<p>ხორვატი მადრიდში წელიწადში სამ მილიონ ევროს მიიღებს <br> <span style="text-decoration: underline;">13:08</span> თავდაპირველად, დღის მთავარი ამბები. პირველი: "სევილიამ" არ მოისურვა "მანჩესტერ იუნაიტედისთვის" ფულის გადახდა ვიქტორ ვალდესის სანაცვლოდ.</p><p><span style="text-decoration: underline;">13:14</span> მეორე ამბავი: პედრო "მანჩესტერ იუნაიტედს" მოელაპარაკა. რჩება კლუბებს შორის შეთანხმება. ბოლო მონაცემებით, განსხვავება 5 მილიონი ევრო იყო: "იუნაიტედი" 25 მილიონს გამოდიოდა, "ბარსა" 30 მილიონს ითხოვდა.</p><p><span style="text-decoration: underline;">13:19</span> მესამე ამბავი: ჰენრიხ მხითარიანი იტალიაში გადასასვლელად ემზადება. მას "იუვენტუსი" ეპატიჟება. უახლოეს დროში მინო რაიოლა დაკავდება "დორტმუნდის" სომეხი ნახევარმცველის ტურნირში მოწყობით.</p><p><span style="text-decoration: underline;">13:35</span> კევინ დე ბრუინმა შოკში ჩააგდო საკუთარი აგენტი და "მანჩესტერ სიტის" წარმომადგენლები. "წლის ვარსკვლავის" პრიზის გადაცემის ცერემონიაზე ბელგიელი სცენაზე ავიდა და გამოაცხადა: "მე, კევინ დე ბრუინი, ნამდვილად ვითამაშებ "ვოლფსბურგში" ამ სეზონში".</p><p><span style="text-decoration: underline;">13:47</span> უფრო დეტალური ინფორმაცია ტანკრედი პალმიერისგან. ის წერს, რომ "იუვენტუსი" 18-მილიონიან წინადადებას ამზადებს მხითარიანზე.</p><p><span style="text-decoration: underline;">13:59</span> "მილანმა" თავისი ჯგუფი გაუშვა სანკტ-პეტერბურგში აქსელ ვიტცელთან მოსალაპარაკებლად. იტალიელებს სურთ, გაარკვიონ - რამდენად მიზანშეწონილია ბელგიელის გაფორმება, რომელშიც "ზენიტი" 35 მილიონს ითხოვს.</p><p><span style="text-decoration: underline;">14:03</span> ზლატან იბრაჰიმოვიჩი უკვე ამ ზაფხულს დატოვებს "პარი სენ-ჟერმენს". პარიზელები დაბალ ფასში გაყიდიან ფორვარდს. შვედის სატრანსფერო ღირებულება 15 მილიონი ევროა.</p><p><span style="text-decoration: underline;">14:12</span> განაპირა მცველი ნიკო შულცი ტოვებს "ჰერტას". ფეხბურთელი სამედიცინო შემოწმებას გადის მიონხენგლადბახის "ბორუსიაში".</p><p><span style="text-decoration: underline;">14:18</span> თავად ბერლინური კლუბი შულცის შემცვლელს ინგლისში ეძებს. "ჰერტა" დაინტერესდა "არსენალის" მოთამაშით, ველინგტონ სილვათი. ლაპარაკია ერთწლიან იჯარაზე.</p><p><span style="text-decoration: underline;">14:28</span> "ევერტონი" აგრძელებს ჯიუტობას. ლივერპულელებმა უარყვეს "ჩელსის" მორიგი წინადადება სტოუნსთან დაკავშირებით. "ევერტონს" 30 მილიონი გირვანქა არ აკმაყოფილებს.</p><p><span style="text-decoration: underline;">14:30</span> მაგრამ ეს არაფერს ნიშნავს, რადგან ჟოზე მოურინიომ 35 მილიონი გირვანქის დახარჯვის უფლება მიიღო.