<p><p>ჩემპიონთა ლიგა. 1/8 ფინალი. პირველი მატჩები <strong></strong></p> <br> “რომასა” და “შახტარის” მიმართ ჩვენი დიდი პატივისცემის მიუხედავად, გუშინდელი დღის ყველაზე საინტერესო მატჩი უდავოდ ლონდონში გაიმართა, სადაც “არსენალმა” “ბარსელონა” მიიღო. გულშემატკივართა იმედები ბოლომდე გამართლდა, გუნდებმა უმაღლეს ტემპში წარმართეს მთელი შეხვედრა და მთლიანობაში, შესანიშნავი საფეხბურთო საღამო გვაჩუქეს.</p><p>ქებათა ქება “არსენალს”, რომელიც მოძრაობაში აჰყვა მრისხანე მეტოქეს და თითქოს წაგებული თამაში არა თუ ფრედ, სულაც საკუთარი გამარჯვებით დაასრულა. არადა, პირველი ტაიმი კატალონიელთა უპრატესობით წარიმართა და მათდა სასარგებლოდაც დასრულდა. ანგარიში დავიდ ვილიამ გახსნა, რომელიც ლეო მესის ბრწყინვალე გადაცემის შემდეგ კიპერთან პირისპირ დარჩა და უზუსტესი დარტყმით შეარხია მასპინძელთა კარის ბადე. კატალონიელებმა კიდევ ერთხელ დალაშქრეს მეტოქის კარი, მაგრამ ლაინსენმა მესიზე თამაშგარე მდგომარეობა დააფიქსირა.</p><p><p></p><p>მეორე ტაიმის პირველი ნახევარი შედარებით მშვიდი გამოდგა - თითქოს დააწყნარა “ბარსამ” თამაში და სასურველი სცენარით წაიყვანა. სწორედ ამ დროს, პეპ გვარდიოლამ მისთვის უჩვეულო გადაწყვეტილება მიიღო და თავდამსხმელ დავიდ ვილას ნაცვლად თამაშში ჩამშლელი სეიდუ კეიტა ჩართო. არსენ ვენგერი სრულიად სხვაგვარად მოიქცა, ალექსანდრ სონგი გაიყვანა მინდვრიდან და ანდრეი არშავინი შეუშვა ბრძოლაში.</p> <p> </p> <p>გამოცდილებამ თავისი ქნა, ვენგერმა აჯობა ვიზავის და ამაზე შეხვედრის საბოლოო რეზულტატი მეტყველებს. გამათანაბრებელი გოლი რობინ ვან პერსის ანგარიშზეა, რომელმაც ვიქტორ ვალდესის შეცდომით ისარგებლა და კატალონიელთა კარი მახვილი კუთხიდან დალაშქრა. გამარჯვების გოლი კი სწორედ არშავინის ანგარიშზეა, რომელმაც მრავალსვლიანი კომბინაცია უზუსტესი დარტყმით დააგვირგვინა. თუ რა ხდებოდა ტრიბუნებზე არშავინის გოლის შემდეგ, სიტყვებით ძნელი გადმოსაცემია - “ემირათ სთედიუმი” ლამის დაინგრა, “არსენალმა” კი საპასუხო მატჩისთვის მინიმალური, მაგრამ ძალიან მნიშვნელოვანი უპირატესობა მოიპოვა.</p><p>თანამდროვე ფეხბურთში იმდენად გათანაბრებულია ძალთა ბალანსი, რომ “შახტარის” რომში გამარჯვებას დიდ სენსაციად ნამდვილად ვერ მოვნათლავთ. მით უმეტეს, “რომას” არ უდგას კარგი დროება, დონეცკურ კლუბში კი ისეთი ინვესტიეციებია ჩადებული, რომ გაკოტრების პირას მყოფ სენსების ოჯახს ამაზე მხოლოდ ოცნება თუ შეუძლია.</p> <p> </p> <p>ანგარიში სიმონე პეროტამ გახსნა, თუმცა უკრაინელებმა მალევე გაათანაბრეს და პირველივე ტაიმში კიდევ ორი გოლი “მიართვეს” იტალიელებს. მეორე ნახევარი რომაელთა ტერიტორიული და სათამაშო უპირატესობით წარიმართა, რაც მხოლოდ ერთ გოლს ეყო - ჟერემი მენეზმა შეხვედრის საბოლოო რეზულტატი დააფიქსირა, 2:3.</p> <p></p><p>“შახტარმა” დიდი უპირატესობა მოიპოვა, თუმცა ისევე როგორც “არსენალი”-“ბარსელონას” წყვილში, ყველაფერი მაინც განმეორებით პაექრობაში გაირკვევა.</p> <p> </p> <p><em><strong>არსენალი-ბარსელონა 2:1</strong></em><a href="/mtavari/video.html?view=video&video=462" target="_blank"><span style="color: #ff0000;"><strong> [VIDEO]</strong></span></a></p><p>მაყურებელი: 65 000</p><p>არსენალი (4-2-3-1): შჩესნი - ებუე, კოშელნი, ჯორუ, კლიში - სონგი (69. არშავინი), უილშირი - უოლკოტი (77. ბენდტნერი), ფაბრეგასი, ნასრი - ვან პერსი.</p><p>ბარსელონა (4-3-3): ვალდესი - დ. ალვეში, პიკე, აბიდალი, მაქსველი - ჩავი, ინიესტა (89. ადრიანო), ბუსკეტსი - პედრო, მესი, ვილია (68. კეიტა).</p><p>გოლები: 0:1 ვილია (26), 1:1 ვან პერსი (78), 2:1 არშავინი (83).</p><p>არბიტრი: ნიკოლა რიცოლი (იტალია)</p><p>სტატისტიკა</p><p>მატჩი დაიწყო: ბარსელონა</p><p>პირველი კუთხური: არსენალი</p><p>პირველი ჯარიმა: არსენალი</p><p>პირველი გაფრთხილება: არსენალი</p><p>13 (7) დარტყმა 10 (5)</p><p>16 ჯარიმა 13</p><p>4 კუთხური 1</p><p>4 გაფრთხილება 2</p><p>40% ბურთის ფლობა 60%</p> <p> </p> <p><em><strong>რომა-შახტარი 2:3</strong></em> <a href="/mtavari/video.html?view=video&video=463" target="_blank"><span style="color: #ff0000;"><strong>[VIDEO]</strong></span></a></p><p>მაყურებელი: 55 000</p><p>რომა (4-3-1-2): დონი - კასეტი, ნ. ბურდისო, მექსე, რიისე (46. კასტელინი) - ტადეი, დე როსი, პეროტა - მენეზი - ტოტი, ვუჩინიჩი (68. ბორიელო).</p><p>შახტარი (4-2-3-1): პიატოვი - სრნა, ჩიგრინსკი, რაკიცკი, რაცი - მჰითარიანი, ჰუბშმანი - დ. კოსტა, ჟადსონი (85. ტეიშეირა), ვილიანი - ლუიზ ადრიანო.</p><p>გოლები: 1:0 პეროტა (28), 1:1 ჟადსონი (29), 1:2 დ. კოშტა (35), 1:3 ლუიზ ადრიანო (42), 2:3 მენეზი (61).</p><p>არბიტრი: ოლეგარიო ბენკუერენსა (პორტუგალია)</p><p>სტატისტიკა</p><p>მატჩი დაიწყო: რომა</p><p>პირველი კუთხური: შახტარი</p><p>პირველი ჯარიმა: შახტარი</p><p>პირველი გაფრთხილება: შახტარი</p><p>21 (4) დარტყმა 10 (5)</p><p>17 ჯარიმა 22</p><p>11 კუთხური 5</p><p>3 გაფრთხილება 4</p><p>52% ბურთის ფლობა 48%.</p> <p> </p> <p> </p> <p> </p> <p> </p> <p>.</p></p>
ნასერ ალ-ხელაიფი: "ბარსასთან" მატჩს მოუთმენლად ველოდებით
პსჟ ჩემპიონთა ლიგის მთავარი ფავორიტია
"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!