- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"დინამო" სინჯავს და მარცხდება
<p>ანთალიაში შეკრებაზე მყოფი თბილისის "დინამოს" ექსპერიმენტული შემადგენლობით ''სევასტოპოლთან'' დამარცხდა <br> ანთალიაში შეკრებაზე მყოფმა თბილისის "დინამომ" გუშინ მორიგი საკონტროლო მატჩი ჩაატარა და, ისე როგორც ორი დღის წინ, ამჯერადაც დამარცხდა. თუმცა, წინა სპარინგ-მატჩისგან (ნალჩიკის ''სპარტაკთან'') განსხვავებით ''დინამოს'' შემადგენლობას ექსპერიმენტული ეთქმოდაო, კიდევ უფრო ''რბილად'' ნათქვამი იქნება: გუშინდელ შეხვედრაში ერთდროულად ექვსმა უცხოელმა პოტენციურმა იასპარეზა;</p><p>ამას გარდა, ''დინამოს'' მთავარმა მწვრთნელმა კახა კაჭარავამ იმ ფეხბურთელებსაც მისცა თავის გამოჩენის საშუალება, სხვადასხვა მიზეზით ნალჩიკის ''სპარტაკთან'' მატჩში მონაწილეობა რომ არ მიუღიათ. ფაქტობრივად, მხოლოდ გიორგი ლორია და სემირ ჰაჯიბულიჩი იყვნენ ის ფეხბურთელები, თურქულ შეკრებაზე ორივე მატჩი ძირითად შემადგენლობაში რომ დაიწყეს.</p><p>24 წლის სერბი ნახევარმცველის სემირ პაჯიბულიჩის მსგავსად, ''დინამოს'' შემადგენლობაში მეორე საკონტროლო მატჩი ჩაატარა 21 წლის უკრაინელმა ნახევარმცველმა სერგეი კოლესნიკმა; აი, დანარჩენმა ოთხმა სავარაუდო ახალწვეულმა კი ''დინამოს'' მაისურით პირველი შეხვედრა ჩაატარა: 29 წლის ცენტრალურმა მცველმა ნებოიშა იოქსიმოვიჩმა (სერბეთი), 30 წლის მცველმა ირჟი ჰომოლამ (ჩეხეთი), 26 წლის მცველმა მიროსლავ გეგიჩმა და 29 წლის ნახევარმცველმა გორან ცვეტკოვიჩმა (ორივე-სერბეთი).</p><p>რა თქმა უნდა, ერთი (გნებავთ, ორი) საკონტროლო მატჩით კონკრეტულ ფეხბურთელზე გარკვეული წარმოდგენის შექმნა არცთუ ისე ''იოლია'', მაგრამ ის ფაქტი, რომ ''დინამოში'' სელექციის პროცესი გრძელდება, ამ გუნდის სერიოზულ მიზნებზე კიდევ ერთხელ მიუთითებს. სხვათა შორის, ამ ზამთრის მოსამზადებელ პერიოდში ''დინამოში'' უკვე 17 ახალწვეული გაისინჯა (შვიდ საკონტროლო მატჩში) და ბარემ, გასინჯულთა გეოგრაფიასაც გავეცნოთ. უფრო ზუსტად, ''ერთპიროვნული ლიდერი'' უნდა ვახსენოთ: 17 ფეხბურთელიდან 7 სერბია (მარკო იევტიჩი, ვლადიმირ ვუკაილოვიჩი, მარკო მაროვიჩი, სემირ ჰაჯიბულიჩი, ნებოიშა იოქსიმოვიჩი, მიროსლავ გეგიჩი, გორან ცვეტკოვიჩი)!</p><p>ისე, ''წარმომავლობა'' არც დანარჩენებს დაეწუნებოდათ: დანიელ ოდონელის (ინგლისი), სემი დერასს (საფრანგეთი), კრის ბრაიტს (ახალი ზელანდია), ანდრეა ტოდოროვს (ბულგარეთი), მანდუგის ბაჟუგისს (ლიტვა), დანილოს, ტიაგო დე პაულას (ორივე-ბრაზილია), პანჩე კუმბევს (მაკედონია) და უკვე ზემოთ ნახსენებ ირჟი ჰომოლასა (ჩეხეთი) თუ სერგეი კოლესნიკს (უკრაინა).