ანიელი: ყველა თამაში უნდა მოვიგოთ

გასულ ზაფხულს, "იუვენტუსის" მესვეურები ლუიჯი დელ ნერისა და ჯუზეპე მაროტაზე ჩავიდნენ ფსონს გასულ ზაფხულს, "იუვენტუსის" მესვეურები ლუიჯი დელ ნერისა და ჯუზეპე მაროტაზე ჩავიდნენ ფსონს და ახალი გუნდის მშენებლობა მათ მიანდეს. შედეგებით თუ ვიმსჯელებთ, მათ მიერ გაწეული შრომის დადებითად შეფასება ნამდვილად გაგვიჭირდება. გამომდინარე აქედან, მუსირებს აზრი იმის შესახებ, რომ კლუბის მესვეურები უკმაყოფილონი არიან დელ ნერი-მაროტას ტანდემის მუშაობით და თუ მდგომარეობა უახლოეს მომავალში არ გამოსწორდა, ზომების მიღებას აპირებენ. თუ რა იგულისხმება ზომების მიღებაში, რთული მისახვედრი არ უნდა იყოს - მით უმეტეს, მარჩელო ლიპი უკვე დიდი ხანია უქმად არის და საინტერესო წინადადების მოლოდინშია. პრესასთან გასაუბრება "იუვენტუსის" პრეზიდენტმა ანდრეა ანიელიმ განიზრახა და შემდეგი განაცხადა:"რა თქმა უნდა, ძალიან იმედგაცრუებული ვარ იმით, რაც ლეჩეში ვიხილე და ამის შესახებ უკვე ვესაუბრე როგორც გუნდის მთავარ მწვრთნელს, ისე ფეხბურთელებს. "ინტერთან" ბრწყინვალე სტილში მოპოვებული გამარჯვების შემდეგ, ნამდვილად არ მეგონა თუ ასე უსუსურად ვითამაშებდით. ბევრი საუბრობს იმის შესახებ, რომ ეს მარცხი ჯანლუიჯი ბუფონის შეცდომამ განაპირობა. პირადად მე, ამ მოსაზრებას არ ვეთანხმები, რადგან არ შეიძლება ერთი ადამიანი იყოს ყველაფერში დამნაშავე. ჩვენ გუნდი ვართ, ვაგებთ ერთად და ვიგებთ ერთად. სამწუხაროა, რომ მარცხს დავეჩვიეთ და ამის გამო, საკმაოდ რთულ მდგომარეობაში აღმოვჩნდით. თუ გვინდა, რომ ჩემპიონთა ლიგის საგზური მოვიპოვოთ, დარჩენილ შეხვედრებში ქულათა მაქსიმუმი უნდა ავიღოთ. დიახ, ყველა შეხვედრაში უნდა გავიმარჯვოთ და სწორედ ეს უნდა იყოს ჩვენი მიზანი. წინააღმდეგ შემთხვევაში, კიდევ ერთხელ დავრჩებით ჩემპიონთა ლიგის მიღმა".ევროპის უპრესტიჟულესი საკლუბო ტურნირის გარეშე დარჩენა დიდ ფინანსურ ზარალთან არის დაკავშირებული და ანიელის შფოთვა სრულიად ბუნებრივია. მით უმეტეს, ტურინელებმა ბოლო პერიოდში ბიუჯეტი გვარიანად შეათხელეს - გარდა იმისა, რომ სატრანსფერო ბაზარზე დაიხარჯნენ, ახალ სტადიონს იშენებენ, რომელიც მომდევნო სეზონიდან "ბიანკონერის" საშინაო თამაშებს უმასპინძლებს.მართალია, ჯოხი ყოველთვის მწვრთნელზე ტყდება, მაგრამ თავისი წილი პასუხისმგებლობა ფეხბურთელებსაც აკისრიათ. სწორედ ამაზე საუბრობს "იუვენტუსის" ნახევარმცველი, კლაუდიო მარკიზიო: "ძალიან გაბრაზებულები ვართ და ერთი სული გვაქვს როდის დაიწყება მომდევნო თამაში. ლეჩეში სამი ქულის მოსაპოვებლად ჩავედით და უქულოდ გამოვბრუნდით, ამას არავინ ელოდა. მიზეზი? - ვფიქრობ, რომ გრანდისთვის დამახასიათებელი თვისებები, მაგალითად ცივსისხლიანობა გვაკლია. უნდა გავითავისოთ, რომ "იუვენტუსის" მაისურა გვაცვია და საკუთარი ძალების ბოლომდე ვირწმუნოთ. ზედმეტი არაფერი ვარგა და კარგად ვიცი, რომ თავდაჯერებულობამ შეიძლება გაგიფუჭოს კიდეც საქმე, მაგრამ ამ შემთხვევაში, რადიკალურად განსხვავებულ მდგომარეობაში ვართ. თითქოს არ გვჯერა საკუთარი თავის, რაც დათვურ სამსახურს გვიწევს. "ლეჩესთან" მარცხმა მართლა ძალიან გაგვაბრაზა და იქნებ, ამან მაინც გვიშველოს. აქვე, მინდა მოვუწოდო ჟურნალისტებს, რომ მხოლოდ მწვრთნელის კრიტიკისგან თავი შეიკავონ, ფეხბურთელებსაც ჩვენი წილი პასუხისმგებლობა გვაკისრია"

3 წელი საუდის არაბეთში ყოფნის შემდეგ - კესი სავარაუდოდ, იტალიაში დაბრუნდება

პრეზიდენტმა იბრაჰიმოვიჩის ვარიანტი დაბლოკა - "მილანს" სავარაუდოდ, გლასნერს ჩააბარებენ

"ფიორენტინამ" ვანოლი გაუშვა და მალე გროსოს დანიშნავს

20 წ. | ვინ მოდის საქართველოში - შოტლანდია

20 წ. | ვინ მოდის საქართველოში - ფიჯი

"შავი ლომი" | შეცვლილი შემადგენლობით "სუზუკი გრიქასთან"

კაზემირო და მესი ერთად - ბრაზილიელი მაიამის "ინტერში" გადადის

3 წელი საუდის არაბეთში ყოფნის შემდეგ - კესი სავარაუდოდ, იტალიაში დაბრუნდება

კიდევ 1 სეზონი დარჩა - ჟირუ მომავალ სეზონშიც "ლილში" ითამაშებს

თოფურია "რეალის" მწვრთნელად მოურინიოს დანიშვნას მოუთმენლად ელის

შეთანხმება აქედანვე სურთ - "ბარსელონაში" მომავალ მწვრთნელად ფაბრეგასის ხილვა უნდათ

U21 | მოლდოვა V საქართველო - მატჩისწინა ვარჯიში ბუდაპეშტში

ქართველი მსაჯები მსოფლიო ჩემპიონატის შესარჩევის მატჩს განსჯიან

საქართველო - საბერძნეთი | მსოფლიო ჩემპიონატის შესარჩევის დასკვნითი მატჩი

20 წ. | "უმცროსმა ბორჯღალოსნებმა" მსოფლიოსთვის დასკვნითი შეკრება დაიწყეს

Aprilia Tuareg 660-ის გამარჯვება Bajas European Championship-ზე

ახალი კონტრაქტი პაჩოს - ეკვადორელი პსჟ-ში რჩება

“ნაპოლი” “ბენფიკას” ნახევარმცველის ტრანსფერით ინტერესდება

კუკურელიას "ბარსელონაში" დაბრუნება სურს

კვლავ მოკვეთილები არიან - რუსები ევროსარბიელზე არც მომდევნო სეზონში იქნებიან

გადავლენ პსჟ-ს ვარსკვლავები "რეალში"? - რომანომ სიტუაცია განმარტა

რას აპირებს შევალიე - პსჟ-ის მეკარის მომავალზე ახალი ინფორმაცია ვრცელდება

"ვინც დაგვცინოდით, ახლა სად ხართ?" - ვილიამ სალიბა