<p><p>ყველაზე კარგ თამაშს ნეაპოლში ველით, სადაც ედინსონ კავანი და კომპანია "ვილიარეალს" დაუხვდება</p> <br> დღეს ევროპის ლიგის პლეი ოფის პირველი ეტაპის მატჩებია. 16-დან ერთი შეხვედრა უკვე გაიმართა - ექტორ რაულ კუპერის ყოფილმა გუნდმა "არისმა" არაფერი დაუთმო "მანჩესტერ სიტის" და არც ამჯერად წააგო ევროთასის მატჩი შინაურ არენაზე - 0:0. მიუხედავად ამისა, მანჩესტერელები მერვედფინალში გასვლის ფავორიტებად რჩებიან.</p><p><p></p><p>ნებისმიერ ქართველ გულშემატკივარს ამ 15 წყვილიდან "ბაზელი"-"სპარტაკი" უფრო აინტერესებს - ევროპის ლიგას მხოლოდ ერთი ქართველი შემორჩა, უფრო ზუსტად, ჯანო ანანიძეს შვეიცარიაში, წესით, დებიუტი უნდა ჰქონდეს ამ ტურნირში, რადგან "სპარტაკი" იქ ლიგიდან გამოვარდნის შემდეგ მოხვდა. შვეიცარიაში "სპარტაკი" ახალი დიზაინის თეთრ-წითელი ფორმებით გამოვა. შვეიცარიელებთან მატჩისთვის "სპარტაკი" თურქულ ბელეკში მოემზადა. ვნახოთ, მისცემს თუ არა თამაშის შანსს ახალგაზრდა ქართველს ვალერი კარპინი.</p><p>"რუბინი"-"ტვენტეს" მატჩმა ჩვენი ყურადღება იმიტომ მიიპყრო, რომ, შესაძლოა, ის გადაიდოს - თათრეთის დედაქალაქში ისე ყინავს, რომ მასპინძელთა მწვრთნელმა ყურბან ბერდიევმა ასეთი ფრაზა თქვა: "თუკი თამაშის დღეს -20 გრადუსი იქნება, მაშინ "რუბინი" თამაშის გადადების მომხრე იქნება", თორემ ამ გუნდში ლაშა სალუქვაძის წასვლის შემდეგ, ქართველი აღარ დარჩა და მისი გამოსვლა ჩვენ უკვე ნაკლებად გვაინტერესებს.</p><p>გადავინაცვლოთ "სანჩეს პისხუანზე", სადაც ნამდვილი ფეხბურთის ზეიმს ველით (აბა, მინუს 20-გრადუსიან ყაზანში რას უნდა ველოდოთ) - "სევილია" პორტუგალიის ჩემპიონატის ერთპიროვნულ ლიდერს და ევროპაში დარჩენილი სამი კლუბიდან ერთ-ერთს, რომელსაც ჯერ არ წაუგია ჩემპიონატში, "პორტუს" მასპინძლობს.</p><p>საოცარია, მაგრამ ამ ესპანურ და პორტუგალიურ გუნდებს აქამდე ერთმანეთში არასოდეს უთამაშიათ ოფიციალური მატჩი - დღევანდელი პირველი იქნება. "პორტუ" გუნდის ახალგაზრდა თავკაც ანდრე ვილას ბოასს საამაყო რეკორდით მიჰყავს ანდალუსიაში. პორტუგალიელებს არც შინაურ პირველობაში წაუგიათ და არც ევროპის ლიგაზე. ჟოზე მოურინიოს ყოფილი ასისტენტი ძალიან წარმატებულია, მას მერე რაც ზაფხულში "პორტუ" ჩაიბარა. არადა, ვილას ბოასი 33 წლისაა, სიტყვაზე, ის რაულის ტოლია.</p><p>ევროპის ლიგის მიმდინარე სეზონის ბომბარდირი პორტუელი ფალკაო გახლავთ 7 გოლით. ის ორი გოლით უსწრებს: ტომაშ ნეციდს (ცსკა), ჯუზეპე როსის (ვილიარეალი), ვილფრედ ბონის (სპარტა), არტიომ მილევსკის (დინამო) და ედინსონ კავანის (ნაპოლი).</p> <p></p><p>2003 წელს "პორტუმ" უეფას თასი სწორედ "სანჩეს პისხუანზე" მოიპოვა, მაშინ ჟოზეს თავკაცობით პორტუგალიელებმა "სელტიკს" სძლიეს. "მეტად ემოციური მომენტია, "პორტუ" სევილიაში დაბრუნდა. ეს ქალაქი ძალიან ბევრს ნიშნავს ჩვენი ფანებისთვის. მეტოქეს დიდ პატივს ვცემთ, დიდი გუნდია, მაგრამ არ ვუფრთხით", - განაცხადა ვილას ბოასმა.</p><p>სხვა დაპირისპირებებიდან გამოვყოფთ საფრანგეთისა და ჰოლანდიის ჩემპიონატების ლიდერთა, "ლილისა" და პსვ-ს მატჩს. საინტერესო მატჩი გველის პრაღაში, სადაც "სპარტასთან" სათამაშოდ აწ უკვე უტორესო "ლივერპული" ჩადის. გლაზგოში "რეინჯერსი" ლისაბონის "სპორტინგს" უმასპინძლებს, ლისაბონში კი "ბენფიკა" - გერმანულ "შტუტგარტს".</p> <p> </p> <p>და მაინც, ყველაზე კარგ თამაშს ნეაპოლში ველით, სადაც ედინსონ კავანი და კომპანია "ყვითელ წყალქვეშა ნავს", "ვილიარეალს" დაუხვდება.</p> <p><em></p><p></em></p> <p><em><strong>არისი-მანჩესტერ სიტი 0:0</strong></em></p> <p>რუბინი-ტვენტე 16:00</p><p>მეტალისტი-ლევერკუზენი 20:00</p><p>ანდერლეხტი-აიაქსი 22:00</p><p>ბატე-პსჟ 22:00</p><p>ბენფიკა-შტუტგარტი 22:00</p><p>ბეშიქთაში-დინამო 22:00</p><p>ლეხი-ბრაგა 22:00</p><p>ნაპოლი-ვილიარეალი 22:00</p><p>ბაზელი-სპარტაკი 00:05</p><p>ლილი-პსვ 00:05</p><p>პაოკ-ცსკა 00:05</p><p>რეინჯერსი-სპორტინგი 00:05</p><p>სევილია-პორტუ 00:05</p><p>სპარტა-ლივერპული 00:05</p><p>იანგ ბოიზი-ზენიტი 00:05.</p> <p> </p> <p> </p> <p> </p> <p>.</p></p><p><p> </p></p>
მენტალიტეტ
ჯანო შენ გენაცვალე ქართული პასპორტით ხელში!!!! :D
ევროპა ლიგა. ორივე ფრანგულმა გუნდმა გაიმარჯვა
[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა
ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში