<p>ზაზა ფაჩულია: "მილუკთან" ბოლო მეოთხედი მთლიანად ჩავაგდეთ და მეტოქეს რაც სურდა, იმას აკეთებდა" <br> "ატლანტა ჰოქსმა" "შარლოტთან" (22 იანვარს) მატჩის შემდეგ ოთხი დღე დაისვენა და, წესით, მილუოკის ენერგიააღდგენილი უნდა სწვეოდა. თანაც, ამ შეხვედრის წინ "ქორებს" ორი ტრავმირებული დაუბრუნდათ - ელ ჰორფორდი და მერვინ უილიამსი.</p><p>ძნელი სათქმელია, მათი გამოჩენის გამო შეუმცირდა თუ არა ზაზა ფაჩულიას სათამაშო დრო (წინა შეხვედრაში 27 წუთი ითამაშა, "მილუოკისთან" - 10,26), მაგრამ ფაქტია, რომ სასტარტო შემადგენლობიდან ზაზას ამოგდება ჰორფორდისა და უილიამსის დაბრუნების ბრალი არ არის - მწვრთნელმა, ლარი დრიუმ ძველ ტაქტიკას მიმართა და სასტარტო ცენტრად ჯეისონ კოლინზი დააყენა.</p><p>არ გეგონოთ, რომ შესავალში "ატლანტას" მილუოკიში წაგების მიზეზისთვის საფუძველს ვამზადებდეთ, უბრალოდ ჩამოგითვალეთ წინა შეხვედრის შემდეგ გუნდში მომხდარი ცვლილებები.</p><p>ახლა მატჩის მსვლელობაზე ვთქვათ. თითქმის თანაბრად ჩატარებული პირველი ტაიმის შემდეგ "ატლანტამ" იძალა და მეოთხე პერიოდის დაწყებამდე 11-ქულიან უპირატესობას მიაღწია. მწვრთნელმა ფაჩულია მოედანზე მესამე პერიოდის დასრულებამდე 1,53 წუთით ადრე დააბრუნა (68:62 "ჰოქსის" სასარგებლოდ), ხოლო მეოთხე თორმეტწუთეულამდე სხვაობა უკვე 11 ქულას შეადგენდა - 75:64.</p><p>პირველი პერიოდის ორწუთიან მონაკვეთში ზაზამ ბურთი 4-ჯერ მოხსნა. ასევე ენერგიულად დაიწყო მეოთხე რაუნდი - 3 წუთში 4 მოხსნა, თუმცა თავისივე მოხსნის შემდეგ ბურთი ორჯერ ვერ ჩააგდო. როგორც ჩანს, ეს არ ესიამოვნა "ატლანტას" მწვრთნელ ლარი დრიუს და სირენამდე 8,25 წუთით ადრე ზაზა სათადარიგოთა სკამზე დააბრუნა (ანგარიში "ჰოქსის" სასარგებლოდ 78:71 იყო). "ატლანტამ" მატჩი ტრადიციული ხუთეულით ჩაამთავრა, თუმცა დაღმასვლას ვერც მათ აარიდეს თავი... უფრო სწორად 165 სმ. სიმაღლის ერლ ბოიკინსს ვერაფერი მოუხერხეს, რომელმაც 20-დან 11 ქულა მეოთხე პერიოდში ჩააგდო. "მილუოკიმ" 98:90 გაიმარჯვა.</p><p>- ბოლო მეოთხედის დასკვნით მონაკვეთში სხარტად ვერ ვითამაშეთ, უფრო სწორად, მთლიანად ბოლო მეოთხედი ჩავაგდეთ. მეტოქეს მივეცით საშუალება, რაც სურდა, ის ეკეთებინა, - განაცხადა მატჩის შემდეგ ზაზა ფაჩულიამ.</p><p>გაზეთ "ატლანტა კონსტიტუშენის" ფორუმზე სწორად შენიშნა ერთმა ქომაგმა: "როცა კალათბურთელი ბურთს ვერ აგდებს, იგი სკამზე უნდა დასვა, რა მნიშვნელობა აქვს ლიდერია, თუ - არა. ამ მიმართულებით მაიკ ვუდსონის (გუნდს შარშან წვრთნიდა) წასვლის შემდეგ არაფერი შეცვლილა."</p><p>28 იანვარს "ჰოქსი" "ნიუ იორკს" უმასპინძლებს.</p><p><em><strong>მილუოკი-ატლანტა 98:90</strong></em></p><p>ზაზა ფაჩულია: 10,26 წუთი, 1 ქულა (4-დან 0 ორქულიანი, 2-დან 1 საჯარიმო), 8 მოხსნა, 2 ფოლი.</p><p><strong>ქრონოლოგია</strong></p><p><em>I პერიოდი</em></p><p>04:58 ზაზამ კოლინზი შეცვალა</p><p>04:52 მოხსნა: შეტ-0, დაც-1</p><p>04:36 მოხსნა: შეტ-1, დაც-1</p><p>04:36 ორქულიანი: არაზუსტი</p><p>03:50 მოხსნა: შეტ-1, დაც-2</p><p>02:20 მოხსნა: შეტ-1, დაც-3</p><p>01:45 ფოლი: 1</p><p>01:18 ფოლი: 2</p><p>00:36 ორქულიანი: არაზუსტი</p><p><em>III პერიოდი</em></p><p>01:53 ზაზამ ჰორფორდი შეცვალა</p><p><em>IV პერიოდი</em></p><p>10:56 მოხსნა: შეტ-1, დაც-4</p><p>10:00 საჯარიმოები: 2/1 (1ქ, 76:69)</p><p>09:22 მოხსნა: შეტ-2, დაც-4</p><p>08:42 მოხსნა: შეტ-3, დაც-4</p><p>08:38 ორქულიანი: არაზუსტი</p><p>08:37 მოხსნა: შეტ-4, დაც-4</p><p>08:37 ორქულიანი: არაზუსტი</p><p>08:25 ჰორფორდმა ზაზა შეცვალა</p><p>.</p>
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს