<p>ბიზნესის ჩემპიონთა ლიგის შვიდწლიან ისტორიაში ზედიზედ მეორედ, "ნატახტარი" ოქროს ლიგის ჩემპიონი გახდა <br> ბიზნესის ჩემპიონთა ლიგის შვიდწლიან ისტორიაში ზედიზედ მეორედ, "ნატახტარი" ოქროს ლიგის ჩემპიონი გახდა.</p><p>21 ივნისს, ჯ. ცერცვაძის სახელობის ხელბურთის აკადემიის ცენტრალურ დარბაზში გამართულ ფინალურ შეხვედრაში "ნატახტარი" "ევროპაბეთს" დაუპირისპირდა და 5-1 დაამარცხა.</p><p>საკუთარი გუნდის გაჩემპიონებაში უდიდესი წვლილი შეიტანა "ნატახტარის" შემტევმა კახაბერ გოგოხიამ, რომელმაც გუშინ პოკერის შესრულება შეძლო. კიდევ ერთი გოლი გუნდის კაპიტნის, გიორგი სეფერთელაძის ანგარიშზეა. "ბუკმეკერების" მხრიდან, რომელთათვისაც ეს სეზონის ლიგაში სადებიუტო იყო, თავი ლევან კოპალიანმა გამოიჩინა. მატჩი საკმაოდ სანახაობრივი გამოდგა, რასაც დამატებით ხიბლს ორივე გუნდის ქომაგთა აქტიური მხარდაჭერა სძენდა.</p><p>ფინალის საუკეთესო მოთამაშედ, რასაკვირველია, პოკერის ავტორი კახაბერ გოგოხია დასახელდა. მასვე ერგო ოქროს ლიგის 2014/15 წწ. სეზონის საუკეთესოს ტიტულიც.</p><p><span style="color: #ff0000;"><strong>21.06.2015. ოქროს ლიგა. ფინალი</strong></span></p><p><strong>ევროპაბეთი - ნატახტარი 1-5</strong></p><p>გოლები: კოპალიანი - გოგოხია (4), სეფერთელაძე</p><p>სხვადასხვა ნომინაციაში სეზონის გამორჩეული ფეხბურთელები ჩემპიონატის ტექნიკური პარტნიორის, ესპანური სპორტული ბრენდის, JOMA-ს პრიზებით და ჩემპიონატის სპონსორის, დანიური ფეხსაცმლის ბრენდ "ეკკოს" 50%-იანი ფასდაკლების ვაუჩერებით დაჯილდოვდნენ.</p><p>1. საუკეთესო მეკარე - დათა ფარაჯანაშვილი (საქართველოს ბანკი)</p><p>2. საუკეთესო მცველი - გიგა კიკვიძე (GM ჭიათურა)</p><p>3. უნივერსალი - ლევან კოპალიანი (ევროპაბეთი)</p><p>4. ბომბარდირი - გიორგი სეფერთელაძე (ნატახტარი) - 17 გოლი</p><p>5. საუკეთესო ასისტენტი - ბექა აფაქიძე (ნატახტარი) - 7 პასი</p><p>6. ყველაზე ტექნიკური ფეხბურთელი - გიორგი ლუკავა (ევროპაბეთი)</p><p>7. საუკეთესო თავდამსხმელი - გიორგი ჯობავა (ვითიბი ბანკი)</p><p>8. ფინალის საუკეთესო მოთამაშე - კახაბერ გოგოხია (ნატახტარი)</p><p>9. ოქროს ლიგის 2014/15 წწ. სეზონის საუკეთესო ფეხბურთელი - კახაბერ გოგოხია (ნატახტარი)</p><p>კვირასვე კიდევ ორი ფინალის მონაწილეთა ვინაობა გაირკვა.</p><p>როგორც მოსალოდნელი იყო, საკმაოდ დაძაბული და საინტერესო გამოდგა ვერცხლის ლიგის განმეორებითი ½-ფინალური დაპირისპირება "კრედოსა" და "ჯორჯიან ვოთერ ენდ პაუერის" გუნდებს შორის. პირველი მატჩის მსგავსად, რომელიც ფრედ, 2-2 დასრულდა, გუშინდელ შეხვედრაშიც საყაიმო ანგარიში დაფიქსირდა, 1-1 და გამარჯვებულის გამოსავლენად 7-მეტრიანი დარტყმების სერიის დანიშვნა გახდა საჭირო, სადაც მეტოქეზე უკეთ "კრედოს" ფეხბურთელები გაისარჯნენ და ლიგის ისტორიაში მათთვის პირველი ფინალის საგზურიც მოიპოვეს.</p><p>რაც შეეხება GWP-ის, საპლეიოფო სერიაში მათ მეორედ მოუხდათ "საფეხბურთო ლატარიის" თამაში და 1/4-ფინალისგან განსხვავებით, სადაც "ვითიბის" სძლიეს, ამჯერად იღბალი მათ მხარეს არ აღმოჩნდა.</p><p>ყოველგვარი მოულოდნელობის გარეშე ჩაიარა მეორე 1/2-ფინალურმა "გარჩევამ". პირველ შეხვედრაში "სნიკერსს" 3-0 ჰყავდა "საქართველოს ბანკი" დამარცხებული და მიუხედავად საკადრო პრობლემებისა, უპირატესობის შენარჩუნება არ გასჭირვებია, ფრე 1-1.</p><p><span style="color: #ff0000;"><strong>21.06.2015. ვერცხლის ლიგა. 1/2-ფინალი (II რაუნდი)</strong></span></p><p><strong>GWP - კრედო 1-1 (2-2)პენ. 4-5</strong></p><p>სნიკერსი - საქართველოს ბანკი 1-1 (3-0)</p><p>ვერცხლის ლიგის ფინალური შეხვედრა შაბათს, 27 ივნისს, 18:00 სთ-ზე გაიმართება.</p><p>28 ივნისს, გაერთიანებული ლიგის ფინალში კი ერთმანეთს "ბიბლუსი" და "თრეველკემპ ჯორჯია" დაუპირისპირდებიან.</p><p>1/2-ფინალში "ბიბლუსის" მეტოქე ასევე ბრინჯაოს ლიგიდან დაქვეითებული "მედიქლაბჯორჯია" იყო, რომელსაც 4-1 სძლია.</p><p>"თრეველკემპი" კი ერთადერთი გუნდია მიმდინარე სეზონში, რომელმაც ფინალამდე უდანაკარგოდ მიაღწია. ამჯერად მათი "მსხვერპლი" "გორგია" გახდა, რომელსაც 5-3 მოუგეს და დამსახურებულად მოიპოვეს ფინალის საგზური.</p><p><span style="color: #ff0000;"><strong>21.06.2015. გაერთიანებული ლიგა. 1/2-ფინალი</strong></span></p><p><strong>მედიქლაბჯორჯია -ბიბლუსი 1-4</p><p>თრეველკემპ ჯორჯია - გორგია 5-3</strong></p><p>21 ივნისიდან, ბიზნესის ჩემპიონთა ლიგის ფარგლებში, დაიწყო საქველმოქმედო აქცია "ერთად დავეხმაროთ თბილისს", რომელიც თბილისის სტიქიური უბედურების შედეგად დაზარალებულთა დასახმარებლად არის მიმართული.</p><p>ყველა სათამაშო დღეს დარბაზის ტერიტორიაზე განთავსებული იქნება სპეციალური ყუთი და თითოეულ სტუმარს საშუალება ექნება, გაიღოს საკუთარი მინიმალური წვლილი ამ ადამიანების დასახმარებლად. შეგროვებული თანხა "ვითიბი ბანკში" გახსნილ სპეციალურ ანგარიშზე გადაირიცხება.</p><p>ბიზნესის ჩემპიონთა ლიგის გენერალური პარტნიორია "ვითიბი ბანკი". ჩემპიონატის სპონსორია ფეხსაცმლის დანიური ბრენდი "ECCO". ჩემპიონატის ტექნიკური პარტნიორია ესპანური სპორტული ბრენდი JOMA.</p><p>ღონისძიების პარტნიორები და მხარდამჭერები არიან: სამაუწყებლო კომპანია "რუსთავი 2", იურიდიული ჯგუფი "ერისთავი და პარტნიორები", სასტუმრო "ჰოლიდეი ინი", Apple City, ვერცხლის ნაკეთობები "შემოინახე მემკვიდრეობა", "მედი ქლაბ ჯორჯია", NS STUDIO, Cleaning Service Group, დაცვის სამსახური "ომეგა", თაფლი "მეფუტკრე", ყვავილების მაღაზია "flowers.ge" და მუსიკალური მაღაზია "GURU music".</p><p>რაც შეეხება მედიაპარტნიორებს: რადიოები, "იმედი", "კომერსანტი", "ჯაკო", ვებ პორტალები, geosports.ge, sportall.ge, worldsport.ge, goal.ge, fanebi.com, adami.ge, news.ge, myvideo.ge და სპორტული ჟურნალები "OFFSIDE" და "ლელო week".</p><p><span style="color: #808080;"><strong>სპორტული სააგენტო SBM-ის პრესსამსახური</strong></span></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
პსჟ მზადაა შევალიე ზამთრის სატრანსფერო ფანჯარაზე გაასხვისოს
ფლიკმა "ბარსელონას" ზამთრის სატრანსფერო ფანჯარაზე ორი ფეხბურთელის დამატება სთხოვა
VIDEO | ეროვნული ლიგა | დინამო (ბთ) 2-1 რუსთავი. ვისთვის გრძელდება, ვისთვის დასრულდა...
[VIDEO] პსჟ-ს უიღბლობას დასასრული არ უჩანს - კვარაცხელიას შემდეგ, როგორც ჩანს, დუეც მძიმედ დაშავდა
წიტაიშვილი სასტარტოში და "რაიო ვალეკანოს" მარცხი "ვალენსიასთან"
ქვილითაია შეცვლაზე შევიდა - "ჰოლშტაინმა" ისევ წააგო
VIDEO | ეროვნული ლიგა | სამგურალი 0-1 იბერია 1999. ლიდერი სათავეში რჩება, თუმცა...
"ასეთი თავდადებული ხალხი არასდროს მინახავს" - მატამ იაპონიაში მომხდარი დაუვიწყარი ისტორია მოჰყვა
[VIDEO] მოურინიომ რონალდოს შესახებ დასმულ კითხვაზე საუბარი არ ისურვა და პრესკონფერენცია დატოვა
ახალი კონტრაქტი ბრაჰიმ დიასს - მაროკოელი "რეალში" კიდევ დიდხანს დარჩება
ყველაზე ცუდი შედეგი 2004/05 წლების სეზონის შემდეგ - "ბაიერნმა" 2 ქულასთან ერთად, 2 ლიდერიც დაკარგა
ჭიკაძე UFC-ში აღარ იჩხუბებს - საქართველოს ამ ორგანიზაციაში 6 სპორტსმენი დარჩა
"საქართველოს ნაკრების დამარცხების შანსი გვაქვს" - რა თქვა ფარერების მწვრთნელმა წილისყრის შემდეგ
საქმეში კაკაც ჩართეს - "მილანი" ენდრიკის დამატებასთან უკვე ძალიან ახლოსაა
[VIDEOS] სანდროს ორმაგ დუბლამდე ცოტა დააკლდა - "ლეიკერსმა" "საკრამენტო", "ორლანდომ" კი "ბრუკლინი" დაამარცხა
გარდაიცვალა ცნობილი, ვეტერანი ფეხბურთელი გოჩა მაჩაიძე
ლოჩოშვილი "ბაიერნთან" წარმატებულად დაბრუნდა - "კიოლნმა" მიუნხენიდან ქულა წაიღო, თუმცა მოგებაც შეეძლო
აბუაშვილი შეცვლაზე შევიდა - "მეცმა" "ბულონს" მოუგო
[VIDEO] ბუდუს გოლმა ვერ უშველა - "ჰაიდენჰაიმის" წარუმატებელი სერია გრძელდება
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
SBM LEAGUE 2014/15: მფკ "ტატიშვილი" - პირველი ჩემპიონი!
SBM LEAGUE 2014/15: 5 ივლისს სეზონის მთავარი ფინალია!
SBM LEAGUE 2014/15: "ოქროს" ჩემპიონის მოლოდინში!
SBM LEAGUE 2014/15: ტრიუმფატორი FC PSP!
SBM LEAGUE 2014/15: მორიგი ჩემპიონის მოლოდინში!
SBM LEAGUE 2014/15: კიდევ ორი ჩემპიონი და ერთი კვირა ბოლო ფინალამდე!