<p>ანუ როგორ არეკლამებენ ტოტალიზატორებს ევროპაში <br> ფეხბურთის შემოსავლის დიდ წყაროდ იქცა საბუკმეკერო კანტორებისა და ტოტალიზატორების რეკლამა. ვნახოთ, როგორი პრაქტიკაა ამ მხრივ მოწინავე ევროპულ ქვეყნებში.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ინგლისი</span></strong></div></p> ინგლისში უკვე კარგა ხანია, რაც ონლაინ-ბუკმეკერები კლუბების შემოსავლების წყაროს წარმოადგენენ. პრაქტიკულად, პრემიერლიგის ყოველ კლუბს სპონსორად ჰყავს Betvictor.</p><p>"ლივერპულმა" ამ რამდენიმე დღის წინათ გააფორმა ხელშეკრულება სთპთფრნ-თან, რუსეთში ყველაზე მსხვილ კანტორასთან. ადრე ეს ფირმა "ფულჰემის" სპონსორი იყო. ონლაინ პოკერის Mansion-ის სარეკლამო ლოგო ინგლისის პრემიერლიგის ერთბაშად ორ კლუბს ექნება მაისურის მკერდზე - "კრისტალ პალასს" და "ბორნმუთს". ადრე Mansion 4 წლის განმავლობაში იყო "ტოტენჰემის" სპონსორი და "დეზებს" წელიწადში 13,5 მილიონ ევროს უხდიდა.</p><p>არ არის გასაკვირი, რომ ასეთი ტიპის სპონსორულ ხელშეკრულებებში დიდძალი ფული ტრიალებს. ამბობენ, რომ "ლივერპული" სთპთფრნ-ისგან ყოველ სეზონში 5 მილიონ გირვანქას მიიღებს.</p><p>ცოტა ნაკლები შემოსავლები აქვთ ისეთ კლუბებს, როგორიც "ვესტ ჰემი" და "ტოტენჰემი" არიან. ტოპკლუბებისთვის დიდ მოგებასთან ერთად ტოტალიზატოტებთან ურთიერთობა პრესტიჟის საქმეცაა - ეს იმას ნიშნავს, რომ ასეთი კლუბები არ ერევიან სკანდალებში, თამაშების ჩაწყობებში, ისინი უფრთხილდებიან იმიჯს.</p><p>ხანდახან, ბუკმეკერები კლუბებთან ერთად, არასტანდარტულ გზებს ნახულობენ, რომ ახალი ფანები და კლიენტები მიიზიდონ. მაგალითად, ონლაინ ტოტალიზატორმა 32Red-მა, როცა "სუონსის" სპონსორი იყო, გამოაცხადა კონკურსი, რომლის გამარჯვებულიც პრემიერლიგის მატჩის განაცხადში მოხვდა 32-ნომრიანი მაისურით. მისი მატჩში მონაწილეობა გამორიცხული იყო, მაგრამ ამით გამარჯვებულის ემოცია ნაკლები არ ყოფილა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">გერმანია</span></strong></div></p> გერმანიაში საქმე სხვაგვარადაა - ბუნდესლიგაში მხოლოდ ერთი კლუბი იყო (2006/07 წლების სეზონში), რომლის ტიტულური სპონსორი გახლდათ ტოტალიზატორი - Bwin. თუმცა საქსონიის მთავრობამ მათი ლიცენზია გააუქმა. მიზეზი? ამით მთავრობამ დაიცვა ტოტალიზატორი Oddset, რომელიც გერმანული სპორტის ოფიციალური სპონსორია.</p><p>მაშინ "ვერდერს" ყოველი გამოსვლა მინდორზე 60 ათასი ევროს ჯარიმად უჯდებოდა. კლუბის ხელმძღვანელობამ კრეატიული გამოსავალი იპოვნა - მაისურებზე დაწერეს We win! და ეს გააკეთეს Bwin -ის სტილიზირებული შრიფტით.</p><p>აღქმა იყო ისეთი, როგორც რეკლამის, თუმცა კლუბს ვერავინ მოედავებოდა.</p><p>არიან სხვა ტოტალიზატორებიც, რომლებიც თანამშრომლობენ კლუბებთან - მაგალითად, Bet-at-Home "შალკესთან" და "გლადბახთან" თანამშრომლობს.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">იტალია</span></strong></div></p> 2010 წელს ტურინის "იუვენტუსმა" ფრანგულ კანტორა Betclic-თან 2-წლიანი ხელშეკრულება გააფორმა. ტოტალიზატორმა სერიოზული ფული ჩადო ამ კამპანიაში - 10 მილიონი ევრო. ეს მაშინ, როცა "იუვეს" მხოლოდ საშინაო ფორმებზე იყო განთავსებული ლოგო. ეს სპონსორობა წარმატებული აღმოჩნდა, სწორედ ამ ლოგოთი დაიბრუნა "ბებერმა ქალბატონმა" სკუდეტო.</p><p>უფრო ადრე "მილანის" მაისურებს ამშვენებდა Bwin. 2006 წელს ამ ავსტრიულმა კანტორამ "მილანთან" 4-წლიანი კონტრაქტი გააფორმა. "მილანს" წელიწადში 16 მილიონი დოლარი შემოსდიოდა. გულმკერდზე ამ ლოგოტიპით მოიგეს მილანელებმა ჩემპიონთა ლიგა, როცა "ლივერპული" დაამარცხეს ფინალში.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ესპანეთი</span></strong></div></p> 2007 წელს Bwin-მა მადრიდის "რეალთან" გააფორმა ხელშეკრულება. თავიდან ტოტალიზატორი წელიწადში 18 მილიონ დოლარს იხდიდა, მაგრამ, როცა ორი წლის მერე, "რეალში" ახალი ვარსკვლავები მივიდნენ, "სამეფო კლუბმა" მეტი მოითხოვა და მიიღო კიდევაც - 29 მილიონი ყოველწლიურად! არასოდეს არ გადაუხდია არც ერთ საბუკმეკერო კანტორას მეტი რომელიმე კლუბისთვის, ეს რეკორდია.</p><p>ესპანურ ფეხბურთში ამასთან დაკავშირებით კაზუსებიც ყოფილა - "სევილიას" სპონსორი იყო ონლაინ-კაზინო 888.com. მალელმა ფორვარდმა ფრედერიკ კანუტემ კი სპნსორის ლოგოტიპიანი მაისურის ჩაცმაზე უარი განაცხადა, ყურანი მიკრძალავსო. კანუტეს შემთხვევაში, ციფრები (სწორედ ეს ციფრები არ მოსწონდა ფეხბურთელს) "სკოჩით" დამალეს.</p><p><strong>ყოველდღიური სპორტული გაზეთი "ლელო"</strong></p>
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
ინგლისის ნაკრებმა ისტორიული რეკორდი დაამყარა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია