<p>სლოვაკმა ჩოგბურთელმა კარიერაში ყველაზე დიდ გამარჯვებას მიაღწია <br> სინგაპურში WTA-ის წლის შემაჯამებელი ტურნირი სენსაციურად დასრულდა - სლოვაკმა დომინიკა ციბულკოვამ მსოფლიოს პირველი ჩოგანი ანჟელიკ კერბერი დაამარცხა და დებიუტანტის რანგში შეძლო სეზონის ბოლო ტურნირის მოგება.</p><p>ციბულკოვამ ნახევარფინალში ისე გააღწია, რომ ჯგუფში პირველი ორი შეხვედრა წააგო. ბოლო ტურის წინ, სლოვაკს მცირე შანსი რჩებოდა - მას ორ სეტში უნდა დაემარცხებინა სიმონა ჰალეპი, გარდა ამისა, ანჟელიკ კერბერს, რომელსაც უკვე განაღდებული ჰქონდა ნახევარფინალის საგზური, ასევე ორ სეტში უნდა მოეგო მედისონ კისისთვის. ყველაფერი სწორედ ასე მოხდა და ციბულკოვა ნახევარფინალში სვეტლანა კუზნეცოვაზე გავიდა. რუსმა ჯგუფში ორი უმძიმესი სამსეტიანი მატჩი მოუგო აგნიეშკა რადვანსკასა და კაროლინა პლიშკოვას და პირველი ადგილი დაიკავა.</p><p>ურთიერთშეხვედრებში ციბულკოვა 5:3-ს უგებდა კუზნეცოვას, თან სლოვაკს ბოლო ხუთი შეხვედრა ზედიზედ ჰქონდა მოგებული.</p><p>პირველ სეტში ბრძოლა არ გამოვიდა. ციბულკოვამ მოიგო პირველი გეიმი თავის მოწოდებაზე, რის შემდეგაც, ზედიზედ ექვსი გეიმი რუსმა აიღო. მეორე სეტში თამაშის სურათი შეიცვალა. სლოვაკი უკეთ ათამაშდა მიღებაზე და სამჯერ გავიდა წინ ბრეიკით, აქედან ორჯერ სეტზე აწვდიდა, მაგრამ კუზნეცოვამ სამივეჯერ გაათანაბრა ანგარიში. და მაინც, ტაი-ბრეიკზე ინიციატივა ციბულკოვას დარჩა და ეს დაეხმარა მე-13 გეიმის მოგებაში.</p><p>ეს იმას ნიშნავდა, რომ კუზნეცოვას მეოთხე სამსეტიანი მატჩის ჩატარება მოუწევდა სინგაპურის ტურნირზე. მესამე პარტიის სტარტზე ციბულკოვა უკეთ გამოიყურებოდა და ბრეიკით წაიყვანა ანგარიში. რუსს დაღლა ეტყობოდა, მაგრამ გამონახა ძალა იმისთვის, რომ ზედიზედ ოთხი გეიმი მოეგო და თავად გასულიყო წინ. თითქოს, კუზნეცოვამ საბოლოოდ გატეხა მეტოქის წინააღმდეგობა, თუმცა ციბულკოვამ ბოლომდე იბრძოლა. 3:4-ზე მას მეტოქე დაეხმარა, როცა ბრეიკ-პოინტზე ორმაგი შეცდომა დაუშვა, 4:4-ზე კი ორი ბრეიკ-პოინტი მოიგერია და წინ გავიდა - 5:4. მეათე გეიმში ციბულკოვამ პირველივე მატჩბოლის გამოყენება მოახერხა და კარიერაში პირველად გავიდა წლის შემაჯამებელი ტურნირის ფინალში.</p><p>სლოვაკის მეტოქე ანჟელიკ კერბერისა და მოქმედი ჩემპიონის აგნიეშკა რადვანსკას მატჩში ირკვეოდა. ჯგუფურ ეტაპზე კერბერმა უმაღლესი დონის ჩოგბურთი აჩვენა და სამ თამაშში მხოლოდ ერთი სეტი წააგო. რადვანსკასაც შეეძლო თავის ჯგუფში სამივე მატჩის მოგება, მაგრამ უმძიმეს ბრძოლაში დამარცხდა კუზნეცოვასთან, ამის გამო, ნახევარფინალში კერბერზე გავიდა და არა ციბულკოვაზე. და როგორც გაირკვა, პოლონელს გერმანელის წინააღმდეგ შანსი არ ჰქონდა.