[ლეგიონის უქმეები] ცხრა გოლი, ჯანოს და ჯაბას ტიტულები [VIDEO]

AutoSharing Option
ეს უქმეები ქართველი ლეგიონერებისთვის "მოსავლიანი" გამოდგა - ჩვენებურებმა 9 გოლი გაიტანეს, ჯანო ანანიძემ და ჯაბა ჯიღაურმა კი ჩემპიონის ტიტულები მოიპოვეს...

იტალია, სერია A.
ტრავმირებული ლევან მჭედლიძის გარეშე მოთამაშე "ემპოლიმ" "ბოლონიას" 3:1 მოუგო, თუმცა გასავარდნ ზონაში მყოფ "კროტონესთან" სხვაობა ვერ გაზარდა - 3 ტურით ადრე 4 ქულით უსწრებს მას.

იტალია, ლეგა პრო.
ტრავმის გამო არ უთამაშია "ემპოლის" აღზრდილ ირაკლი შეყილაძესაც, რომლის "ტუტოკუოიო" შინ "რენატეს" დაუზავდა - 2:2.

ესპანეთი, ლა ლიგა 1|2|3.
გიორგი აბურჯანია "სევილიას" დუბლებში განაცხადში არ ყოფილა, ანდალუსიელებმა სტუმრად "მირანდესი"
დაამარცხეს - 1:0.

გერმანია, II ბუნდესლიგა.
აკაკი გოგიას (90 წთ) "დინამო" დრეზდენში "მიუნხენთან" 1:2 დამარცხდა. ჩვენებურს "შპორტალმა" 3 ბალი დაუწერა.

საფრანგეთი, ლიგა 2.
ჯაბა კანკავა კვლავ გარიყულია გუნდიდან. "რეიმსი" შინ 0:2 დამარცხდა "ორლეანთან" და ელიტაში დაბრუნების შანსი საბოლოოდ დაკარგა.

პორტუგალია, პრიმეირა.
გიორგი მაკარიძის "მორეირენშემ" უმნიშვნელოვანესი გამარჯვება მოიპოვა "ბრაგასთან" - 2:1. ქართველი მასპინძელთა კარში იდგა, მის ანგარიშზე 2 "სეივია".

პორტუგალია, სეგუნდა.
რომან ჭანტურიას "ოლიანენსი" უკვე გავარდნილია სეგუნდადან, ამ ტურში მისმა გუნდმა სტუმრად "სანტა კლარასთან" 0:3 დათმო.

წააგო ავთო ებრალიძის "ჟილ ვისენტემაც", რომელმაც "ფაფესთან" 1:3 დათმო. ავთოს არ უთამაშია.

ჰოლანდია, ერედივიზიე.
თასის მფლობელმა "ვიტესმა" სტუმრად "უტრეხტთან" 0:1 წააგო, კაპიტანმა გურამ კაშიამ შეუცვლელად ითამაშა.

თურქეთი, I ლიგა.
სანდრო კობახიძემ სათადარიგოთა სკამიდან უყურა "მერსინისა" და "გიოზთეფეს" საოცარ თამაშს (5:6). ქართველის გუნდი 4:0 დაწინაურდა, მაგრამ მასპინძლებმა გათანაბრება შეძლეს, თუმცა ბოლოს მაინც ელიტაში დაბრუნებისთვის მებრძოლმა "გიოზთეფემ" იმარჯვა.

ავსტრია, ბუნდესლიგა.
თავი გამოიჩინა გიორგი ქვილითაიამ, რომელმაც მე-8 და მე-11 წუთებზე გაუტანა "ვოლფსბერგერს". თამაში "რაპიდმა" საბოლოოდ 4:0 მოიგო, ჩვენებური კი 81-ე წუთზე გამოცვალეს. 23 წლის ფორვარდმა ბუნდესლიგაში მეორე დუბლი შეასრულა, სულ კი მის ანგარიშზე უკვე 7 გოლია.
იხილეთ ვიდეო
Sportall.Ge

დანია, სუპერლიგა.
დავით სხირტლაძე სათადარიგო იყო, მისმა "სილკებორგმა" კი სტუმრად 1:0 დაამარცხა "ოლბორგი".

მათე ვაწაძემ 72-ე წუთამდე ითამაშა ყოფილ გუნდ "ორჰუსთან", მერე კი შეცვალეს. "ვიბორგი" 0:1 დამარცხდა.

ქართველთა კიდევ ერთი გუნდი, "ესბიერგი" დღეს თამაშობს "ოდენსესთან".

პოლონეთი, ექსტრაკლასა.
გიორგი მერებაშვილის "პლოცკმა" სტუმრად 3:2 მოუგო "ლენჩნას", სადაც ნიკა ძალამიძე (არ უთამაშია) ირიცხება. მერებაშვილმა 68-ე წუთამდე ითამაშა, მის ანგარიშზე ერთი საგოლე პასია.
იხილეთ ვიდეო
Sportall.Ge

ვაკო ყაზაიშვილის (არ უთამაშია) "ლეგიამ" სტუმრად 2:0 მოუგო მათე ცინცაძის (სათადარიგო) "პოგონს".

ლუკა ზარანდიას "არკა" სტუმრად დღეს ეთამაშა "კრაკოვიას".

შვედეთი, ოლსვენსკანი.
ზურაბ ცისკარიძის (90 წთ) "ესკილსტუნა" სტუმრად "იონკოპინგთან" 0:1 დამარცხდა.

კვიპროსი, I დივიზიონი.
ირაკლი მაისურაძის (90 წთ) "ერმისმა" 3:0 მოუგო "ნეა სალამინას".

ნიკა კაჭარავას მორიგმა გოლმა "ახნასს" ქულა შეუნარჩუნა "არისთან" მატჩში - 1:1. ქართველმა ფორვარდმა შეუცვლელად ითამაშა, აი, მისი გუნდელი გიორგი ილურიძე კი სათადარიგო იყო. 23 წლის კაჭარავამ უკვე 15 გოლი გაიტანა კვიპროსის ჩემპიონატში.
იხილეთ ვიდეო
Sportall.Ge

სლოვაკეთი, ფორტუნალიგა.
გიორგი ბერიძის "ტრენჩინი" შინ "ტრნავასთან" 3:4 დამარცხდა. ქართველ ლეგიონერს, რომელმაც შეუცვლელად ითამაშა, ამჯერად თავი არ გამოუჩენია.

უნგრეთი, OTP ბანკ ლიგა.
ბუბა დაუშვილის (81-ე წუთზე გამოჩნდა) "დიოშდიორი" სტუმრად 1:1 დაუზავდა "დირმოტს".

ფინეთი, იუკონენლიგა.
სეზონი გამარჯვებით დაიწყო ირაკლი სირბილაძის კპვ-მ, რომელმაც შინ 2:1 მოუგო ტპს-ს. ამ მატჩში 92-ე წუთზე გამარჯვების გოლი ქართველმა ვეტერანმა გაიტანა, რომელმაც შემდეგ გადამეტებული ზეიმისთვის ყვითელი ბარათი მიიღო.

მაკედონია. I ლიგა.
ჯაბა ჯიღაური მაკედონიის ჩემპიონი გახდა. "ვარდარმა" 6:0 მოუგო "მაკედონიას". ჩვენებური სათადარიგო გახლდათ.

რუსეთი, პრემიერლიგა.
ჯანო ანანიძემ რუსეთის თასს ("როსტოვის" რიგებში) ჩემპიონობაც დაუმატა - მისი "სპარტაკი" ნაადრევად გახდა ქვეყნის ჩემპიონი. ჯანო "ტომსკთან" 1:0 მოგებულ მატჩში 58-ე წუთზე გამოჩნდა მოედანზე.

"ორენბურგს" 1:0 მოაგებინა "კრასნოდართან" ელგუჯა ლობჯანიძის პირველმა გოლმა რუსეთში. ჩვენებურმა შეუცვლელად ითამაშა. წაგებულთა რიგებში კვლავ ვერ თამაშობს ტრავმირებული თორნიკე ოქრიაშვილი.
იხილეთ ვიდეო
Sportall.Ge

გია გრიგალავას
არ უთამაშია, მისმა "არსენალმა" 1:0 მოუგო "როსტოვს".

საბა კვირკველიას "ლოკომოტივი" დღეს სტუმრობს "ანჟის", ხოლო ჯიმი ტაბიძისა და გიორგი ჭანტურიას "ურალი" გიორგი ლორიას "კრილია სოვეტოვს" მასპინძლობს.

რუსეთი, I ლიგა.
მამუკა კობახიძის (არ უთამაშია) "ნეფტეხიმიკი" შინ 0:2 დამარცხდა "ტოსნოსთან".

უკრაინა, პრემიერლიგა.
ვახტანგ ჭანტურიშვილის (სათადარიგო) "ოლექსანდრია" კიევში "დინამოსთან" 0:6 განადგურდა.

ჯაბა ლიპარტიას (90 წთ) "ზორია" "შახტართან" 2:3 დამარცხდა.

ყველასთვის მოულოდნელად, ითამაშა ხელმოტეხილმა დავით ხოჭოლავამ, რომლის "ჩერნომორეციც" სტუმრად "ოლიმპიკთან" დამარცხდა - 0:1. ჩვენებური მე-80 წუთზე გააძევეს.

ბელორუსი, ვისშაია ლიგა.
გიორგი ქანთარიას (90 წთ, გააფრთხილეს) "ნემანმა" სტუმრად 3:0 დაამარცხა "დნეპრი".

ვაკო გვილიამ სეზონში პირველი გოლი გაიტანა, მისმა ბატე-მ სტუმრად 6:0 გაანადგურა "სლავია". გვილიამ მეორე ტაიმი ითამაშა. წაგებულთა რიგებში შეუცვლელად გაისარჯა ოთარ ჯავაშვილი.
იხილეთ ვიდეო
Sportall.Ge

ესტონეთი, მეისტრილიგა.
ზაქარია ბეგლარიშვილმა ჩემპიონატში მე-4 გოლი გაიტანა, მისმა "ფლორამ" კი "ტულევიკი" 7:0 გაანადგურა. ჩვენებური გოლის მერე მალევე, 69-ე წუთზე შეცვალეს.
იხილეთ ვიდეო
Sportall.Ge

აზერბაიჯანი, თასი.

ამ სეზონში ქართველ ლეგიონერთა სათასო ტიტულებს კიდევ ერთი ვერ მიემატა - ნიკა კვეკვესკირის "გაბალა" ფინალში "ყარაბაღთან" 0:2 დამარცხდა.

ყაზახეთი, პრემიერლიგა.
კახა ცხადაძის ქაირათმა" სეზონში პირველი მარცხი იწვნია. "ატირაუმ" 2:1 აჯობა "ქაირათს" და გამარჯვების გოლი მასპინძელთა რიგებში ლადო დვალიშვილმა გაიტანა. ეს ჩვენებურის პირველი გოლია ჩემპიონატში. დვალიშვილმა და უჩა ლობჟანიძემ შეუცვლელად ითამაშეს.
იხილეთ ვიდეო
Sportall.Ge

ლაშა დვალის პირველმა გოლმა ყაზახეთში "ირტიშს" სტუმრად 1:0 მოაგებინა "შახტიორთან" დაპირისპირებაში.
იხილეთ ვიდეო
Sportall.Ge

ოთარ მარცვალაძის (35-ე წუთზე გამოჩნდა) და გოგიტა გოგუას (სათადარიგო) "ორდაბასიმ" 3:0 მოუგო "აკჟაიკს".

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 5 /
მაგრად გაგვიმანძეს ყაზაიშვილი პოლონეთში, ეს რომ რუსეთში ვინმეს გაეკეთებინა ჩვენი ნაკრების რომელიმე წამყვანი ფეხბურთელისთვის რას გვიშვებიან რუსებიო ავყვირდებოდით. ეგეც თქვენი მოძმე ევროპა! ვეღარ გავიგეთ რომ ევროპაც იგივე იმპერიალისტია როგორც რუსეთი.
gigo
10:42 09-05-2017
0
ყაზაიშვილი ვაფშე გააგდეს ლეგიადან
nugzari
09:18 09-05-2017
0

ასევე დაგაინტერესებთ
სიახლეები პოპულარული