უიმბლდონი. IV დღე: ნადალი მეასეებსაც ვეღარ უგებს

ენდი მარეის გამარჯვება გუშინ, უიმბლდონზე მეორე წრე დასრულდა. ამჯერად, სენსაცია მამაკაცების ბადეში მოხდა. გრძელდება რაფაელ ნადალის ყველაზე წარუმატებელი სეზონი.ნადალი ზედიზედ ხუთჯერ გადიოდა უიმბლდონის ფინალში და 2008 და 2010 წლებში ტიტულიც აიღო, მაგრამ ბოლო ხუთი გათამაშებაა, მეოთხედფინალამდე ვერ მიდის, თან ოთხჯერ საწყის რაუნდებში ტოპ-ასეულის მიღმა მყოფ ჩოგბურთელებთან აგებდა: 2012 წელს, მეორე რაუნდში მეასე ნომერთან მროსოლთან დამარცხდა, 2013 წელს, პირველ წრეში სტივ დარცისთან (135), შარშან კი მერვედფინალში ნიკ კირგიოსთან (144).გუშინ, ტრადიცია გაგრძელდა. მსოფლიოს 102-ე ნომერმა დასტინ ბრაუნმა მეორე რაუნდიდან ჩამოაშორა ბრძოლას ლეგენდარული ესპანელი. არადა, ნადალისთვის მატჩი კარგად დაიწყო - პირველი სეტის მესამე გეიმში შეასრულა ბრეიკი, მაგრამ გერმანელმა ჯერ მეექვსე გეიმში დაიბრუნა დაკარგული მოწოდება, მოგვიანებით კი მეორე ბრეიკი შეასრულა და სეტი 7:5 მოიგო.მეორე პარტია რაფამ 6:3 მოიგო, მაგრამ მესამედან მოყოლებული ბრაუნმა ისევ მოიპოვა ინიციატივა. მესამე სეტში გერმანელმა მეხუთე გეიმში შეასრულა ბრეიკი, მეოთხეში პირველივე გეიმში და მამაკაცთა ტურნირზე პირველი სენსაცია შედგა - 7:5, 3:6, 6:4, 6:4. აღსანიშნავია, რომ ეს იყო ამ ჩოგბურთელთა მეორე შეხვედრა და ბრაუნმა მეორედ მოუგო ესპანელს. პირველად ეს შარშან, ჰალეში ასევე ბალახის კორტზე მოხდა.გერმანელი მომდევნო წრეში სერბ ვიქტორ ტროიცკის შეხვდება, რომელმაც 6:4, 3:6, 6:2, 6:4 დაამარცხა გაბრიტანელებული სლოვენიელი ალიაჟ ბედენე.* * *სანამ ნადალი დღის ყველაზე ხმაურიან სენსაციას შემოგვთავაზებდა, როჯერ ფედერერმა და ენდი მარეიმ გაისეირნეს საკუთარ მატჩებში.ფედერერმა სემ კუერის 6:4, 6:2, 6:2 მოუგო და 75-ე გამარჯვება მოიპოვა უიმბლდონზე. შვეიცარიელმა გადამწყვეტი დარტყმა მეტოქეს პირველი სეტის ბოლოს და მეორე სეტის დასაწყისში მიაყენა. 4:4-დან მოყოლებული, როჯერმა ზედიზედ ოთხი გეიმი აიღო და 6:4, 2:0 დაწინაურდა. ამის შემდეგ მას თამაშზე კონტროლი მატჩის ბოლომდე არ გაუშვია ხელიდან.როჯერი შემდეგ რაუნდში ავსტრალიელ სამუელ გროტს შეხვდება, რომელმაც 24 ეისის წყალობით თანამემამულე ჯეიმს დაკუორტს მოუგო - 7:5, 6:4, 7:6.* * *კიდევ უფრო იოლი გამარჯვება მოიპოვა ენდი მარეიმ. მან 6:1, 6:1, 6:4 გაანადგურა ჰოლანდიელი რობინ ჰაასე. პირველ პარტიაში შოტლანდიელმა მხოლოდ ცხრა ქულა დათმო, მეორე პარტიაში ჰაასემ ვერც ერთი ქულა ვერ აიღო მეორე მოწოდებაზე. მარეიმ შეხვედრა 25 "ვინერსით" დაასრულა და ბადესთან 17-დან 15 ქულა აიღო. მატჩი მხოლოდ 87 წუთი გაგრძელდა.ენდის მიმდინარე სეზონში შთამბეჭდავი სტატისტიკა აქვს - 43 მოგება და 6 წაგება. მის ანგარიშზე სამი ტიტულია. შემდეგ რაუნდში ბრიტანელი ანდრეას სეპის შეხვდება. იტალიელს სამი საათი და 32 წუთი დასჭირდა 18 წლის ბორნა ჩორიჩის დასამარცხებლად - 4:6, 6:4, 6:7, 6:1, 6:1. სხვათა შორის, სეპის ამ სეზონში "დიდი სლემის" ტურნირზე დამარცხებული ჰყავს ერთი ფავორიტი - ავსტრალიის ღიაზე როჯერ ფედერერს მოუგო მესამე რაუნდში.* * *ენდი მარეის მიბაძა თანამემამულე ჯეიმს უორდმა. მან ათიდან ცხრა ბრეიკ-პოინტი მოიგერია, სამი ბრეიკი შეასრულა და ჩეხ ირჟი ვესელის მოუგო - 6:2, 7:6(4), 3:6, 6:3. 2002 წლის შემდეგ ეს პირველი შემთხვევაა, როცა უიმბლდონის მესამე წრეში ორი ბრიტანელი ჩოგბურთელი გავიდა.წარმატებული დღე ჰქონდათ ფრანგებს - 1/16 ფინალში გავიდნენ ჟილ სიმონი, გაელ მონფილსი და ჟო-ვილფრიდ ცონგა.სიმონს ოთხი სეტი დასჭირდა ბლაჟ კავჩიჩის დასამარცხებლად - 6:1, 6:1, 6:7, 6:1 და შემდეგ ეტაპზე მონფილსზე გავიდა. ამ უკანასკნელმა, თავის მხრივ, თანამემამულე ადრიან მანარინოს მოუგო - 7:6, 6:3, 7:5. გაელმა საათსა და 46 წუთში ოთხიდან სამი ბრეიკ-პოინტი გამოიყენა. სიმონი ურთიერთშეხვედრებში 5:1-ს უგებს მონფილს.რაც შეეხება ცონგას, მან ზუსტად 100 წუთი მოანდომა ალბერტ რამოსის დამარცხებას - 6:3, 6:4, 6:4. ფრანგმა ექვსიდან ხუთი ბრეიკ-პოინტი მოიგერია და 37 "ვინერსი" დააფიქსირა. შემდეგ წრეში ჟო ივო კარლოვიჩს შეხვდება. ხორვატმა ვეტერანმა 53 ეისი ჩააწოდა ალექსანდრ დოლგოპოლოვთან მატჩში და მეხუთე სეტი 13:11 მოიგო.კაცებიII წრეჯეიმს უორდი (ბრიტ)-ირჟი ვესელი (ჩეხ) 6:2, 7:6(4), 3:6, 6:3; ვაშეკ პოსპიშილი (კან)-ფაბიო ფონინი (იტა, 30) 6:3, 6:4, 1:6, 6:3; ვიქტორ ტროიცკი (სერ, 22)-ალიაჟ ბედენე (ბრიტ) 6:4, 3:6, 6:2, 6:4; დასტინ ბრაუნი (გერ)-რაფაელ ნადალი (ესპ, 10) 7:5, 3:6, 6:4, 6:4; ჟო-ვილფრიდ ცონგა (საფ, 13)-ალბერტ რამოსი (ესპ) 6:3, 6:4, 6:4; ივო კარლოვიჩი (ხორ, 23)-ალექსანდრ დოლგოპოლოვი (უკრ) 5:7, 6:3, 6:4, 6:7(4), 13:11; ანდრეა სეპი (იტა, 25)-ბორნა ჩორიჩი (ხორ) 4:6, 6:4, 6:7(3), 6:1, 6:1; ენდი მარეი (ბრიტ, 3)-რობინ ჰაასე (ჰოლ) 6:1, 6:1, 6:4; ტომაშ ბერდიხი (ჩეხ, 6)-ნიკოლა მაუ (საფ) 6:1, 6:4, 6:4; პაბლო ანდუხარი (ესპ)-ლუკაშ როსოლი (ჩეხ) 6:4, 1:6, 4:6, 7:6(4), 6:4; გაელ მონფილსი (საფ, 18)-ადრიან მანარინო (საფ) 7:6(5), 6:3, 7:5; ჟილ სიმონი (საფ, 12)-ბლაჟ კავჩიჩი (სლოვენ) 6:1, 6:1, 6:7(5), 6:1; ნიკოლოზ ბასილაშვილი (საქ)-ფელისიანო ლოპესი (ესპ, 15) 7:5, 3:6, 6:3, 2:6, 6:4; რობერტო ბაუტისტა აგუტი (ესპ, 20)-ბენუა პერი (საფ) 2:6, 4:6, 6:3, 6:3, 6:3; სამუელ გროტი (ავსტრა)-ჯეიმს დაკუორტი (ავსტრა) 7:5, 6:4, 7:6(6); როჯერ ფედერერი (შვეიც, 2)-სემ კუერი (აშშ) 6:4, 6:2, 6:2.1/16 ფინალიჯოკოვიჩი (1)-ტომიჩი (27); ლ. მაიერი (24)-ანდერსონი (14); ჩილიჩი (9)-ისნერი (17); კუდლა-ხირალდო; ვავრინკა (4)-ვერდასკო; ბაღდატისი-გოფენი (16); დიმიტროვი (11)-გასკე (21); კირგიოსი (26)-რაონიჩი (7); უორდი-პოსპიშილი; ტროიცკი (22)-ბრაუნი; ცონგა (13)-კარლოვიჩი (23); სეპი (25)-მარეი (3); ბერდიხი (6)-ანდუხარი; მონფილსი (18)-სიმონი (12); ბასილაშვილი-ბაუტისტა აგუტი (20); გროტი-ფედერერი (2).ყოველდღიური სპორტული გაზეთი "ლელო"

Giorgi

ბასილაშვილზეც დაგეწერათ ორი სიტყვა,კაცმა 16-ე ჩოგანს მოუგო,თუ ეგ ვერ გადმოთარგმნეთ?

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

"ამ ქმედების გამო, ფეხბურთელებთან ურთიერთობა თავიდანვე ცუდად დაიწყო" - რას წერს ფაბრიციო რომანო ჩაბი ალონსოზე?

[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა

გასაკვირია - როგორი შეფასებები მიიღეს მამარდაშვილმა და კვარაცხელიამ?

[VIDEO] ხვიჩას შეცვლა რომ საქმეს შველოდეს - პსჟ თასიდან "პარიზმა" გამოაგდო

[VIDEO] სობოსლაიმ მამარდაშვილს გოლი მოუგონა - "ლივერპულმა" გაიმარჯვა

ლუის ენრიკემ "პარიზთან" მატჩში შემადგენლობა დაასახელა

"არსენალს" რეკორდსმენი აუტების მწვრთნელი ეყოლება

"ბოლოს და ბოლოს, უნდა გაიგოს "რეალი" რას ნიშნავს" - რაფაელ ნადალმა ვინისიუს ჟუნიორს მიმართა

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

"კილიანი მსოფლიოში საუკეთესო გახდება, მას ზურგს შესანიშნავი გუნდი უმაგრებს" - რაფა ნადალმა ფრანგზე ისაუბრა

მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს

ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]

ფედერერის შემდეგ ნადალიც - ჩოგბურთიდან რაფაც მიდის