<p>ქართველმა სუმოისტებმა იაპონიაში ჩატარებულ მსოფლიოს ჩემპიონატზე 4 მედალი მოიპოვეს <br> ოსაკაში (იაპონია) დამთავრდა სუმოისტთა მსოფლიოს ჩემპიონატი, რომელშიც 35 ქვეყნის წარმომადგენლები იბრძოდნენ საპრიზო ადგილებისთვის.</p><p>საქართველოდან (დელეგაციის ხელმძღვანელი სუმოს ეროვნული ფედერაციის პრეზიდენტი <strong>თენგიზ რუხაძე</strong>, მსაჯი - ფედერაციის ვიცე-პრეზიდენტი <strong>ლაშა აბესაძე</strong>) შეჯიბრებაში ოთხი სპორტსმენი ჩაება, რომლებმაც ერთი ვერცხლისა და ოთხი ბრინჯაოს მედალი მოიპოვეს.</p><p>წლეულს ქართველმა სუმოისტებმა წარმატებით იასპარეზეს ევროპის ჩემპიონატსა და კონტინენტის თასის გათამაშებაში - 29 მედალი მოიხვეჭეს, მათ შორის - 12 ოქროსი. ჩვენები ოსაკაშიც ახლოს იყვნენ კვარცხლბეკის უმაღლეს საფეხურთან, მაგრამ იქ ასასვლელად 18-წლამდელებში <strong>შამილ გოგოჭურს</strong> (+100 კგ) ერთი მოგება დააკლდა.</p><p>ქართველმა სუმოისტმა ზედიზედ სძლია ეგვიპტელ იბრაჰიმ აბელ ლატიფის, ბრაზილიელ ესპირიტო სანტოს, ესტონელ ვალტერ ოლივერს და მხოლოდ გადამწყვეტი პაექრობა დათმო მასპინძელ კამატაში მასაკაცუსთან. საბოლოოდ ვერცხლის მედალს დასჯერდა.</p><p>ამავე ასაკში, მაგრამ -100 კილოში, ბრინჯაოს მედალი დაიმსახურა <strong>ნიკოლოზ სისვაძემ</strong>: პირველ წრეში მან ავსტრალიელ ვენტერს მოუგო, მაგრამ მერე უკრაინელ ანდრეი გალეტასთან დამარცხდა და დამამშვიდებელში გადაერთო. იქ კი ზედიზედ ჩამოიშორა გზიდან რუსი მაქსიმ შიტიკოვი, ბრაზილიელი რამოს სატო, უნგრელი დომენიკ ლაიტსი და მესამე ადგილი დაიკავა.</p><p>ჩვენმა ბიჭებმა გუნდურშიც სცადეს ბედი: კაცნაკლულ ნაკრებს საბოლოოდ მე-5 ადგილი ერგო.</p><p>უფროსებში ევროპის მრავალგზის ჩემპიონები და პრიზიორები - <strong>გიორგი მეშვილდიშვილი </strong>(-115) და <strong>ავთანდილ ცერცვაძე</strong> (+115) ცდიდნენ ძალებს.</p><p>მეშვილდიშვილმა სტარტზე ინგლისელ რობსონ ბრედის აჯობა, მერე არგენტინელი გუზმან მარიოში დაჯაბნა, მაგრამ ოქროსკენ მიმავალ გზაზე მასპინძელი ნოგუტი კიოშიკი გადაეღობა. სამაგიეროდ, რეპეშაჟში ოთხ მეტოქეს სძლია - ვენესუელელ რივას უზურანგას, ავსტრალიელ დანიელ ბაზანას, ფინელ რიოჯია განქარის, ბულგარელ ივან ბლაგოევს და მესამე ადგილი დაიკავა.</p><p>ასევე, კვარცხლბეკის მესამე საფეხურზე ავიდა ცერცვაძე, იმის მიუხედავად, რომ სტარტზევე დამარცხდა ბულგარელ ივან კაშაკოვთან. ამ უკანასკნელმა ფინალს უწია და ჩვენებურიც დამამშვიდებელში გაიყოლია, სადაც ქართველმა სუმოისტმა პორტუგალიელ ნევეს კარიოს, ყირგიზ აიმარ ერგეშოვს, რუს მსოფლიოს ექვსგზის ჩემპიონ ალან კარავაევს აჯობა.</p><p>ჩვენმა სპორტსმენებმა გუნდურშიც იასპარეზეს (უფროსებს გოგოჭური დაემატა). ტაჯიკებსა და ბრიტანელებთან წარმატებით ასპარეზობის შემდეგ მონღოლებთან წაიფორხილეს, თუმცა რეპეშაჟში იყოჩაღეს - ბრაზილია, უნგრეთი, ეგვიპტე, უკრაინა დაამარცხეს და გუნდური ბრინჯაოს მედალი მოიპოვეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"ბიჭების გამო მაინც დარჩი, შენთან ერთად ვარჯიში მათთვის დიდი გამოცდილებააო" - ტოჩინოშინის ინტერვიუ კვირის პალიტრასთან
ტოჩინოშინმა საიუბილეო, მე-100 ბაშო ნაადრევად შეწყვიტა
ტოჩინოშინმა ტაკარაფუჯი მარტივად დაამარცხა [VIDEO]
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
ბასილაშვილი მეცის ჩელენჯერს ტრავმის გამო ჩაეხსნა
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
თავისუფალი ჭიდაობა. სომხეთის ტურნირი: მედალთცვენა ვანაძორში
ქართველი სუმოისტების 4 ოქრო, 5 ვერცხლი და 9 ბრინჯაო ევროპის ჩემპიონატიდან
ქართველმა მოჭიდავეებმა კიევის ტურნირზე 11 მედალი მოიპოვეს
ახალგაზრდა სუმოისტთა ევროპის ჩემპიონატზე ქართული ფინალი გაიმართა
პოლონეთის ტურნირი: ქართველთა პოლონური გამოფენა - 3 ოქრო და 7 ბრინჯაო
ძიუდო. ახალგაზრდული ნაკრები: 20 მედალი ათენიდან!
შმაგი ბოლქვაძე ჩემპიონია - 5 მედალი კიევის ტურნირზე პირველ საჭიდაო დღეს [VIDEO]
პოლონეთის ტურნირი: ქართველების სამი ბრინჯაოს მედალი
სუმოისტთა 2017 წლის ევროპის ჩემპიონატს საქართველო უმასპინძლებს
პეტრიაშვილმა მეშვილდიშვილი დაამარცხა და ოლიმპიადის ფინალში ზარეს შეხვდება