად გამოგვიყო თანხა ეროვნული ჩემპიონატის ჩასატარებლად. ამიტომ შეჯიბრება, რომელიც 18 ტურისგან შედგება, ნოემბერში დავიწყეთ, - გვითხრა საქართველოს ყინულის ჰოკეის ეროვნული ფედერაციის გენერალურმა მდივანმა ალექსანდრე ვაშაკიძემ. - ტურნირის მიზანია მსოფლიოს ჩემპიონატისთვის უკეთ მომზადება. 7-8 მარტს ეროვნული პირველობის მეშვიდე-მერვე ტურების შეხვედრებს ჩავატარებთ. შემდეგ ოთხივე გუნდის 25 მოთამაშე საქართველოს ნაკრების უკრაინელი მთავარი მწვრთნელის - ევგენი ალიპოვის ხელმძღვანელობით ბათუმში ჩავა საწვრთნელ შეკრებაზე. იქ 31 მარტამდე დარჩებიან და იმ 20 მოთამაშის ვინაობაც გაირკვევა, რომლებიც თურქეთში მსოფლიოს ჩემპიონატზე გაემგზავრებიან. ვერ გეტყვით, რომ მე-2 დივიზიონში გადასასვლელ იმ ერთადერთ საგზურს შევწვდებით, მაგრამ ის კი ნათელია, რომ შარშანდელ მსოფლიოს ჩემპიონატთან შედარებით თურქეთში ბევრად უკეთ ვითამაშებთ. საქმე ის არის, რომ ჩვენი გუნდი ნატურალიზებული ჰოკეისტებით გაძლიერდება. მეკარე ანდრეი ილიენკო, მცველი დმიტრი სმეტანინი და თავდამსხმელი ვიტალი დუმბაძე წარმოშობით სანკტპეტერბურგელები არიან, მაგრამ საქართველოს მოქალაქეობა ორი წლის წინათ მიიღეს. სწორედ, ამ ვადის გასვლის შემდეგ ჰოკეის საერთაშორისო ფედერაციამ მათ დართო ნება, საქართველოს ნაკრების შემადგენლობაში მსოფლიოს ჩემპიონატზე იასპარეზონ. სამივენი მეორე სეზონია ჩვენს პირველობებში მონაწილეობენ. მაისის შემდეგ კი ვიტალი დუმბაძე საერთოდ ბათუმში დაფუძნებას აპირებს, სადაც უამრავი ნათესავი ჰყავს, და აჭარის რეგიონში ყინულის ჰოკეის განვითარებას ჩაუდგება სათავეში. ასე რომ, საკმაოდ იმედიანად ვართ. დანარჩენს კი მომავალი გვიჩვენებს.გვერდი მოამზადავაჟა დანელიამ

საქართველოს თასის პირველი და მეორე ეტაპის წილისყრა

მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]

საქართველოს თასის ნახევარფინალური ეტაპის წილისყრა

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია