მაიამი: სერენა უილიამსი - 750

მეთექვსმეტედფინალები მაიამის ტურნირზე მაიამიში მამაკაცებმა სანახევროდ გამოავლინეს მერვედფინალის მონაწილეები. ჟოაო სოუზასთან პირველ სეტში თითქმის ერთსაათიან მძიმე ბრძოლას თუ არ ჩავთვლით, ყველაფერი წესრიგში აქვს ნოვაკ ჯოკოვიჩს. მეოთხე რაუნდში მას ძალიან საინტერესო ბრძოლა ელოდება დომინიკ ტიმთან. სწორედ ეს ჩოგბურთელები არიან სეზონის ლიდერები - 24-24 მოგებით.ყველასთვის მოულოდნელად, ორი წრე გაიარა ორასიო სებალიოსმა. არგენტინელმა ძირითად ბადეში როჯერ ფედერერის ადგილი დაიკავა. მან თავიდან ხუან-მარტინ დელ პოტროს მოუგო, შემდეგ კი სამ სეტში გაუსწორდა ფერნანდო ვერდასკოს. ბოლოს, სებალიოსმა ჰარდზე ზედიზედ ორი თამაში 2010 წელს მოიგო.ბადის ამ ნაწილში გამოეთიშა ბრძოლას დავიდ ფერერი, რომელმაც დაძაბულ მატჩში წააგო ლუკა პუიესთან. ასე რომ, ზედიზედ მეორე "მასტერსზე" ნახევარფინალში გასვლის კარგი შანსი მიიღო დავიდ გოფენმა. ბელგიელს გზად ჰყავს სებალიოსი, შემდეგ სიმონი ან პუიე.* * *ავსტრალიის ღია პირველობის მოგების შემდეგ, ზედიზედ ორი ტურნირი ჩააგდო ანჟელიკ კერბერმა. მაგრამ, ახლა, ზედიზედ ორი მატჩის მოგება შეძლო და, როგორც ჩანს, ფორმას იბრუნებს. თუმცა გერმანელი 1/16 ფინალის პირველ სეტში კიკი ბერტენსთან განადგურდა. მეორე სეტის სტარტზეც თანაბარი ბრძოლა იყო, მაგრამ 3:2-დან მოყოლებული, კერბერმა ზედიზედ ექვსი გეიმი აიღო, რის შემდეგაც, ჰოლანდიელმა კუჭის ინფექციის გამო მატჩი შეწყვიტა.სერენა უილიამსს, ჯერჯერობით, ამ სეზონში ტიტული არ აქვს და მხოლოდ ორი ფინალით დაიკვეხნის. პირველ მატჩში ამერიკელს სამი სეტი დასჭირდა თანამემამულე კრისტინა მაკჰეილის დასამარცხებლად, გუშინ კი ორ სეტში მოუგო ყაზახ ზარინა დიასს. პირველ პარტიაში დიასმა სეტზე არ ჩააწოდებინა ამერიკელს, მაგრამ ბოლოს სერენამ მაინც იმარჯვა.მეორე სეტში, ყაზახმა 0:4-ზე ზედიზედ სამი გეიმი აიღო, თუმცა პარტიის ბოლოს ისევ უილიამსი გამოიყურებოდა უკეთ. ეს მოგება 750-ე იყო სერენას კარიერაში. ამ მაჩვენებლით ის მეშვიდე ადგილზეა ისტორიაში. ამასთან, სულ სამი მოგება აშორებს ლინდსი დევენპორტამდე და ცხრა - არანჩა სანჩეს-ვიკარიომდე. ლიდერი კი მარტინა ნავრატილოვააა 1442 მოგებით.მერვედფინალში ყველაზე საინტერესოდ მოსჩანს ვიქტორი აზარენკასა და გარბინ მუგურსას მატჩი. ესპანელმა პირველ მატჩში მხოლოდ მესამე სეტის ტაი-ბრეიკზე გატეხა დომინიკა ციბულკოვას წინააღმდეგობა, სამაგიეროდ, გუშინ, მხოლოდ ერთი გეიმი დაუთმო ნიკოლ გიბსს. რაც შეეხება აზარენკას, მან 6:3, 6:0 გაანადგურა პოლონელი მაგდა ლინეტი.სხვა მატჩებიდან აღვნიშნავთ მედისონ კისის მოგებას რობერტა ვინჩისთან. ამერიკელი პირველ ტურნირს ატარებს ახალი მწვრთნელის - მატს ვილანდერის ხელმძღვანელობით.კაცები1/16 ფინალინოვაკ ჯოკოვიჩი (სერ, 1)-ჟოაო სოუზა (პორ, 33) 6:4, 6:1; ტომაშ ბერდიხი (ჩეხ, 7)-სტივ ჯონსონი (აშშ, 31) 6:3, 6:7(6), 6:3; ლუკა პუიე (საფ)-დავიდ ფერერი (ესპ, 8) 6:7(1), 7:64), 7:5; რიშარ გასკე (საფ, 10)-ბენუა პერი (საფ, 20) 6:3, 6:0; ჟილ სიმონი (საფ, 18)-მარინ ჩილიჩი (ხორ, 11) 6:3, 6:7(4), 6:3; დომინიკ ტიმი (ავსტრია, 14)-იოშიჰიტო ნიშიოკა (იაპ) 6:2, 6:2; დავიდ გოფენი (ბელ, 15)-ვიქტორ ტროიცკი (სერ, 19) 6:1, 6:1; ორასიო სებალიოსი (არგ)-ფერნანდო ვერდასკო (ესპ) 1:6, 6:4, 7:6(4).ქალები1/16 ფინალიანჟელიკ კერბერი (გერ, 2)-კიკი ბერტენსი (ჰოლ) 1:6, 6:2, 3:0 უარი; ტიმეა ბაბოში (უნგ)-ნაომი ოსაკა (იაპ) 7:5, 6:0; ირინა-კამელია ბეგუ (რუმ)-კრისტინა პლიშკოვა (ჩეხ) 7:5, 4:6, 6:4; გარბინ მუგურუსა (ესპ, 4)-ნიკოლ გიბსი (აშშ) 6:1, 6:0; ვიქტორია აზარენკა (ბლრ, 13)-მადგა ლინეტი (პოლ) 6:3, 6:0; იოჰანა კონტა (ბრიტ, 24)-ელენა ვესნინა (რუს) 4:6, 6:1, 7:6(3); მონიკა ნიკულესკუ (რუმ, 32)-კოკო ვანდევეგე (აშშ) 6:4, 6:1; მედისონ კისი (აშშ, 22)-რობერტა ვინჩი (იტა, 9) 6:4, 6:4.1/8 ფინალის. უილიამსი (1)-კუზნეცოვა (15); სვიტოლინა (12)-მაკაროვა (30); ა. რადვანსკა (3)-ბაშჩინსკი (19); უოტსონი-ჰალეპი (5); ნიკულესკუ (32)-კონტა (24); აზარენკა (13)-მუგურუსა (4); ბეგუ-კისი (22); ბაბოში-კერბერი (2).ყოველდღიური სპორტული გაზეთი "ლელო"

ნიკოლოზ ბასილაშვილი ალმათის ტურნირის ფინალში დამარცხდა

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

სეოკ-ის პრეზიდენტი ლერი ხაბელოვი სუმოს საერთაშორისო ფედერაციის პრეზიდენტს, ლეგენდარულ იოკუძუნა ჰაკუჰო შოს შეხვდა

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

მეტელკინა-ბერულავას წყვილმა საფრანგეთის გრან-პრიზე ოქროს მედალი მოიპოვა

საზონოვი შეცვლაზე შევიდა - "ხეტაფე" "ატლეტიკთან" განადგურდა

"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა

ცნობილი გახდა სად გაუკეთებენ კვარაცხელიას ოპერაციას

იეგოიანის "ექსელსიორმა" მორიგი მარცხი განიცადა

ნიკოლოზ ბასილაშვილი ალმათის ტურნირის ფინალში დამარცხდა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"მერაბ, გიჟი ხარ?" - UFC-ის პრეზიდენტი დვალიშვილისა და იანის ბრძოლას გამოეხმაურა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე

"ამას არასდროს დავივიწყებთ" - სერენა როჯერს დაემშვიდობა

23 სლემი, 4 ოლიმპიადა - ისტორიაში საუკეთესო ქალმა ჩოგბურთელმა კარიერა დაასრულა

"ჯერ კარიერა არ დამისრულებია, ბევრს ვვარჯიშობ" - სერენა უილიამსი დაბრუნებას აანონსებს

"აქ ვარ იმისთვის, რათა გითხრათ, რომ მივდივარ" - ლეგენდარულმა სერენა უილიამსმა კარიერა დაასრულა

როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა