- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სანდრო კობახიძე: "არსენალში" ქართველობის გამო ხელი არ შემშლია
<p>23 წლის შემტევ ნახევარმცველს უკრაინელ "მეთოფეებთან" თამაში ნაკრებში დაბრუნების იმედს აძლევს <br> თებერვლის ბოლოს სანდრო კობახიძე კიევის "არსენალის" ფეხბურთელი გახდა. კიეველთა მთავარმა მწვრთნელმა იური ბოკალოვმა უკრაინელ "მეთოფეებში" ქართველი შემტევი ნახევარმცველის ჩარიცხვა ლამის ერთთვიანი დაკვირვების შემდეგ გადაწყვიტა. 23 წლის კობახიძე, რომლის ტრანსფერიც დნეპროპეტროვსკის "დნიპროს" ეკუთვნის, "არსენალში" ექვსი თვე იჯარით ითამაშებს.</p><p>სანდროს ჩარიცხვამდე, ბოკალოვმა უკრაინულ "სპორტ-ექპრესთან" ასე დაახასიათა:"კობახიძემ შეკრებაზე თავი არც ისე ურიგოდ წარმოაჩინა. მის სამომავლო ბედს კლუბის პრეზიდენტთან ერთად განვიხილავთ. პირადად მე მსურს, რომ სანდრო "არსენალში" დარჩეს და ვფიქრობ, ასეც მოხდება."</p><p>როდესაც საბოლოოდ გადაწყდა, გასასინჯი ფეხბურთელებიდან ვის დაიტოვებდა, ბოკალოვმა ახალწვეულებით კმაყოფილება არ დამალა და, ცხადია, მათ შორის, კობახიძეც იგულისხმა:</p><p>"ვფიქრობ, აბსოლუტურად ყველა ახალწვეული გუნდს კარგად შეეწყო. ბიჭებმა კარგად გაიგეს რას ვითხოვ და გუნდს კარგად შეეწყვნენ. არადა, ყველა სხვადასხვა კლუბიდან დავიმატეთ და განსხვავებულ ფეხბურთს თამაშობდნენ. დარწმუნებული ვარ, ისინი "არსენალს" ძალიან წაადგებიან."</p><p>სანდრომ "მეთოფეებთან" რამდენიმე საკონტროლო შეხვედრა ჩაატარა და ყველგან აქტიური და სასარგებლო თამაშით გამოირჩეოდა. რაც მთავარია, "არსენალი" სოლიდური გუნდია, რაც სანდროს ნაკრებში დაბრუნების იმედს უძლიერებს.</p><p><strong>- მხოლოდ იჯარაზეა ლაპარაკი, თუ "არსენალს" შენი საბოლოო გამოსყიდვა სურს?</p><p></strong>- ჯერჯერობით შეთანხმება იჯარაზეა, მერე კი ვითარების შესაბამისად მოიქცევიან. თუმცა მწვრთნელი დაიტერესებულია, იჯარის დასრულების შემდეგ, საბოლოოდ "არსენალის" საკუთრება გავხდე.</p><p><strong>- რადგან აგიყვანა, გენდობა და თამაშის იმედიც გექნება.</p><p></strong>- რა თქმა უნდა, იმედიანად ვარ, მაგრამ ასპროცენტიან გარანტიას ვერავინ მომცემს, რადგან "არსენალში" საკმაოდ ძლიერი ფეხბურთელები არიან, ყველა პოზიციაზე დიდი კონკურენციაა და ყოველ ტურში მომიწევს იმის დამტკიცება, რომ თამაშს ვიმსახურებ.</p><p>თუმცა ორი დღის წინანდელმა ლაპარაკმა ძალიან დამაიმედა. საქმე ისაა, რომ იური ბოკალოვმა დამიბარა და მითხრა, მომწონს შენი თამაში და ყველა შეხვედრისთვის განსაკუთრებული მონდომებით მოემზადე, თავის გამოჩენის შანსს აუცილებლად მოგცემო. ნდობას შეკრებაზეც ვგრძნობდი, მაგრამ როდესაც ამ ყველაფერს მწვრთნელი პირადად გეუბნება, დიდი სტიმულია.</p><p><strong>- ზავაროვის მწვრთნელობის დროიდან მოყოლებული, "არსენალი" უკრაინელებისთვის არატიპურ ტექნიკურ ფეხბურთს თამაშობდა. გუნდს სტილი დღემდე არ შეუცვლია?</p><p></strong>- დიახ, ტექნიკურ და კომბინაციურ ფეხბურთს ვთამაშობთ და ეს ძალიან მახარებს. გამოცდილი ფეხბურთელები გვყავს და მართალია, პირველი წრის შემდეგ გუნდი მეშვიდე ადგილზეა, მაგრამ ევროთასებზე გასვლის საკმაოდ დიდი შანსი გაგვაჩნია.</p><p><strong>- "არსენალის" სტილზე შეგნებულად გკითხე, ვფიქრობ, შენნაირი ფეხბურთელი</strong><strong>სთვის ეს მნიშვნელოვანი ფაქტორია.</p><p></strong>- სხვათა შორის, ბოლო წლებში უკრაინაში ლობანოვსკის სტილში, ფაქტობრივად, აღარავინ თამაშობს. გუნდების უმრავლესობა ტექნიკურ ფეხბურთს აჩვენებს, რადგან ამ ქვეყნის ჩემპიონატის დონე ძალიან გაიზარდა. "არსენალი" კი, რაც მახსოვს, სულ ტექნიკურ ფეხბურთს თამაშობდა.</p><p>იგივეს ცდილობდა იური მაქსიმოვი "კრივბასში", მაგრამ მის სათამაშო სქემაში განაპირა ნახევარმცველების ადგილი არ იყო და ამიტომაც ვერ მოძებნა შემადგენლობაში ჩემი ადგილი. ეტყობა, თვლიდა, რომ ჩემნაირი მოთამაშე "კრივბასისთვის" სასარგებლო ვერ ვიქნებოდი. თუმცა სეზონის დასაწყისში სისტემატურად მათამაშებდა.</p><p><strong>- ეთ</strong><strong>ანხმები აზრს, თითქოს ბოლო წლებში ქართული ფეხბურთის კრიზისმა მის მიმართ უცხოეთში აგდებული დამოკიდებულება ჩამოაყალიბა და ეს ბევრ ჩვენს მოთამაშეს თავის დამკვიდრებაში უშლის ხელს?</p><p></strong>- შესაძლოა, ასეთი რამ მართლა ხდება, მაგრამ "არსენალში" არ აინტერესებთ, რომელი ქვეყნიდან ხარ, მთავარია გახვიდე მოედანზე და ითამაშო. ყოველ შემთხვევაში, მე ქართველობის გამო ხელი არ შემშლია.</p><p><strong>- "არსენალში" ხომ ფლანგზე გათამაშებენ?</p><p></strong>- დიახ, მარცხენა ფლაგზე ვთამაშობ.</p><p><strong>- ანუ "არსენალი" შენთვის ყველანაიარდ მისაღები გუნდია?</p><p></strong>- რაღა დაგიმალოთ და ვფიქრობ, რომ საჩემო გუნდს მივაგენი. თუმცა ნაადრევად ლაპარაკი მაინც არ მინდა, დრო ყველაფერს უკეთესად გამოაჩენს.</p><p><strong>- გუნდს ადვილად შეეწყვე?</p><p></strong>- უპრობლემოდ, მწვრთნელებსაც და ფეხბურთელებსაც, ერთმანეთს იოლად ვუგებთ.</p><p><strong>- უკრაინული მედია წერდა, სერბულ "იაგოდინასთან" საკონტროლო მატჩში მეტოქემ ცხვირი გაუტეხა</strong><strong>ო, არადა, ერთ კვირაში ითამაშე. მოედანს ასე სწრაფად როგორ დაუბრუნდი?</p><p></strong>- სისხლი წამომივიდა და მაგრად მეტკინა, მაგრამ აღმოჩნდა, რომ ცხვირი გატეხილი არ მქონდა. თან სერბებთან შეხვედრის შემდეგ შეკრება დაგვიმთავრდა, დასვენების დროს ვიმკურნალე და ერთ კვირაში ვარჯიში ამიტომაც დავიწყე.</p><p><strong>- მოსამზადებელ ეტაპზე ყველაზე დასამახსოვრებელი რომელი შეხვედრა იყო?</p><p></strong>- ბოლო შეხვედრა ისრაელის ახალგაზრდულ ნაკრებთან, რომელიც რამათ-განის ცენტრალურ სტადიონზე ვითამაშეთ. ეს იყო ჩვენი ბოლო საკონტროლო შეხვედრა. 3:0 კი მოვიგეთ, მაგრამ ებრაელი ახალგაზრდები ძალიან მომეწონა, პერსპექტიული ბიჭები ჰყავთ, თამაშს საკმაოდ ბევრი ხალხიც დაესწრო და შეხვედრაც ლამაზი და დაძაბული გამოდგა.</p><p>ისრაელის პირველი ლიგის კლუბ თელ-ავივის "შემშონთან" მატჩიც დამამახსოვრდა, რომელიც პირველი ტაიმის ბოლო წუთზე ჩხუბის გამო ჩაიშალა. 2:1-ს ვიგებდით, მასპინძლებს არაფერი გამოსდიოდათ და ძალიან უხეშობდნენ. არადა, შეხვედრას ადგილობრივი მსაჯობდა და ყველაფერზე თვალს ხუჭავდა. პირველი ტაიმის ბოლოს მცველი ჩემ გუნდელს კიდევ ერთხელ ეუხეშა, მანაც ვერ მოითმინა, წაკინკლავდა და ეს ბოლოს დიდ გუნდურ ჩხუბში გადაიზარდა. ამას ვინ ჩივის, ხალხი ტრიბუნებიდან ჩამოვარდა და ჩვენ მწვრთნელს შეეშინდა, უარესი არ მოხდესო და თამაში ჩაიშალა, მის გაგრძელებას აზრი არც ჰქონდა.</p><p><strong>- "არსენალში" თებერვლის დასაწყისში დაიმატეს მეკარე ვლადისლავ ჩანგელია, რომელიც ერთი ხანობა "ამერში" ირიცხებოდა. ასეთი კარგი მეკარეა?</p><p></strong>- დიახ, საკმაოდ ნიჭიერი მეკარეა და ვუთხარი კიდეც, საქართველოში ფეხი როგორ ვერ მოიკდე-მეთქი. ეს მართლა ძალიან მიკვირს, ალბათ, იმ დროს ხელი რაღაცამ შეუშალა, მაგრამ ფაქტია, რომ ძლიერი და პერსპექტიული მეკარეა.</p><p><strong>- "არსენალის" დუბლების ფეხბურთელის, ირაკლი მამფორიას თამაში თუ გინახავს?</p><p></strong>- პირადად არ ვიცნობ, მაგრამ "არსენალში" ყველა აქებს, ნიჭიერი ბავშვი არისო. მე მხოლოდ ერთხელ ვნახე მამფორიას თამაში და მართლა ძალიან მომეწონა, საკმაოდ ტექნიკური გამთამაშებელია. თუმცა "არსენალის" დუბლებისთვის გაიზარდა და სათამაშო პრაქტიკისთვის პირველლიგელ ახტირკის "ნეფტიანიკში" იჯარით გაუშვეს.</p><p>.</p>
მამარდაშვილის მწვრთნელს გაუშვებენ? - ფაბრიციო რომანო "ლივერპულის" გადაწყვეტილებაზე
"დავბრუნდი, რათა..." - მესი მოულოდნელად განახლებულ "კამპ ნოუს" ეწვია
"11 ადამიანის 12-ის წინააღმდეგ თამაში ძალიან რთულია" - "ლიონისა" და პსჟ-ის მატჩში მსაჯობას დიდი სკანდალი მოჰყვა
"ბარსელონას" ვარსკვლავი შეიძლება თურქულ გუნდში გადაბარგდეს
[სიმბოლური ნაკრები. ეროვნული ლიგა. XXXII ტური] იონსენის "პოკერი", ანუ როცა მოდუნება წამითაც არ შეიძლება...
"რეალი" თავდამსხმელს იჯარით "ლიონში" გაუშვებს
"ფულჰემმა" შესაძლოა, მთავარი მწვრთნელი გაათავისუფლოს
უკვე ვარიანტი აქვს - დიდიე დეშამი საფრანგეთის ნაკრებიდან შესაძლოა, საუდის არაბეთში წავიდეს
U21 | საბერძნეთი V საქართველო - პირველი ვარჯიში ათენში
16-წლამდელებმა ნოემბრის შეკრება გამარჯვებით დაასრულეს
ლევანდოვსკიმ შეიძლება კარიერა დაასრულოს
ნაკრები ესპანეთთან და ბულგარეთთან მატჩებისთვის სრული შემადგენლობით ემზადება
18 წ. | ჩეხეთისთვის 26 შეირჩა
"ატალანტას" რაფაელე პალადინო გაწვრთნის
ოფიციალურად: დუდა სანაძე კარიერას ესპანეთის ჩემპიონატში გააგრძელებს
დე ლა ფუენტეს იამალის ნაცვლად თბილისში 28 წლის თავდამსხმელი მოჰყავს
"მილანი" მოდრიჩთან კონტრაქტის გაგრძელებას აპირებს
ოფიციალურად: იამალი საქართველოსთან მატჩს გამოტოვებს
მახაჩევის საუკეთესო ხუთეული: ილია მე-5, მერაბი P4P-ს მიღმა, ისლამი 1-ლი
"ბარსელონამ" მწვრთნელი გაათავისუფლა - პასკუალის დაბრუნება?
“ა” ლიგის საკვალიფიკაციო ტურნირისთვის რეგისტრაცია დაიწყო
"ჩვენ ერთად თამაშიც შეგვიძლია" - ეკიტიკემ ისაკის შესახებ ისაუბრა
"პრემიერლიგის სეზონის საუკეთესო ტრანსფერია" - უეინ რუნიმ "სანდერლენდის" ფეხბურთელი გამოარჩია