</p><p>ორივე სეტის დასაწყისი ერთნაირი გამოვიდა - პირველ სამ გეიმში ბრეიკი ფიქსირდებოდა, რის შემდეგაც, კერბერი უმატებდა თამაშს და საბოლოოდ, ყველაფერი რადვანსკას განადგურებით დასრულდა - 6:2, 6:1.</p><p>* * *</p><p>კერბერმა 2016 წელი მეათე ნომრად დაიწყო. ამ სეზონში, გერმანელი ყველა დიდი ტურნირის ფინალში იყო, როლან გაროსის გარდა - ავსტრალიის ღიაზე, უიმბლდონზე, ოლიმპიადაზე, აშშ-ის ღიასა და წლის შემაჯამებელ ტურნირზე. გარდა ამისა, მან რეიტინგში ლიდერობა ჩამოართვა სერენა უილიამსს და ნებისმიერ შემთხვევაში, ამ წელს პირველი ჩოგანის რანგში დაასრულებს. თუმცა, გუშინ, კერბერმა ვერ შეძლო ფანტასტიკური სეზონის მაჟორულ ნოტაზე დასრულება.</p><p>ციბულკოვამ თავის სადებიუტო შემაჯამებელზე რადვანსკას შარშანდელი გმირობა გაიმეორა, როცა სტარტზე ორი მატჩი წააგო, მაგრამ ტიტულამდე მიაღწია. სლოვაკისთვის ეს იყო მეორე დიდი ფინალი კარიერაში. პირველი 2014 წელს, ავსტრალიის ღიაზე ითამაშა და ნა ლისთან წააგო.</p><p>ეს ჩოგბურთელები მეორედ ხვდებოდნენ ერთმანეთს. პირველი მატჩი ამავე ტურნირის ჯგუფურ ეტაპზე, პირველ ტურში ჰქონდათ. მაშინ, დაძაბულ სამსეტიანი შეხვედრაში კერბერმა მოიგო. ეს იყო ერთადერთი მატჩი სინგაპურში, რომელშიც ანჟელიკმა სეტი დათმო.</p><p>ციბულკოვამ ძალიან კარგად დაიწყო ფინალი და 3:0 წაიყვანა ანგარიში. კერბერი საკმაოდ გვიან მოვიდა გონს და შეძლო დაკარგული ბრეიკის დაბრუნება, მაგრამ მეექვსე გეიმში სლოვაკმა კიდევ ერთხელ აიღო მეტოქის მოწოდება და ისე შეინარჩუნა ეს უპირატესობა, რომ ერთი ბრეიკ-პოინტის შანსიც არ მისცა მეტოქეს.</p><p>ციბულკოვამ მაღალი დონე მეორე სეტშიც შეინარჩუნა. ის ფანტასტიკურად აწვდიდა (პირველი მოწოდების სიზუსტე 83 პროცენტი ჰქონდა) და კერბერს მიღებაზე შანსი არ ჰქონდა. ამასობაში, სლოვაკმა მეშვიდე გეიმში ბრეიკი შეასრულა და 5:4-ზე მატჩზე ჩაწოდების უფლება მიიღო.</p><p>აქ კი ციბულკოვა ანერვიულდა. სამი მატჩბოლი ვერ გამოიყენა და ორი ბრეიკ-პოინტის მოგერიება მოუწია. მეოთხე მატჩბოლზე სლოვაკს ისევე გაუმართლა, როგორც კუზნეცოვასთან ნახევარფინალში - მისი დარტყმა ბადე მოხვდა და მეტოქის მოედანზე გადავარდა.</p><p>ციბულკოვა გახდა პირველი დებიუტანტი პეტრა კვიტოვას (2011) შემდეგ, ვინც წლის შემაჯამებელ ტურნირზე გაიმარჯვა. დომინიკამ მართლაც დიდი სამუშაო ჩაატარა 2016 წელს, რომელიც 66-ე ჩოგანის რანგში დაიწყო. გუშინდელი გამარჯვების შემდეგ კი სლოვაკი მსოფლიოს მეხუთე ჩოგანი გახდება.</p><p><strong>1/2 ფინალი</p><p></strong>დომინიკა ციბულკოვა (სლოვაკ, 7)-სვეტლანა კუზნეცოვა (რუს, 8) 1:6, 7:6(2), 6:4; ანჟელიკ კერბერი (გერ, 1)-აგნიეშკა რადვანსკა (პოლ, 2) 6:2, 6:1.</p><p><strong>ფინალი</p><p></strong>დომინიკა ციბულკოვა (სლოვაკ, 7)-ანჟელიკ კერბერი (გერ, 1) 6:3, 6:4.</p><p><p><div style="text-align: center;"><strong style="font-size: 12.16px;"><span style="color: #ff0000;">მარეის მეშვიდე ტიტული</span></strong></div></p> ბრიტანელმა ენდი მარეიმ გუშინ, ვენის ტურნირის ფინალში ჟო-ვილფრიდ ცონგა დაამარცხა - 6:3, 7:6, რითაც სეზონში მეშვიდე და კარიერაში 42-ე ტიტული მოიპოვა.</p><p>29 წლის ბრიტანელმა პირველ მოიგო ერთ სეზონში ექვს ტურნირზე მეტი და გაუთანაბრდა წლევანდელ ლიდერს, სერბ ნოვაკ ჯოკოვიჩს.</p><p>გარდა ამისა, მარეიმ მიიღო შანსი - ერთი კვირის შემდეგ სათავეში ჩაუდგეს მსოფლიოს რეიტინგს. ამ კვირას, ენდი და ჯოკოვიჩი პარიზის "მასტერსზე" ითამაშებენ. მარეის კლასიფიკაციაში პირველი ადგილის დასაკავებლად შემდეგი პირობების შესრულება სჭირდება:</p><p>1. მოიგოს ტიტული, ოღონდ ფინალში არ უნდა დაამარცხოს ჯოკოვიჩი.</p><p>2. მივიდეს ფინალამდე იმ პირობით, რომ ჯოკოვიჩი ნახევარფინალამდე ვერ მიაღწევს.</p><p><strong>ყოველდღიური სპორტული გაზეთი "ლელო"</strong></p>
ბასილაშვილი მეცის ჩელენჯერს ტრავმის გამო ჩაეხსნა
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
ლეგენდარული რაფაელ ნადალი "რეალის" დირექტორთა საბჭოს წევრი გახდა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
ენდი მარეი კორტს მომდევნო თვეში დაუბრუნდება
Dailymail: ენდი მარეი ბალახის სეზონისთვის დაბრუნდება
სერენა უილიამსი სინგაპურში არ მიდის
უიმბლდონი. II დღე: კერბერს ცოტა გაუჭირდა
ახალგაზრდა ძიუდოისტებმა მსოფლიო ჩემპიონატზე, გუნდურ შეჯიბრებაში ბრინჯაოს მედლები მოიპოვეს - 20 ოქტომბრის დაიჯესტი
"28-ე ჩოგბურთელს სათამაშო პრაქტიკის გარეშე მოვუგე, არსად მივდივარ!" - მარეი ბასილაშვილთან მატჩის შემდეგ
თითქმის ერთწლიანი პაუზის შემდეგ ენდი მარეი კორტს უბრუნდება
დომინიკა ციბულკოვას პირველი ტიტული 2005 წლის შემდეგ
საჩოგბურთო ბალახის სეზონი: ფედერერი კვლავ პირველია, მარეი 1 წლის შემდეგ დღეს დაბრუნდება
ანჟელიკ კერბერმა ვინუს უილიამსი "დღის საუკეთესო დარტყმით" შეაჩერა [VIDEO]
ცინცინატის ქალთა ტურნირზე დიდი ბრძოლები გველოდება
აშშ-ის ღია პირველობა. III დღე: სერენას მოულოდნელი პრობლემები
ᕛᓐᕘᕐᓛᕘᓡ ᕛ
უიმბლდონი. VII დღე: ახალი ისტორიები
ფული ამტკიცებს: სქესთა თანასწორობა სპორტში - მითია
ᓠᓝᓚᓐᓜ ᕒᓐᓠᓝᓡᓘ: ᕥᓐᓚᓔᓑᕨᓘ ᕧᓕᓔᓚᓐᓤᓔᓠᓘ ᓚᓝᓒᕘᓙᓣᓠᓐᓓᕐᕐ
უიმბლდონი 2018: ქალებში ჩემპიონი კერბერია, მამაკაცებში ტიტულის მფლობელი დღეს გამოვლინდება