ფერგი და მოწამლული სასმელი

სერ ალექს ფერგიუსონი ამბობს, რომ ინგლისის ნაკრების მწვრთნელის თანამდებობა მოწამლული სასმელივით არის სერ ალექს ფერგიუსონი ამბობს, რომ ინგლისის ნაკრების მწვრთნელის თანამდებობა მოწამლული სასმელივით არის და სწორედ ამიტომ თქვა მასზე უარი ორჯერ. ცნობისათვის: ის ამბავი, რომ ფერგიუსონს ინგლისის ნაკრების სათავეში ჩადგომაზე ორჯერ უარი ჰქონდა ნათქვამი ამ ქვეყანაში, როგორც ჩანს, ბევრმა არ იცოდა და ამიტომაცაა, გაზეთებში ეს სიტყვები ან დიდი შრიფტითაა გამოყოფილი ან გაშავებული ასოებით. კერძოდ, „მანჩესტერ იუნაიტედის“ თავკაცმა ბრძანა:„ორჯერ მთხოვეს ინგლისის ნაკრების მწვრთნელი გავმხდარიყავი, მაგრამ, ცხადია ერთხელაც არ დავთანხმდი. ამაზე ლაპარაკიც ზედმეტია. ინგლისის ნაკრების მწვრთნელობა საშინელი სამსახურია, მასზე დათანხმება მოწამული სასმელის დალევას ჰგავს. ამას დაამატეთ, რომ მე შოტლანდიელი ვარ. რომელი მხრიდანაც გენებოთ, იქიდან შეხედეთ, მაგრამ ეს, რომ მნიშვნელოვანი ფაქტორია, რად უნდა ლაპარაკი“.შემდეგ კი ფერგიუსონი ისევ უეინ რუნის თემას დაუბრუნა და თავისი ფავორიტი ვარსკვლავის დაცვა გაარგძელა, რასაც ყოველ ცისმარე დღე დიდი ენთუზიაზმით აკეთებს გაზეთში, ტელევიზიასა თუ რადიოში:„რუნი ზღვარგადასული ზეწოლის ქვეშ მოექცა და მიზეზი იმისა, რომ მსოფლიოს ჩემპიონატზე ვერ გაიბრწყინა, სწორედ ეს გახლდათ. არ გახსოვთ, რას წერდნენ და რას ელოდნენ? ამბობდნენ, რომ მსოფლიოს ჩემპიონატი მისი შოუ იქნებოდა, მაგრამ, ნუ დაგავიწყდებათ, რომ უეინს მუნდიალებზე თამაშის დიდი გამოცდილება არ ჰქონდა. მსოფლიოს ჩემპიონატი ოთხ წელიწადში ერთხელ იმართება და მოთამაშეთა დიდი ნაწილი იქ ცხოვრებაში ერთხელ თუ მონაწილეობს, უეინის შემთხვევა კი სხვაა. მას კარიერაში კიდევ ექნება შანსი და მერწმუნეთ, უკეთ ითამაშებს“.კიდევ, ფერგიუსონმა აღნიშნა, რომ „იუნაიტედის“ ფრანგი ვარსკვლავი პატრის ევრა შეცდა, როდესაც ნაკრების გაფიცვაში მიიღო მონაწილეობა. შეგახსენებთ, რომ ფრანგთა ეროვნული გუნდისა და ლონდონის „ჩელსის“ ფორვარდმა ნიკოლა ანელკამ მწვრთნელს რაიმონ დომენეკს შეაგინა, რისთვისაც ის გუნდიდან გააგდეს, ფეხბურთელები კი თანაგუნდელს გამოესარჩლენ და გაიფიცნენ, რაშიც ევრამ საკმაოდ დიდი მონაწილეობა მიიღო. ფერგიმ თქვა:„მე პატრისს ველაპარაკე. ვფიქრობ, ფრანგმა ფეხბურთელებმა მსოფლიოს ჩემპიონატზე ისეთი რამ გააკეთეს, რასაც ახლა ძალიან ნანობენ. ვარჯიშის ჩაშლა მართლაც საშინელი გადაწყვეტილება გახლდათ. ის, ცხადია, ინდივიდუალურად არავის მიუღია, მოთამაშეებმა ჯგუფურად გადაწყვიტეს არ ევარჯიშათ, ევრამ კი მის შესახებ მწვრთნელს შეატყობინა, რადგან კაპიტანი იყო. და სწორედ ამის გამო შეიქმნა შთაბეჭდილება, თითქოს აჯანყება პატრისმა მოაწყო. საბოლოოდ პასუხისმგებლობა ევრას დააწვა“.და კიდევ, ფერგიუსონმა მუნდიალის ფინალის მსაჯი, ინგლისელი ჰოვარდ ვები დაიცვა:„ფინალში ფეხბურთელები ისე იქცეოდნენ, რომ ვებს წარმოუდგენელ ამოცანასთან მოუხდა შეჭიდება. პირველ ტაიმში შეიქმნა მდგომარეობა, როდესაც მსაჯს წითელი ბარათი იყო ამოსაღები, მაგრამ რომ ამოეღო, მთელი მსოფლიოს კრიტიკის ობიექტი გახდებოდა. ხალხს არ უნდა ნახოს როგორ აგდებენ ფეხბურთელს მსოფლიოს ჩემპიონატის ფინალში, მითუმეტეს პირველ ტაიმში, ფეხბურთელებმა კი არც ამის მერე მოისვენეს და ვებს მთელი თამაში გაურთულეს საქმე“.

თუ "სიტის" დააქვეითებენ - "ბაიერნი" ფოდენის შეძენას შეეცდება

"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა

ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

ზესტაფონის მარგვეთმა გორში ივერიონს მოუგო

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?

[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

სიომინი: ხვიჩა "ოქროს ბურთის" ნომერი პირველი პრეტენდენტია

საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