<p>მადრიდში ქართველთათვის მეტად საინტერესო მატჩი გაიმართა - ერთმანეთის პირისპირ ცქიტიშვილი და ელისი წარდგნენ <br> მადრიდში ქართველთათვის მეტად საინტერესო მატჩი გაიმართა - ერთმანეთის პირისპირ ნიკა ცქიტიშვილისა და ტაირონ ელისის გუნდები წარდგნენ.</p><p>შეხვედრა ელისის "ესტუდიანტესმა" წყვილი ანგარიშით მოიგო - 88:81. საქართველოს ნაკრების ყოფილმა უკანახაზელმა, ტაირონმა ცქიტიშვილის "ლაგუნ აროს" დამარცხებაში დიდი წვლილი შეიტანა: 27 წუთში 19 ქულა და თითო მოხსნა-პასი. აქ მთავარი ქულათა სიუხვე კი არა, ელისის სიზუსტე იყო - 5 სამქულიანი ისროლა და ხუთივე მიზანში მოარტყა(!), ასეთივე სიზუსტით ისროლა ორქულიანები (1-დან 1). ელისმა მხოლოდ 2 საჯარიმო ააცილა (4-დან).</p><p>- ჩვენი წარმატება სტაბილურობამ განაპირობა. ასეთ დროს კალათბურთელთა სროლის სიზუსტეც მატულობს და გასაკვირი არ არის თუნდაც მე და კანერ-მედლიმ (23 ქულა) მაღალი პროცენტული სიზუსტით ვისროლეთ, - აღნიშნა ელისმა.</p><p>ზემოთ ტაირონი საქართველოს ნაკრების ყოფილ კალათბურთელად მოვიხსენიეთ. შეიძლება ეს შეცდომა იყოს, რადგან დიდია ალბათობა, მან ჩვენი ნაკრების მაისურით ევროპის ჩემპიონატზე ითამაშოს.</p><p>ვინმეს ეგებ ალოგიკურად მოეჩვენოს თხრობის დაწყება ნატურალიზებული ამერიკელით მაშინ, როცა მის წინააღმდეგ ქართველმა ნიკა ცქიტიშვილმა ითამაშა, მაგრამ სამწუხაროდ ნიკაზე საწერი ბევრი არაფერია - მწვრთნელი მხოლოდ 7 წუთით ენდო და ნიკამაც 2 მოხსნა მიითვალა.</p><p>***</p><p>საქართველოს ნაკრების უკნახაზელის ტორინ გრინის "გრან კანარიამაც" მადრიდში ითამაშა - "ფუენლაბრადას" ესტუმრა და 11 ქულის სხვაობით წააგო - 81:91. მატჩის ბედი მესამე პერიოდში გადაწყდა, რომელიც "კანარიამ" 7:22 წააგო. ბოლო მეოთხედში კუნძულელებმა მდგომარეობის გამოსწორება სცადეს, მაგრამ მარცხს თავი მაინც ვერ აარიდეს.</p><p>ტორინ გრინმა მატჩი სათადარიგოთა სკამიდან დაიწყო 17 წუთში 3-3 ქულა-მოხსნა-პასი მოაგროვა.</p><p>***</p><p>საქართველოს ნაკრების კიდევ ერთი კალათბურთელის, ქუინტონ ჰოსლის "ხუვენტუდმა" ვერაფერი გააწყო სტუმრად "მანრესასთან" - 67:99.</p><p>ქუინტონმა 22 წუთში 8 ქულა და 3 მოხსნა მიითვალა.</p><p>***</p><p>ზემოთ ნახსენები გუნდებიდან სატურნირო ცხრილში ყველაზე ზემოთ "ხუვენტუდია" (11 მოგება 10 წაგება) - მე-9 ადგილი. "გრან კანარია" და "ესტუდიანტესი" მეათე-მეთერთმეტე პოზიციებს ინაწილებენ (10-10 გამარჯვება, 11-11 წაგება). 8 მოგებითა და 13 წაგებით მე-14 ადგილზეა ნიკა ცქიტიშვილის "ლაგუნ არო".</p><p>.</p>
მათე ხატიაშვილის 29 ქულა მადრიდის "რეალთან" ფინალურ მატჩში
ანდრონიკაშვილი ისლანდიურ გუნდში გადავიდა
შენგელიას 14 ქულა "გრან კანარიასთან" და MVP-ს ტიტული
ფუტსალი | საქართველოს ნაკრები სომხეთთან დამარცხდა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს
ხვიჩა მწვრთნელს უსმენს - იმიჯის გამყარება და ის, რაზეც სამუშაოა...