- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სერენა იტყუება?
<p><p>ორი დღის წინ მსოფლიოს პირველმა ჩოგანმა სერენა უილიამსმა ყველა გააოცა მოულოდნელი განცხადებით...</p> <br> <p>ორი დღის წინ მსოფლიოს პირველმა ჩოგანმა სერენა უილიამსმა ყველა გააოცა მოულოდნელი განცხადებით: საყოფაცხოვრებო ტრავმის გამო უახლოესი სამი დიდი ტურნირის (სტამბოლი, ცინცინატი, მონრეალი) გამოტოვება მომიწევსო. შეგახსენებთ, რომ 28 წლის ამერიკელმა მარჯვენა ფეხზე ღრმა ჭრილობა მაშინ მიიღო, როცა რესტორანში გატეხილ ჭიქას დაადგა ფეხი. ეს ინფორმაცია ჩოგბურთელმა საკუთარ ვებგვერდზე გაავრცელა.</p><p>ახლა უიმბლდონის ჩემპიონს ოპერაცია ელოდება, რის შემდეგაც სარეაბილიტაციო კურსს მინიმუმ ოთხი კვირა დასჭირდება. სერენამ აგრეთვე უარი თქვა World Team Tennis-ის კომერციულ სერიაში მონაწილეობაზე. ასევე საფრთხე ემუქრება ამერიკის ღია პირველობაზე გამოსვლას - ჩემპიონატი ნიუ იორკში 30 აგვისტოს დაიწყება. გამორიცხული არ არის, იმ დათარსული შუშის ნაჭრის გამო უმცროსმა უილიამსმა სეზონის დარჩენილი ნაწილი გამოტოვოს.</p><p>ასეთ სულელურ ტრავმებს სპორტსმენებში ხშირად აქვს ადგილი. ერთხელ, ესპანეთის საფეხბურთო ნაკრების მეკარემ სანტიაგო კანისარესმა მსოფლიოს ჩემპიონატი მას შემდეგ გამოტოვა, რაც აბაზანაში ოდეკოლონის გატეხილი ფლაკონის ნამსხვრევზე გაიჭრა ფეხი. ერთი წლის წინ, ამერიკელმა ჩოგბურთელმა სემ კუერიმ ექვსი კვირა ვერ ითამაშა იმის გამო, სასტუმროში შემთხვევით შუშის მაგიდა გატეხა და ხელი დაიზიანა. მაგრამ სერენას პრობლემა ის არის, რომ ჩოგბურთელისა არავის სჯერა. მისი უბედურების შესახებ მონათხრობი საჩოგბურთო კომენტატორებში მხოლოდ ირონიულ ღიმილს იწვევს - ყველა დარწმუნებულია, რომ უილიამსმა უიმბლდონის მოგების შემდეგ შვებულების მოწყობა გადაწყვიტა, პარალელურად, სამაგიეროს უხდის ამერიკის საჩოგბურთო ასოციაციას.</p><p>უიმბლდონის ფინალში რუსი ვერა ზვონარევას განადგურების შემდეგ, სერენა უილიამსმა კარიერაში "დიდი სლემის" მე-13 ტიტული მოიგო და WTA-ის რეიტინგში უახლოეს მდევართან 2500 ქულამდე გაზარდა სხვაობა. ამ გმირობების შემდეგ პირველმა ჩოგანმა სამართლიანად მიიჩნია, რომ დასვენება დაიმსახურა. ბოლო რამდენიმე კვირაა სერენა ბოჰემურ ცხოვრებას ეწევა. ის სტუმრობდა NBA-ის ვარსკვლავის კარმელო ენტონის ქორწილს, დაესწრო პრემია ESPY-ის დაჯილდოების საზეიმო ცერემონიას, საკუთარ სახლში გრანდიოზული წვეულება მოაწყო... სავსებით შესაძლებელია, რომ ამ გართობის შემდეგ უმცროსმა უილიამსმა ყურადღება მოადუნა და უბედური შემთხვევის მსხვერპლი გახდა. მეორეს მხრივ, გამორიცხული არ არის, რომ მსოფლიო ჩოგბურთის ლიდერს უბრალოდ დაეზარა სამუშაოზე დაბრუნება და პუბლიკისთვის ჭიქის ნამსხვრევის ეს საშინელი ისტორია მოიფიქრა.</p><p>ადრე სერენა და უფროსი და - ვენუსი ხშირად წუწუნებდნენ სხვადასხვა დაზიანებების გამო. ამით ისინი თავიდან იცილებდნენ მათთვის არასასურველ ტურნირებში მონაწილეობას, განსაკუთრებით ეს ამერიკის ნაკრების შემადგენლობაში ფედერაციის თასის მატჩებს ეხება. ამ სეზონში ავსტრალიის ღია პირველობის მოგების შემდეგ, სერენამ ორთვიანი არდადეგები მოიწყო - მაშინ მან მუხლის ტრავმა მოიმიზეზა. პროფესიულ ტურში დაბრუნებულმა წარუმატებლად ითამაშა მისთვის საძულველ როლან გაროსის გრუნტზე, სამაგიეროდ, სულ მალე რეაბილიტაცია შეძლო, როცა კარიერაში მეოთხედ მოიგო უიმბლდონი. შესაძლოა, ბრიტანულ ბალახზე გამოსვლამ არ არგო სერენას მუხლს - ენტონის ქორწილში მას მარჯვენა ფეხი ორ ადგილას ჰქონდა შეხვეული. მაგრამ ახლა პუბლიკამ ახალი ისტორია მიიღო და მორიგი საბაბი აქვს ჩემპიონის შესაცოდებლად.</p><p>უდროო ტრავმის ერთ-ერთი მიზეზი შეიძლება იყოს სერენას დაძაბული ურთიერთობა ამერიკის ჩოგბურთის ასოციაციასთან, რომელიც ამერიკის ღია პირველობისა და US Open Series-ის ტურნირების ორგანიზატორია. ერთი წლის წინ ასოციაცია ერთი სეზონით აპირებდა უმცროსი უილიამსის დისკვალიფიკაციას აშშ-ის ღიას ნახევარფინალში მომხდარი ინციდენტის გამო. მაშინ კიმ კლაისტერსთან მატჩის დროს, უილიამსმა საქვეყნოდ გამოლანძღა ხაზის მსაჯი და მას მოკვლით დაემუქრა. ჩოგბურთელმა არბიტრი არაობიექტურობაში დაადანაშაულა, თუმცა ბოდიშის მოხდა სწორედ ჩოგბურთელს დაევალა.</p><p>მაშინ ეს სკანდალი უილიამსის ჯარიმით დასრულდა, მაგრამ ამერიკული ჩოგბურთის მთავარ ვარსკვლავსა და ასოციაციას შორის ურთიერთობა არ მოგვარებული. ტრადიციულად, დები უილიამსები ამერიკის ღია პირველობის პუბლიკისთვის ყველაზე მისაღებ მონაწილეებად ითვლებიან. და ამ ტურნირზე სერენას სავარაუდო არყოფნა უარყოფითად იმოქმედს ბილეთების რეალიზაციაზე. მით უმეტეს, რომ ნიუ იორკში ტრავმის გამო არ ჩავა სერენას ერთ-ერთი მთავარი კონკურენტი - ჟუსტინ ანენი. ასეთი ვარსკვლავების არყოფნა საქმეს გაუადვილებს სხვა ჩოგბურთელებს, მაგრამ ეს ნაკლები ნუგეშია ამერიკის ჩოგბურთის ასოციაციისთვის, რადგან "ფლეიშინგ მედოუს" კორტებზე მაყურებელს, პირველ რიგში, ადგილობრივი ჩემპიონების ხილვა სურს.</p></p>
ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა
ნოვაჯ ჯოკოვიჩი ცინცინატის მასტერსზე პირველივე წრეში დამარცხდა
"ყველაფერი ჩემ გარშემო აღარ ტრიალებს " - ნოვაჯ ჯოკოვიჩი
"იუვენტუსმა" პოლონელი მეკარე დაიმატა
ოფიციალურად: სავინიო "ტოტენჰემის" ფეხბურთელია
კიევის "დინამოს" თავდამსხმელი შეიძლება "გალათასარაიში" გადავიდეს
"ბორნმუთმა" "იუვენტუსის" მეკარე ინათხოვრა
კვლავ პრემიერ ლიგაში - ნიკო გონსალესმა "სიტი" დატოვა
არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს
მუდრიკი სავარაუდოდ, კარიერას საფრანგეთის ჩემპიონატში განაგრძობს
15-წლამდე გოგონათა ნაკრები უეფას განვითარების თასზე იასპარეზებს
საქართველო - უკრაინა | ინფორმაცია ბილეთების შესახებ
ბუნდესლიგის დაწყების წინ ლოჩოშვილმა თასის მატჩში ტრავმა მიიღო
ფეხბურთიდან ომამდე: როგორ გადაიქცა შეხვედრა 100-საათიან ომად
"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს
შენგელია პირველი ტიტულისთვის! დუბაი ევროლიგის სუპერთასზე ითამაშებს
"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა
ჰიუგოს გმირი "კვარა" - რას მოიტანს კონკურენცია ხვიჩასა და გუნდისთვის
ენეს მაჰმუტოვიჩი ბათუმის "დინამოს" ფეხბურთელია
ფერან ტორესი: მთლად კმაყოფილი არ ვარ
"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა
"მანჩესტერ სიტი" როდრის შემცვლელს 100 მილიონ ევროდ შეიძენს
აქვსენტი გიორგაძე ქართულ რაგბს დაუბრუნდა