ვლადიმერ ბოისა: კალათბურთი მომწყურდა

რვათვიანი შესვენების შემდეგ ვოვა კალათბურთს დაუბრუნდა და კრკა-ს წინააღმდეგ მატჩში "ოლიმპიასთან" ერთადაც გახურდა რვათვიანი შესვენების შემდეგ ვლადიმერ ბოისა კალათბურთს დაუბრუნდა. მან ხორვატიის ჩემპიონატის ფინალში, ივნისის დასაწყისში მიღებული მუხლის ტრავმა მოიშუშა და კრკა-ს წინააღმდეგ მატჩში "ოლიმპიას" სხვა კალათბურთელებთან ერთად გახურდა. მწვრთნელმა, იურე ჟდოვცმა იგი შეხვედრის განაცხადში ჩაწერა, თუმცა მოედანზე შეყვანისგან თავი შეიკავა. კარგი იქნებოდა, ვოვას ეთამაშა, მაგრამ მთავარი ისაა, რომ გამოჯანმრთელდა და უახლოეს მატჩებში მოედანზე აუცილებლად ვიხილავთ.- დიდი ხნით მომიწია დასვენება და, როგორც იტყვიან, კალათბურთი მომწყურდა. იმედი მაქვს, დასვენებული და მოწყურებული "ოლიმპიას" ახალ ენერგიას შევმატებ, - გვითხრა ვლადიმერ ბოისამ.მთავარმა მოვლენამ, ვოვას განაცხადში გამოჩენამ ადრიატიკის ლიგის მე-16 ტურის მატჩის შედეგი მეორეხარისხოვნად აქცია:"ოლიმპიამ" თანამემამულე კრკა-ს სტუმრად 80:75 მოუგო და სატურნირო ცხრილში პირველობა განიმტკიცა. შეგახსენებთ, რომ ამ შეხვედრამდე კრკა-სა და "ოლიმპიას" მოგება-წაგებათა თანაბარი რადენობა ჰქონდათ - 10-10 გამარჯვება, 5-5 მარცხი. 11 მოგებით ბოისასა და შერმადინის გუნდი ერთპიროვნულად გალიდერდა.კრკა-სთან შეხვედრაში მონაწილეობა არ მიუღია "ოლიმპიას" ქართველ ცენტრ გიორგი შერმადინს, რომელიც გაციებულია და ექიმებმა დასვენება გამოუწერეს.მიუხედავად უთამაშებლობისა, შერმადინის შესახებ მაინც დავწერთ. ევროლიგის ოფიციალურ საიტზე F ჯგუფის ("ოლიმპია", "ბარსელონა", "მაქაბი", "რომა") ოთხი გუნდის თითო კალათბურთელის პრო-ფაილია ჩამოწერილი. "ბარსელონადან" ბონიფაც ნდონგია წარმოდგენილი, "რომადან" ალი ტრაორე, "მაქაბიდან" დორონ პერკინსი, ხოლო "ოლიმპიადან" გიორგი შერმადინი.გავეცნოთ ქართველი კალათბურთელის ევროლიგისეულ სურათს:"ქართული ტრადიციისამებრ, მსოფლიოს მასშტაბით სახელის მოხვეჭას შერმადინიც სლოვენიურ "ოლიმპიაში" ცდილობს.გიორგიმდე ლიუბლიანური კლუბის ღირსებას იცავდნენ ვლადიმერ სტეფანია, ვლადიმერ ბოისა და მანუჩარ მარკოიშვილი. მობილურობა, ზუსტი ტყორცნები და გრძელი ხელები შერმადინს ევროლიგის წლევანდელ სეზონში და საერთოდ ევროპაში, ერთ-ერთ საუკეთესო ახალგაზრდად აქცევს. იგი ევროლიგაზე ყოველ ორ წუთში ერთ ქულას აგროვებს. ამით გუნდს ტოპ-16-ში მოხვედრაში დიდი დახმარება გაუწია.საოცარია, მაგრამ 2005 წლამდე შერმადინს საკალათბურთო ცოდნა არ მიუღია, საქმეს ხელი სერიოზულად 16 წლისამ მოჰკიდა და 3 წელიწადში საქართველოს ჩემპიონატის გამორჩეულ კალათბურთელად იქცა: "მაქაბის" მაისურით საშუალოდ 33.5 ქულას, 18.4 მოხსნასა და 3.3 დაფარებას აგროვებდა. ეს მხედველობიდან არ გამოპარვია ახალგაზრდებზე "მონადირე" "პანათინაიკოსს" და შერმადინს 2008 წელს ოთხწლიანი კონტრაქტი შესთავაზა. გიორგი "მწვანეების" შემადგენლობაში პირველ სეზონში ცოტას თამაშობდა, შარშან კი გუნდის უცვლელ წევრად იქცა. მიმდინარე სეზონის წინ "პანათინაიკოსის" ხელმძღვანელობამ ქართველის სლოვენიის "ოლიმპიაში" განათხოვრება გადაწყვიტა.იგი თამაშებში ძირითადად "ოლიმპიას" სათადარიგოთა სკამიდან ერთვება და დროს უქმად არ კარგავს: წუთობრივ მაჩვენებელთან შეფარდებით ევროლიგაზე მეათეა მათ შორის, ვისზეც მოწინააღმდეგეები ხშირად ჯარიმდებიან (0.21-ჯერ წუთში). შერმადინი შეტევით მოხსნებშიც ერთ-ერთი საუკეთესოა - 0.11 წუთში, ხოლო მეათეა სროლის სიზუსტეში (67.9 პროცენტი). იგი ევროლიგის ცენტრებს შორის მესამე ადგილზეა საჯარიმოების რეალიზებაში - 87.5 პროცენტი.ზემოთ აღვნიშნეთ, რომ შერმადინი "ოლიმპიას" ტოპ-16-ში მოხვედრაში დაეხმარა. ამას ფაქტებიც მოწმობს: გიორგიმ "ეფესთან" ოროვერტაიმიან მატჩში მესამე პერიოდის ბოლოს 9 ქულა ჩააგდო და გუნდს სოლიდური დეფიციტის აღმოფხვრაში დაეხმარა; მის მიერ მეოთხე პერიოდში ჩაგდებული რამდენიმე ქულა "ვალენსიას" ლიუბლიანაში ძლევის საწინდარი გახდა; მწვრთნელმა შერმადინი "მილანთან" საშინაო მატჩშიც გამოიყენა - ქართველმა შვიდივე ქულა გადამწყვეტ მომენტში ჩააგდო და გუნდი პირველი საშინაო მარცხისგან იხსნა; ასე რომ, გიორგი უბრალოდ სასარგებლო კი არ არის, არამედ გადამწყვეტ მომენტშია სასარგებლო.ფაქტი, რომ შერმადინი კალათბურთს ექვსი წელია, რაც თამაშობს, მის სწრაფ პროგრესზე მეტყველებს. ამასთან, ნათლად ჩანს, რომ მეტიც შეუძლია. მას შორი დისტანციიდან სროლაც ხელეწიფება, მაგრამ ამას "ოლიმპიაში" არ აკეთებს, ქულებს უმთავრესად ფარქვეშიდან აგროვებს. და რაც მთავარია: "ოლიმპიას" ფანები უკვე დარწმუნდნენ, რომ შერმადინს შეუძლია ევროლიგის ტოპ-16-ში ნებისმიერ ცენტრს სათანადოდ გაუმკლავდეს."დავძენთ: ოლიმპიელები ევროლიგის მეორე ეტაპზე პირველ შეხვედრას 20 იანვარს ჩაატარებენ - "რომას" ეწვევიან"..

