<p>საგადასახადო დამალობანა - ახალი ისტორიები <br> როგორც შეგპირდით, "ლელო" პერიოდულად მოგაწვდით ინფორმაციებს Football Leaks-ის საგამოძიებო მასალებიდან.</p><p>ვინც არ გასცნობია წინა წერილს, რომელშიც ლაპარაკი იყო კრიშტიანო რონალდოს, მესუთ იოზილისა და ჟოზე მოურინიოს მიერ დიდი ოდენობით გადასახადების დამალვაზე, ასევე სახელგანთქმული დანიელი ფეხბურთელის, დღეს კი მწვრთნელის, მიკაელ ლაუდრუპისა და მისი თურქი აგენტის, ბაირამ თუთუმლუს შავ-ბნელ საქმიანობაზე, მათთვის ვიტყვით, რომ Football Leaks არის პოლიტიკური "ვიკილიქსის" მსგავსი ორგანიზაცია, რომელიც შვიდ ევროპულ გამოცემას (გერმანული Der Spiegel, ესპანური El Mundo, ავსტრიული Der Falter, ბელგიური Le Soir, დანიური Politiken, იტალიური L'Espresso, ფრანგული Mediapart, სერბული Newsweek Serbia და რუმინული RCIJ the Black See) აერთიანებს.</p><p>ეს გამოცემები საფეხბურთო სამყაროში არსებულ უკანონო სატრანსფერო გარიგებებს, გადასახადების დამალვის ფაქტებსა და სხვა მაქინაციებს ამზეურებენ...</p><p><p><div style="text-align: center;"><span style="color: #ff0000;"><strong>"რეალი" აქაც ლიდერია</strong></span></div></p> თუ გასაჯაროებულ დოკუმენტებს დავუჯერებთ, და არ გვაქვს საფუძველი, არ დავუჯეროთ, დარჩება შთაბეჭდილება, რომ "რეალის" ფეხბურთელებს გადასახადების დამალვა ლამის წესად აქვთ ქცეული.</p><p>შესაძლოა, მალე სხვა კლუბების მოთამაშეებზეც გავიგოთ ანალოგიური ფაქტები, მაგრამ დღეს ამ მხრივაც (ისევე, როგორც ლა ლიგის მიმდინარე გათამაშებაში) ლიდერი "რეალია".</p><p>კრიშტიანო რონალდოსა და მესუთ იოზილის შემდეგ გადასახადებისგან თავის არიდების გამო სპეციალური ორგანოები, ალბათ, მალე მიაკითხავენ ფაბიო კოენტრაოს, პეპესა და ლუკა მოდრიჩს.</p><p>ირკვევა, რომ კოენტრაომ და პეპემ 7 მილიონ ევროზე მეტი დაუმალეს საგადასახადო სამსახურს, საიმიჯო უფლებების გაყიდვით მიღებული შემოსავლებიდან.</p><p>ისინი ამ ფულს ოფიციალური გზის გვერდის ავლით, ოფშორული კომპანიებიდან იღებდნენ. პეპე, ისევე, როგორც რონალდო, გავლენიანი პორტუგალიელი აგენტის, ჟორჟე მენდეშის კომპანია Weltex Capital Limited-ის (რეგისტრირებულია ბრიტანეთის ვირჯინიის კუნძულებზე) კლიენტია. სწორედ ამ კომპანიიდან მიიღო პეპემ 2009 წლიდან 2014-ის ჩათვლით 3.7 მილიონი ევრო.</p><p>რაც შეეხება კოენტრაოს, მას 3.5 მილიონი ევრო ერთ-ერთი პანამური ორგანიზაციისგან ჩაერიცხა.</p><p>სხვათა შორის, კოენტრაოს შემოსავალი 2011 წლის შემდეგ არ გაუსაჯაროებია. არადა, ესპანეთში ის 2011 წლის ზაფხულიდან ცხოვრობს, ანუ გამოდის, რომ ამ სახელმწიფოს ბიუჯეტში დღემდე ერთი ცენტიც არ გადაუხდია.</p><p>აი, მოდრიჩმა კი ჟორჟე მენდეშის სქემებში მონაწილეობა არ ისურვა და კავშირი გააბა ერთ-ერთ ლუქსემბურგულ კომპანიასთან, ხოლო საქმეების გამგებლობა მეუღლეს დააკისრა. დადგენილია და წყალი არ გაუვა იმ ფაქტს, რომ 2013 და 2014 წლებში მოდრიჩის შემოსავლები დეკლარირებული არ არის. "ელ მუნდო" წერს, რომ მოდრიჩები ფულს თავიანთი კომპანიის, Ivano SARL-ის (ივანო - მათ ვაჟს ჰქვია) ანგარიშზე 2012 წლიდან იღებენ, რის შემდეგაც ეს სახსრები სხვადასხვა საინვესტიციო ფონდსა თუ ფირმაში ნაწილდება.</p><p><p><div style="text-align: center;"><span style="color: #ff0000;"><strong>ჩასვამენ რონალდოს?</strong></span></div></p> "ელ მუნდოს" ინფორმაციით, თუ კრიშტიანო რონალდოს გადასახადებისგან თავის არიდება დაუმტკიცდა, 6-წლიანი პატიმრობა ემუქრება. ცნობილი გახდა, რომ 2009-დან 2014 წლის ჩათვლით, მან ესპანეთის სამეფოს ბიუჯეტს მთელი 64 მილიონი ფუნტი დაუმალა.</p><p>რაკი საქმე სახელმწიფოს ეხება და სერიოზული კრიმინალია, ჟურნალისტებმა გახმაურებულ ამბავზე კომენტარი მთლად ესპანეთის პრემიერ-მინისტრ მარიანო რახოისაც სთხოვეს:</p><p>"რონალდო? ვცდილობ, არასოდეს ვიფიქრო იმ საქმეზე, რაშიც ღრმად არ ვარ ჩახედული. ეს საგადასახდო ორგანოების საქმეა და ჯობია, მათ ჰკითხოთ", - აი, ასე ლაკონიურად შემოიფარგლა პრემიერი.</p><p><p><div style="text-align: center;"><span style="color: #ff0000;"><strong>დასაშვები უზრდელობა</strong></span></div></p> ჩვენ ვიცით, რომ ფეხბურთელები ბონუსებს იღებენ ამა თუ იმ მატჩის მოგებისთვის ან გატანილი გოლისთვის... ანუ ყველა იმ ქმედებისთვის, რაც მათ პროფესიულ საქმიანობას უკავშირდება და ეს ყველა კონტრაქტშია დაფიქსირებული. მაგრამ აღმოჩნდა, რომ არსებობს ეგრეთ წოდებული საიდუმლო კონტრაქტებიც, რომლებიც Football Leaks-მა გაშიფრა...</p><p>როცა 2014 წელს მარიო ბალოტელი "ლივერპულში" გადავიდა, ოფიციალური ხელშეკრულების პარალელურად, კონსპირაციულ დოკუმენტზეც შესთავაზეს ხელის მოწერა. აი, რა წერია ამ დოკუმენტში:</p><p>"თუ "ლივერპულში" გატარებული ყოველი სეზონის განმავლობაში ფეხბურთელს (ჩვენს შემთხვევაში - ბალოტელის) არ გააძევებენ 3-ჯერ და მეტად - უხეშობისთვის, მეტოქე გუნდის ფეხბურთელის ან სხვა პირების შეფურთხებისთვის, სიტყვიერი და ფიზიკური შეურაცხყოფისთვის, ასევე, სხვა აგრესიული ქმედებებისთვის, მაშინ ყოველი სეზონის ბოლოს, 30 ივნისისთვის, ფეხბურთელი მიიღებს ბონუსს 1 მილიონი ფუნტის ოდენობით".</p><p>სასაცილოა, არა? ანუ სეზონში ორჯერ უზრდელობა დასაშვები ყოფილა და კლუბი მზად არის, ამაში ბონუსები იხადოს. მაგრამ ამაში არის მეორე მხარეც - კლუბი შანსს აძლევდა თავქარიან ფორვარდს, ემოციები ეკონტროლებინა და ამით შემოსავალი მიეღო.</p><p>"ლივერპულში" ყოფნის პირველ 30 დღეზე კლუბმა იტალიელს უქირავა ფეშენებელური სასტუმროს ოთახი და ყოველდღიური ხარჯებისთვის 10 ათასი ფუნტიც გამოუყო, ოღონდ გააფრთხილა, რომ თითოეულ გადაჭარბებულ დანახარჯზე თავად იქნებოდა პასუხისმგებელი.</p><p>"ლივერპული" მას კვირაში ოფიციალურად 85 ათას ფუნტს (წელიწადში 4.25 მილიონი) უხდიდა. ასევე, კონტრაქტით გათვალისწინებული იყო, რომ თუ ბალოტელი პრემიერლიგასა და ევროტურნირებზე 5 და მეტ გოლს გაიტანდა, 50 ათას ფუნტს მიიღებდა, კიდევ ხუთში უფრო მეტს და ასე შემდეგ. მაგრამ რა გამოვიდა? 2 წლის განმავლობაში, "სუპერმარიომ" მხოლოდ 16 მატჩი ჩაატარა და 1 გოლი გაიტანა. შესაბამისად, ოფიციალური კონტრაქტით მას ბონუსი არ რგებია.</p><p>სამაგიეროდ, როცა 2014 წელს ბალოტელიმ ანტისემიტური მესიჯები გაავრცელა და დისკვალიფიკაცია გამოუწერეს, მაინც მიიღო ბონუსი სეზონის ბოლოს, თან იმ 16 შეხვედრაში, რომელიც "ლივერპულის" მაისურით ჩაატარა. გაგიკვირდებათ და, ერთხელაც არ გაუძევებიათ. ასე რომ, იყავი უზრდელი "დასაშვებ" ფარგლებში და ბონუსები არ აგცდება.</p><p>კიდევ ერთი უცნაურობა - ცნობილია, რომ ინგლისის პრემიერლიგის ფეხბურთელები იღებენ 5-დან 20 ათას ფუნტამდე პრემიას თითოეული მოგებული მატჩისთვის, თუმცა "ტოტენჰემის" მეკარე უგო ლორისი 3.500 ფუნტით მდიდრდება იმ შემთხვევაშიც კი, თუ მისი გუნდი ფრედ ითამაშებს, ან სულაც წააგებს.</p><p>ანუ ლორისი პრემიებს იღებს... გაშვებულ გოლებშიც კი. საქმე ისაა, რომ "ტოტენჰემის" მოთამაშეთა კონტრაქტები ბონუსებს (3.500 ფუნტი) იმ შემთხვევაშიც კი ითვალისწინებს, თუ ფეხბურთელი სასტარტო შემადგენლობაში მოხვდება...</p><p><strong>ყოველდღიური სპორტული გაზეთი "ლელო"</strong></p>
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
ოფიციალურად: ბალოტელი "ჯენოას" ფეხბურთელია
პორტუგალიელი მცველი რომაელთა სამიზნეში
"მსგავსი გიგანტების მენტალიტეტის გაგება უჭირთ" - ხაბიბმა რონალდოს შესახებ ემოციური პოსტი გამოაქვეყნა
ტრანსფერ ONLINE: ჭორები და ტრანსფერები. 5 აგვისტო
უგო ლორისი აშშ-ში გადაბარგდა
ჟირუს კარიერის გაგრძელების რამდენიმე ვარიანტი აქვს
39 წლის უგო ლორისს დეშამი მსოფლიო ჩემპიონატზე წაიყვანს
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
სამმაგი ოდენობის ხელფასი - ლორისსაც საუდის არაბეთში ეპატიჟებიან
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
იოზილი "ფენერბაჰჩემ" გაუშვა - მესუთი კვლავ თურქულ გუნდში ითამაშებს
იოზილმა "ფენერბახჩეში" არასტანდარტული ნომერი აიღო
ფაბიო კოენტრაომ მსოფლიოს ჩემპიონატზე მონაწილეობაზე უარი განაცხადა
ფაბიო კოენტრაოს იახტით 15 მეთევზე გადაარჩინეს
[VIDEO] გულშემატკივრების ყურადღება მიიქცია - ნახეთ სტადიონი, სადაც არაბთა გაერთიანებულ საემიროების მე-2 ლიგაში ბალოტელი თამაშობს
ევრო 2016. შესარჩევი ეტაპი. V ტური. I ჯგუფი: პორტუგალია გალიდერდა [VIDEO]
ფაბიო კოენტრაომ მადრიდის "რეალს" მილანის "ინტერში" გაშვება სთხოვა
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი
უგო ლორისი "ლაციოში" აპირებს გადასვლას
"ნაპოლის" მეკარეს "ტოტენჰემი" ეპატიჟება
იოზილის საოცარი ტრანსფორმაცია - ვეტერანი ფეხბურთელი მაგარ ფიზიკურ ფორმაშია [VIDEO]
[VIDEO] "მივდივარ თავაწეული, ვამაყობ განვლილი გზით!" - ისტორია დასრულდა... კრიშტიანო რონალდო ეროვნული ნაკრებიდან წავიდა
ედენ აზარი "ფენერბახჩეში" იოზილთან ერთად ითამაშებს?
"მადლობა! შენი გაკეთებული საქმე სამუდამოდ დარჩება!" - რონალდოს ნაკრებიდან წასვლას პორტუგალიის პრემიერ-მინისტრი ეხმაურება
იოზილი პოლიტიკაში წავიდა და ერდოღანის პარტიის წევრი გახდა
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე
"ის საუკეთესოა... ჰკითხეთ ამის შესახებ ოსიმენს, ან ჰოლანს" - მესუთ იოზილი
"რეალი" დუმს - რონალდოს სანაკრებო კარიერის დასრულებას მისი ყოფილი კლუბები გამოეხმაურნენ