<p>"ატლანტა ჰოქსმა" ატლანტაში ჩასულ კანადელებს გამარჯვების მცირე შანსიც არ მისცა და საბოლოოდ 100:87 სძლია <br> ატლანტაში ჩასულ "ტორონტო რეპტორსს" დიდი ყინვა დახვდა. მის თვითმფრინავს ლოლოები ჩურჩხელებივით აესხა. ძნელი სათქმელია, "დიდმა რეპტილიებმა" ატლანტური გამყინვარება ვერ გადაიტანეს, თუ სხვა მიზეზი იყო, მაგრამ ფაქტია, რომ "ჰოქსს" აუღელვებელი თამაშით კანადელებისთვის გამარჯვების მცირე შანსიც არ მიუცია. საბოლოოდ 100:87 "ატლანტას" სასარგებლოდ.</p><p>ზაზა ფაჩულიამ მორიგი ნაყოფიერი მატჩი ჩაატარა: 17 წუთში 6-6 ქულა-მოხსნა მოაგროვა. ზაზა მესამე პერიოდის ბოლოსა და მეოთხის დასაწყისში მოედანზე იყო და "ატლანტას" 11 ქულით დაწინაურებაშიც დიდი წვლილი შეიტანა: სირენამდე 9:22 წუთით ადრე მან ბურთი მეტოქის საჯარიმოში მიიღო, ეფექტური ტრიალით ორი მეტოქე ჩამოიცილა და "ატლანტას" სასარგებლოდ 84:73 დააფიქსირა (ძნელი სათქმელია, ეს მომენტი მატჩის საუკეთესო ეპიზოდთა შორის რატომ არ მოხვდა).</p><p>ერთ წუთში ფაჩულია მწვრთნელმა სათადარიგოთა სკამზე დააბრუნა. ათამაშებულ მასპინძლებს "ტორონტო რეპტორსი" კი არა, ნამდვილი დინოზავრები რომ გამოჩენილიყვნენ, ისინიც ვერაფერს დააკლებდნენ. სირენამდე 6 წუთით ადრე ჯო ჯონსონის 5 ქულას მაიკ ბიბიმ სამიანი მიამატა, ჯოშ სმიტმა - ჩატენვა და 10:0 გაქცევის შედეგად "ჰოქსი" 96:78 დაწინაურდა. ეს უკვე მოგებას ნიშნავდა.</p><p>ჯორჯიელების გამარჯვებაში მთავარი როლი კაპიტანმა ჯო ჯონსონმა ითამაშა, რომელმაც 37 ქულას (8-დან 5 სამქულიანი) მოუყარა თავი.</p><p>მატჩის შემდეგ გაზეთ "ატლანტა კონსტიტუშენში" ყველა ატლანტელია დახასიათებული. ცალკე აბზაცი ეძღვნება ზაზას: "ფაჩულიამ 17 წუთში ორი ორქულიანი ჩააგდო, 6 ქულა და ამდენივე მოხსნა მოაგროვა. მან ბევრი იშრომა და მწვრთნელის ნდობა დაიმსახურა."</p><p>ამ მოგებით "ატლანტა ჰოქსი" აღმოსავლეთის კონფერენციაში "ორლანდო მეჯიქს" დაეწია. ორივეს 31-31 მოგება და 18-18 წაგება აქვს. "ატლანტა" და "ორლანდო" ცხრილში მეოთხე-მეხუთე ადგილებს ინაწილებენ. მეორე-მესამე პოზიციებსაც ორი გუნდი ამაგრებს: "მაიამი ჰიტსაც" 34 გამარჯვება აქვს (14 მარცხი) და "ჩიკაგო" ბულსსაც".</p><p>4 თებერვალს "ატლანტა" ლოს ანჯელესის "კლიპერსს" უმასპინძლებს.</p><p><em><strong>ატლანტა-ტორონტო 100:87</strong></em></p><p>ზაზა ფაჩულია: 16:59 წუთი, 6 ქულა (2-დან 2 ორქულიანი, 3-დან 2 საჯარიმო), 6 მოხსნა, 2 ფოლი</p><p>ქრონოლოგია</p><p>I პერიოდი</p><p>02:25 ზაზამ სმიტი შეცვალა</p><p>02:14 ფოლი: 1</p><p>01:43 მოხსნა: შეტ-0, დაც-1</p><p>01:10 მოხსნა: შეტ-0, დაც-2</p><p>00:03 მოხსნა: შეტ-1, დაც-2</p><p>II პერიოდი</p><p>10:37 მოხსნა: შეტ-1, დაც-3</p><p>10:16 ფოლი: 2</p><p>08:53 ორქულიანი: 2ქ (34:30)</p><p>08:00 მოხსნა: შეტ-1, დაც-4</p><p>07:40 მოხსნა: შეტ-1, დაც-5</p><p>06:06 ჰორფორდმა ზაზა შეცვალა</p><p>III პერიოდი</p><p>02:46 ზაზამ ჯონსონი შეცვალა</p><p>01:46 საჯარიმოები: 2/2 (4ქ, 75:63)</p><p>IV პერიოდი</p><p>09:22 ორქულიანი: 6ქ (84:73)</p><p>09:22 საჯარიმო: 1/0</p><p>08:12 ბიბიმ ზაზა შეცვალა</p><p>02:06 ზაზამ ჯონსონი შეცვალა.</p><p>.</p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე