<p>"რუმინეთში დარბაზში რასაც ვუყურებდი, ყველა ჩვენ გვქომაგობდა..." <br> საქართველოს თავისუფალი სტილით მოჭიდავეთა ნაკრებმა წინა კვირას მეორედ იზეიმა ევროპული მასშტაბის შეჯიბრებაზე გამარჯვება - მარტში გუნდურ ჩათვლაში მოიგო ევროპის პირველობა, ახლა კი რუმინეთში გამართულ "ევროპის ერთა თასზე" გახდა ჩემპიონი.</p><p><a href="/sport/tcidaoba/thavisufali/98583-evropis-ertha-thasi-saqarthvelo-qbeber-kontinentzeq-udzlieresia-video.html" target="_blank"><span style="color: #0000ff;">- ევროპის ერთა თასი: საქართველო "ბებერ კონტინენტზე" უძლიერესია [VIDEO]</span></a></p><p>ამ ტურნირებს შორის განსხვავება ისაა, რომ პირველი პირად პირველობაში დაგროვებული ქულებით ვლინდება, მეორე კი გუნდური შეჯიბრებაა.</p><p>გუნდმა თბილისში დასვენებაც ვერ მოასწრო, სამშაბათს უკვე ბაქოში გაემგზავრა "ოქროს დიდი პრიზის" ფინალურ ტურნირში საჭიდაოდ, სადაც 8 წონიდან 7 ლიცენზია გვაქვს. იქ წასვლამდე შევხვდით და ვესაუბრეთ ნაკრების მწვრთნელ <strong>არჩილ ქიტიაშვილს</strong>, ვისაც რუმინეთში გუნდის გამოსვლის შეფასება ვთხოვეთ.</p><p><strong>- როგორ ემზადებოდა გუნდი ამ ტურნირისთვის, ელოდით ასეთ წარმატებას თქვენი შეგირდებისგან? </strong></p><p>- ბიჭებმა მართლაც მაქსიმუმი გააკეთეს, ამ ეტაპისთვის რაც შეეძლოთ. ამ ტურნირისთვის მხოლოდ 10-დღიანი შეკრება გავიარეთ, მცირე მოსამზადებელი ეტაპი გვქონდა. ოლიმპიადის შემდეგ ეს პირველი შეკრება იყო და ასე წავედით "ევროპის ერთა თასზე".</p><p>იქ ჩვენი გუნდის გამოსვლას დადებითად და კარგად შევაფასებ, რადგან რაც შეეძლოთ ამ ეტაპისთვის, მაქსიმუმი შეძლეს, მოინდომეს, მებრძოლი ხასიათი აჩვენეს, კარგად იჭიდავეს და ბრძოლის ჟინი გამოავლინეს.</p><p><strong>- განწყობა მართლაც ეტყობოდათ ბიჭებს. გუნდურში უფრო უკეთ ახერხებენ ამას თუ პირადში? </strong></p><p>- პირადი შეჯიბრება მართლაც სულ სხვაა - იქ მარტო შენს თავზე ხარ პასუხისმგებელი, გუნდურში კი ეს პასუხისმგებლობა გაცილებით მეტია, რადგან შენს გამოსვლაზე სხვისი ბედიცაა დამოკიდებული. ამიტომ მეტი მობილიზება და უფრო მეტად განწყობაა საჭირო. ამ ტურნირზე გამოჩნდა, რომ ჩვენებს ეს შეუძლიათ და ძალიან კარგადაც მოახერხეს, გუნდურ შეჯიბრებას კარგად მოერგნენ ყველანი.</p><p><strong>- თუ გამოარჩევდით ვინმეს კარგი ჭიდაობით? </strong></p><p>- რა თქმა უნდა. მაგალითად, 57 კილოგრამში ძალიან კარგად იჭიდავა ახალგაზრდა ოთარ გოგავამ, 74-ში კარგად გამოვიდა ზურაბ ერბოწონაშვილი, გენო პეტრიაშვილზე აღარ მაქვს ლაპარაკი - ის ისეთი მოჭიდავეა, რომ დაგვჭირდეს, დაკვეთაც კი შეგვიძლია მივცეთ, როდის მოიგოს წმინდად. ვლადიმერ ხინჩეგაშვილმა ერთი შეხვედრა ჩაატარა, მაგრამ - მაღალ დონეზე. ზურაბ იაკობაშვილმა ფინალში ძალიან კარგად იასპარეზა - რუსი მურად ნუხკადიევი 23-წლიანებში ევროპის ჩემპიონია. დავით ტლაშაძემ სამივე შეხვედრა მოიგო და მართლაც კარგად იასპარეზა.</p><p>მთლიანობაში, ზოგადად, გუნდი გამოვიდა კარგად. ზოგიერთმა კი წააგო, მაგრამ კონკრეტულ შეხვედრაში, სადაც მოგება გვჭირდებოდა, გაიმარჯვეს.</p><p><strong>- ისეთიც ხომ არ იყო, ვინც შესაძლებლობები ბოლომდე ვერ გამოავლინა და უკმაყოფილო დარჩით?</strong></p><p>- ასეთებიც იყვნენ, მაგრამ არ მინდა გვარ-სახელების დასახელება. მაგალითად, უკრაინასთან რამდენიმე სპორტსმენისგან უფრო მეტს ველოდით. ალბათ, ფსიქოლოგიურად დაიძაბნენ, რადგან მათთვის პირველი გუნდური შეჯიბრება იყო და ამიტომ მაქსიმუმი ვერ გამოავლინეს. მაქსიმუმი კი არა, ზოგმა თავისი ნიჭის მინიმუმიც ვერ იჭიდავა იმ კონკრეტულ შეხვედრებში და ისინი შევცვალეთ.</p><p><strong>- ხინჩეგაშვილი ერთის მეტად რატომ არ დატვირთეთ, შანსი ლომთაძესაც მიეცით თუ რით იყო ეს გამოწვეული?</strong></p><p>- მხოლოდ იმიტომ, რომ თავიდანვე გადავწყვიტეთ, ძალიან არ დაგვეტვირთა და მხოლოდ ერთ შეხვედრაში გვეჭიდავებინა. ოლიმპიადის შემდეგ პირველად ჭიდაობდა. თან - 61-ში, სადაც ევროპის ჩემპიონი კი გახდა, მაგრამ მაინც სხვა წონაა. ოლიმპიადის შემდეგაც ეს პირველი შეკრება იყო და ამიტომ არ დავტვირთეთ. ის მოემზადება ახალი სეზონისთვის, ახალ წონაში გაივლის შეკრებებს და შეჯიბრებებზე მაქსიმალურად დაიტვირთება.</p><p><strong>- რუმინეთში რამე ზოგადი ნაკლოვანებებიც ხომ არ შეამჩნიეთ გუნდს, ხომ არ დაინახეთ ის ხარვეზები, რომელთა გამოსწორებაზეც სამომავლოდ უნდა გააკეთოთ აქცენტი? </strong></p><p>- შეჯიბრება არ არსებობს ხარვეზების გარეშე. ჩემპიონიც რომ გახდე გინდ პირადში, გინდ - გუნდურში, ნაკლოვანებები ყოველთვის გამოჩნდება, რაც ყოველდღიური სამუშაო პროცესია. იმის მიუხედავად, რომ გუნდი კარგად გამოვიდა, ხარვეზები აქაც გამოჩნდა - კონკრეტულ სპორტსმენებს აქვთ რაღაც-რაღაც პრობლემები - შეიძლება ეს იყოს ფიზიკური მომზადება, შეიძლება - ტექნიკური ან სხვა სახის. ამას ყველაფერს ვხედავთ და ეტაპობრივად ყველაფერზე ვმუშაობთ, ვასწორებთ. ეს სისტემატური პროცესია, ამის გარეშე ჭიდაობა არ არსებობს.</p><p><strong>- რეზონანსი, გამოხმაურება როგორი ჰქონდა თქვენს გამარჯვებას? ეს ხომ პირველი შემთხვევა იყო, როცა რუსებმა ვერ მოიგეს... </strong></p><p>- დარბაზში რასაც ვუყურებდი, ყველა ჩვენ გვქომაგობდა. სხვა ქვეყნების სპორტსმენები - ბელორუსები, უკრაინელები თუ სხვები, ჩვენ გვიჭერდნენ მხარს, აქტიურად გვქომაგობდნენ. თვითონ რუმინელებიც ჩვენებს უჭერდნენ მხარს.</p><p><strong>- ხინჩეგაშვილი რუმინელს ხვდებოდა, მაგრამ მაყურებელი მაინც "ჯორჯია", "ჯორჯიას" გაიძახოდა...</strong></p><p>- კი, ამ შეხვედრის დროსაც ხინჩეგაშვილს გულშემატკივრობდნენ. ყველას ძალიან უნდოდა ჩვენი მოგება.</p><p><strong>- ბაქოში რა იქნება თქვენთვის მთავარი - შედეგი თუ ბიჭების შემოწმება? </strong></p><p>- ეს სულ განსხვავებული შეჯიბრებაა, რადგან პირადი ტურნირია და არა გუნდური. რა თქმა უნდა, შედეგი კარგია და ეს ერთ-ერთი მთავარი ამოცანაა. თან ეს ისეთი შეჯიბრებაა, სადაც ბიჭები კარგ მომზადებას გაივლიან მომავალი ბატალიებისთვის, რომ გამოვიდნენ საქართველოს ჩემპიონატში და დაიწყონ მზადების ახალი ციკლი.