უიმბლდონი. I დღე: იოლი მოგება რთულ მეტოქესთან

ნოვაკ ჯოკოვიჩმა უიმბლდონზე ტიტულის დაცვა დაიწყო უიმბლდონი მამაკაცებს შორის უსენსაციოდ დაიწყო. ბადის ზედა მხარეს თითქმის არ ყოფილა მოულოდნელი შედეგები და ფავორიტებმა მეორე წრეში გააღწიეს.პირველ რიგში თქვათ მსოფლიოს პირველ ჩოგანზე და უიმბლდონის მოქმედ ჩემპიონზე ნოვაკ ჯოკოვიჩზე, რომელიც პირველ მატჩს ატარებდა როლან გაროსის ფინალის წაგების შემდეგ. სერბს საკმაოდ სერიოზული მეტოქე ჰყავდა გერმანელი ფილიპ კოლშრაიბერის სახით. თუმცა ჯოკოვიჩმა დიდად არ ანერვიულა საკუთარი გულშემატკივრები და ორ საათში 6:4, 6:4, 6:4 მოიგო. მან სამივე სეტი ბრეიკით დაასრულა, სულ კი ხუთჯერ აიღო მეტოქის მოწოდება და თავად ორჯერ წააგო საკუთარი გეიმი. სერბის ანგარიშზე 12 ეისი და 36 "ვინერსი" მოდის.ნოვაკის შემდეგი მეტოქე იქნება იარკო ნიემინენი, რომელიც 2002 წლის ჩემპიონ ლეიტონ ჰიუიტს ხვდებოდა. ორივესთვის ეს არის ბოლო უიმბლდონი კარიერაში. დათმობა არავის უნდოდა და საბოლოოდ, მეხუთე გადამწყვეტი სეტი 95 (!) გაგრძელდა, რომელიც ფინელმა 11:9 მოიგო. ნიემინენმა 22 ბრეიკ-პოინტიდან 10 გამოიყენა და 62 "ვინერსი" მიითვალა.დღის კიდევ ერთ მარათონულ შეხვედრაში ფერნანდო ვერდასკო სამი საათი და 57 წუთი ებრძოდა სლოვაკ მარტინ კლიჟანს და მეხუთე სეტში მაინც გატეხა მეტოქის წინააღმდეგობა - 13:11. ესპანელმა 72 "ვინერსი" დააგროვა და ათიდან ცხრა ბრეიკ-პოინტის საფრთხე მოიგერია.* * *საინტერესო წყვილი შედგა მეორე წრეში. შარშანდელმა ნახევარფინალისტმა მილოშ რაონიჩმა 25 ეისის წყალობით დაამარცხა ესპანელი დანიელ ხიმენო-ტრავერი - 6:2, 6:3, 3:6, 7:6 და შემდეგ ეტაპზე ტომი ჰაასს შეხვდება. 37 წლის გერმანელი ერთი მნიშვნელოვანი მიღწევის ავტორი გახდა - ის არის ყველაზე ასაკოვანი ჩოგბურთელი 1991 წლის შემდეგ, ვინც უიმბლდონზე მატჩის მოგება შეძლო. ჰაასმა, რომელიც სულ ახლახანს დაბრუნდა კორტზე ტრავმით გამოწვეული ხანგრძლივი პაუზის შემდეგ, უშანსოდ დატოვა სერბი დუშან ლაიოვიჩი - 6:2, 6:3, 4:6, 6:2.რაონიჩი და ჰაასი ერთადერთხელ შეხვედრიან ერთმანეთს - 2013 წელს სან ხოსეს ფინალში რაონიჩმა ორ სეტში მოიგო.* * *ყურადღების ცენტრში იყო როლან გაროსის ჩემპიონი სტენ ვავრინკა, რომელმაც უიმბლდონამდე ერთ ტურნირში მიიღო მონაწილეობა - ლონდონში მეორე წრეში წააგო სამხრეთაფრიკელ კევინ ანდერსონთან. თუმცა გუშინ, შვეიცარიელს პრობლემა არ ჰქონია პორტუგალიელ ჟოაო სოუზასთან მატჩში - 6:2, 7:5, 7:6. ანგარიშის მიხედვით ისე ჩანს, რომ მეორე და მესამე სეტებში კორტზე ბრძოლა იყო, მაგრამ ვავრინკას სრულ უპირატესობაზე ის მეტყველებს, რომ სოუზას მთელი მატჩის განმავლობაში არც ერთი ბრეიკ-პოინტი არ ჰქონია. შვეიცარიელმა კი საათმა და 48 წუთში სამი ბრეიკი შეასრულა, 25 ეისი ჩააწოდა და 45 "ვინერსიც" დააგროვა.* * *ძალიან იოლად გაიკვლია გზა მეორე რაუნდში ავსტრალიელმა თინეიჯერმა ნიკ კირგიოსმა, რომელმაც შარშან ყველა გააოცა აქ რაფაელ ნადალის დამარცხებით. ნიკმა საათმა და 24 წუთში გაანადგურა არგენტინელი დიეგო შვარცმანი - 6:0, 6:2, 7:6. ცნობისთვის, კირგიოსი ყველაზე ახალგაზრდა განთესილი ჩოგბურთელია მამაკაცთა ბადეში.ახალგაზრდა ავსტრალიელ მოთამაშეთაგან ასევე მოიგო ბერნარდ ტომიჩმა, სამაგიეროდ, დამარცხდა საწყის რაუნდში ტანასი კოკინაკისი.* * *როგორც გითხარით, გუშინდელმა დღემ სენსაციების გარეშე ჩაიარა, თუმცა ერთ მატჩში შეიძლებოდა მოულოდნელი შედეგის მოწმენი გავმხდარიყავით. მსოფლიოს მეხუთე ჩოგანმა კეი ნიშიკორიმ შარშანდელის მსგავსად, ხუთი სეტი ითამაშა იტალიელი სიმონე ბოლელის წინააღმდეგ. ერთი წლის წინ, მათი შეხვედრა ორი დღე გაგრძელდა. იაპონელმა 6:4 მოიგო ბოლო სეტი და პირველად გავიდა უიმბლდონის მერვედფინალში.ახლა, იაპონელისა და იტალიელის შეხვედრა პირველ წრეში გაიმართა და ისევ ხუთი სეტი გაგრძელდა. სამი საათი და 22 წუთი ბრძოლის შემდეგ იაპონელმა 6:3, 6:7, 6:2, 3:6, 6:3 მოიგო. შესაძლოა, კეიზე ცხრა დღის წინანდელმა ტრავმამ იმოქმედა, როცა ჰალეს ტურნირზე მან ნახევარფინალის დასრულება ვერ შეძლო. იაპონელის მზადყოფნის შესახებ შემდეგ მატჩში შევიტყობთ, როცა კოლუმბიელ სანტიაგო ხირალდოს შეხვდება.კაცები. I წრენოვაკ ჯოკოვიჩი (სერ, 1)-ფილიპ კოლშრაიბერი (გერ) 6:4, 6:4, 6:4; იარკო ნიემინენი (ფინ)-ლეიტონ ჰიუიტი (ავსტრა) 3:6, 6:3, 4:6, 6:0, 11:9; პიერ-უგ ჰერბერი (საფ)-ჰეონ ჩუნი (კორ) 1:6, 6:2, 3:6, 6:2, 10:8; ბერნარდ ტომიჩი (ავსტრა, 27)-იან-ლენარდ შტრუფი (გერ) 6:3, 3:6, 2:6, 6:2, 6:3; ლეონარდო მაიერი (არგ, 24)-ტანასი კოკინაკისი (ავსტრა) 7:6(7), 7:6(3), 6:4; მარსელ გრანოლერსი (ესპ)-იანკო ტიპსარევიჩი (სერ) 6:3, 6:4, 6:2; მარსელ ილჰანი (თუქ)-იერჟი იანოვიჩი (პოლ) 7:6(4), 6:4, 6:7(4), 6:3; კევინ ანდერსონი (ს. აფრ, 14)-ლუკას პუიე (საფ) 6:2, 7:5, 3:6, 6:3; მარინ ჩილიჩი (ხორ, 9)-ჰიროკი მორიია (იაპ) 6:3, 6:2, 7:6(4); რიკარდას ბერანკისი (ლიტ)-ანდრეა ჰაიდერ-მაურერი (ავსტრია) 6:2, 5:2 უარი; მეტიუ ებდენი (ავსტრა)-ბლაჟ როლა (სლოვენ) 6:2, 6:1, 6:4; ჯონ ისნერი (აშშ, 17)-გო სოედა (იაპ) 7:6(5), 6:4, 6:4; დენის კუდლა (აშშ)-პაბლო კუევასი (ურუ, 28) 6:7(4), 4:6, 6:3, 6:2, 6:2; ალექსანდრ ზვერევი (გერ)-თეიმურაზ გაბაშვილი (რუს) 6:3, 1:6, 6:3, 3:6, 9:7; სანტიაგო ხირალდო (კოლ)-ჟოაო სოუზა (ბრა) 6:4, 6:3, 6:2; კეი ნიშიკორი (იაპ, 5)-სიმონე ბოლელი (იტა) 6:3, 6:7(4), 6:2, 3:6, 6:3; სტენ ვავრინკა (შვეიც, 4)-ჟოაო სოუზა (პორ) 6:2, 7:5, 7:6(3); ვიქტორ ესტრელა (დომ)-ბენჯამინ ბეკერი (გერ) 5:7, 6:1, 6:4, 6:4; ფერნანდო ვერდასკო (ესპ)-მარტინ კლიჟანი (სლოვაკ) 4:6, 6:2, 6:3, 6:7(5), 13:11; დომინიკ ტიმი (ავსტრია, 32)-დუდი სელა (ისრ) 2:6, 6:3, 6:4, 6:4; ჯონ მილმენი (ავსტრა)-ტომი რობრედო (ესპ, 19) 6:2, 6:3, 6:4; მარკოს ბაღდატისი (კვიპ)-დონალდ იანგი (აშშ) 5:7, 6:2, 6:4, 6:4; ლაიამ ბროუდი (ბრიტ)-მარინკო მატოშევიჩი (ავსტრა) 5:7, 4:6, 6:3, 6:2, 6:3; დავიდ გოფენი (ბელ, 16)-ორასიო სებალიოსი (არგ) 7:6(4), 6:1, 6:1; გრიგორ დიმიტროვი (ბულ, 11)-ფედერიკო დელბონისი (არგ) 6:3, 6:0, 6:4; სტივ ჯონსონი (აშშ)-ლუკას ლაჩკო (სლოვაკ) 6:3, 6:7(5), 4:6, 6:1, 6:4; კენი დე სხეპერი (საფ)-ჯონ პატრიკ სმიტი (ავსტრა) 4:6, 4:6, 7:6(4), 6:4, 6:4; რიშარ გასკე (საფ, 21)-ლუკ სავილი (ავსტრა) 6:3, 6:2, 6:2; ნიკ კირგიოსი (ავსტრა, 26)-დიეგო შვარცმანი (არგ) 6:0, 6:2, 7:6(6); ხუან მონაკო (არგ)-ფლორიან მაიერი (გერ) 6:1, 6:2, 6:4; ტომი ჰაასი (გერ)-დუშან ლაიოვიჩი (სერ) 6:2, 6:3, 4:6, 6:2; მილოშ რაონიჩი (კან, 7)-დანიელ ხიმენო-ტრავერი (ესპ) 6:2, 6:3, 3:6, 7:6(4).ყოველდღიური სპორტული გაზეთი "ლელო"

