<p>ჩრდილოეთ ირლანდიას არ ჰყავს გარეთ ბეილი... <br> <strong><span style="font-size: x-small;">* უელსის ნაკრებმა ისტორიაში პირველი მატჩი მოიგო ევროპის ჩემპიონატის პლეი ოფში.</p><p>* 1980 წლიდან მოყოლებული, ჩრდილოეთი ირლანდია ვერ ახერხებს უელსის დამარცხებას (9 მატჩი).</p><p>* უელსის ნაკრების 7 გოლიდან ბეილმა 5-ში მიიღო მონაწილეობა - 3 გაიტანა და 2 საგოლე პასი მიითვალა.</p><p>* გარეთ მაკოლის ავტოგოლი მესამეა ევროპის ჩემპიონატზე. მანამდე საკუთარ კარში გაიტანეს ირლანდიელმა კირან კლარკმა და ისლანდიელმა ბირკირ სევარსონმა.</p><p>* 14 თამაშია, რაც ჩრდილოეთ ირლანდიას მატჩში ერთ გოლზე მეტი არ გაუშვია.</p><p>* ისე მოხდა, რომ მონაწილე ორივე ნაკრები და მსაჯიც ერთი ქვეყნის წარმომადგენლები იყვნენ - დიდი ბრიტანეთის.</p><p></span></strong></p><p>უელსი-ჩრდილოეთ ირლანდიის მსგავსი მატჩები რაც შეიძლება ნაკლები უნდა იყოს, თუკი ევროპული ფეხბურთისთვის კარგი გვსურს.</p><p><p><div style="text-align: center;"><strong><span style="color: #ff0000;">ტაქტიკა და სასტარტო შემადგენლობები</span></strong></div></p> ჩრდილოეთ ირლანდიის ნაკრები შეზღუდული რესურსების გუნდია. ამიტომ ამ ნაკრებიდან დაახლოებით ის თამაში მივიღეთ, რასაც ველოდით. მაიკლ ონილის გუნდი, ძირითადად, დაცვაზე ზრუნავს ხოლმე, თუმცა ამ შემთხვევაში ფავორიტმა მეტოქემ ვერ ივარგა და ოლსტერელებმაც რამდენჯერმე შეაწუხეს უელსის ნაკრების დაცვა. ეს, ძირითადად, ჩაწოდებების შემდეგ ხდებოდა.</p><p>კრის კოულმენმა 3-5-1-1 სქემა არჩია, თუმცა ვერ ვიტყვით, რომ უელსი უფრო შემტევი იყო. საკმარისია ითქვას, რომ ვალიელებმა მეტოქის კარში მხოლოდ ერთხელ დაარტყეს ზუსტად - ეს შორეული საჯარიმო დარტყმით გარეთ ბეილმა შეძლო. შუა ხაზში განსაკუთრებით მოიკოჭლებდა ჯო ლედლი, რომელიც ხშირად ცდებოდა და მეორე ტაიმში კოულმენმა ის შეცვალა კიდეც. კლასში სხვაობის კომპენსირებას ჩრდილოირლანდიელები დიდხანს, დაცვაში მწყობრი თამაშისა და მცირე ფოლების წყალობით ახერხებდნენ, მაგრამ ბოლომდე ვერ გაძლეს.</p><p><p><div style="text-align: center;"><strong><span style="color: #ff0000;">გოლი</span></strong></div></p> 1:0 - 75-ე წუთზე აარონ რემზიმ მარცხენა ფლანგზე გარეთ ბეილი მოძებნა, მის ჩაწოდებულს კი მეორე გარეთმა, მაკოლიმ მიუსწრო, მაგრამ ბურთი საკუთარ კარში ჩაჭრა. უნდა აღვნიშნოთ, რომ უელსელთა ფორვარდი იქვე იყო ჩასაფრებული და რომ არა ავტოგოლი, გოლი, დიდი ალბათობით, მაინც გავიდოდა.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/euro2016video.html?view=video&video=7796" target="_blank" style="font-size: x-small; line-height: 15.808px; text-align: center;"><img src="pictures/artimages/image16/94116eb486f26383a374e20cad37351d.jpg" border="0" alt="Sportall.Ge" title=" ევრო 2016. 1/8-ფინალი. უელსის ნაკრები 1/4-ფინალში ითამაშებს [VIDEO]" /></a></div></p></p><p><p><div style="text-align: center;"><strong><span style="color: #ff0000;">მატჩის შემდეგ</span></strong></div></p> <strong>კრის კოულმენი</strong> (უელსი): "საოცარი შეგრძნებაა, აქ ჩამოვედით იმისთვის, რომ ერს ეამაყა ჩვენით. ფეხბურთში ძნელია პროგნოზირება, რამდენად შორს გააღწევ. ხან გაგიმართლებს, ხან კი - არა. და დღეს ჩრდილოეთ ირლანდიას არ გაუმართლა. ვფიქრობ, რომ მეოთხედფინალში დამსახურებულად გავედით. დღევანდელ გამარჯვებას ლამაზი არ ეთქმის, ეს იყო მძიმე ბრძოლაში მოპოვებული გამარჯვება. მეტოქის დიდი დამსახურებაა, რომ ჩვენი თამაში ვერ ვითამაშეთ. დღეს მეტოქე გვჯობდა კიდეც, მაგრამ ფეხბურთელებმა გულით ითამაშეს. ბიჭებმა ყველაფერი გაიღეს ასეთ მნიშვნელოვან თამაშში მიზნის მიღწევისათვის".</p><p><strong>მაიკლ ონილი</strong> (ჩრდ. ირლანდია): "ძალიან დაძაბული თამაში იყო, მაგრამ მატჩის დიდი ნაწილი მაინც ჩვენი უპირატესობით წარიმართა. ძალიან საწყენია, როგორ გავუშვით გოლი. ვფიქრობ, ჩვენ არ დავიმსახურეთ წაგება. არადა, დღეს ვეთამაშეთ გუნდს, რომლის შემადგენლობაში რამდენიმე მსოფლიო კლასის ფეხბურთელია და ჩვენ გამარჯვებაც შეგვეძლო. ძალიან დასანანია ასეთი მარცხი, მაგრამ ამ წაგებისგან ბევრს ვისწავლით სამომავლოდ. 30 წელიწადია, ასეთ ტურნირზე არ გვითამაშია. ასე რომ, მიღებული გამოცდილება ძალზე გამოგვადგება. ევრო 2016-იდან მივდივართ თავაწეულები და ამაყები".</p><p><p><div style="text-align: center;"><strong><span style="color: #ff0000;">მატჩის გმირი</span></strong></div></p> მატჩის გმირად უეფას ოფიციალურმა საიტმა გარეთ ბეილი დაასახელა. ჩვენც ვეთანხმებით - სწორედ ბეილის კლასმა მოიტანა ის სხვაობა, რაც მაკოლის ავტოგოლში აისახა, მისი საგოლე ჩაწოდება (სულ 7-ჯერ ჩააწოდა მატჩში) გადამწყვეტი გამოდგა. ამის გარდაც, მხოლოდ მან შეძლო ჩრდილოირლანდიელთა კარში სახიფათოდ დარტყმა და მუდმივად ტერორში ჰყავდა მცველები. ძალიან კარგი იყო უელსელთა მცველი ჯეიმს ჩესტერიც.</p><p><p><div style="text-align: center;"><strong><span style="color: #ff0000;">მსაჯი</span></strong></div></p> შეხვედრას ინგლისელი მარტინ ატკინსონი გაუძღვა. მოგვარე უილიამსების შეჯახებას თუ არ ჩავთვლით, საფიქრალი და სანერვიულოც არაფერი ჰქონია, ჩრდილოირლანდიელები ხშირად ჯარიმდებოდნენ, თუმცა განსაკუთრებულ უხეშობას ადგილი არ ჰქონია.</p><p><p><div style="text-align: center;"><strong><span style="color: #ff0000;">ანალიზი</span></strong></div></p> ორი ბრიტანული ნაკრების ჯახი ნეიტრალური მაყურებლისთვის ძალზე მოსაწყენი სანახავი გამოდგა. უელსი უფრო ხშირად ფლობდა ბურთს, მეტ პასსაც აკეთებდა, მაგრამ, როცა არაფერი გამოსდიოდა, ისევ ძველ ბრიტანულ მეთოდზე გადადიოდა - ჩაწოდებებზე. ჩრდილოეთ ირლანდიის ნაკრებმა დისციპლინირებული ფეხბურთი აჩვენა, არაფერი ისეთი, რომ ფეხბურთის გურმანს მოსწონებოდა, მაგრამ საკმარისი, რომ უელსი ხელფეხშეკრული ყოფილიყო თითქმის 90 წუთის განმავლობაში. რემზი და ბეილი ცდილობდნენ უელსისთვის გადამწყვეტი უპირატესობის მოპოვებას, რაშიც მათ ჯო ალენიც ეხმარებოდა.