უკრაინის თასის ფინალში „შახტარმა“ „ვორსკლა“ 2:1 დაამარცხა და მეთოთხმეტედ მოიპოვა ტიტული.
დონეცკური გუნდი მე-40 წუთზე დაწინაურდა, როდესაც ირაკლი აზაროვმა ჩინებული პასი გაუკეთა დანილო სიკანს და მან თავურით დალაშქრა პოლტაველთა კარი. შესვენების შემდეგ მეტოქეს მეორე გოლი ეფიმ კონოპლიამ გაუტანა. 85-ე წუთზე კი ანგარიში "კოლხეთისა" და "დილას" ყოფილმა თავდამსხმელმა ნიკოლა კოვტალიუკმა შეამცირა.
ასე და ამრიგად, „შახტარმა“ მიმდინარე სეზონში ოქროს დუბლი გაიფორმა.
„მეშახტეთა“ რიგებში აზაროვმა შეუცვლელად ითამაშა, ხოლო გიორგი გოჩოლეიშვილი სათადარიგო იყო.
„შახტარი“ მომდევნო მატჩს 19 მაისს ჩემპიონატზე „დნიპრო 1“-თან ჩაატარებს.
როვნო. „ავანგარდი“
ვორსკლა -შახტარი 1:2
გოლები: 0:1 სიკანი (40), 0:2 კონოპლია (56), 1:2 კოვტალიუკი (85)
აზაროვი და გოჩოლეიშვილი "შახტართან" ერთად უკრაინის ჩემპიონები გახდნენ [VIDEO]
![აზაროვი და გოჩოლეიშვილი "შახტართან" ერთად უკრაინის ჩემპიონები გახდნენ [VIDEO]](/pictures/image7/d288892024e4b96f876b29cb3269487e.jpg "აზაროვი და გოჩოლეიშვილი \"შახტართან\" ერთად უკრაინის ჩემპიონები გახდნენ [VIDEO]")
