- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მთავარი ევროპამდე მისვლაა და სწორედ ეგ ჭირს
<p>მთავარი ევროპამდე მისვლაა და სწორედ ეგ ჭირს</p><p>გეგეჭკორი თავისუფალია, შემოთავაზებებზე პასუხს კი არ ჩქარობს</p><p>ბათუმის "დინამომ" სეზონი ჩინებულად დაასრულა. ამაში თავისი წვლილი გუნდის ახალწვეულებმაც ითამაშეს - ანატოლი ტიმოფეევმა, დავით კვირკველიამ, გუჯა ლობჯანიძემ, თორნიკე თარხნიშვილმა და ლევან გეგეჭკორმა. მათ ლევან ხომერიკის გუნდი აშკარად გააძლიერეს.</p><p>22 წლის ფლანგის ნახევარმცველის, ლევან გეგეჭკორის კარგი თამაში აღმოჩენა არ ყოფილა - მარტვილის "მერანის" გაზრდილი, რომელმაც გია ცეცაძის ნაკრებში 19-წლამდელთა ევროპის ჩემპიონატზე ითამაშა, საქართველოს ახალგაზრდული ნაკრების წევრია და ბათუმელთა ბრინჯაოში გვარიანი წილიც დაიდო. უნივერსალი, რომელსაც არც შრომისმოყვარეობა აკლია და არც სისწრაფე, შეტევებში ჩართვა და "ფანტაზისტობაც" ეხერხება, ბევრ საგოლე კომბინაციაში მონაწილეობდა...</p><p>დარჩება თუ არა ბათუმის "დინამოში", რომელ ევროპულ ქვეყანაში იწვევენ და რატომ გახდა სანკტ-პეტერბურგის "ზენიტიდან" წამოსვლის მიუხედავად, უფრო თავდაჯერებული. ამას შეიტყობთ ლევან გეგეჭკორის ინტერვიუდან, რომელიც მან "ლელოს" მისცა...</p><p>- სეზონი ბათუმის "დინამოსთვის" და, აქედან გამომდინარე, თქვენთვისაც, მშვენივრად დასრულდა.</p><p>- უსტადიონო და უბაზო გუნდისთვის ეს იდეალური შედეგი იყო. მიხარია, ყველაფერი ასე კარგად რომ დასრულდა. ევროპის ლიგაზე თამაში გუნდისთვის დიდი სტიმული იქნება.</p><p>- ბრინჯაოს ფინალში დედაქალაქელი "დინამო" დაამარცხეთ, რაც თბილისში იოლი ნამდვილად არ იყო...</p><p>- ...არ იყო, მაგრამ ჩანდა, რომ ჩვენ უფრო მონდომებითა და სტიმულით ვთამაშობდით. ეს არ იყო უბრალო გამართლება, რადგან დამეთანხმებით, რომ ბრინჯაოს ფინალში მეტოქეს ვაჯობეთ. საწყენი ისაა, რომ თბილისის "დინამო" ისეთი ძლიერი არ ჩანდა, როგორც წინა წლებში.</p><p>- როგორც შევიტყვეთ, სეზონთან ერთად ბათუმის "დინამოსთან" თქვენი კონტრაქტის ვადაც ამოიწურა...</p><p>- დიახ, ასეა, კონტრაქტი დამიმთავრდა და იმედი მაქვს, მომავალ წელს უკეთეს ჩემპიონატში ვითამაშებ.</p><p>- უცხოეთში წასვლას იმედოვნებთ?</p><p>- თუნდაც საქართველოში რომ დავრჩე, იმედია, 10-გუნდიანი ჩემპიონატი უკეთესი დონის იქნება. თუმცა, დასამალი რა არის, ევროპაში თამაშის დიდი სურვილიც მაქვს და იმედიც.</p><p>- წლის დასაწყისში სანკტ-პეტერბურგის "ზენიტში" ისინჯებოდით, მაგრამ საქართველოში დაბრუნებამ მოგიწიათ. ასეთი ამბების შემდეგ საკუთარი შესაძლებლობების რწმენა ბევრ ფეხბურთელს უქრება...</p><p>- შესაძლოა, გაგიკვირდეთ და საკუთარი თავის რწმენა სწორედ ამ სინჯების შემდეგ უფრო გამიჩნდა. როცა წამოვედი, ითქვა, რომ მცირე ტრავმაც მქონდა. მაგრამ დაბრუნების რეალური მიზეზი სხვა რამ იყო. გუნდს პირველ მოსამზადებელ შეკრებაზე ვახლდი, საკონტროლო შეხვედრებიც ჩავატარე და ამის შემდეგ მეორე ეტაპზე გასამგზავრებელთა სიაში შემიყვანეს, მაგრამ მეორედ აღარ წამიყვანეს. ზუსტად არ ვიცი, რა მოხდა, მაგრამ ასე მგონია, ეს ფინანსურმა უთანხმოებამ გამოიწვია.</p><p>- ასე რატომ ფიქრობთ?</p><p>- სხვა რა უნდა ვიფიქრო, როდესაც რუსები პირად კონტრაქტზე დამელაპარაკნენ? გუნდს თუ არ აინტერესებ, კონტრაქტზე არათუ არ დაგელაპარაკება, ამ თემას საერთოდ არც გიხსენებს და არც შეკრებაზე გასამგზავრებელთა სიაში შეგიყვანს.</p><p>- სისწრაფე, ჯანი და გამძლეობა გაქვს, მაგრამ "ზენიტში" საკუთარ ნაკლსაც უკეთ დაინახავდით...