<p>განახლებულ სეზონს თბილისის "დინამო" 10 ახალი ფეხბურთელით გაძლიერებული ხვდება <br> "დინამოს" მთავარი მწვრთნელი კახი კაჭარავა, კლუბის მმართველი დირექტორი ბუბა ტყავაძე და გუნდის ხელმძღვანელები, მურთაზ შელია და მიხეილ ჯიშკარიანი ჟურნალისტებს შეხვდნენ და ახალწვეულები წარადგინეს. პრესკონფერენციაზე ვრცლად ისაუბრეს "დინამოში" მიმდინარე მნიშვნელოვან ცვლილებებზე და დასმულ კითხვებსაც ამომწურავი პასუხი გაეცა.</p><p>საქართველოს ჩემპიონატისთვის მზადების პარალელურად, შემადგენლობის გაძლიერების მიზნით გუნდში ფართომასშტაბიანი სელექციის პროცესი მიმდინარეობდა. განახლებულ სეზონს "დინამო" 10 ახალი ფეხბურთელით გაძლიერებული ხვდება. ესენი არიან:</p><p><strong>დიმიტრი ტატანაშვილი.</strong><em><strong> </strong></em>ჩვენი ქვეყნის ერთ-ერთი გამორჩეული ფორვარდი სამშობლოში ბრუნდება. 27 წლის ფეხბურთელს, რომელიც ბოლო 3 წლის მანძილზე ჩეხეთისა და უკრაინის გუნდებში გამოდიოდა და საქართველოს ნაკრებშიც უთამაშია, დინამოელია. კლუბსა და ფეხბურთელს შორის კონტრაქტი 6 თვე პლუს 2 წელი იმოქმედებს. მაისურის ნომერი - 18.</p><p><strong>ზურაბ არზიანი</strong>. 80-იან წლებში "დინამოს" მცველის, მალხაზ არზიანის ვაჟი, 23 წლის შემტევი ნახევარმცველი, რუსეთის პრემიერლიგის მახაჭყალის "ანჟიდან", რომელიც იჯარის წესით 6 თვით "დინამოში" გამოვა. ნომერი - 55.</p><p><strong>თორნიკე ზარქუა.</strong> საქართველოს ჩემპიონატის პირველი ეტაპი მან ზუგდიდის ''ბაიაში'' ჩაატარა. საქართველოს ახალგაზრდული ნაკრების კანდიდატმა, 20 წლის მეკარემ 9 მატჩში მიიღო მონაწილეობა. დინამომ პერსპექტიულ ახალგაზრდა მეკარესთან ხუთწლიანი კონტრაქტი გააფორმა. ნომერი - 32.</p><p><strong>ნიკა კვეკევესკირი.</strong> ახალგაზრდული ნაკრების ერთ-ერთი ლიდერი და ეროვნული გუნდის კანდიდატი. მან ბაიაში 14 შეხვედრა გამართა და 1 გოლი გაიტანა. საინტერესოა, რომ მისით ბუნდესლიგის "კაიზერსლაუტერნიც" სერიოზულად ინტერესდებოდა. ნიჭიერ და იმედისმომცემ 18 წლის ფეხბურთელს კლუბმა ხუთწლიანი კონტრაქტი დაუდო. ნომერი - 30.</p><p><strong>გიორგი ციმაკურიძე.</strong> 27 წლის მცველს უკრაინულ კლუბებში: "სტალში", "ილიჩევეცში", "ზარიასა" და "შახტარში" აქვს ნათამაშები. გიორგი სლოვაკურ "ჟილინაშიც" გამოდიოდა. საქართველოს ახალგაზრდული ნაკრების ექს-კაპიტანი იჯარის წესით ბოლოს ტაილანდურ ტოტ-კატში ირიცხებოდა, შემოდგომაზე კი გარკვეული პერიოდი დინამოშიც ვარჯიშობდა. ციმაკურიძესთან შრომითი ხელშეკრულება 6 თვე პლუს 1 წელი გაფორმდა. ნომერი - 28.</p><p><strong>პეტარ იელიჩი.</strong> 24 წლის ბოსნიელი ფორვარდი რუსეთის პრემიერლიგის ნიჟნი ნოვგოროდის "ვოლგადან" იჯარის წესით 6 თვით "დინამოში" ითამაშებს, მას 2 მატჩი ბოსნიის ნაკრებშიც აქვს ჩატარებული. ნომერი - 10.</p><p><strong>ირჟი ჰომოლა.</strong> 30 წლის ჩეხი მცველი, რომელიც ჩეხეთის "სპარტაში" და ბოლო წლებში, ქვეყნის ერთ-ერთ საუკეთესო გუნდ "იაბლონეცში" გამოდიოდა. მასთან "დინამომ" წელიწადნახევრიანი კონტრაქტი დადო. ნომერი - 4.</p><p><strong>სემ ჰაჯიბულიჩი</strong>. 24 წლის ნახევარმცველი, რომელიც ბოლოს ალბანურ "ბესაში" თამაშობდა. იგი "დინამოში" სამი წელი და 6 თვე ითამაშებს. ნომერი - 26.</p><p><strong>მარკო მაროვიჩი.</strong> 28 წლის სერბი მცველი, რომლის ბოლო კლუბიც რუმინული "გაზ მეთანი" გახლდათ. მასთან კონტრაქტი 6 თვე პლუს 2 წელი სისტემით გაფორმდა. ნომერი - 14.</p><p>"დინამოს" დაუბრუნდა <strong>შოთა კაშია</strong>. ის "დინამოში" 2001 წელს მოვიდა და ექვსთვიანი განშორების შემდეგ, 26 წლის ფეხბურთელი კვლავ თავის საყვარელი გუნდის ღირსებას დაიცავს. შოთა 37 ნომრიანი მაისურით იასპარეზებს.</p><p><strong>ფოტო და ტექსტი fcdinamo.ge</p><p>. </strong></p>
Tregu
ეუფ, ყოჩაღ, სერიოზული ცვლილებები და ტრანსფერები განუხორციელებია დინამოს. მგონი გაუჭირდებათ ოლიმპს და ზესტაფონს რამის დაპირისპირება წელს. იმედია ევროტურნირებამდე შეთამაშდებიან და ქვეჯგუფში ვიხილავთ დინამოს.
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა