გიორგი შერმადინი: თავს ვდებ - რუსებს მოვუგებთ!

"ოლიმპიას" ქართველი კალათბურთელი თავის დღიურში ევროპის ჩემპიონატის წილისყრის შედეგებზე წერს დღიურის წინა გვერდებზე ამბებს თანმიმდევრობით ვყვებოდი. დილის მოვლენებით ვიწყებდი, საღამოსათი ვამთავრებდი. ამ გვერდს სხვა ფორმა უნდა მივცე, რაც ევროპის ჩემპიონატის წილისყრის ბრალია.დიდი ხანი მოგვიწია ლოდინი, ვიდრე მეტოქეების ვინაობას გავიგებდით. თუმცა, როგორც იტყვიან, მოლოდინი ამად ღირდა. კვირას დასვენება მქონდა და საღამოს რესტორანში შევედი. სწორედ იქ გავიგე საქართველოს ნაკრების მეტოქეების ვინაობა: რესტორნის მეპატრონე მოვიდა და მითხრა - სლოვენია და საქართველო ერთ ჯგუფში მოვხვდით, ჩვენთან კიდევ რუსეთი და ბელგია არიანო... იმ მომენტისთვის წილისყრა დამთავრებული არ იყო და დანარჩენი მოწინააღმდეგეების ვინაობა არ ვიცოდით. რესტორნის მეპატრონეს მაშინვე ვუთხარი: ქართული გაზეთის, "ლელოს" ჟურნალისტ ვაჟა სიმონიშვილს ძალიან სურდა, სწორედ რუსეთი და ბელგია რომ შეგვხვედროდნენ-მეთქი.არც მე ვიყავი წინააღმდეგი, რუსეთის ჩვენთან მოხვედრა ძალიან გამიხარდა. თავს დავდებ, თუ გნებავთ პროცენტებში ვიანგარიშებ და გეტყვით, რომ რუსებს 100 პროცენტით უნდა მოვუგოთ. მათთან თამაშისას სტიმულის ძიება არაა საჭირო, გაორმაგებული, გასამმაგებული ძალით ვიბრძოლებთ. მოგეჩვენათ, რომ ვბაქიბუქობ? არა, ცსკა-სთანაც მითამაშია, "ხიმკისთანაც" და რუსეთის ნაკრებსაც ვიცნობ - შემადგენლობის მიხედვით ძალიან ძლიერი გუნდი ნამდვილად არ არის, მოგება შეიძლება. რაც შეეხება ჩემს თანაამპლუელებს: შარშან "პანათინაიკოსის" მაისურით მოზგოვის წინააღმდეგ ვითამაშე. არაფერი დამითმია. იგი ახლა NBA -შია. ცსკა-ს ცენტრი სოკოლოვია. მისთვის ნაჯობნი მაქვს.ახლა სლოვენიაზე დავწერ. ამ ქვეყნის ნაკრები პირველ კალათაში იყო განთესილი, რაც თავისთავად მეტყველებს მის სიძლიერეზე. მეორე დილას ვარჯიშზე რომ მივედით, მე და ბოისას სლოვენიელ თანაგუნდელებთან საქმის გარჩევა მოგვიწია (მეგობრულად). აქედან ჩვენ ვემუქრებოდით, იქიდან - ისინი. ალბათ, მსგავსი მსჯელობები სექტემბრამდე, თამაშებამდე გაგრძელდება. რეალობას ვერ გავექცევით, ჯგუფში ყველაზე ძლიერი სლოვენიაა.ბელგია... ამ ქვეყნის ხსენებაზე დადებით განწყობაზე ნამდვილად ვერ ვდგები, ცუდი მოგონებები მაკავშირებს. შარშან მათთან შინ და გარეთ წავაგეთ. ბელგიელებმა თბილისში სულაც 23 ქულის სხვაობით მოგვიგეს, რაც 31 აგვისტომდე (ბელგიას ევროპის ჩემპიონატზე რომ ვეთამაშებით) არ დამავიწყდება. შეიძლება, ეს ნაკრები ევრობასკეტზე ჩვენს მეტოქედ სწორედ განგებამ მოავლინა - აქამდე წაგებები შეცდომა იყო და თუ მართლა შეგიძლიათ ბელგიის ძლევა, წადით და ევრობასკეტზე მოუგეთო. თან, ამ გუნდთან ჯგუფის პირველ მატჩს ვატარებთ, დასვენებულები ვიქნებით.საპირისპირო განწყობით ვწერ ბულგარეთზე. არც უნდა გაგიკვირდეთ, რადგან ამ გუნდს შარშან შინ და გარეთ მოვუგეთ. მაგრამ ეს იმას არ ნიშნავს, რომ ბუგარეთი ხელწამოსაკრავი გუნდია. მეტოქეს შინაც და სტუმრადაც იმიტომ მოვუგეთ, რომ მატჩებზე მაქსიმალურად კონცენტრირებულები გავედით. ევროპის ჩემპიონატზეც ისევე მობილიზებით უნდა ვითამაშოთ.უკრაინის ნაკრების ლიდერ სერგეი ლიშჩუკს ამ შემოდგომით ევროლიგაზე ორჯერ ვეთამაშე. იგი ესპანეთის "ვალენსიას" ღირსებას იცავს. უკრაინაც კარგი გუნდია და მისი ძლევა იოლი რომ არ იქნება შარშან თბილისის საერთაშორისო ტურნირზეც გამოჩნდა. სპორტის სასახლეში უკრაინელები ბოლო წამებზე სამი ქულით დავამარცხეთ.წილისყრის შემდეგ კოტე ტუღუშმა მომწერა - ნახე ვინ შეგვხვდაო?! მოკლედ მივწერე: ვნახე და ყველას უნდა მოვუგოთ-მეთქი.ქრონოლოგიაზე მაინც დავწერ. დილის ვარჯიშზე კალათბურთელებმა ინდივიდუალურად ვივარჯიშეთ. ზოგი ტრენაჟორების დარბაზში მუშაობდა, ზოგი - ბურთით. სახლში დაბრუნებულს მეძინება, მაგრამ დაწოლამდე დღიურს ვწერ... საღამოს ვარჯიშზე, ალბათ, ევროლიგაზე ხუთშაბათის მეტოქე "მაქაბის" გაგვიშიფრავენ..

aka

რა ხდება ხალხო, აბა წავაგებთო ხომ არ უნდა თქვას?! გულით უნდა მოგება და ამბობს ყველაფერს გავაკეთებთ ამისთვისო... მეც დარწმუნებული ვარ რომ რუსეთსაც მოვუგებთ და შემდეგ ეტაპზეც გავალთ!!! თუ ასე არ მოხდა ის "ტეხავს" და არა ის რომ შერმადინმა ან მე "დავიქადნეთ" და ასე არ მოხდა... წარმატებები!!!
დ

ეხ ,მერე ჯამლეთი გამოვა და შერმადინის პროფესიონალიზმზე დადებს თავს... რა თავს დებს ტო, ევროპის ჩემპიონი რომაა რუსეთის ნაკრები დაავიწყდა ალბათ.
state

მიზანი რუსეთთან მოგება არა- შემდეგ ეტაპზე გადასვლაა... ამიტომ რუსებს უნდა მოვუგოთ:))) და არა მარტო რუსებს... რთულია.... ეხლავე მადლობა ბიჭებს... მჯერა წარმატების
ed

დასავლეთში ასე აგდებით არავინ ლაპარაკობს მეტოქეზე. სხვა რომ არ იყოს, მოვა დრო და რომ ვერ გაამართლო - ტეხავს. ტანაც ფეხბურტელთა ჭიმიაობა ხომ მრავლად გვაქვს დაცდილი.

საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი

საქართველოს ნაკრების მოთამაშე კარიერას "ბაიერნში" გააგრძელებს

მამუკელაშვილმა "ტორონტო რეპტორზთან" ორწლიანი კონტრაქტი გააფორმა

7-კაცა | მზადება დაიწყო - ახალი მწვრთნელით, ახალი სისტემით და გაფართოებული შემადგენლობით

ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ

"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

უმტიტიმ 31 წლის ასაკში კარიერა დაასრულა

"კვარასთვის" გადამწყვეტი მომდევნო 24 საათი იქნება" - პსჟ-ს დირექტორი

აბიდალმა თავისი გარდაცვალების ცნობა უარყო

ესპანეთში ლუკა გაგნიძის დებიუტი შედგა - ქართველი მწვრთნელმა შეაქო

შესანიშნავი ამბავი - კვარაცხელიას ტრავმა სერიოზული არ აღმოჩნდა და მისი დაბრუნების თარიღი ცნობილია

იყო გმირი, ახლა კი ზოგიერთი მოღალატეს უწოდებს - ჯოკოვიჩს მთავრობასთან დაპირისპირების გამო სერბეთის დატოვება მოუწია

"ყველაზე მეტად მე ვიტანჯები" - ამორიმი წაგებული მანჩესტერული დერბის შემდეგ

"რეალი" ესპანეთში მსაჯობის მდგომარეობასთან დაკავშირებით FIFA-ში საჩივარს შეიტანს

დათხოვნიდან 1 კვირაში შესაძლოა, კვლავ პრემიერ ლიგაში დასაქმდეს - ესპირიტო სანტუს ახალი ვარიანტი აქვს

სალაჰი უკვე მეოთხეა - ეგვიპტელის მორიგი მიღწევა პრემიერ ლიგაში

ბერნარდო სილვა სერია A-ში? - ფეხბურთელი იტალიურ გრანდს შესაძლოა, უფასოდ შეუერთდეს

[VIDEO] პირდაპირ კუთხურიდან ჩაახვია - დი მარიას საოცარი გოლი არგენტინის ჩემპიონატში

[PHOTO] ყველაფერი სახეზე ეტყობა - პსჟ-ის პრეზიდენტის რეაქცია კვარაცხელიასა და მისი თანაგუნდელების ტრავმის შემდეგ

"დაველოდოთ სამედიცინო პერსონალის ტესტის პასუხებს" - ლუის ენრიკეს პირველი კომენტარი კვარაცხელიას ტრავმაზე

64 წლის შემდეგ გადაწერილი ისტორია - მოდრიჩი 40 წლის ასაკშიც შესანიშნავ ფორმაშია

"შტურმი" კიტეიშვილი გარეშე სახლში დამარცხდა