[VIDEO] მაგიური დუელი ტურინში - სინერმა ალკარასი დაამარცხა

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

უდიდესი სენსაცია პარიზში - ალკარასმა ნორისთან წააგო

ჩაკვეტაძის დაბრუნება ისევ გადაიდო

"ნაპოლი" "მანჩესტერ იუნაიტედის" კიდევ ერთ ფეხბურთელის დამატებას ცდილობს

ევროპის საკლუბო ჩემპიონატზე "გოლდენ გორის" შემადგენლობა ცნობილია

ბერნარდო სილვამ შესაძლოა, "მანჩესტერ სიტი" დატოვოს

[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა

ჰაკიმი აფრიკის საუკეთესო ფეხბურთელად დაასახელეს

საქართველოს ნაკრებმა ფიფას რეიტინგში რეგრესი განიცადა

რუსი მეკარე ნორვეგიის ნაკრებში თამაშს აპირებს

გოგლიჩიძე "ბოლონიასთან", ალბათ, ვერ ითამაშებს

"კოშმარი საქართველოსთან დასრულდა - ეს ტრიუმფია" - ბულგარული მედია

"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა

"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ

რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო

კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს

"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე

"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ

"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ

"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ

"საკადრო შიმშილი გვაქვს, რასაც მენტალური პრობლემები ემატება" - რა თქვა სანიოლმა ბულგარეთთან მატჩის შემდეგ?

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

დღეს ამერიკაში: ნიკოლოზ ბასილაშვილი მასპინძლის დამარცხებას შეეცდება

როჯერ ფედერერის დაბრუნება და საფრანგეთის ტრიუმფი

დევისის თასი: ფედერერმა კოლექცია შეავსო

შიდა პანდემია ჩოგბურთში - ჯოკოვიჩი ტესტირებაზე უარს აცხადებს

"მოუსმინეთ ახალგაზრდებს, მათი სურვილი უკეთესი მომავალია!" - ჯოკოვიჩმა სერბეთში მთავრობის წინააღმდეგ ქუჩაში გამოსულ სტუდენტებს მხარდაჭერა გამოუცხადა

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა

უიმბლდონი: სამი გასეირნება და ერთი მარათონი

გრიგორ დიმიტროვი და ნიკოლ შეზინგერი დაშორდნენ

ინდიან უელსი: მეორეც გავარდა და მეოთხეც

პირველივე დღეს საქმეში მთავარი ფავორიტები ჩაერთნენ! ავსტრალიის ღია პირველობა დაიწყო

როჯერ ფედერერი ორშაბათიდან კვლავ მსოფლიო რეიტინგის პირველი ჩოგანი გახდება

ნოვაკ ჯოკოვიჩის მამა: ეს რა გაგვიკეთა დიმიტროვმა!

თითქმის ერთნაირები: რაფა და სერენა

ყველაზე ასაკოვანი პირველი - ფედერერი კვლავ მწვერვალზეა

ჯოკოვიჩი ავსტრალიის ღია პირველობის 1/2 ფინალიდან ტრავმის გამო მოეხსნა

ლეგენდა მორიგი ტიტულისკენ მიიწევს

ნანატრი მიზანი ასრულებულია - ჯოკოვიჩი ოლიმპიური ოქროს მფლობელია! [VIDEO]

ჯოკოვიჩი შესრულებული მისიით, პირადი ტრაგედიები, სამშობლოს პატრიოტობა და ქველმოქმედება - რატომ არის ნოვაკი ყველა დროის ერთ-ერთი უდიდესი სპორტსმენი

მეოთხედ მოგებული დიდი სლემის ტიტული 21 წლის ასაკში - ალკარასმა უიმბლდონის ფინალში ჯოკოვიჩი დაამარცხა [VIDEO]

US OPEN 2016. I დღე: ჯოკოვიჩი ჯერ მზად არ არის

"სპაიდერმენი", "თორი"... - ავსტრალიის ღია პირველობაზე ბავშვთა დღე გაიმართა [VIDEO+PHOTO]

ტიმის ქამბექი და ამღერებული გულშემატკივარი [VIDEO]

ჯოკოვიჩმა მასტერსი მოიგო და ნადალს დაეწია [VIDEO]