<p>"დუკლასთან" საპასუხო მატჩისთვის, "ზესტაფონი" სლოვაკეთს დღეს გაემგზავრება...</p><p><br> "დუკლასთან" საპასუხო მატჩისთვის, "ზესტაფონი" სლოვაკეთს დღეს გაემგზავრება. მოგეხსენებათ, ზესტაფონელებს ამ შეხვედრაში დისკვალიფიცირებული მურთაზ დაუშვილი არ ეყოლებათ. შესაბამისად, შუა ხაზს და მთლიანად გუნდს, სასურველი შედეგისთვის, დიდი გარჯა მოუწევს.</p><p>თბილისიდან გამგზავრებამდე, იმერელთა გუნდის ერთ-ერთ ლიდერს, ნახევარმცველ თორნიკე აფციაურს სასტუმროში მივაკითხეთ და ვესაუბრეთ. თემა იყო, "დუკლასთან" განვლილი და მომდევნო მატჩები, ახლანდელი და პოტენციური მეტოქე, მომდევნო ეტაპზე გასვლის შანსები...</p><p>- საუბარი "დუკლასთან" ზესტაფონში თამაშით დავიწყოთ. ამ მატჩს დღეს როგორ იხსენებთ?</p><p>- სანახაობრივად კარგი თამაში იყო. შესაძლოა, ბევრი არ ელოდა, დიდი ანგარიშით, თანაც მშრალად რომ მოვიგებდით, მაგრამ ეს შევძელით. მეტოქეს ჩვენი ნება მოვახვიეთ თავს და შედეგიც სასურველია, 3:0 მოვიგეთ. თუმცა, ფორის მიუხედავად, არ ვთვლი, რომ ამით ყველაფერი დამთავრებულია. საპასუხო შეხვედრაშიც სასურველ შედეგისთვის უნდა ვიბრძოლოთ, სლოვაკეთში სწორედ ამ განწყობით მივემგზავრებით.</p><p>-ასეთ აგარიშს, ბევრი მართლაც არ ელოდა. ეს რის ხარჯზე შეძელით?</p><p>- ბურთს სრულად ვაკონტროლებდით, თამაშიც კარგად აგვეწყო. მეორე გოლმა მეტოქეზე ფსიქოლოგიურად იმოქმედა... რაც შეეხება კითხვის პირველ ნაწილს. სხვების არ ვიცი, მაგამ კახა ალადაშვილმა, მატჩის დღეს გვითხრა, სიზმარი ვნახე, 3:0-ს მოვიგებთო... ახდა კიდეც!</p><p>- "დუკლაზე" რა შთაბეჭდილება დაგრჩათ?</p><p>- ცუდი გუნდი ნამდვილად არ არის. მეტოქის ფეხბურთელები ფიზიკურად კარგად არიან მომზადებული. მასპინძლებს დასაკარგი არაფერი აქვთ და ბოლომდე იბრძოლებენ. თუმცა, სოლიდური ფორა გვაქვს და ზესტაფონში კარგად დაწყებული საქმე ბოლომდე უნდა მივიყვანოთ.</p><p>- სიტუაცია მაცდუნებელია. "ზესტაფონში" ისეთივე საბრძოლო განწყობაა, როგორიც პირველ მატჩამდე იყო?</p><p>- პირველი მატჩის შემდეგ, გუნდის მწვრთნელები გამუდმებით ამაზე გველაპარაკებიან. ყველაფერს აკეთებენ, რომ გუნდში კარგი ფსიქოლოგიური განწყობა იყოს. ვატყობ, ჩვენს გუნდს მობილიზება არ აკლია. ყველამ კარგად ვიცით, რომ საპასუხო მატჩში, ფრისთვის კი არა, მოსაგებად უნდა გავიდეთ მოედანზე. მჯერა ამ განწყობას ბოლომდე შევინარჩუნებთ და მომდევნო ეტაპზე გავალთ.</p><p>- "დუკლა" რა სტილში თამაშობს?</p><p>- მეტოქე ფიზიკური მომზადებით და გამძლეობით გამოირჩევა. ტანმაღალი ფეხბურთელებით დაკომპლექტებული გუნდია და მათი კოზირი "სტანდარტულებია". შუა ხაზში ერთი-ორი ტექნიკური მოთამაშეც ჰყავთ.</p><p>- მეტოქე გუნდის თავკაცმა მარკო კაროლმა თქვა, სლოვაკეთის ჩემპიონატში ჯაბა დვალის დონის ფორვარდი არ გვყავსო...</p><p>- კაროლს ვეთანხმები.</p><p>- ბანსკა-ბისტრიცაში დისკვალიფიკაციის გამო მურთაზ დაუშვილი არ გეყოლებათ...</p><p>- რა თქმა უნდა, დაუშვილის გამოკლება დანაკლისია, მაგრამ ჩვენს გუნდში დიდი კონკურენციაა, მით უმეტეს შუა ხაზში. ასე რომ, გვყავს ფეხბურთელები და მჯერა ეს დანაკლისი არ დაგვეტყობა.</p><p>- წილისყრამ მომდევნო რაუნდში, ლვოვის "კარპატი" გარგუნათ. ბევრი თვლის, რომ ამ ბარიერის გავლა "ზესტაფონს" არ უნდა გაუჭირდეს...</p><p>- თუ სრულად ვიქნებით მობილიზებული და მწვრთნელის დავალებებს შევასრულებთ, ეს ბარიერიც უნდა გადავლახოთ.</p><p>- ისევ სლოვაკეთს დავუბრუნდეთ. შანსებს როგორ აფასებთ?</p><p>- პროცენტული შეფარდებისგან თავს შევიკავებდი. ისე კი მეტოქეზე მეტი შანსი ნამდვილად გვაქვს. შინ წარმატებაში ჩვენმა გულშემატკივარმა თავისი წვლილი შეიტანა. იმედი გვაქვს, სლოვაკეთში, ტრიბუნაზეც გავიგონებთ ქართულ შეძახილებს.</p><p>- სიზმარი რომ აუხდა გასაგებია, მაგრამ ახალწვეულ კახა ალადაშვილს როგორ დაახასიათებდით?</p><p>- მოედანზე მშრომელი, დაუღლელი ფეხბურთელია. ჩვენი ჩემპიონატის გარდა, უკრაინასა და რუსეთშიც აქვს ნათამაშები და ეროვნულ ნაკრებშიც, გამოცდილება არ აკლია. ასე რომ, მჯერა, ჩვენს გუნდს დიდ სარგებელს მოუტანს.</p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"