</p><p>- იქ სამი საკონტროლო შეხვედრა "ბეტისის", "კადისისა" და მოსკოვის "სპარტაკი 2-ის" წინააღმდეგ ჩავატარე და ტრაბახის გარეშე ვიტყვი, რომ არავის დავუჩაგრავარ. მოვინდომე და ფიზიკურადაც არ გამჭირვებია. "ზენიტში" ბევრი ცნობილი ფეხბურთელის გვერდით ვითამაშე და ვიგრძენი, რომ მათ დონეზე თამაში შეუძლებელი არ იყო და ადაპტაციის შემდეგ ამას მეც მოვახერხებდი. ჩემზე ორი თავით მაღლა ნამდვილად არავინ იდგა. ალბათ, მთავარი ევროპელების ტემპთან შეგუებაა, რაც დროთა განმავლობაში პრობლემა არ უნდა იყოს. მაგრამ უფრო მთავარი სხვა რამ არის...</p><p>- რას გულისხმობთ?</p><p>- ევროპამდე ან რუსეთამდე მისვლას. ქართველებისთვის კი სწორედ ეს ჭირს. ჯერ ერთი, ძველებური სახელიც აღარ გვაქვს და მეორე მხრივ, ჩვენი პასპორტით შესვლა იოლი არ არის.</p><p>- თავისუფალი აგენტის სტატუსით უცხოეთში წასვლის რეალური შანსი თუ გაქვთ?</p><p>- ჩემს თავს გადამხდარმა ამბებმა სიფრთხილეს შემაჩვია და სანამ კონტრაქტს ხელს არ მოვაწერ, მანამდე არ და ვერ ვიტყვი, რომ ესა თუ ის ვარიანტი რეალურია.</p><p>- ანუ პირდაპირ კონტრაქტის გაფორმებას არავინ გთავაზობთ?!</p><p>- რამდენიმე ქართული გუნდი ჩემს პასუხს ელოდება. მაგრამ მე უცხოეთში წასვლა მსურს.</p><p>- მართალია, თითქოს თბილისის "დინამო" და ქუთაისის "ტორპედო" გიწვევენ?</p><p>- ჯერ ვერ ვიტყვი, რომელი მათგანია კონკრეტული. რეალური და ნაღდი ახლა მხოლოდ ბათუმის "დინამოს" შემოთავაზებაა, რომელსაც კონტრაქტის გაგრძელება სურს. მაგრამ პასუხს არ ვჩქარობ, რადგან ევროპაში წასვლის იმედი არ დამიკარგავს. საქართველოში სამ კლუბში მითამაშია და ყველგან დიდ სითბოსა და სიყვარულს ვგრძნობდი. მაგრამ ძალიან მინდა, რომ აქედან გავაღწიო.</p><p>- წესით, ტრანსფერში მენეჯერი უნდა გეხმარებოდეთ. თქვენ არ გყავთ მენეჯერი?</p><p>- პოლონელ მენეჯერთან ვთანამშრომლობდი, ახლა კი არავინ მყავს. მასთან კავშირი დღემდე მაქვს და პოლონეთში და სხვა ევროპული ქვეყნის გუნდში მოწყობით მაიმედებს. თუმცა, ჯერ არ ვიცი, ეს ტრანსფერი გამოვა? ამიტომ ვამბობ - დამიდონ კონტრაქტი და თანამშრომლობაზე ხელს მხოლოდ ასეთ შემთხვევაში მოვაწერ.</p><p>გვერდი მოამზადა</p><p>მერაბ მამულაშვილმა</p><p><br></p>
დიდი დაბრუნება - ვლადიმირ ვაისი სლოვაკეთის ნაკრების მთავარი მწვრთნელია
ბუნდესლიგის ამომავალი ვარსკვლავი შეიძლება მამარდაშვილის ან კვარაცხელიას თანაგუნდელი გახდეს
"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა
Rousing The Kop: "ლივერპულს", შესაძლოა, მამარდაშვილის დაკარგვასთან შეგუება მოუწიოს, ვიდრე ის ისეთი პრობლემა არ გახდება, რომელსაც ვერ მოაგვარებენ
განაწყენებული ბარკოლა სასტარტოში - ითამაშებს კვარაცხელია "პარიზთან"?
სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება
გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა
20 წ. | საერთაშორისო სერიისთვის 30 მოთამაშე შეირჩა
ოფიციალური შეთავაზება მზადაა - ალისონი "იუვენტუსს" სულ უფრო უახლოვდება
ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა
"აიაქსს" მომავალი სეზონიდან ახალი მწვრთნელი ეყოლება
ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს
ზედიზედ მეოთხედ - ვახტანგ ახობაძე ევროპის ჩემპიონია
VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი
"ასტონ ვილა" - "ლივერპული". გუნდების შემადგენლობები ცნობილია
თბილისის 7-კაცას "ლოკომოტივის ბაზა" უმასპინძლებს
ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს
"ბაიერი" მწვრთნელს გადააყენებს
ქართველი მსაჯები საბერძნეთის სუპერლიგის ბოლო ტურის მატჩს განსჯიან
ზურიკო წინ, დღეს ბუდუს ამბავი და პსჟ-ის ბოლო ტური
"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა
მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ
"ნიუკასლის" შემტევმა "ბაიერნთან" პირადი კონტრაქტი შეათანხმა