</p><p><strong>- ალბათ, ნაკრების მზადების სამომავლო კალენდარი უკვე გაწერილი გექნებათ. უახლოესი ღონისძიებების შესახებ რომ გვითხრათ?</strong></p><p>- დეკემბერში იმ ორ არაოლიმპიურ წონაში - 61-სა და 70 კილოგრამებში მსოფლიოს ჩემპიონატი გვაქვს და ამით ვამთავრებთ წლევანდელ სეზონს. იანვრიდან მზადების ახალ ციკლს დავიწყებთ. საგაისო კალენდარი უკვე ჩავაბარეთ ფედერაციას. წლის დასაწყისში დაიგეგმება, როგორ გადანაწილდებიან სპორტსმენები სხვადასხვა ტურნირზე. საქართველოს ჩემპიონატი დაგეგმილია 27 იანვარს, თუმცა 2-3 დღით თარიღის გადაწევ-გადმოწევაც არაა გამორიცხული.</p><p><strong>ყოველდღიური სპორტული გაზეთი "ლელო"</strong></p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
ბუდაპეშტი 2018. ხუციშვილს და მარსაგაშვილს ბრინჯაოს მოგების შანსი აქვთ, გოგავა და ხინჩეგაშვილი ტურნირს გამოეთიშნენ
[VIDEO] დებიუტიც ასეთი უნდა - გენო პეტრიაშვილმა მეტოქე 10:0 დაამარცხა!
ვლადიმერ ხინჩეგაშვილმა RAF-ში დამაჯერებელი გამარჯვება მოიპოვა
ხინჩეგაშვილის შემდეგ პეტრიაშვილიც - გენო ჭიდაობას უბრუნდება
"ამ ძვირფას ქართველზე შეურაცხყოფას მიზანმიმართულად ახდენენ, არ ვიცი მათ ადამიანები თუ უნდა ვუწოდო..." - პეტრიაშვილმა და ლიპარტელიანმა კვარაცხელიაზე ისაუბრეს
IV დღე: თავისუფალ და ბერძნულ-რომაულ ჭიდაობაში ყველა გამარჯვებული და პრიზიორი გამოვლინდა
მსოფლიოს ჩემპიონატი: ზურაბ იაკობიშვილმა ოქრო მოიპოვა!
თ/ჭ. მსოფლიოს ჩემპიონატი: ისტორიული დუბლი [VIDEO]
ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]
სტამბოლის ტურნირზე ქართველმა და უკრაინელმა მოჭიდავეებმა მაგრად იჩხუბეს [VIDEO]
ლაშა ტალახაძე და გენო პეტრიაშვილი "ქართული ოცნების" საარჩევნო სიაში არიან
საქართველოს თავისუფალი სტილით მოჭიდავეთა ნაკრების შემადგენლობა მსოფლიოსთვის ცნობილია
[VIDEO] ამერიკელი მებრძოლი, რომელმაც ოლიმპიური თამაშების ფინალში გენო პეტრიაშვილი დაამარცხა, მეტოქე 13 წამში დაანოკაუტა
ქართველმა თავისუფალი სტილით მოჭიდავეებმა მსოფლიო ჩემპიონატი მარცხით დაიწყეს
საქართველოს თავისუფალი სტილით მოჭიდავეთა ნაკრების შეკრება და ტურნირი ამერიკაში
ისტორიული მსოფლიოს ჩემპიონატი ციფრების ჭრილში
[VIDEO] მარცხი RAF-ის სადებიუტო შეხვედრაში - ხინჩეგაშვილმა 19 წლის ამერიკელთან წააგო
[VIDEO] ვლადიმერ ხინჩეგაშვილმა RAF-ში პირველი გამარჯვება მოიპოვა
ვლადიმერ ხინჩეგაშვილი: ვეცდები, კარიერის დანაკლისი ოლიმპიური ოქროთი შევავსო
ისევ სპორტში - ვლადიმერ ხინჩეგაშვილი ხალიჩას უბრუნდება
მსოფლიოს ჩემპიონატი: ზურაბ იაკობიშვილი ოქროსთვის იბრძოლებს [VIDEO]
ევროპის ჩემპიონატი. თავისუფალი: ელიზბარ ოდიკაძე ნახევარფინალში გავიდა
"ყველაზე უადგილო მომენტი და ყველაფერი დასრულებულია..." - სამწუხაროდ, ოლიმპიადას მოქმედი ჩემპიონი გამოტოვებს...
მედალთცვენა - ქართველ მოჭიდავეთა ტრიუმფი საფრანგეთში! [VIDEO]