ACB ლიგამ ესპანური კლუბების იმ კალათბურთელების სია გამოაქვეყნა, რომელთა მომავალი უახლოეს დღეებში უნდა გაირკვეს. სიაში არის "ანდორას" ცენტრფორვარდი გიორგი შერმადინი, რომელსაც დიდებული სეზონი ჰქონდა.წესი ასეთია - ახლა სხვა ესპანურ კლუბებს 12 დღე მიეცათ, რომ სიაში მყოფ ნებისმიერ კალათბურთელს კონტრაქტზე მოელაპარაკონ.
როგორც ვიცით, შერმადინით "უნიკახაა" დაინტერესებული, კიდევ ჭორის დონეზე "რეალზეც" ლაპარაკობენ. ასე რომ, ნებისმიერ კლუბს ამ ვადაში შეეძლება შერმადინთან კონტრაქტზე მოლაპარაკება.
თუმცა ამით ისტორია არ სრულდება. ამის შემდეგ კალათბურთელის კლუბს (შერმადინის შემთხვევაში, "ანდორას") 5 დღე მიეცემა იმისთვის, რომ შეთავაზებული კონტრაქტის
როგორც ესპანური წყაროები ამტკიცებენ, "ანდორას" შერმადინის გარშემო სურს გუნდის აშენება. ასე რომ, ის იბრძოლებს ქართველის შენარჩუნებისთვის, მაგრამ მედია ამ ბრძოლაში "ანდორას" დამარცხებას უწინასწარმეტყველებს.
