გიორგი დარასელია: მდგომარეობა რთულია, მაგრამ გამოსწორება შეიძლება

AutoSharing Option
ეროვნული ლიგის საზაფხულო შესვენებაზე გუნდებში დიდი საკადრო ცვლილებები მოხდა. განსაკუთრებით მტკივნეულად ეს გორის "დილას" შეეხო. ლიდერები ისრაელში წავიდნენ - ბრაზილიელი ლეანდრო რიბეირო უმაღლეს ლიგაში აღზევებულ ნეთანიას "მაკაბიში" გააგრძელებს კარიერას, თენგიზ წიქარიძე - პირველი ლიგის ფეთაჰ-თიკვას "ჰაპოელში" ერთწლიანი იჯარით ითამაშებს, ხოლო რომარიკ ეტუ თელ-ავივის "ბეითარ რამალაში" მიიწვიეს.

სამაგიეროდ, ბრაზილიურ კლუბ "ამერიკიდან" მოვიდა პედრინიო, ასევე - გიორგი ბეგაშვილი, ოთარ კუსიანი, ჭიაბერ ჭეჭელაშვილი, ანდრო სოფრომაძე, თამაზ კიკაბიძე და იმედა აშორტია.

გუნდიდან წასულები რა ძალასაც წარმოადგენდნენ, ეს მეორე წრეში გამოჩნდა, როცა "დილამ" 3 მატჩი ჩაატარა და სამივე წააგო. გუნდის მთავარი მწვრთნელი გიორგი დარასელია ამბობს, რომ მთავარი საკადრო პრობლემებია.

"ჩემი ხელმძღვანელობით გუნდმა ჯერ ვერ მოიგო. საჩხერის "ჩიხურასთან" 2:4 წავაგეთ, შემდეგ ბათუმის "დინამოსთან" - 1:2 და ბოლოს თბილისის "დინამოსთან" - 0:5.

ყველაფრის თავი და თავი საკადრო პრობლემებია. პირველ თამაშში, წასულების, დისკვალიფიცირებულებისა და ტრავმირებულების ჩათვლით, 9 კაცი დაგვაკლდა. მაღალი კლასის ფეხბურთელები წავიდნენ გუნდიდან და
You must have Flash Player installed in order to see this player.
სამწუხაროდ, მათი ტოლ-სწორი შემცვლელების დროულად მოძიება ვერ მოხერხდა. ამ პერიოდში თავისუფალი აგენტების მოძებნა საერთოდ ჭირს ხოლმე", - ამბობს დარასელია.

ცხადია, ეს მიზეზები გასათვალისწინებელია, მაგრამ მეორე მხრივ, გულშემატკივარს, პირველ რიგში, შედეგი აინტერესებს. დარასელიას თქმით, ამ მიზნით უახლოეს დღეებში "დილას" სამი ლეგიონერი შეუერთდება:

"საკადრო პრობლემების მოსაგვარებლად, მალე გუნდში სამ ლეგიონერს დავიმატებთ. ერთი უკვე ჩამოვიდა და ვარჯიშობს, ორსაც ველოდებით. ერთი მარცხენა მცველია, მეორე - ცენტრალური ნახევარმცველი, მესამე კი ფლანგის თავდამსხმელი. ის ორი მოთამაშეც მალე ჩამოვა".

- გორის "დილამ" ფეხბურთელი "ნიუ იორკ კოსმოსიდან" დაიმატა

დარასელია ეთანხმება იმ აზრს, რომ ბოლო წაგებების შემდეგ "დილა" კატასტროფულ მდგომარეობაშია:

"მდგომარეობა რთულია, მაგრამ გამოსწორება შეიძლება. მე იმის მეიმედება, რომ ამ სამი ახალწვეულის გარდა, ტრავმირებულებიც მალე დაგვიბრუნდებიან".

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.
სიახლეები პოპულარული
ეროვნული ლიგა 2017
#
გუნდი
1
დინამო (თბ)
22
16
2
4
39
50
2
ტორპედო
22
13
5
4
15
44
3
სამტრედია
23
13
5
5
12
44
4
ლოკომოტივი
22
10
3
9
8
33
5
ჩიხურა
22
10
3
9
-4
30
6
საბურთალო
23
10
3
10
4
33
7
დინამო (ბთ)
23
8
2
13
-9
26
8
დილა
22
5
7
10
-9
22
9
კოლხეთი 1913
22
4
7
11
-18
19
10
შუქურა
23
2
5
16
-38
11