</p><p>ჩვენი ქვეყნის ყველაზე ტიტულოვანი გუნდის გუშინდელი მეტოქე ''სევასტოპოლი'' იყო, თავის ისტორიაში პირველად რომ ასპარეზობს უკრაინის უმაღლეს ლიგაში. თუმცა, ბულგარელი მწვრთნელის, ანგელ ჩერვენკოვის ხელმძღვანელობით მოასპარეზე გუნდი განსაკუთრებული შედეგებით ნამდვილად ვერ დაიკვეხნის - უკრაინის ჩემპიონატში პირველი ეტაპის შემდეგ ბოლოსწინა ადგილზე იმყოფება და დიდი ძალისხმევა დასჭირდება, უმაღლეს ლიგაში ადგილი რომ შეინარჩუნოს.</p><p>ალბათ, ამას ემსახურება კიდეც ზამთრის სატრანსფერო პერიოდში გუნდში განხორციელებული რამდენიმე ცვლილება: ''სევასტოპოლის'' ლეგიონერთა რიცხვს ბულგარელი ნახევარმცველი ალექსანდრ მლადენოვი, ბელარუსის ბატე-ს ყოფილი მეკარე სერგეი ვერემკო და ნიგერიის ნაკრების ყოფილი თავდამსხმელი, 28 წლის ჯულიუს აგაჰოვა შეემატნენ. ეს უკანასკნელი ''სევასტოპოლის'' ერთ-ერთი ყველაზე ცნობილი ფეხბურთელია: აგაჰოვას არაერთ ცნობილ კლუბში უთამაშია, თუმცა განსაკუთრებულ წარმატებას დონეცკის ''შახტარში'' მიაღწია. სხვათა შორის, ''შახტარისაგან'' აბსოლუტურად განსხვავებული მიზნების მქონე ''სევასტოპოლში'' აგაჰოვას ორი ყოფილი პარტნიორიც დახვდა: 31 წლის იგორ დულიაისა (სერბეთი) და მის თანატოლ მარიუშ ლევანდოვსკის (პოლონეთი) არაერთი სეზონი აქვთ გატარებული დონეცკელთა გუნდში. იმასაც ვიტყვით, რომ დულიაიც და ლევანდოვსკიც, წლების განმავლობაში, შესაბამისად, სერბეთისა და პოლონეთის ნაკრების ღირსებას იცავდნენ.</p><p>როგორც ზემოთ აღვნიშნეთ, ''დინამომ'' გუშინდელ სპარინგ-მატჩში, ფაქტობრივად, ექსპერიმენტული-შერეული შემადგენლობით იასპარეზა, რასაც ნამდვილად ვერ ვიტყვით მეტოქეზე: ''სევასტოპოლმა'' პირველ ტაიმში ოპტიმალური შემადგენლობა გამოიყვანა, მეორეში კი - უახლოესი რეზერვი.</p><p><strong>''დინამო'':</strong> ლორია (46. ზარქუა)-შ. კაშია, ჰომოლა, იოქსიმოვიჩი (46. გეგიჩი), ოთარაშვილი-ედნილსონი, ცვეტკოვიჩი (46. თექთურმანიძე)-რობერტინიო (83. ციმაკურიძე), ჰაჯიბულიჩი (63. ჯიღაური), კოლესნიკი (46. ლექვთაძე), სიხარულიძე (58. ქანთარია).</p><p><strong>''სევასტოპოლი'':</strong> ვერემკო, ბოლოხანი, სტეპანოვი, შეველიუხინი, შენდრუკი, მლადენოვი, ლევანდოვსკი, დულიაი, ფერენჩაკი, კივა, აგაჰოვა.</p><p>როგორც უკრაინული გუნდის ვებგვერდიდან შევიტყვეთ, პირველ ტაიმში უპირატესობა ''სევასტოპოლის'' მხარეს ყოფილა, მაგრამ ჯულიუს აგაჰოვას და ანდრეი კივას რეალური მომენტები ვერ გამოუყენებიათ. თუმცა, ანგარიშის გახსნის ბევრად უფრო რეალური შანსი დინამოელებს ჰქონიათ: 32-ე წუთზე უკრაინელთა მცველებს შოთა კაშიას წინააღმდეგ თამაშის წესები დაურღვევიათ, მაგრამ თავად დაზარალებულმა პენალტი ვერ გაიტანა - ''სევასტოპოლის'' მეკარემ სერგეი ვერემკომ ბურთი მოიგერია.</p><p>კახა კაჭარავამ ისედაც ექსპერიმენტული შემადგენლობით მოასპარეზე ''დინამოში'' შესვენების შემდეგ კიდევ რამდენიმე ცვლილება მოახდინა: თუმცა, თუ ისევ უკრაინული გუნდის ვებ-გვერდს დავუჯერებთ, ''სევასტოპოლს'', სულ მცირე, სამი რეალური მომენტი გაუცუდებია. მაგრამ, უკრაინელებმა მაინც შეძლეს ამ შეხვედრის თავის სასარგებლოდ დასრულება და აღსანიშნავია, რომ ორივე გოლი პენალტით გაიტანეს: 65-ე წუთზე თავი გამოიჩინა სერგეი ფერენჩაკმა, მატჩის დამთავრებამდე 10 წუთით ადრე კი შეცვლაზე შემოსულმა ალექსანდრ ჟაბოკრიცკიმ ასევე თერთმეტმეტრიანით მატჩის საბოლოო ანგარიში (2:0) დააფიქსირა.</p><p>აღსანიშნავია, რომ მეორე პენალტს წინ რობერტინიოს გაძევება უძღოდა - ''დინამოს'' ბრაზილიელმა გარემარბმა შეხვედრაში ორი ყვითელი ბარათი დაიმსახურა. აქვე, იმასაც ვიტყვით, რომ კახა კაჭარავამ პოტენციურ უცხოელ ახალწვეულებთან ერთად თავის გამოჩენის შანსი ახალგაზრდა დინამოელებსაც მისცა: გიორგი ოთარაშვილს, ირაკლი სიხარულიძეს, ზვიად ქანთარიასა და ჯაბა ჯიღაურს.</p><p>თურქეთში ''დინამო'' კიდევ სამ საკონტროლო მატჩს ჩაატარებს და მომდევნო მეტოქედ კვლავაც უკრაინული გუნდი ეყოლება - უმაღლესი ლიგის მეექვსე-ადგილოსანი ''ვოლინი''. ეს შეხვედრა ხვალისთვის არის დაგეგმილი და დიდია იმის ალბათობა, ''დინამოში'' კვლავაც რამდენიმე პოტენციური ახალწვეული გამოჩნდეს.</p><p>.</p>
ქეცბაიას პირველი კომენტარი: მოედანზე თუ შევვარდებოდი და თამაშს ჩავშლიდი, თორემ...
"საქართველო საოცარი ქვეყანაა, მათ რუსები არ მოსწონთ და ჩვენი მსგავსი მენტალიტეტი აქვთ" - ინტერვიუ "გაგრას" უკრაინელ ფორვარდთან
"იბერიამ" "ლეგანესიდან" მცველი დაიმატა
ტრაპიზონში საგიჟეთია - სალაჰს 25 ათასი ფანი დახვდა
18-წლამდელები სამხრეთ აფრიკაში ჩავიდნენ
ტყვიის სროლა. დიდი წარმატება ვროცლავში
კვლავ აფრიკაში - ერვე რენარი ნაცნობ ადგილას დასაქმდა
კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო
ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა
Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე
20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა
ქართველი მსაჯები ევროპა ლიგის მატჩს განსჯიან
[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს
"ლარნესთან" მატჩში "იბერია 1999"-ის შემადგენლობა ცნობილია
ნორვეგიის ნაკრების მეკარე "ლაიფციგში" დაბრუნდა
ოფიციალურად: საბა საზონოვი “ხეტაფეს” ფეხბურთელია
ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა
ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა
ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე
გადადის თუ არა ფერან ტორესი პსჟ-ში?
მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?
"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს
"ბარსელონამ" ტერ შტეგენი "აიაქსში" გაუშვა