"მეგონა, რომ ასეთ მატჩებში უფრო გადამწყვეტი იქნებოდა" - კასანომ "კვარაზე" ისაუბრა

ვეტერანმა ფეხბურთელმა ანტონიო კასანომ Bobo TV-ის ეთერში ჩემპიონთა ლიგის 1/4 ფინალში "მილანისა" და "ნაპოლის" (1:0) დაპირისპირებაზე ისაუბრა. მისი თქმით, "როსონერისთან" მატჩში ხვიჩა კვარაცხელიასა და სტანისლავ ლობოტკასგან უფრო მეტის მოლოდინი ჰქონდა.

"ნაპოლიმ" კარგად ითამაშა, წაგებას არ იმსახურებდნენ, მათ შესანიშნავი მომენტები ჰქონდათ. "პარტენოპეის" ოსიმენის გარეშე თამაში უჭირს. მეგონა, რომ "კვარა" და ლობოტკა უფრო მნიშვნელოვან როლს ითამაშებდნენ. ვიქტორი მეტოქის ნახევარმცველებს თავისკენ იტყუებს, თანაგუნდელების კარგ თამაშს სწორედ ნიგერიელი განაპირობებს.

დარწმუნებული ვარ, შემდეგ ეტაპზე სპალეტის გუნდი გავა.

ამბობენ, რომ რაფაელ ლეაო ჩემპიონი და ფენომენია, თუმცა პორტუგალიელი მცველებს საერთოდ არ ეხმარება, ეს კი მაბრაზებს. "ნაპოლის" პრობლემები არა ლეაომ, არამედ ბრაჰიმ დიასმა შეუქმნა" - განაცხადა კასანომ.

შეგახსენებთ, გუნდებს შორის განმეორებითი მატჩი 18 აპრილს თბილისის დროით 23:00 საათზე გაიმართება.

"ადრე დიდებული მწვრთნელი იყო, დღეს კი აღარაფერს წარმოადგენს" - კასანომ მოურინიოზე ისაუბრა

კასანო: სპალეტი "ნაპოლიში" მეტს ვერ მიაღწევს

"კვარა" თუ ოსიმენი? მე სხვას ვირჩევ" - კასანომ "ნაპოლიზე" ისაუბრა