<p>მოჭადრაკე ქალთა 68-ე ეროვნული ჩემპიონატის მე-3 ტურში, წინა დღის მსგავსად, 6-დან 2 შეხვედრა აღმოჩნდა შედეგიანი</p><p><br> <strong>ანაკლია</p><p></strong>მოჭადრაკე ქალთა 68-ე ეროვნული ჩემპიონატის მე-3 ტურში, წინა დღის მსგავსად, 6-დან 2 შეხვედრა აღმოჩნდა შედეგიანი. დანარჩენ 4 პაექრობაში კი მეტოქეებმა მშვიდობიან ზავს მოაწერეს ხელი. ყაიმზე შეთანხმდნენ: ნინო ბაციაშვილი (2396)-ნინო ხურციძე (2436), მარიამ დანელია (2248)-მირანდა მიქაძე (2362), ლელა ჯავახიშვილი (2438)-სალომე მელია (2449), მაკა ფურცელაძე (2323)-ბელა ხოტენაშვილი (2440). ისევ სუსტად ითამაშა ჩემპიონატის რეიტინგფავორიტმა ნაზი პაიკიძემ (2455), რომელიც ტურნირზე მეორედ დამარცხდა, ამჯერადაც თეთრი ფიგურებით საქართველოს შარშანდელ მესამე პრიზიორ მაია ლომინეიშვილთან (2345). პირველი გამარჯვება იზეიმა ხუთი შვილის დედამ, საერთაშორისო ოსტატმა სოფიო ნიკოლაძემ (2254). მან მერი არაბიძეს (2315) აჯობა.</p><p>სატურნირო მდგომარეობა 3 ტურის შემდეგ: მელია, ხოტენაშვილი, დანელია, ხურციძე-2-2, ბაციაშვილი, ჯავახიშვილი, ფურცელაძე (2-დან), მიქაძე, ლომინეიშვილი (2-დან)- 1,5-1,5, ნიკოლაძე-1, პაიკიძე, ხუხაშვილი (2-დან), არაბიძე - 0,5-0,5 ქულა.</p><p>დღეს მე-4 ტურში ითამაშებენ: არაბიძე-ფურცელაძე, მელია-ნიკოლაძე, მიქაძე-ჯავახიშვილი, ხურციძე-დანელია, ლომინეიშვილი-ბაციაშვილი, ხუხაშვილი-პაიკიძე, ხოტენაშვილი ისვენებს.</p><p><strong></p><p>თბილისი</p><p></strong>ნონა გაფრინდაშვილის სახელობის თბილისის ჭადრაკის სასახლეში გუშინ სტარტი აიღო საქართველოს ვაჟთა 70-ე ეროვნულმა ჩემპიონატმა, რომელშიც სხვადასხვა ქალაქისა და რაიონის 16 წარმომადგენელი ჩაება. მედლების მფლობელები ნოკაუტსისტემით გამოვლინდებიან. პირველ და მეორე რაუნდებში მეტოქეები ორ-ორ, ნახევარფინალსა და ფინალში კი ოთხ-ოთხ კლასიკურ პარტიას ითამაშებენ. მინიმატჩების მოგებისთვის ეს თუ არ იკმარებს, ტაიბრეიკები დაინიშნება.</p><p>ტურნირის (დირექტორი ზურაბ მიქაძე, მთავარი მსაჯი - ევგენი მელიქსეთ-ბეგი) საპრიზო ფონდია 14500 ლარი, რომელიც ასე განაწილდება: I ადგილი-4000, II-3500, III-3000, IV-2000, V-VIII-500-500 ლარი. ჩემპიონი და ვიცე-ჩემპიონი ეროვნულ ნაკრებში დაიბევებენ ადგილს, პრიზიორებს კი ჭადრაკის ფედერაცია ევროპის პირველობაზე გასამგზავრებლად დააფინანსებს.</p><p>შეჯიბრებაში მონაწილეთაგან საქართველოს ჩემპიონები ორ-ორჯერ იყვნენ მიხეილ მჭედლიშვილი (2001-2002) და მერაბ გაგუნაშვილი (2004, 2010), ხოლო თამაზ გელაშვილი (2000), ლევან ფანცულაია (2008) და თორნიკე სანიკიძე (2009) კვარცხლბეკის უმაღლეს საფეხურზე თითოჯერ ავიდნენ.</p><p>წლევანდელი პირველობის რეიტინგფავორიტია მიხეილ მჭედლიშვილი (2641), რომელსაც ჩვენთან ბაადურ ჯობავას შემდეგ მეორე ადგილი უკავია. პირველ რაუნდში იგი ეროვნულ ოსტატს, სხვადასხვა ასაკში საქართველოს ჩემპიონსა (20-წლიანებში) და მრავალგზის პრიზიორს, შავი ზღვის აუზის ქვეყნების უნივერსიადის გამარჯვებულ დავით ზარქუას (2350) ხვდება.</p><p>ეგონათ, მჭედლიშვილი იოლად დაძლევდა ამ ბარიერს, მაგრამ 23 წლის ზარქუამ მასზე 8 წლით უფროს მეტოქეს (ისინი აქამდე ორჯერ შეხვედრიან ერთმანეთს და ანგარიში თანაბარია - 1:1) სიურპრიზი შესთავაზა: ძველინდური დაცვის ერთ-ერთ ვარიანტში, რომელსაც მჭედლიშვილი ეფექტიანად იყენებს, ზარქუამ თეთრებით მე-6 ა4 სვლით ტრადიციულ გაგრძელებას ზურგი აქცია. მე-16 სვლაზე ლაზიერის ც3 უჯრაზე გადაადგილების შემდეგ შავებმა მოწინააღმდეგეს წონასწორობის აღსადგენად ვერაფერი დაუპირისპირეს: პირიქით - 6 სვლაში ორი პაიკი დაკარგეს. 31-ე სვლისთვის ზარქუამ, ფაქტობრივად, მოგებული პოზიცია (დიაგრამა) მიიღო.</p><p>დიაგრამა</p><p>30. მც4 ეე7 31. ლფ5 ეფ8</p><p>32. ლგ4+ მფჰ8 33. მე3 ლდ6</p><p>34. მფ5 ლდ7 35. დ6 ეე5</p><p>36. მე3 ლდ8 37. დ7 ეგ8</p><p>38. ლფ4 ეჰ5 39. ეჰ1 ეჰ4</p><p>40. ლფ7 ეჰ6 41. ლც4 და შავები დანებდნენ.</p><p>სპეციალისტებისთვის ასევე მოულოდნელი იყო თეთრებით დიდოსტატ მერაბ გაგუნაშვილის (2619) ყაიმი ეროვნულ ოსტატ გიგა ყუფარაძესთან (2395). დანარჩენ ორთაბრძოლებში დაზავდნენ: ლუკა პაიჭაძე (2483)-დავით არუთინიანი (2578), კონსტანტინე შანავა (2560)-მალხაზ სულაშვილი (2497), დავით ჯოჯუა (2515)-თორნიკე სანიკიძე (2559), გიორგი მარგველაშვილი (2544)-დავით ბენიძე (2522). ლევან ფანცულაიამ (2610) შავი ფიგურებით ბაჩანა მორჩიაშვილს (2400) აჯობა, ხოლო თამაზ გელაშვილმა (2608) შოთა აზალაძე (2456) დაამარცხა.</p><p>დღეს განმეორებითი შეხვედრები გაიმართება.</p><p><strong></p><p>ყოველდღიური სპორტული გაზეთი "ლელო"</p><p>.</strong></p>
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"