<p>საქართველოს ეროვნული ჩემპიონატი. უმაღლესი ლიგა. XXVII ტური <br> "სიონი" უმაღლეს ლიგაში ადგილის შესანარჩუნებლად იბრძვის და მისთვის თითოეულ ქულას სასიცოცხლო მნიშვნელობა აქვს. ბოლნისელებმა შეხვედრა აქტიურად დაიწყეს და საწყისი 10 წუთის განმავლობაში უპირატესობასაც ფლობდნენ, თუმცა ჯაბა უგულავას მიერ მახვილი კუთხიდან განხორციელებულ არაზუსტ დარტყმას თუ არ ჩავთვლით, ქუთაისელთა კართან რეალური ხიფათი არ შექმნილა.</p><p>სტუმრებისგან განსხვავებით, გიორგი დარასელიას შეგირდებს უმაღლესი ლიგიდან გავარდნა კარგა ხანია აღარ ემუქრებათ. ეგ კი არა, ტორპედოელებს ევროთასებზე მოხვედრაც შეეძლოთ, მაგრამ ზედიზედ ორი წაგების შემდეგ მათი საევროპო ამბიციები სამომავლოდ გადაიდო.</p><p>ამ შეხვედრაში ქუთაისელთა მთავარი მიზანი ორი წაგების შემდეგ საკუთარი გულშემატკივრების წინაშე რეაბილიტაცია იყო.</p><p>ყოველგვარი წნეხის გარეშე მოთამაშე "ტორპედომ" თანდათან უპირატესობა მოიპოვა. ბუდუ ზივზივაძის დარტყმა მირზა მერლანმა მოიგერია. ამას ზივზივაძე-კირკიტაძის ორსვლიანი კომბინაცია მოჰყვა, რომელიც უკანასკნელის დარტყმით დასრულდა, თუმცა კუთხე მახვილი იყო და მეკარემ ბურთი კორნერზე მოიგერია. აქედან კი ირაკლი კლიმიაშვილმა მოაწოდა ბურთი, რასაც ადამაძემ თავური დარტყმა მიაყოლა, თუმცა ბურთი სამიზნეს ასცდა.</p><p>ტემპი არცთუ ისე მაღალი იყო. მასპინძლები უფრო მეტად აქტიურობდნენ, რასაც კიდევ ერთი მომენტი მოჰყვა - მარჯვენა ფრთიდან გივი იოსელიანმა საპირისპირო ფლანგზე ტუღუშს ჩაუწოდა ბურთი, რომლის დარტყმაც მერლანმა იოლად მოიგერია.</p><p>შემდეგ ზაზა ჭელიძე გადიოდა მეკარესთან პირისპირ, მაგრამ მცველმა ვარდნაში სცადა ბურთის ართმევა, რასაც ქუთაისელთა საყრდენი ნახევარმცველის წაქცევა მოჰყვა. მასპინძლები ჯარიმას ითხოვდნენ, მაგრამ არბიტრმა სხვაგვარად განსაჯა და ჭელიძეს სიმულაციისთვის ყვითელი ბარათი აუფრიალა.</p><p>პირველ ტაიმში ყველაზე რეალური მომენტი დავით კირკიტაძეს შეექმნა, როცა საჯარიმოს რკალიდან მისი უძლიერესი დარტყმა მერლანმა საუცხოოდ განმუხტა. ბოლნისელებმა რიონისპირელთა შეტევებს დათა სიჭინავას ორი საჯარიმო დარტყმით უპასუხეს, თუმცა ბურთი ორივეჯერ ასცდა მიზანს.</p><p>მეორე ტაიმი გაცილებით დინამიკური გამოდგა. შეხვედრა ქუთაისელთა უპირატესობით განახლდა. მარცხენა ფლანგიდან აქტიურად ერთვებოდა შეტევებში ქიმაძე, რომელმაც რამდენჯერმე გაამწვავა სიტუაცია.</p><p>კარგად ჩაერთო შეხვედრაში შოთა ბაბუნაშვილი, რომელმაც "ტორპედოს" შეტევებს სიმწვავე შემატა. განსაკუთრებით ის ეპიზოდია აღსანიშნავი, როცა ვეტერანმა ნახევარმცველმა საჯარიმოს ხაზიდან ბოლნისელთა კარის ძელი შეაზანზარა.</p><p>გამოუყენებელი მომენტების გამო "ტორპედო" კინაღამ დაისაჯა - კუთხურის შემდეგ ლუის ალბერტო ურტყამდა თავით და ქიმაძემ ბურთი თავითვე გამოიტანა ცარიელი კარიდან.</p><p>ქვემოქართლელებს ცოტა ხანში კიდევ მიეცათ ანგარიშის გახსნის შესანიშნავი შანსი, როცა საჯარიმოს წინა ხაზიდან ალექსანდრე გოგობერიშვილმა "დააქუხა" და მეკარე ალექსეი შევჩენკომ თავგანწირული ნახტომით შეძლო ბურთის მოგერიება.</p><p>ბოლო წუთებმა კვლავ "ტორპედოს" უპირატესობით ჩაიარა. "სიონი" განსაკუთრებით შეცვლაზე შესულმა ბაბუნაშვილმა და ვახტანგ კვარაცხელიამ გააწამეს. 85-ე წუთზე სწორედ მათი შეტევისას სტუმრები სასწაულებრივად გადაურჩნენ გოლს - ბაბუნაშვილის გადაცემის შემდეგ კვარაცხელია დაახლოებით 8 მეტრიდან ურტყამდა კარში. გოლი გარდაუვალი ჩანდა, მაგრამ... მერლანმა პატარა სასწაული მოახდინა და აკრობატულ ნახტომში ურთულესი ბურთი მოიგერია.</p><p>მაგრამ ამ დუეტის მორიგი მცდელობისას მერლანიც უძლური აღმოჩნდა. მატჩის მიწურულს ბაბუნაშვილმა მარჯვენა ფლანგიდან ჯარიმა შეასრულა და კვარაცხელიამ თავურით გამარჯვების გოლი გაიტანა.