NBA. ფინალი. VI მატჩი: "მეომრების" მოგებული ომი

ერთი კაცი ფინალშიც ცოდოა მეექვსე მატჩის წინ ცოტა ვინმეს თუ სჯეროდა, რომ "კლივლენდი" შეძლებდა საკუთარ კედლებში მოგებას და სერიის შვიდ მატჩამდე გაგრძელებას.მართალია, ლებრონ ჯეიმსი მაქსიმალურად ცდილობდა საკუთარი პარტნიორების გამხნევებას, მაგრამ შემადგენლობის სიღრმისა და მოთამაშეთა საერთო კლასში სხვაობის კომპენსირება შეუძლებელი აღმოჩნდა. სტივ კერმა ისევ "დაბალი" ხუთეულით დაიწყო შეხვედრა, ხოლო ენდრიუ ბოგუტს საერთოდ არ მისცა სათამაშო დრო და სათადარიგო ცენტრად ფესტუს ეზელი გამოიყენა.დევიდ ბლატმა კი ტიმოფეი მოზგოვისა და ტრისტან ტომპსონის სიმაღლის წყალობით გადაწყვიტა გაეგრძელებინა ზეწოლა სამწამიან ზონაზე. წინა მატჩებში ამან ძალიან ბევრი შეცდომა გამოიწვია და გამონაკლისი არც გუშინდელი შეხვედრა აღმოჩნდა. უკვე პირველ მეოთხედში "კავალერებმა" ცხრა შეცდომა დაუშვეს, რომელიც 14 საპასუხო ქულაში გარდაისახა. შესაბამისად, "გოლდენ სტეიტმა" 26:8 გაქცევით დაიწყო მატჩი და პირველი მეოთხედი 13 ქულის სხვაობით მოიგო.მეორე 12-წუთეულში ბლატმა კიდევ უფრო "აამაღლა" თავისი ხუთეული, როცა ერთადერთ ნომინალურ მცველთან იმან შამპერტთან ერთად, მოედანზე იყვნენ მოზგოვი, ტომპსონი, ჯონსი და ჯეიმსი. მართალია, მასპინძლებმა მეტოქის დაწევა ვერ შეძლეს, მაგრამ დიდი შესვენებისთვის სხვაობა ორ ქულამდე შეამცირეს. ამაში თავისი როლი თამაშა "კლივლენდის" დაცვამ. "გოლდენ სტეიტმა" დროებით შეამცირა ქულების დაგროვება, თუმცა ბურთს კარგად ათამაშებდა. პირველი ნახევარში სტუმრების ანგარიშზე 16 შედეგიანი პასი მოდიოდა.მეორე მეოთხედში ერთ ღირსშესანიშნავ მომენტს ჰქონდა ადგილი - ლებრონმა მორიგი ზუსტი სამქულიანით მატჩში მე-14 და კარიერაში 5002-ე ქულა დააგროვა. ამით ის გახდა 5000-იანთა კლუბის მეექვსე წევრი და ისეთი ლეგენდების გვერდით დადგა, როგორებიც არიან: მაიკ ჯორდანი, ქარიმ აბდულ-ჯაბარი, კობი ბრაიანტი, შაკილ ო'ნილი და ტიმ დანკანი.მოკლედ, "კლივლენდი" ორ ქულამდე მიუახლოვდა მეტოქეს, მესამე მეოთხედის სტარტზე კი ტრისტან ტომპსონმა წინ გაიყვანა თავისი გუნდი - 47:45.თითქოს თამაშში გარდატეხის დრო დადგა, მაგრამ არ დაიბნა "უორიორზის" დამრიგებელი სტივ კერი, რომელმაც მოზგოვის აქტიურობას მოედანზე ფესტუს ეზელის გაყვანით უპასუხა. სათადარიგო ცენტრმა მესამე მეოთხედში რვა ქულა დააგროვა და ეს გახდა "გოლდენ სტეიტის" მორიგი გაქცევის ერთ-ერთი მთავარი მიზეზი. საინტერესოა, რომ ამ მეოთხედში კარიმ და ტომპსონმა ერთად მხოლოდ ერთი ქულა დააგროვეს, მაგრამ "უორიორზისთვის" ეს პრობლემას არ წარმოადგენდა, რადგან სხვები იყვნენ მოწოდების სიმაღლეზე.მართალია, მეოთხე მეოთხედი "კლივლენდმა" 7:0 გაქცევით დაიწყო, მაგრამ მატჩში ინტრიგის აღდგენა არ მოხერხდა. მასპინძელთა რიგებში მოულოდნელად ათამაშდა ჯეი არ სმიტი, რომელმაც 12 წუთში 15 ქულა დააგროვა (ოთხი სამქულიანი ჩააგდო), მაგრამ სამქულიანები "გოლდენ სტეიტსაც" წაუვიდა და კარის, ტომპსონისა და იგუოდალას ზუსტი შორეული ტყორცნების შემდეგ სხვაობა 14 ქულამდე გაიზარდა. "კავალიერზმა" მხოლოდ ის მოახერხა, რომ ბოლოსკენ ჯარიმების ტაქტიკით სცადა მატჩის გადარჩენა და ერთხელ ოთხ ქულამდე შეამცირა სხვაობა, მაგრამ როცა საფინალო სირენამდე სმიტმა სამქულიანი ააცილა, ბრძოლამ ყოველგვარი აზრი დაკარგა.ლებრონმა მატჩის დასრულებისთანავე მიულოცა კარის და გასახდელისკენ გაემართა. პირველი სამი შეხვედრის შემდეგ გაჩნდა აზრი იმის შესახებ, რომ ჯეიმსი შეიძლებოდა გამხდარიყო მეორე მოთამაშე NBA-ის ისტორიაში, რომელსაც ფინალური სერიის წაგების მიუხედავად დაასახელებდნენ საუკეთესო მოთამაშედ. მაგრამ ბოლო სამ მატჩში მარცხის გამო, ამის შანსი აღარ დარჩა. ფინალური სერიის MVP გახდა ანდრე იგუოდალა, რომელიც სწორედ ჯეიმსს მეურვეობდა, მაგრამ მოასწრო და სერიაში თავისი გუნდის მეორე ბომბარდირი გახდა.კლივლენდი-გ. სტეიტი 97:10515:28, 28:17, 18:28, 36:32კ: ჯეიმსი (32+18 მოხსნა+9 პასი+6 შეცდომა), სმიტი (19+5 მოხსნა), მოზგოვი (17+12 მოხსნა+4 დაფარება), ტომპსონი (15+13 მოხსნა).გ-ს: კარი (25+9 პასი+6 მოხსნა+3 ჩაჭრა), იგუოდალა (25+5 მოხსნა+5 პასი), გრინი (16+11 მოხსნა+10 პასი+3 ჩაჭრა), ეზელი (10), ლივინგსტონი (10).სერია: 2-4ყოველდღიური სპორტული გაზეთი "ლელო"

ლებრონისთვის ბრძოლაში სამი ფავორიტი გამოიკვეთა - სად გააგრძელებს კარიერას ლებრონ ჯეიმსი?

უარი 50 მილიონზე - ვემბანიამამ "სპურსთან" კონტრაქტი გაახანგრძლივა

ოფიციალურად: ლებრონ ჯეიმსმა "ლოს ანჯელეს ლეიკერსი" დატოვა

საქართველოს 20-წლამდელთა ნაკრებმა ესტონეთი დაამარცხა

სალაჰი შეიძლება პრემიერლიგიდან არ წავიდეს

სატონი: ესპანეთმა საფრანგეთს სკალპი გააძრო

საფრანგეთის ნაკრებს მუნდიალის შემდეგ ზინედინ ზიდანი ჩაიბარებს

ოფიციალურად: ტილემანსი "მანჩესტერ იუნაიტედის" ფეხბურთელია

გამარჯვება 2 სეტში - ბასილაშვილმა ბაშტადში მოგებით დაიწყო

ბართიშვილს პირადად დააკვირდნენ - "არსენალის" სკაუტი "იბერიას" მატჩზე და ქართველის შესაძლო ტრანსფერის ამბავი

ნურმაგომედოვმა თავისი აზრით, მსოფლიოს საუკეთესო 6 ფეხბურთელი დაასახელა - მერამდენე ადგილზე დააყენა მან კვარაცხელია

"ამ ფეხბურთელის დიდი გულშემატკივარი ვარ, "ბაიერნს" მოუხდებოდა" - სანიოლმა ყოფილ გუნდს რჩევა მისცა

სრულიად შეცვლილი წესი ფეხბურთისგან - რას გეგმავს FIFA 2026 წლის მუნდიალის ფინალში

ვიეირა: ფრანგი ფეხბურთელები ყველანი გაქრნენ

[VIDEO] "იბერია 1999"-მა "ფლორას" ბარიერი გადალახა - ასეთი თამაშით "სლოვანის" ძლევა ძალიან გაუჭირდებათ

ტერი: ინგლისი არგენტინაზე უკეთესია - ბელინგემი ზიდანს მომაგონებს

17-წლამდე ძალოსანთა ნაკრებმა მსოფლიო ჩემპიონატზე 14 მედალი მოიპოვა

დაბრუნება მშობლიურ გუნდში - აზარი ლიგა 1-ში ითამაშებს

"ბარსელონამ" შესაძლოა, საშინაო მატჩები ოლიმპიურ სტადიონზე კვლავ გამართოს

"პერესს ვურჩიე, თუ ერთ ფეხბურთელზეა ფული დასახარჯი, ის შეიძინოს" - მაკელელემ ფავორიტი დაასახელა

სარეკორდო ტრანსფერი - ლუკა ვუშკოვიჩი პრემიერ ლიგაში ითამაშებს

დღეს მბაპე VS იამალი, ხვალ კეინი VS მესი - ნახევარფინალების PREVIEW

ფერანის მორიგი გაშორება - ტორესმა ქალებთან ურთიერთობა ვერაფრით დაალაგა