ლეგიონი გუშინ: საბა კვირკველიას გოლი და შურისძიება "რუბინთან" [VIDEO]

AutoSharing Option
რუსეთის პრემიერლიგაში V ტურის მატჩები გაიმართა.

მოსკოვის "სპარტაკმა" ტულის "არსენალს" უმასპინძლა. როგორც იქნა, ჩემპიონის მთავარმა მწვრთნელმა მასიმო კარერამ, წლევანდელ სეზონში პირველად, ძირითად შემადგენლობაში დააყენა ჯანო ანანიძე, რომელმაც ორჯერ ძალიან სახიფათოდ დაარტყა, მაგრამ ვერ გაიტანა. საქართველოს ნაკრების შემტევი ნახევარმცველი 65-ე წუთზე შეცვალეს.

"სპარტაკმა" კი ქუინსი პრომესისა და ზე ლუიშის გოლებით სეზონში მეორე გამარჯვება მოიპოვა - 2:0. ცნობილი მიზეზის გამო სტუმართა შემადგენლობაში არ იყო გია გრიგალავა, რომელმაც ოპერაცია გაიკეთა. "სპარტაკი" 8 ქულით VIII ადგილზეა.

* * *
ეკატერინბურგის "ურალმა" შინ ქულები დააკარგვინა სანკტ-პეტერბურგის "ზენიტს" - 1:1. მასპინძელთა შორის განაცხადში არ ყოფილა გიორგი ჭანტურია, რომელსაც ვირუსი შეჰყრია, თუმცა საშიში არაფერია.

* * *
მთავარი ამბავი - საბა კვირკველიამ ყაზანში თავისი ყოფილი კლუბის, "რუბინის" წინააღმდეგ პრინციპული თამაში ჩაატარა: საქართველოს ნაკრების მცველი სასტარტოში იყო. პირველ ტაიმში მან სამჯერ ძალზე სახიფათო მომენტი განმუხტა.

ყაზანელები 52-ე წუთზე კაცნაკლულნი დარჩნენ. ამის მიუხედავად, 62-ე წუთზე რიფათ ჟამალეტდინოვის გოლით მაინც დაწინაურდნენ, მაგრამ მატჩის კომპენსირებულ დროში, 92-ე წუთზე, კვირკველია თავდასხმაში წავიდა და საჯარიმოში ჩაწოდებულ ბურთს ახლო მანძილიდან კარში მიუჩინა ადგილი.
იხილეთ ვიდეო
Sportall.Ge

ამით მან ჯავრი იყარა "რუბინზე", სადაც მოსკოვში გადასვლამდე არ ათამაშებდნენ და ეს მატჩის კომენტატორმაც აღნიშნა:

"გოლი კვირკველიამ გაიტანა! ეს არის შურისძიება! ისეთი ამბავია, რომელსაც იმ ემოციებითა და ისეთი გამომეტყველებით აღნიშნავენ, რომელიც ახლა კვირკველიას აქვს! მას "რუბინთან" ბევრი რამ ჰქონდა დასამტკიცებელი. მართალია, ესპანელი მწვრთნელი ხავი გრასია, რომელსაც ქართველმა თამაშამდე "კლოუნი" უწოდა, ყაზანელებს აღარ წვრთნის, მაგრამ მაინც მნიშვნელოვანი მომენტია! სხვათა შორის, კვირკველიამ 5 ტურში უკვე მეორე გოლი გაიტანა, რაც მცველისთვის ფანტასტიკური შედეგია! ის ნამდვილი თავდამსხმელივით გაიხსნა და გაიტანა. "ლოკომოტივს" ამ შეხვედრაში სწორედ ასეთი ფორვარდი სჭირდებოდა", - ამბობდა კომენტატორი.

- "ლოკომოტივის" პრეზიდენტი: საბა რუსეთის ჩემპიონატის საუკეთესო ცენტრალური მცველია!

"ლოკომოტივმა" 13
You must have Flash Player installed in order to see this player.
ქულა დააგროვა და "ზენიტთან" ერთად პირველ-მეორე ადგილებს იყოფს.

* * *
მორიგი ტური გაიმართა რუსეთის პირველ დივიზიონშიც. თემურ ქეცბაიას "ორენბურგი" პირველ ტაიმში 2:0-ს უგებდა "როტორს", მაგრამ საბოლოოდ ფრეს (2:2) დასჯერდა. ორენბურგელთა რიგებში არ გამოჩენილა ელგუჯა ლობჯანიძე.

* * *
სლოვაკეთის თასის 1/64-ფინალში ტრნავის "სპარტაკმა" "იაჩოვეცი" 10:0 გაანადგურა და შემდგომ ეტაპზე გავიდა. მე-8 წუთზე გამარჯვებულები ვახტანგ ჭანტურიშვილმა დააწინაურა.
იხილეთ ვიდეო
Sportall.Ge

* * *
ზაქარია ბეგლარიშვილის გარეშე (დაასვენეს) "ფლორამ" ესტონეთის თასის 1/16-ფინალში "ნარვას" 8:0 სძლია.

* * *
სათასო ბატალიები ყველაზე უიღბლო გიორგი მერებაშვილის "პლოცკისთვის" აღმოჩნდა. ქართველის გუნდი პოლონეთის თასის 1/16-ფინალში კრაკოვის "ვისლასთან" დამარცხდა (1:2) და ასპარეზობას გამოეთიშა. მერებაშვილი მოედანზე შეხვედრის მიწურულს, 90-ე წუთზე გამოჩნდა.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 7 /
ანგარიშების საიტს რო ვხსნიდი მეთქი ეხლა საბას რო გაეტანა და თანაც ბოლო წუთზე თქო და.. ისე აგიხდა ყველაფერი. მაგრად გამისწორდა რაა!!!
luk
10 აგვისტო 2017 22:02
0
დესაის გოლი გამახსენდა ბარსას კარში, ძალიან არ ჰგავს, მაგრამ ფეხის მოძრაობა ზუსტად ისეთია, სწორედ ბარსას არ აწყენდა ეს ბიჭი, პიკეს ბევრად სჯობია, არა მსოფლიო ჩემპიონ პიკეს, ახლანდელს?
Bmb
10 აგვისტო 2017 14:46
0
გენაცვალე საბა, მე განვიცადე სასწაული ემოციები შენს გოლზე და წარმომიდგენია შენს გულში რა ხდებოდა! ეგრე უნდათ მაგ დაუფასებელ ღორებს! ნადმვილად საუკეთესო მცველი ხარ რუსეთის ჩემპიონატში, უნრალოდ უფრო მეტს იმსახურებ და თავისფულად ითამაშებდი წამყვან ლიგაში.

პ.ს ნამდვილი გვარი კვირკველიაა, როგორც ვიცი პასპორტში შეცდომით უწერია კვერკველია და მაგიტომ რუსეთში დარეგისტრირებულია როგორც კვერკველია.
dato
10 აგვისტო 2017 13:13
0
რუსები წერენ Кверквелия. კვირ თუ კვერ?
ჯონდო
10 აგვისტო 2017 12:58
0
საბა რამოსი, კარგი შეხამებაა,
zviadi
10 აგვისტო 2017 12:30
0
გენაცვალე!!!
აი ასე გულიანად და მონდომებით!
დინამო ბათუმი
10 აგვისტო 2017 10:52
0
გამოიღეო, ფაქტიურად უთხრა :)))
Irakli apkhaidze
10 აგვისტო 2017 09:53
0
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სიახლეები პოპულარული