</p><p>დარჩენილ დროში საინტერესო აღარაფერი მომხდარა. "სიონმა" ამ მარცხით მდგომარეობა კიდევ უფრო გაირთულა. ბოლნისელებს უმაღლეს ლიგაში ადგილის შესანარჩუნებლად დიდი ძალისხმევა დასჭირდებათ.</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXVII ტური</strong></span></p><p>09.05. ქუთაისი. "რამაზ შენგელია"</p><p><em><strong>ტორპედო-სიონი 1:0</strong></em></p><p>გოლები: 1:0 კვარაცხელია (88. ბაბუნაშვილის პასით)</p><p><span style="text-decoration: underline;">ტორპედო (4-2-3-1):</span> შევჩენკო - იოსელიანი, ადამაძე, მირცხულავა, ქიმაძე - მამასახლისი, ჭელიძე (46. ბაბუნაშვილი) - კირკიტაძე, კლიმიაშვილი, ტუღუში (56. კვარაცხელია) - ზივზივაძე (75. გოგუაძე).</p><p>სათადარიგოები: შეყრილაძე, მახვილაძე, ადამაშვილი, პუხაევი</p><p>მწვრთნელი: გიორგი დარასელია</p><p><span style="text-decoration: underline;">სიონი (5-4-1):</span> მერლანი - ფოფხაძე, მოსემღვდლიშვილი, ცნობილაძე, გურეშიძე, გოგობერიშვილი - ცხადაია, ჭანკოტაძე (59. საჯაია), სიჭინავა (78. და სილვა), უგულავა (68. ლობჯანიძე) - ლუის ალბერტო.</p><p>სათადარიგოები: ორთოიძე, ოთარაშვილი, მიქაბერიძე, ჭიკაიძე</p><p>მწვრთნელი: ლადო ბურდული</p><p><span style="text-decoration: underline;">გაფრთხილება:</span> ქიმაძე (37), უგულავა (55), საჯაია (73)</p><p><span style="text-decoration: underline;">არბიტრი:</span> ხ. გაგნიძე.</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 14</p><p>გ. პაპუნაშვილი (დინამო თბ) 11</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 9</p><p>შ. ლომია (ზუგდიდი) 9</p><p>დ. სიჭინავა (კოლხეთი/სიონი) 9</p><p>გ. ბერიაშვილი (დინამო ბთ) 8</p><p>ნ. კაჭარავა (ცხინვალი) 8</p><p>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</p><p><span style="color: #3366ff;"><strong>მომდევნო (XXVIII) ტური</strong></span></p><p><span style="text-decoration: underline;">13 მაისი, ოთხშაბათი</span></p><p>სიონი-დინამო (ბთ)</p><p>ჩიხურა-გურია</p><p>დინამო (თბ)-ზუგდიდი</p><p>კოლხეთი-მერანი</p><p>მეტალურგი-ვიტ ჯორჯია</p><p>სამტრედია-დილა</p><p>შუქურა-ცხინვალი</p><p>ზესტაფონი-ტორპედო 0:3 (ტექ.).</p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
[VIDEO] "რამდენიმე ფეხბურთელს ვესაუბრებით" - "ტორპედოს" მწვრთნელმა შესაძლო ტრანსფერებზე ისაუბრა და შეკრება შეაფასა
"სიონის" მწვრთნელად სოსიაშვილი დანიშნეს
[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?
"ტორპედო" ფულის საჭრელი მანქანა არაა და მალე ამას ყველა გაიგებთ!" - ქუთაისელთა ფანების პროტესტი
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
გურია-ტორპედო 2:1 - გურულ-იმერული ტრიბუნა(ლი) [VIDEO]
გიორგი დარასელია "სამტრედიის" მთავარი მწვრთნელი გახდა
ტორპედო-ჰობრო 2:1 - მოგება დანიის სუპერლიგელთან [VIDEO]
"შევარდენის" მთავარ მწვრთნელად გიორგი დარასელია დაინიშნა
"ტორპედოში" 2 მატებაა - კლუბი დღეიდან მზადებას კვიპროსში განაგრძობს
სიახლეები ქუთაისის "ტორპედოში": წილოსანი გადაწყდა, მიგინეიშვილი განიხილება
ტორპედო-საპოვნელა 4:1 - "ფეარ პლეიმაც" გაიმარჯვა [VIDEO]
გიორგი დარასელია გორის "დილას" აღარ გაწვრთნის
ქუთაისის "ტორპედო" საქართველოს ნაკრების ფეხბურთელს იმატებს
უხვი გოლი თურქეთში შეკრებამდე - "ზუგდიდმა" "სამეგრელოსთან" ისპარინგა
"ყაზახეთის ლიგა საქართველოზე ძლიერი სწორედ ამიტომაა" - იონსენმა "ორდაბასიში" სასწაული მოახდინა და ჩვენს ჩემპიონატზე ისაუბრა
ეროვნული ლიგა. XXV ტური: გაბედავას დუბლი და დარასელიას "სამტრედია" ისევ აგებს
ოთარ კუსიანმა და ვახტანგ კვარაცხელიამ ლანჩხუთის "გურია" დატოვეს