ყველაზე სწრაფები: ვონი და იანსრუდი

სამთო თხილამურები. მსოფლიოს თასი საფრანგეთის კურორტ მერიბელში სეზონის ფინალი დაიწყო, შესაბამისად, დაიწყო პრიზების დარიგება სეზონის ლაურეატებისთვის.გუშინ სწრაფდაშვების სტარტები იყო. ამ სახეობაში ქალებს შორის დასკვითი ეტაპი ამერიკელმა ლინდსი ვონმა მოიგო და სწრაფდაშვებაში ბროლის მცირე გლობუსი მოიპოვა. ეს მის კარიერაში მეშვიდე ანალოგიური პრიზია, სულ სხვადასხვა სახეობებსა და საერთო ჩათვლაში 18 გლობუსი აქვს, გუშინ კი მსოფლიოს თასზე 66-ე ეტაპი მოიგო. სწრაფდაშვებაში მოგებული შვიდი თასი - ლეგენდარული ავსტრიელის ანემარი მოზერ-პრიოდლის რეკორდის გამეორებაა.თუ დღეს ვონი სუპერგიგანტის ჩათვლასაც მოიგებს, მას ბროლის 19 გლობუსი დაუგროვდება და ამით გაიმეორებს შვედი ინგემარ სტენმარკის რეკორდს.გუშინ, ვონმა სწრაფდაშვების ტრასა წუთსა და 29.87 წამში დაფარა და 0.24 და 0.30 წამით აჯობა ორ ავსტრიელს - ელიზაბეტ გიორგლსა და ნიკოლ ჰოსპს.რაც შეეხება საერთო ჩათვლაში გამარჯვებისთვის ბრძოლას, აქ დაძაბულობამ კულმინაციას მიაღწია. სლოვენიელმა ტინა მაზემ 0.4-წამიანი ჩამორჩენით მეოთხე ადგილი დაიკავა, ხოლო მისმა კონკურენტმა ბროლის დიდი გლობუსისთვის ბრძოლაში, ავსტრიელმა ანა ფენინგერმა მხოლოდ მერვე დრო აჩვენა. ახლა ფენინგერის ლიდერობა გენერალულ კლასიფიკაციაში 12 ქულამდე დავიდა, სეზონის დასრულებამდე კი მხოლოდ სამი რბოლაა დარჩენილი.სწრაფდაშვება. ქალები1. ლინდსი ვონი (აშშ) - 1:29.87; 2. ელიზაბეტ გიორგლი (ავსტრია) - +0.24; 3. ნიკოლ ჰოსპი (ავსტრია) - +0.30; 4. ტინა მაზე (სლოვენ) - +0.40; 5. ელენა ფანკინი (იტა) - +0.45; 6. კაროლინა რუის კასტილიო (ესპ) - +0.73...სწრაფდაშვების ჩათვლა1. ლინდსი ვონი (აშშ) - 502 ქულა; 2. ანა ფენინგერი (ავსტრია) - 399; 3. ტინა მაზე (სლოვენ) - 356; 4. ელიზაბეტ გიორგლი (ავსტრია) - 337; 5. ელენა ფანკინი (იტა) - 291; 6. ლარა გუტი (შვეიც) - 289...საერთო ჩათვლა1. ანა ფენინგერი (ავსტრია) - 1373; 2. ტინა მაზე (სლოვენ) - 1361; 3. ლინდსი ვონი (აშშ) - 942; 4. მიკაელ შიფრინი (აშშ) - 900; 5. ელიზაბეტ გიორგლი (ავსტრია) - 638; 6. ლარა გუტი (შვეიც) - 623...* * *გუშინვე გაიმართა მამაკაცების სწრაფდაშვება. კარიერაში მეათე და სეზონში მეშვიდე გამარჯვება მოიპოვა ნორვეგიელმა ჩეტილ იანსრუდმა. ამან მას ბროლის მცირე გლობუსი მოუტანა ამ სახეობაში, აგრეთვე შანსი დაუტოვა საერთო ჩათვლაში გამარჯვებისთვის.სწრაფდაშვებაში არ მონაწილეობდა გენერალური კლასიფიკაციის ლიდერი მარსელ ჰირშერი და გუშინდელი გამარჯვების შემდეგ იანსრუდმა 64 ქულამდე შეამცირა სხვაობა ავსტრიელთან. ჰირშერი დღეს გამოვა სუპერგიგანტში და შეეცდება ქულების დაგროვებას, ხოლო შაბათს და კვირას კი მისი საყვარელი დისციპლინების - გიგანტური სლალომისა და სლალომის ჯერი დადგება.გუშინდელი დღის ერთ-ერთი გმირი აღმოჩნდა შვეიცარიელი ვეტერანი დიდიე დეფაგო. სოჭის ოლიმპიადის ჩემპიონის კარიერაში ეს ბოლო სწრაფდაშვება იყო და მან მეორე ადგილი დაიკავა - 0.24 წამი წააგო იანსრუდთან.სწრაფდაშვება. კაცები1. ჩეტილ იანსრუდი (ნორ) - 1:40.86; 2. დიდიე დეფაგო (შვეიც) - +0.24; 3. გეორგ შტრაიტბერგერი (ავსტრია) - +0.31; 4. სტივენ ნიმანი (აშშ) - +0.59; 5. გილერმო ფაიედი (საფ) - +0.70; 6. მაქს ფრანცი (ავსტრია) - +0.71...სწრაფდაშვების ჩათვლა1. ჩეტილ იანსრუდი (ნორ) - 605; 2. ჰანეს რაიხელტი (ავსტრია) - 511; 3. გილერმო ფაიედი (საფ) - 389; 4. დომინიკ პარისი (იტა) - 386; 4. მატიას მაიერი (ავსტრია) - 386; 6. სტივენ ნიმანი (აშშ) - 324...საერთო ჩათვლა1. მარსელ ჰირშერი (ავსტრია) - 1248; 2. ჩეტილ იანსრუდი (ნორ) - 1184; 3. ალექსის პინტურო (საფ) - 898; 4. ფელიქ ნოიროიტერი (გერ) - 816; 5. დომინიკ პარისი (იტა) - 745; 6. ჰანეს რაიხელტი (ავსტრია) - 724...ყოველდღიური სპორტული გაზეთი "ლელო"