</p><p><p><div style="text-align: center;"><strong><span style="color: #ff0000;">დასკვნა</span></strong></div></p> გარეთ ბეილის კლასი გადამწყვეტი აღმოჩნდა და ევროპის ჩემპიონატზე ასპარეზობას უელსის ნაკრები აგრძელებს. ჩრდილოირლანდიელებს კი შევაქებთ - მათ საკუთარ თავს აჯობეს ამ პირველობაზე, მაიკლ ონილის გუნდისთვის მერვედფინალში თამაში და იქ ნაღდი ბრძოლის გამართვა უდიდესი მიღწევაა.</p><p><p><div style="text-align: center;"><strong><span style="color: #ff0000;">whoscored.com-ის ტოპ-5</span></strong></div></p> ჯეიმს ჩესტერი უელ. 8,1</p><p>უეინ ჰენესი უელ. 7,5</p><p>ჯო ალენი უელ. 7,5</p><p>ეშლი უილიამსი უელ. 7,3</p><p>კორი ევანსი ჩ. ირ. 7,2</p><p><span style="text-decoration: underline;">25 ივნისი. პარიზი. "პარკ დე პრენსი"</span></p><p><strong><em>უელსი-ჩრდ. ირლანდია 1:0</p><p></em></strong>გოლი: 1:0 მაკოლი (75. ს. კ. ბეილი)</p><p>უელსი (3-5-2): ჰენესი - ჩესტერი, ე. უილიამსი, დევისი - განტერი, ალენი, ლედლი (63. ჯ. უილიამსი), რემზი, ტეილორი - ვოუკსი (55. რობსონ-კანუ), ბეილი</p><p>ჩრდილოეთ ირლანდია (4-1-4-1): მაკგოვერნი - ჰიუზი, მაკოლი (84. მაგენისი), კეტკარტი, ჯ. ევანსი - კ. ევანსი - უორდი (69. ვაშინგტონი), დევისი, ნორვუდი (79. მაკგინი), დალასი - ლაფერტი</p><p>გაფრთხილება: ტეილორი, რემზი - დალასი, დევისი</p><p>კუთხური: 0-6; ჯარიმა: 8-19; თამაშგარე: 2-1; კარში დარტყმა: 7-6 (1-3); ბურთის ფლობა: 55%-45%.</p><p>მაყურებელი: 44 342</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"აყურებინეთ ბავშვებს ფეხბურთი" - ბეილმა მასწავლებლებს მოუწოდა
BMV - "რეალის" შეტევას ახალი ზედმეტსახელი აქვს
სლოვენიამ ყაზახეთს მოუგო - თბილისში ლუქსემბურგი მოდის
ბეილი: ჩემპიონთა ლიგის ფინალი 5:0 დასრულდება
ევრო 2024-ის 21-ე მონაწილე გახდა ცნობილი
უკრაინა და პოლონეთი ევროპის ჩემპიონატზე გავიდნენ
შვეიცარიამ მუნდიალის საგზური მოიპოვა
"ბარსელონას" და მსოფლიოს ვაფრთხილებ" - ბეილის განცხადება
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ყაზახეთმა მოიგო, ჯგუფის თანალიდერია და შეიძლება საქართველოს ნაკრებს არ შეხვდეს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
მსოფლიოს 2022 წლის ჩემპიონატის ყველაზე ცუდი ფეხბურთელებისგან შემდგარი თერთმეტეული დასახელდა, სადაც ბეილი და კვარაცხელიას თანაგუნდელიც მოხვდნენ
უკრაინის გასაოცარი ქამბექი - პლეი-ოფის ყველა ფინალისტი გაირკვა
ინგლისის ნაკრები: სათადარიგო გეგმა არ იყო
ერთა ლიგა. II ტური: იტალიამ ნიდერლანდებს, პოლონეთმა კი ბოსნიას მოუგო - ჰოლანმა ისევ გაიტანა [VIDEO]
ბეილმა უელსს აშშ-სთან ფრე მოუპოვა [VIDEO]
გარეთ ბეილმა 33 წლის ასაკში საფეხბურთო კარიერა დაასრულა
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
"უეფა უკრაინას პატიოსნად არ მოექცა" - შოტლანდიელთა მწვრთნელი
ჩრდილოეთ ირლანდიის ნაკრების მწვრთნელს მაიკლ ო'ნილს კონტრაქტი გაუგრძელეს
იტალიისა და გერმანიის ნაკრებებმა მილანში ამხანაგური მატჩი დაგეგმეს
ევროპირველობის პლეი-ოფი: 3 პენალტების სერია, 1 დამატებითი დრო [VIDEO]
პლეი-ოფში ინგლისი და აშშ გავიდნენ [VIDEO]
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს