"შახტარი": დიახ, გიორგი არაბიძის ტრანსფერზე მოსკოვის "ლოკომოტივი" გველაპარაკება

AutoSharing Option
დონეცკის "შახტარმა" ნამდვილად მიიღო გიორგი არაბიძის ტრანსფერთან დაკავშირებით მოსკოვის "ლოკომოტივისგან" წინადადება.

ინფორმაცია, რომელიც ცოტა ხნის წინ საქართველოს ნაკრების ფეხბურთელის აგენტმა მიხაილ მეტრეველმა სოციალური ქსელით გაავრცელა, უკრაინული კლუბის გენერალურმა დირექტორმა სერგეი პალკინმა ახლახან პრესკონფერენციაზე დაადასტურა.

- მოსკოვის "ლოკომოტივმა" "შახტარს" გიორგი არაბიძის ტრანსფერზე მიმართა

მეტრეველმა "ლოკომოტივისგან" არაბიძით დაინტერესების შესახებ 29 ივნისს დაწერა, მას შემდეგ კი მოლაპარაკებებზე აღარაფერი ისმოდა. და აი, როგორც ახლახან "შახტარის" გენდირექტორმა თქვა, მოსკოველებისგან წინადადება მართლაც მიიღეს, ოღონდ მოლაპარაკებათა პროცესი აუჩქარებლად მიმდინარეობს.

"დიახ, "ლოკომოტივმა" ნამდვილად მოგვმართა არაბიძის გადაბირებასთან დაკავშირებით, მაგრამ
ჯერ კონკრეტულს ვერაფერს მოგახსენებთ, მოლაპარაკებები როგორღაც დუნედ მიმდინარეობს", - თქვა პალკინმა.

შეგახსენებთ, რომ გიორგი არაბიძე "შახტარში" 2015 წლის ოქტომბერში, თბილისის "ლოკომოტივიდან" გადავიდა. არაოფიციალური ინფორმაციით, ტრანსფერი უკრაინულ გრანდს 650 ათასი ევრო დაუჯდა. ქართველმა ტალანტმა დონეცკელთა მთავარ გუნდში თავი ჯერჯერობით ვერ დაიმკვიდრა და ძირითადად, ახალგაზრდულ გუნდში გამოდიოდა.

ამჟამად არაბიძე საქართველოშია და 19-წლამდელთა ნაკრებთან ერთად ევროპის ჩემპიონატზე ასპარეზობს. რაც შეეხება მოსკოვის "ლოკომოტივს", ამ გუნდში ცოტა ხნის წინ საქართველოს ნაკრების მცველი საბა კვირკველია ჩაირიცხა.
მკითხველის კომენტარები / 19 /
...ერთხელ პატარა ბეკეკას, დასხცა და წყალი მოსწყურდა. ჩავიდა მორაკრაკე ნაკადულზე და, ბრახ! იქ უცებ მგელი გაჩნდა და დაუწყო პატარა ბეკეკას ჩალიჩი - წამოდი ჩემთან მოსკოვის "ლოკომოტივშიო".. ისეთ პირობებს დაგახვედრებთო, ისეთ მობიბინე ბალახებს მოძოვო და ისეთი მორაკრაკე ნაკადულები დაგხვდებაო, რომ...
iyo da ara iyo ra
21:27 08-07-2017
0
ეე ბიჭებო კაია ევროპა, რა სჯობს ლა ლიგას, იტალიას გერმანიას ინგლისს, მარა სადაა, დასვამენ იქ სკამზე, უკრაინიდან კიდე გარბიან ფეხბურთელები, გაფუჩტა იქ საქმე ნელ ნელა, ომი ყველაფერს ეხებააა, და თუ გადავა და ძირითადში იქნება არაა ცუდი, იქ მოუმატებს, მეორე რიგის ევროპის ჩემპიონატებს კი სჯობს რუსული, თან ამ ბოლოს განსაკუტრებით, თუ ივარგებს მაქედანაც გადავა. ერთი კია, უჯიშო და ბოროტი, შოვინისთი ერია რუსი და შეილება პრობლემები შეუქმნან მუქთათ ამით კი ნაკრებიც დაზარალდება და თვითონ ფეხბურთელიც. ისე არც ჰოლანდია, პორტუგალია, საფრანგეთი არაა ცუდი, თუ ექნა ვარიანტი და სკამზე ჯდომას თამაში სჯობს
vaso
14:29 08-07-2017
0

ასევე დაგაინტერესებთ
სიახლეები პოპულარული