</p><p><span style="text-decoration: underline;">14:52</span> "ჩელსი" ფიქრობს გონსალო იგუაინის შეძენაზე. ლონდონელებს არგენტინელში 63 მილიონი გირვანქის გადახდა შეუძლიათ.</p><p><span style="text-decoration: underline;">14:57</span> ჰორიზონტზე გამოჩნდა "ვესტ ბრომვიჩი". "ტოტენჰემი" დათანხმდა ამ გუნდში ფედერიკო ფასიოს გაშვებას.</p><p><span style="text-decoration: underline;">15:05</span> მაშ ასე, როცა "ევერტონი" ბევრ ფულს მიიღებს "ჩელსისგან", სტოუნსის ადგილას ან ეშლი უილიამსს ("სუონსი"), ან კალიდუ კულიბალის ("ნაპოლი") შეიძენს. კიდევ არის ვარიანტი - "რივერ პლეიტიდან" რამირო ფუნეს მორი.</p><p><span style="text-decoration: underline;">15:13</span> ახალი ამბავი ბერაჰინოს შესახებ. "მანჩესტერ სიტიმ" გადაიფიქრა და "ტოტენჰემია" ერთადერთი გუნდი, რომელიც სეიდოს გადაბირებაზე ზრუნავს.</p><p><span style="text-decoration: underline;">15:23</span> "რეალმა" ახალი ფინტი მოიფიქრა დე ხეას ხელში ჩასაგდებად. ტანკრედი პალმიერი წერს, რომ მადრიდელები გარიგებაში ჩართავენ კეილორ ნავასს.</p><p><span style="text-decoration: underline;">15:37</span> ჩიხში შევიდა მოლაპარაკებები ოტამენდისთან დაკავშირებით. "მანჩესტერ სიტიმ" 40 მილიონი შესთავაზა, მაგრამ "ვალენსია" ერთი სეზონით მანგალას ითხოვს. "სიტის" ხელმძღვანელობას არ სურს ფრანგთან გამოთხოვება, რომელმაც ფანტასტიკურად დაიწყო ახალი სეზონი.</p><p><span style="text-decoration: underline;">15:45</span> კოვაჩიჩი "რეალთან" ხუთწლიან კონტრაქტზე მოაწერს ხელს. ხორვატი მადრიდში წელიწადში სამ მილიონ ევროს მიიღებს.</p><p><span style="text-decoration: underline;">16:00</span> "მანჩესტერ სიტიმ" მოაგვარა ოტამენდის საქმე: 45 მილიონი, ხუთწლიანი კონტრაქტი და არანაირი მანგალას იჯარა.</p><p><span style="text-decoration: underline;">16:07</span> "მანჩესტერ იუნაიტედში" კი უცნაური ამბები ხდება. პედროსთან დაკავშირებით, ბოლომდე ყველაფერი გარკვეული არ არის. ვან გაალმა "იუნაიტედის" აღმასრულებელ დირექტორს, ედ ვუდვორდს 30 მილიონის გადახდა მოსთხოვა, რომელსაც "ბარსელონა" ელოდება. ვუდვორდი 25 მილიონს გამოდის.</p><p><span style="text-decoration: underline;">16:20</span> მარიო ბალოტელით, როგორც იქნა, სამშობლოში დაინტერესდნენ. "ლაციო" ფიქრობს, ჩაებას თუ არა ფორვარდისთვის ბრძოლაში.</p><p><span style="text-decoration: underline;">16:52</span> ჭორები "იუვენტუსთან" დაკავშირებით. იტალიელებს სურთ, სერია A-ში გადაიყვანონ პრემიერლიგის ორი ვარსკვლავი: ერიკ ლამელა "ტოტენჰემიდან" და ხუან კუადრადო "ჩელსიდან".</p><p><span style="text-decoration: underline;">17:03</span> ედინსონ კავანით ძალიან არის დაინტერესებული "არსენალი". ლონდონელთა თავდაპირველი შეთავაზებაა - 35 მილიონი გირვანქა, თუმცა ვენგერი მზად არის ამ თანხის გასაზრდელად.</p><p><span style="text-decoration: underline;">17:11</span> "ბეშიქთაში" სოლიდურ წინადადებას ამზადებს "ჩელსიდან" ჯონ ობი მიკელის გადასაბირებლად.</p><p><span style="text-decoration: underline;">17:21</span> "ჩელსის" გაძლიერების ერთ-ერთი ვარიანტი, როგორც ჩანს, გამოირიცხა. Marca იტყობინება, რომ "ატლეტიკომ" ახალი კონტრაქტი გააფორმა ანტუან გრიზმანთან და გაზარდა მისი გამოსასყიდი თანხა - 65-დან 80 მილიონ ევრომდე.</p><p><span style="text-decoration: underline;">17:34</span> "ვოლფსბურგი" ელოდება "მანჩესტერ სიტის" წინადადებას დე ბრუინთან დაკავშირებით.</p><p><span style="text-decoration: underline;">17:43</span> The Star-ი ვარაუდობს, რომ ვერატი, შესაძლოა, "ლივერპულის" მოთამაშე გახდეს. მოთამაშე გახსნილია პრემიერლიგიდან შეთავაზებებისთვის. მარკოს მიმართ ინტერესს "არსენალიც" იჩენს.</p><p><span style="text-decoration: underline;">17:59</span> "რეალმა" გამოაცხადა კოვაჩიჩის ტრანსფერის შესახებ. მატეომ ექვსწლიან კონტრაქტს მოაწერა ხელი.</p><p><span style="text-decoration: underline;">18:05</span> "ბარსელონას" ნორჩი ტალანტი ალენ ჰალილოვიჩი ტოვებს კატალონიურ გრანდს, რათა ერთი სეზონის შემდეგ იქ უფრო ძლიერი დაბრუნდეს. ხიხონის "სპორტინგმა" გადაწყვიტა ბიჭის იჯარით აყვანა.</p><p><span style="text-decoration: underline;">18:32</span> Daily Mail-მა გადაწყვიტა, რომ კიევის "დინამოს" ფეხბურთელი ანდრეი იარმოლენკო მალე "ევერტონში" გადავა.</p><p><span style="text-decoration: underline;">18:45</span> "ჩელსის" მფლობელმა რომან აბრამოვიჩმა შეაფასა სეზონის საშინელი სტარტი და თანხას გამოჰყოფს სამი ახალი ფეხბურთელის შესაძენად.</p><p><span style="text-decoration: underline;">18:51</span> სავარაუდოდ, პირველი შენაძენი იქნება სტოუნსი.</p><p><span style="text-decoration: underline;">18:59</span> ფაბიო ბორინი დიდი პოპულარობით სარგებლობს. "ლივერპულის" ფორვარდი "ინტერსა" და</p><p>"სანდერლენდს" აინტერესებთ.</p><p><span style="text-decoration: underline;">19:04</span> "ვესტ ბრომვიჩმა" უარყო "ტოტენჰემის" წინადადება სეიდო ბერაჰინოსთან დაკავშირებით.</p><p><span style="text-decoration: underline;">19:21</span> "მანჩესტერ იუნაიტედმა" "რეალისგან" მიიღო წინადადება 35 მილიონი ევროს ოდენობით.</p><p><span style="text-decoration: underline;">19:23</span> "მანჩესტერი" დე ხეას სანაცვლოდ სწორედ 35 მილიონს ითხოვდა, ოღონდ გირვანქას და არა ევროს. "რეალის" შეთავაზება 10 მილიონით ნაკლებია "იუნაიტედის" მოთხოვნაზე.</p><p><span style="text-decoration: underline;">19:32</span> "ნიუკასლმა" შეათანხმა ფლორიან ტოვენის ტრანსფერი. გარემარბი "სენტ ჯეიმს პარკზე" 17 მილიონ ევროდ მიდის. წასვლის მთავარი მიზეზი მარსელო ბიელსას გადადგომა გახდა.</p><p><span style="text-decoration: underline;">19:50</span> ახალი ამბები მარიო გიოტცეს შესახებ. მატიას ზამერს სურს "ბაიერნში" ნახევარმცველის შენარჩუნება. ამასთან, ფეხბურთელი რეკორდმაისტერში დისკომფორტს განიცდის და კლუბის დატოვება უნდა. აქ უნდა გააქტიურდეს არსენ ვენგერი...</p><p><span style="text-decoration: underline;">19:57</span> "ვოლფსბურგს" დე ბრუინის შენარჩუნების სურვილი აქვს. ბელგიელს ახალ ხელფასს შესთავაზებენ - 200 ათასი ევრო კვირაში. "სიტის" წინადადება იყო - 320 ათასი...</p><p><span style="text-decoration: underline;">19:59</span> სამირ ნასრი "ინტერში" არ გადავა. ფეხბურთელის აგენტმა უარყო ჭორები "სიტის" ლეგიონერის მილანურ კლუბში ტრანსფერის შესახებ, მაგრამ არც ის დაუდასტურებია, რომ ნასრი მანჩესტერში დარჩება.</p><p><span style="text-decoration: underline;">20:06</span> "ნიუკასლი" დღეს აქტიურობს. "კაჭკაჭებმა" დაუმიზნეს "მონაკოს" მცველს, აიმენ აბდენურს. Transfermarkt.de 26 წლის ფეხბურთელს 10 მილიონ ევროდ აფასებს.</p><p><span style="text-decoration: underline;">20:18</span> კიდევ ერთი სიახლე "ნიუკასლიდან": სტივ მაკლარენი აღარ იბრძვის ჩარლი ოსტინის ხელში ჩასაგდებად, რადგან ფასი (21 მილიონი ევრო) ეძვირა.</p><p><span style="text-decoration: underline;">20:22</span> "ვესტ ბრომვიჩს" სურს ფასიოსთან სრულფასოვანი კონტრაქტის გაფორმება. "ტოტენჰემის" მცველი კლუბმა 5 მილიონ ევროდ შეაფასა.</p><p><span style="text-decoration: underline;">20:37</span> პალმიერი ახალ ინფორმაციას ავრცელებს: "რეალი" დე ხეას წელიწადში 10 მილიონ ევროს შესთავაზებს - მეათე ადგილი ფეხბურთელების ყველაზე მაღალ ხელფასებს შორის.</p><p><span style="text-decoration: underline;">20:42</span> ბომბი "არსენალისგან": ვენგერმა დაუმიზნა "ბაიერნის" ორ ძირითად ფეხბურთელს. Daily Mail-ის თანახმად, ფრანგ სპეციალისტს სურს რობერტ ლევანდოვსკისა და თომას მიულერის გადაბირება.</p><p><span style="text-decoration: underline;">20:45 </span>გერმანულმა მხარემ ძალიან სწრაფად უპასუხა ვენგერს. "ბაიერნი" ამბობს, რომ ეს წყვილი არ იყიდება.</p><p><span style="text-decoration: underline;">20:51</span> "საუთჰემპტონმა" მიზანში ამოიღო "სელტიკის" მცველი ვირჯინ ვან დიკი.</p><p><span style="text-decoration: underline;">20:54</span> "მილანის" მფლობელმა სილვიო ბერლუსკონიმ განაცხადა, რომ მისი კლუბის კარი ყოველთვის ღიაა ზლატან იბრაჰიმოვიჩისთვის. შვედს ისღა დარჩენია, აირჩიოს - სად დაასრულებს კარიერას.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
დიდი ფეხბურთი მადრიდში - ინგლისმა ესპანეთს დრამატულ მატჩში სძლია
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"