<p>თუ "ლივერპულმა" ჩემპიონთა ლიგის საგზური მოიპოვა, იცოდეთ, რომ ეს მარიო ბალოტელის დამსახურებაა. არადა, რა გააკეთა?</p><p><br> რამდენიმე დღის წინ "ლივერპულმა" და "ტოტენჰემმა" ისეთი თამაში გააჩაღეს, ტანში რომ რაღაც გივლის, ჟრუანტელს რომ ეძახიან, ეს იყო... არა აინშტაინი, არამედ ნელი ჟრუანტელი.</p><p>ხშირად ბანალურობაც კარგია და სულაც არ არის უადგილო. ჰოდა, ჩვენც გაცვეთილად ვთქვათ - აი, ასეთი მატჩების გამო გვიყვარს ფეხბურთი. უადგილო არც ის ადგილი გახლდათ, სადაც დრამა დაიდგა - თვით "ენფილდი".</p><p><strong>დანიელ სტარიჯი </strong>კანიდან ამოხტა, ისე ითამაშა; <strong>სტივენ ჯერარდმა</strong> სცადა, მორიგი პენალტი ისევე აღენიშნა, როგორც ამას იქამდე აკეთებდა, სანამ მისი წასვლა გადაწყდებოდა. მაინც რაღაცნაირი სევდიანი აღნიშვნა იყო, მაგრამ ჯერარდმა კარგად ითამაშა. ფანებსაც მეტი რა უნდათ, ზოგს თვალები აუცრემლდა, ზოგმა ყელში გაჩხერილი მტკივნეული ბურთები ყლაპა.</p><p>თუმცა, პარალელურად, არ ისვენებდა მორცხვი პროვინციელივით წითელლოყება პატარა ბიჭი - <strong>ჰარი კეინი</strong> მადაზე მოვიდა. ისეთი წესიერიც აღარ არის - ასე იციან, იცვლებიან, თამამდებიან.</p><p>ვაი, რომ ხშირად თავხედდებიან კიდეც - კეინიც ზედმეტებში გადავიდა, ოღონდ ჯერჯერობით, კარგი გაგებით. ამბიციებს აკონტროლებს, მაქსიმუმ, თმა ჰქონდეს დაყენებული, კარგად დავარცხნილი, ისიც ძველ ყაიდაზე, ვინმე გამოწკეპილ-გამოპრანჭული კაცის წამხედურობით.</p><p>ფაქტია, ცაზე ვარსკვლავებს კი ეთამაშება. ახალ წელს, ცხვრის წელს, ჰარიც ცხვრის ტყავში გადაცმულ მგლად იქცა და მარტო პრემიერლიგაში უკვე იმდენი გოლი დააგროვა, რაც ევროპის წამყვან 5 ჩემპიონატში <strong>ლიონელ მესისთან</strong> ერთად საუკეთესო შედეგია.</p><p>ჰოდა, მესი რა, ვარსკვლავი არ არის? აბა, რა არის.</p><p>და მაინც, ენფილდური სანახაობის გმირი სულ სხვა იყო. გაგრძელებული წინასიტყვაობის მერე სცენაზე მთავარი პერსონაჟი გამოვაჩინოთ - <strong>მარიო ბარვუა</strong>, იგივე <strong>მარიო ბალოტელი</strong>.</p><p>"ლივერპულმა" ბალოტელიში, თანამედროვე ფას(ეულობ)ების მიხედვით, შედარებით ცოტა, მაგრამ მაინც იმდენი გადაიხადა, მთელი მსოფლიოს ხალხთა მიერ ნათამაშები "მარიოს" მონეტებისთვის თავის კაკუნით რომ ვერ შეაგროვებდით. ბალოს კი ერთხელაც არ ჰქონდა პრემიერლიგაში მეტოქის კარზე მიკაკუნებული.</p><p>ეს იყო თამაში, რომელიც ჩემპიონთა ლიგის საგზურისთვის მეომარ "ლივერპულს" აუცილებლად უნდა მოეგო. "კოპის ბიჭები" კბილებს ილესავდნენ. <strong>ბრენდან როჯერსი</strong> კი ფიქრობდა, რა ექნა, ვინ შეეშვა მინდორზე... მას შეტევაში სიმძლავრე აკლდა.</p><p><img src="pictures/artimages/image16/8ac28a68ea015f15737d2ad7f0db8d07.jpg" border="0" alt="Sportall.Ge" title="სპორტრეტი. ქანდაკება ვარშავაში - თუ მარიო გძულს, ესე იგი, ფეხბურთი არ გესმის, არ გიყვარს... " style="border: 0px; float: left; margin: 5px;" />სიმძლავრე და სიძლიერე ახლანდელ რეალობაში, სამწუხაროდ, პირდაპირ ფულთან ასოცირდება, მერსისაიდელებს კი <strong>სტერლინგი</strong> არ ჰყავდათ. ჰოდა, სტერლინგიც ხომ ფულია და მერე როგორი, დედოფლის ფული. რაჰიმი რომ ყოფილიყო, ძირითადშიც მოხვდებოდა.</p><p>როჯერსმა იფიქრა და კონკიადქცეული <strong>რიკი ლამბერტის</strong> გამოშვებას ისევ საყოველთაო და საერთაშორისო "ცუდი ბიჭის", მარიო ბალოტელის გამოყვანა არჩია.</p><p>ნაკრიტიკები, გალანძღული, ჩამოწერილი და ტანჯული ბალო მინდორზე 74-ე წუთზე შევიდა. ის მაშინაც სუპერმარიოა, როდესაც ვერ თამაშობს, სისულელეებს ამბობს ან აკეთებს, ასეთები კი ხშირად ხდება და მაშინაც, როდესაც მინდორზე ზარმაცად შემოსული, რამდენიმე წუთში ასეთ თამაშს იგებს.</p><p>ის მარიოა მარად და მარად, თანაც სუპერი.</p><p>ეს ბალოს პირველი პრემიერლიგური გახლდათ, მე-13 ცდიდან. ვინ იცის, მიმდინარე პრემიერლიგაში "ლივერპულმა" "ტოტენჰემთან" გარდამტეხი გამარჯვება მოიპოვა და სეზონის ბოლოს ეს გადამწყვეტი გამოდგეს.</p><p>ბალოს იქამდეც არაფერი გაუკეთებია და შეიძლება, არც ამის მერე გააკეთოს რამე, ვარჯიში დაეზარება ან ვინმეზე გაბრაზებული, უბრალოდ, არ ითამაშებს. თუმცა თუ ბოლოს "ლივერპულმა" ლიგის საგზური მოიპოვა, იცოდეთ, რომ ეს მარიო ბალოტელის დამსახურებაა. არადა, რა გააკეთა?</p><p>ამჯერად გაქცევა არ დაეზარა, გაიხსნა, ევასგან შეცდენილი საწმინდეთიდან გამოქცეული <strong>ადამ ლალანას</strong> პასს დაუხვდა და ცარიელ კარში შეაგდო (<a href="/fexburti/uckhouri-fekhburthi/inglisi/75499-inglisi-premierliga-xxvi-turi-qchelsisq-devna-ganakhlda-video.html" target="_blank"><span style="color: #ff0000;"><strong>იხილეთ ვრცლად</strong></span></a>).</p><p>კი, გეთანხმებით, ლალანამ უფრო მეტი გააკეთა ამ გოლისას. გაიტანა ბალოტელიმ, გმირი ბალოტელია, ასეთია ცხოვრება. ის ყველაზე საჭირო დროს აღმოჩნდა სწორ ადგილას.</p><p>რატომ? სხვებსაც ხომ გაუტანიათ გადამწყვეტი გოლებიო, იკითხავს ვინმე, მაგრამ სხვა ლივერპულელები ბალოტელები არ არიან, მარიო ბალოტელია.</p><p>ზოგადად, როდესაც ასეთი მატჩის მიწურულს გადამწყვეტი გოლი გაგაქვს, თანაც, მრავალგზის გაკიცხული, განდეგილი და უგოლო ხარ, სულ მინიმუმ, ღიმილით უნდა შეგეტყოს სიხარული და სიამოვნება. ზოგი ზეიმით კისერს იტეხს ან მხარს იგდებს. თუმცა ბალოტელის არ უზეიმია, უბრალოდ, ჩაიძუნძულა, ფეხები დააბაკუნა და დაბღვერილი მზერა ესროლა არემარეს. ვითომ ასეც უნდა იყოს, რა არის განსაკუთრებული იმაში რომ ასეთ დროს და ასეთ ადგილას გამარჯვების გოლი გაგაქვს?</p><p>არაფერი, მისთვის ეს ჩვეულებრივი ამბავია - ის ხომ მარიო ბალოტელია. ეს იყო ბრაზიანი რეაქცია გაბუტული ბავშვის, რომელსაც ბევრი უსაყვედურეს.</p><p>ბალო შეიძლება არ გიყვარდეს, მაგრამ ყოველთვის სასიამოვნოდ მზაკვრულად გაგეღიმება, როცა ახსენებ ან დაინახავ.</p><p>ვერც შეგძულდება. თუ გძულს, ესე იგი, ფეხბურთი არ გესმის, არ გიყვარს. ბალოტელი ფიგურაა, აი, ის ფიგურა, ვარშავაში გერმანიასთან მოგებული ნახევარფინალისას გატანილი ბურთის მერე რომ თავად გამოძერწა...</p><p><strong>ყოველდღიური სპორტული გაზეთი "ლელო"</strong></p>
SuperMario_45
ჰაჰა კაი იყო კარგად ვიხალისე :)) "ბალო შეიძლება არ გიყვარდეს, მაგრამ ყოველთვის სასიამოვნოდ მზაკვრულად გაგეღიმება, როცა ახსენებ ან დაინახავ. ვერც შეგძულდება. თუ გძულს, ესე იგი, ფეხბურთი არ გესმის, არ გიყვარს. ბალოტელი ფიგურაა, აი, ის ფიგურა, ვარშავაში გერმანიასთან მოგებული ნახევარფინალისას გატანილი ბურთის მერე რომ თავად გამოძერწა..." თAვიდან ბოლომდე ვეთანხმები ავტორს :))
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
დიდი ფეხბურთი მადრიდში - ინგლისმა ესპანეთს დრამატულ მატჩში სძლია
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო
ოფიციალურად: ბალოტელი "ჯენოას" ფეხბურთელია
"გვეგონა, დინოზავრები გადაშენდნენ" - ფემინისტები "სელტიკის" მწვრთნელ ბრენდან როჯერსისგან ბოდიშის მოხდას ითხოვენ
[VIDEO] სიტყვები უბრალოდ ზედმეტია - მესის ორი გენიალური გოლი 4 წუთში
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ლესტერი" როჯერსის გათავისუფლებას განიხილავს - "მელიებს" ორი კანდიდატი ჰყავთ
ბრენდან როჯერსმა "სელტიკის" მთავარი მწვრთნელის პოსტი დატოვა
"რეინჯერსი" სეზონის ბოლომდე ბარი ფერგიუსონს ჩააბარეს
სპორტრეტი. ლევან ყენია - ნიჭი, ძამიკო, ნიჭი...
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
[VIDEO] ვირცის გოლი და საგოლე პასი - "ლივერპულმა" "კრისტალ პალასი" დამაჯერებლად დაამარცხა
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
"იწყება ერა ახალი?" - რომანო ალისონზე მნიშვნელოვან ინფორმაციას ავრცელებს
სპორტრეტი. ნიკოლოზ ცქიტიშვილი - რატომ?
"ჩემი ფეხბურთელები თითქოს ხულიგნები იყვნენ" - ბენინის ნაკრების მწვრთნელის ასისტენტი არგენტინელების მოქმედებით უკმაყოფილო დარჩა
უნგრეთი თბილისში შეიძლება მთავარი ლიდერის გარეშე ჩამოვიდეს
ალისონი საერთოდ აღარ აპირებს "ლივერპულიდან" წასვლას - როგორია მამარდაშვილის სიტუაცია?
[VIDEO] გულშემატკივრების ყურადღება მიიქცია - ნახეთ სტადიონი, სადაც არაბთა გაერთიანებულ საემიროების მე-2 ლიგაში ბალოტელი თამაშობს
Sky Sports: მამარდაშვილი, სავარაუდოდ, "ლივერპულის" დატოვებას მოისურვებს
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი
The Telegraph: "სიტიმ" გვარდიოლას შემცვლელად 2 ვარიანტს განიხილავს
"მისი მსგავსი ფეხბურთელი აღარ დაიბადება" - კასანომ მესიზე ისაუბრა
სეზონის 10 საუკეთესო მწვრთნელი, ზიდანის დაუფასებლობა თუ გადაჭარბებული მოლოდინი?
ლეგენდა მშობლიურ გუნდს უბრუნდება? - მესიმ შესაძლოა, კლუბი შეიცვალოს
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე