<p>ჰემილტონის ტრიუმფი <br> ბრიტანეთი ტრადიციების ქვეყანაა. სარბოლო უქმეებს სილვერტოუნში დიდი ხანია არ ჩაუვლია წვიმის გარეშე და ასე იყო ამჯერადაც. გუშინდელი რბოლის ბოლოს ძლიერი წვიმა დაიწყო და მან გავლენა იქონია ძალების გადანაწილებაზე.</p><p>კვირას, ტრიბუნებზე 140 ათასი მაყურებელი შეიკრიბა, რაც ახალი რეკორდი იყო ბრიტანული ავტოდრომისთვის. კიდევ ერთი რეკორდი შაბათს დამყარდა - ლუის ჰემილტონმა კვალიფიკაციაზე წრე წუთსა და 32.248 წამში დაფარა, რითაც წამით გააუმჯობესა წინა საუკეთესო შედეგი.</p><p>ასე რომ, საშინაო ტრასაზე პოულიდან იწყებდა რბოლას ჰემილტონი, რომელმაც წამის მეათედით გაუსწრო თანაგუნდელ ნიკო როსბერგს. მეორე რიგიდან იღებდნენ სტარტს "უილიამსის" პილოტები, მესამედან - "ფერარის"წევრები...</p><p>* * *</p><p>სტარტის ნიშანზე ისეთი შთაბეჭდილება შეიქმნა, რომ "მერსედესებმა" არც ისე დამაჯერებელი სტარტი აიღეს - უკნიდან მოქროდნენ ფელიპე მასასა და ვალტერი ბოტასის "უილიამსები". ბრიტანული საჯინიბოს ორივე პილოტს იდეალური სტარტი გამოუვიდა და პირველი მოსახვევის შემდეგ, ბრაზილიელი და ფინელი პელოტონის სათავეში იყვნენ.</p><p>რამდენიმე მოსახვევის შემდეგ ჰემილტონმა შეძლო კონტრეშეტევა და ერთ-ერთი მეტოქის, კერძოდ, ბოტასის გასწრება. ჩემპიონატის ლიდერი მეორე ადგილზე გადავიდა, ნიკო როსბერგი კი საერთოდ მეოთხე ადგილამდე ჩამოქვეითდა.</p><p>პირველი წრის შემდეგ ტრასაზე უსაფრთხოების მანქანის გამოსვლა გახდა საჭირო, რისი მიზეზიც რომენ გროსჟანისა და და პასტორ მალდონადოს შეჯახება იყო. და როცა პეისკარი ტრასიდან გავიდა, ჰემილტონმა ფელიპე მასას გასწრება სცადა, მაგრამ შეცდომა დაუშვა. ვალტერი ბოტასი ყურადღებით იყო და ბრიტანელის შეცდომის წყალობით, მეორე ადგილი დაიბრუნა. "უილიამსებისა" და "მერსედესების" კვარტეტი თანდათან უკან იტოვებდა პელოტონს.</p><p>* * *</p><p>რესტარტიდან რამდენიმე წრის შემდეგ სიტუაცია დასტაბილურდა. "უილიამსებმა" საბოლოოდ მოიპოვეს ლიდერობა, ჰემილტონი და როსბერგი კი მართალია არ უტევდნენ, მაგრამ უპრობლემოდ ინარჩუნებდნენ მეტოქეთა ტემპს. ბოტასმა მასაზე რამდენიმე შეტევა მიიტანა, მაგრამ ლიდერი დამაჯერებლად იცავდა თავს.</p><p>ლიდერთაგან პირველმა ბოქსებში ლუის ჰემილტონმა შეუხვია. ერთი წრის შემდეგ, პიტლეინზე სინქრონულად წავიდნენ მასა და როსბერგი - "უილიამსის" მექანიკოსებმა "მერსედესზე" ორი მეასედი წამით უკეთ იმუშავეს და ფელიპე გერმანელის წინ დარჩა, მაგრამ ეს დუეტი ტრასაზე ლუის ჰემილტონის უკან დაბრუნდა. ახალი საბურავებით ჰემილტონი უსწრაფეს წრეებს გადიოდა და მისი უპირატესობა ოთხ წამამდე გაიზარდა.</p><p>* * *</p><p>ჯერ კიდევ სტარტამდე, განხილვის თემა იყო მოსალოდნელი წვიმა. ეტაპი მშრალ ამინდში დაიწყო, მაგრამ, თანდათან, "სილვერსტოუნს" შავი ღრუბლები უახლოვდებოდა. და 36-ე წრეზე ტრასაზე პირველი წვეთები დაეცა.</p><p>წვიმის საბურავებისთვის ბოქსებში არავინ ჩქარობდა, რადგან ტრასა თითქმის მშრალი იყო. მიუხედავად ამისა, ერთ-ერთ მომენტში ტრასიდან გადავიდა როსბერგი, მაგრამ პრობლემებს გადაურჩა. მოგვიანებით, შეცდომა დაუშვა ვალტერი ბოტასმა და ეს პოზიციის დაკარგვად დაუჯდა - როსბერგმა შანსი ხელიდან არ გაუშვა.</p><p>ამ გასწრებამ გერმანელს ძალები შემატა და ორ წრის შემდეგ მეორე "უილიამსს" დაეწია. ნიკო დამაჯერებელი მოძრაობით შიდა ტრაექტორიაზე შევიდა და ფელიპე მასას გაუსწრო. ნაცნობი სურათი: პირველ ორ ადგილზე "მერსედესის" პილოტები იყვნენ, რომელთა შორის სხვაობა ექვს წამს უდრიდა.</p><p>* * *</p><p>რამდენიმე წუთის შემდეგ კი ნამდვილი თავსხმა წამოვიდა. ლიდერებს შორის შექმნილ სიტუაციაზე ყველაზე სწრაფი რეაგირება ლუის ჰემილტონს ჰქონდა, მასთან ერთად ბოქსებში სებასტიან ფეტელი შევიდა. და მხოლოდ მომდევნო წრეზე გადავიდნენ წვიმის საბურავებზე "უილიამსმები" და როსბერგი.</p><p>სანამ წვიმა გაძლიერდებოდა, "მერსედესებს" შორის სხვაობა წამნახევრამდე შემცირდა, მაგრამ ჰემილტონის სწრაფი რეაქციის შემდეგ, როსბერგზე უპირატესობა ცხრა წამამდე გაიზარდა. სებასტიან ფეტელმაც ზუსტი ტაქტიკით მესამე ადგილზე გადასვლა შეძლო. "უილიამსმები" კი მხოლოდ მეოთხე და მეხუთე ადგილებს იკავებდნენ.</p><p>ბოლო წრეებზე ჰემილტონი უკონკურენციოდ იყო, რამაც კარიერაში 39-ე გამარჯვება მოუტანა. კიდევ ერთი მოგება და სებასტიან ფეტელს დაეწევა. ნიკო როსბერგმა ვერაფერი დაუპირისპირა თანაგუნდელს, მაგრამ შეუძლია აქტივში ჩაიწეროს "უილიამსების" გასწრებები და მეორე ადგილი. ბრწყინვალე იყო სებასტიან ფეტელი. ბრიტანულ უქმეებზე "ფერარი" "უილიამსზე" სუსტი აღმოჩნდა, მაგრამ გერმანელმა იდეალურად იმოქმედა და მორიგი პოდიუმი მოიპოვა. მასა და ბოტასი მხოლოდ მეოთხე და მეხუთე ადგილებზე გავიდნენ და, ალბათ, იმედცრუებულები არიან ასეთი შედეგით.</p><p>მორიგი გამარჯვების შემდეგ, ლუის ჰემილტონმა ისევ გაზარდა სხვაობა ჩემპიონატში - ნიკო როსბერგი კვლავ 17 ქულას აგებს მოქმედ ჩემპიონთან. სებასტიან ფეტელი ინარჩუნებს მესამე პოზიციას, მისმა თანაგუნდელმა კიმი რაიკონენმა კი მეოთხე ადგილი დაუთმო ბოტასს.</p><p>ჩემპიონატის მეათე ეტაპი - უნგრეთის გრან-პრი სამი კვირის შემდეგ გაიმართება.</p><p><span style="color: #3366ff;"><strong>სილვერსტოუნი (52 წრე, 306.198 კმ)</strong></span></p><p>1(1). ლუის ჰემილტონი (მერსედესი, ბრიტანეთი) 1:31.27,729 (2 პიტსტოპი)</p><p>2(2). ნიკო როსბერგი (მერსედესი, გერმანია) +10,956 (2)</p><p>3(6). სებასტიან ფეტელი (ფერარი, გერმანია) +25,443 (2)</p><p>4(3). ფელიპე მასა (უილიამსი, ბრაზილია) +36,839 (2)</p><p>5(4). ვალტერი ბოტასი (უილიამსი, ფინეთი) +1.03,194 (2)</p><p>6(7). დანიილ კვიატი (რედ ბული, რუსეთი) +1.03,955 (2)</p><p>7(9). ნიკო ჰიულკენბერგი (ფორს ინდია, გერმანია) +1.18,744 (2)</p><p>8(5). კიმი რაიკონენი (ფერარი, ფინეთი) 1 წრე (3)</p><p>9(11). სერხიო პერესი (ფორს ინდია, მექსიკა) 1 წრე (2)</p><p>10(17). ფერნანდო ალონსო (მაკლარენი, იტალია) 1 წრე (3)</p><p>11(15). მარკუს ერიქსონი (ზაუბერი, შვედეთი) 1 წრე (4)</p><p>12(20). რობერტო მერი (მანორი, ესპანეთი) 3 წრე (2)</p><p>13(19). უილ სტივენსი (მანორი, ბრიტანეთი) 3 წრე (2)</p><p>14(12). კარლოს საინსი (ტორო როსო, ესპანეთი) 20 წრე</p><p>15(10). დანიელ რიკარდო (რედ ბული, ავსტრალია) 30 წრე</p><p>16(13). მაქს ფერსტაპენი (ტორო როსო, ჰოლანდია) 48 წრე</p><p>17(14). პასტორ მალდონადო (ლოტუსი, ვენესუელა) 51 წრე</p><p>18(12). რომენ გროსჟანი (ლოტუსი, საფრანგეთი) 51 წრე</p><p>19(18). ჯენსონ ბატონი (მაკლარენი, ბრიტანეთი) 51 წრე</p><p>20(16). ფელიპე ნასრი (ზაუბერი, ბრაზილია) 52 წრე</p><p><strong>საერთო ჩათვლა</p><p></strong>1. ლუის ჰემილტონი - 194 (5 მოგება); 2. ნიკო როსბერგი - 177 (3); 3. სებასტიან ფეტელი - 135 (1); 4. ვალტერი ბოტასი - 77; 5. კიმი რაიკონენი - 76; 6. ფელიპე მასა - 74; 7. დანიელ რიკარდო - 36; 8. დანიილ კვიატი - 27; 9. ნიკო ჰიულკენბერგი - 24; 10. რომენ გროსჟანი - 17; 11. ფელიპე ნასრი - 16; 12. სერხიო პერესი - 15; 13. პასტორ მალდონადო - 12; 14. მაქს ფერსტაპენი - 10; 15. კარლოს საინსი - 9; 16. მარკუს ერიქსონი - 5; 17. ჯენსონ ბატონი - 4; 18. ფერნანდო ალონსო - 1.</p><p><strong>კონსტრუქტორთა თასი</p><p></strong>1. მერსედესი - 371; 2. ფერარი - 211; 3. უილიამსი - 151; 4. რედ ბული - 63; 5. ფორს ინდია - 39; 6. ლოტუსი - 29; 7. ზაუბერი - 21; 8. ტორო როსო - 19; 9. მაკლარენი - 5.</p><p><strong>ყოველდღიური სპორტული გაზეთი "ლელო"</strong></p>
ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა
როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დარჩება ფორმულა 1-ის ჩემპიონი "მერსედესთან" შემდეგ სეზონში?
რუსი მოდელი, რომელმაც კრიშტიანო რონალდო დააიგნორა [PHOTO]
Forbes: ბოლო 10 წლის ყველაზე მაღალანაზღაურებად სპორტსმენთა სიას აქვეყნებს, ლიდერი არც რონალდოა, არც მესი...
მონაკოში წლის საუკეთესო სპორტსმენები დაასახელეს
ლუის ჰემილტონი "ფერარიში" გადადის?! - ბრიტანელი იტალიელებს შეხვდა
ფორმულა 1-ის სკანდალი: 3-გზის ჩემპიონის არაეთიკური ინტერვიუ [VIDEO]