<p>როგორ გააუქმებინა მსაჯებს ზაზა ფაჩულიამ დემარკუს კაზინსის სამქულიანი <br> "დალას მავერიქსმა" ბოლო ორ დღეში ორი შეხვედრა ჩაატარა. ორივეში გაიმარჯვა: ჯერ "საკრამენტოს" 117:116 სძლია, შემდეგ "ნიუ ორლეანს" - 100:91. მეორე მატჩში მწვრთნელმა <strong>რიკ კარლაილმა</strong> სასტარტო ხუთეულის ოთხი წევრი, <strong>ზაზა ფაჩულია, დირკ ნოვიცკი, დერონ უილიამსი</strong> და <strong>ვესლი მეტიუზი </strong>დაასვენა. "საკრამენტო კინგსთან" შეხვედრაში კი ფაჩულიამ 40 წუთი ითამაშა, 9 ქულა, 17 მოხსნა და 5 ჩაჭრა მიითვალა.</p><p>შესავალში ციფრები მეტისმეტად "მშვიდად" ჩამოვწერეთ, არადა, "კინგსთან" მატჩში ემოცია ზომაზე მეტი იყო, გამარჯვებულის გამოვლენას ხომ ორი ოვერტაიმი დასჭირდა. ეს ის შემთხვევაა, როცა შეიძლება ითქვას: "დალასმა" მოგებული მატჩი კინაღამ წააგო, ხოლო "საკრამენტომ" მოგებული მართლაც წააგო.</p><p><p><div style="text-align: center;"><span style="color: #ff0000;"><strong>* * *</strong></span></div></p> ფაჩულია VS კაზინსი. ეს იყო დუელი, რომელსაც მატჩის ბედი უნდა გადაეწყვიტა. საქმე ის არის, რომ საკრამენტოელთა მთავარი იმედი სწორედ <strong>დემარკუს კაზინსია</strong>, რომელმაც საბოლოოდ 49 წუთი ითამაშა და 35 ქულა ჩააგდო.</p><p>ზოგმა შეიძლება თქვას, ზაზას კაცმა 35 ქულა თუ ჩააგდო, გამოდის, რომ კარგად ვერ მეურვეობდაო. ვინც მატჩს მიადევნა თვალი, დაგვეთანხმება, რომ ასე სულაც არ იყო - ფაჩულიამ კაზინსს სისხლი გაუშრო, გადამწყვეტ მომენტში არაერთი საბედისწერო შეცდომა დააშვებინა.</p><p>ქართველ ცენტრს ხუთი ჩაჭრა სწორედ დემარკუსთან ორთაბრძოლაში მოუგროვდა, რომელმაც ერთბაშად 10 შეცდომა დაუშვა (სეზონში საშუალოდ 3.4 შეცდომა). მან ფარქვეშ შესვლისას რამდენჯერმე რომ დაკარგა ბურთი სამწამიანი ზონიდან მოშორებით ცდილობდა ტყორცნას. საბოლოოდ თამაშიდან 30-ჯერ ისროლა და 15-ჯერ ჩააგდო. ეს მისთვის კარგი შედეგი სულაც არ არის.</p><p>ერთ ეპიზოდზე გავამახვილებთ მკითხველის ყურადღებას: მატჩის დასრულებამდე 7 წუთით ადრე დემარკუს კაზინსმა სამქულიანი ჩააგდო და ტაბლოზე 83:82 დაეწერა. ამ ეპიზოდში ფაჩულია საკრამენტოელმა რუდი გაიმ დაბლოკა და ქართველმაც მეტოქე ხელის კვრით მოიშორა. მსაჯებმა გამეორება მოითხოვეს, უნდა გაერკვიათ, ჯარიმა მანამ იყო, ვიდრე კაზინსმა სტყორცნა თუ მის მერე. გამეორებამ უჩვენა, რომ ზაზამ გაის ხელი კაზინსის ტყორცნამდე ჰკრა - არბიტრებმა სამქულიანი გააუქმეს და "საკრამენტომ" ბურთი გვერდიდან შემოიტანა.</p><p>როგორც შემდეგ გამოჩნდა, ამ ჩაუთვლელმა სამქულიანმა მატჩის ბედზე დიდი გავლენა იქონია.</p><p>გგონიათ სულ ეს იყო? - პირველი ოვერტაიმის დასრულებამდე 9 წამით ადრე, ტაბლოზე 104:104 რომ ეწერა, ფაჩულიამ კაზინსს ბურთი სუფთად აართვა, თუმცა ვერც მისმა გუნდელებმა ჩააგდეს და მატჩი მეორე ოვერტაიმში გადავიდა.</p><p>იქ კი თავიდან "კინგსის" კალათბურთელებმა გაილაღეს: სირენამდე 1:20 წუთით ადრე 116:109 დაწინაურდნენ. ერთი შეხედვით ეს გამარჯვებას ნიშნავდა. 80 წამში 7 ქულის ამოღება ხომ თითქმის წარმოუდგენელია. თუმცა გამოცდილმა დალასელებმა ეს შეძლეს: უილიამსი 2 ქულა, ნოვიცკი 3 ქულა და...</p><p>კვანძი ბოლო წამზე გაიხსნა: 2 წამით ადრე "დალასი" 114:116-ს აგებდა. მასპინძლებმა ბურთი გვერდიდან შეიტანეს, მარცხენა კუთხეში სამქულიანზე მდგარმა დერონ უილიამსმა საკუთარი მეურვე ერთი მოძრაობით ჩამოიცილა, სტყორცნა, ჩააგდო, 117:116 და გახარებული თანაგუნდელების ქვეშ მოექცა!</p><p><p><div style="text-align: center;"><span style="color: #ff0000;"><strong>* * *</strong></span></div></p> თამამად შეიძლება ითქვას, რომ ეს იყო მიმდინარე სეზონში "მავერიქსის" მიერ ჩატარებული ყველაზე სანახაობრივი მატჩი. მომდევნო შეხვედრას ზაზას გუნდი 9 იანვარს, მილუოკიში გამართავს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
შერმადინის "ტენერიფემ" ანდრონიკაშვილის "ანდორას" სტუმრად მოუგო
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
NBA-ის, თითქმის, შემდგარი სუპერგუნდები
აშშ-ის პოლიციამ NBA-ს ვარსკვლავის დაკავების სანქცია გასცა - 29 აგვისტოს დაიჯესტი
ზაზა ფაჩულია "დალასის" სასტარტოში დეტროიტში მოგებით დაბრუნდა [VIDEO]
პოლ პირსი: NBA-ში ერთგულება აღარ არსებობს
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
რას კითხულობდნენ და კითხულობენ ქართველი სპორტსმენები? - ახალი რუბრიკა
ზაზა ფაჩულიას "დალასმა" "ოკლაჰომასთან" იჩხუბა და წააგო [VIDEO]
NBA-ს მიმდინარე სეზონში პირველად: "დალასმა" ზაზა ფაჩულიას გარეშე მოიგო [VIDEO]
ნოვიცკი იჯდა და ამაყად უყურებდა ლუკას თამაშს... [VIDEO]
დირკ ნოვიცკიზე წინ! დონჩიჩი რეკორდს რეკორდზე ამყარებს
NBA-ს ლეგენდა: მადლობა ყველა ქართველს ჩემი თბილად მიღებისთვის [VIDEO]
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
ისტორიაში პირველად! - "ტორონტო" NBA-ს ჩემპიონი გახდა [VIDEO]
ზაზა ფაჩულია NBA-ს 19 მოხსნით, 11 ქულითა და 23-ე ორმაგი დუბლით დაუბრუნდა [VIDEO]
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
NBA. სუპერფინალი: დურანტი დაბრუნდა და ისევ ტრავმა მიიღო, "უორიორსმა" შანსი შეინარჩუნა [VIDEO]
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
ზაზა ფაჩულიას 9 ქულა და 15 მოხსნა მილუოკიში ქულით წაგებულ მატჩში [VIDEO]
"თუ გნებავთ, ნოვიცკის ჰკითხეთ, დონჩიჩი მასზე უკეთესია" - კუბანის უცნაური განცხადება
ზაზა ფაჩულიას "ჩიკაგოსთან" ორმაგ დუბლამდე ქულა დააკლდა [VIDEO]
დამარცხებული ფედერერი, არაბიძის ტრანსფერი - 15 აგვისტოს დაიჯესტი
ლუკა დონჩიჩი: გასულ სეზონში დაცვაში გვიჭირდა, რადგან დაცვაში დირკი გვყავდა
ფაჩულია "ლეიკერსში"?- ზაზას ახალი შანსი დემარკუს კაზინსის ტრავმამ მისცა