სილქნეტის მხარდაჭერით, საქართველოს თასის ბაკურიანის ეტაპი დიდველის ტრასაზე ჩატარდება

სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება

ფიგურულ სრიალში ქართულმა წყვილმა გრან პრიზე ოქროს მედალი მოიპოვა

საქართველოს 20-წლამდელთა ნაკრებმა ესტონეთი დაამარცხა

სალაჰი შეიძლება პრემიერლიგიდან არ წავიდეს

სატონი: ესპანეთმა საფრანგეთს სკალპი გააძრო

საფრანგეთის ნაკრებს მუნდიალის შემდეგ ზინედინ ზიდანი ჩაიბარებს

ოფიციალურად: ტილემანსი "მანჩესტერ იუნაიტედის" ფეხბურთელია

"ამ ფეხბურთელის დიდი გულშემატკივარი ვარ, "ბაიერნს" მოუხდებოდა" - სანიოლმა ყოფილ გუნდს რჩევა მისცა

ვიეირა: ფრანგი ფეხბურთელები ყველანი გაქრნენ

[VIDEO] "იბერია 1999"-მა "ფლორას" ბარიერი გადალახა - ასეთი თამაშით "სლოვანის" ძლევა ძალიან გაუჭირდებათ

ტერი: ინგლისი არგენტინაზე უკეთესია - ბელინგემი ზიდანს მომაგონებს

17-წლამდე ძალოსანთა ნაკრებმა მსოფლიო ჩემპიონატზე 14 მედალი მოიპოვა

დაბრუნება მშობლიურ გუნდში - აზარი ლიგა 1-ში ითამაშებს

"ბარსელონამ" შესაძლოა, საშინაო მატჩები ოლიმპიურ სტადიონზე კვლავ გამართოს

"პერესს ვურჩიე, თუ ერთ ფეხბურთელზეა ფული დასახარჯი, ის შეიძინოს" - მაკელელემ ფავორიტი დაასახელა

დღეს მბაპე VS იამალი, ხვალ კეინი VS მესი - ნახევარფინალების PREVIEW

ფერანის მორიგი გაშორება - ტორესმა ქალებთან ურთიერთობა ვერაფრით დაალაგა

იტალიის ნაკრებს სავარაუდოდ, პირლოს ჩააბარებენ

ალისონის წასვლა მაინც შესაძლებელია? - "ლივერპული" ბრაზილიელის გაშვებას მხოლოდ ერთ შემთხვევაში დათანხმდება

მე-3 კლასში სკოლის მიტოვება მოუწია - ოსიმენმა თქვა, რას აპირებს კარიერის დასრულების შემდეგ

შედგება თუ არა თოფურიასა და გეიჯის რემატჩი - ამერიკელი მებრძოლის აგენტმა ყველაფერი განმარტა

ეს ხუმრობა როდია - სენეგალის ნაკრების ექიმი გინეკოლოგი ყოფილა

სამთო თხილამურები. მსოფლიოს თასი: გლობუსების დარიგება დაიწყო

სამთო თხილამურები: სიურპრიზი იტალიელისგან

სოჭი 2014: სამთო თხილამურები - სვინდალი თანამემამულემ დაჩრდილა