შენგელიას გამარჯვება კატალონიურ დერბიში და შერმადინის შედეგიანობა მარცხის ფონზე

ქართული ლეგიონის უქმეები: პლეი-ოფის მოლოდინი და ევროპული ბატალიები

შერმადინი ერთ-ერთი საუკეთესო იყო | "ტენერიფე" მე-3 ადგილისთვის მატჩში დამარცხდა

ოფიციალური შეთავაზება მზადაა - ალისონი "იუვენტუსს" სულ უფრო უახლოვდება

ვან დე სარმა თავისი აზრით ამ მომენტისთვის მსოფლიოს საუკეთესო მეკარე დაასახელა

"ასტონ ვილა" - "ლივერპული". გუნდების შემადგენლობები ცნობილია

თბილისის 7-კაცას "ლოკომოტივის ბაზა" უმასპინძლებს

ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს

"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა

მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ

WhiteBIT და FC Barcelona ხუთწლიან შეთანხმებას აანონსებენ, რომელიც მიზნად ისახავს სპორტში გლობალური ინოვაციების დანერგვას

"ასე ხდება, როცა სულელურად თამაშობ" - სნეიდერმა კამავინგა "გაამხნევა"

"ნიუკასლის" შემტევმა "ბაიერნთან" პირადი კონტრაქტი შეათანხმა

[VIDEO] მბაპეს "რეალის" ფანების გამაყრუებელი სტვენა სასაცილოდ არ ეყო

"ძმაო, ვიცი, რაოდენ ბედნიერი ხარ" - თოფურიამ სერხიო რამოსს "სევილიას" შეძენა მიულოცა

შევალიეს გარეშე - დეშამმა მსოფლიოს ჩემპიონატისთვის საფრანგეთის ნაკრების შემადგენლობა გამოაცხადა

მოურინიოს დასაბრუნებლად "რეალს" "ბენფიკასთვის" კომპენსაციის გადახდა მოუწევს

კვარაცხელიასთან და დემბელესთან ერთად შეუტევს - პსჟ-ს ახალი თავდამსხმელი ეყოლება

ლევან კორღალიძე: ახლა ჩვენი ყველაზე დიდი "მტერი" არის დრო

ალისონი მიდის თუ რჩება და ვინ ჩადგება "ასტონ ვილასთან" კარში? - სლოტმა კითხვაზე უპასუხა

თსუ-ს იოლი გასეირნება ტყიბულში: სტუდენტები ფინალს მიუახლოვდნენ

ქვიზი: შეამოწმე, რამდენად კარგად იცნობ პსჟ-ს ისტორიას?